影片
電話號碼
23682799
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
斑蘭今日要介紹喺圓方商場水區入面有一間新加坡菜餐廳叫「斑蘭」，一入到去每個店員都用好親切嘅笑容迎接每一位食客，會問你想坐邊度，我即刻講方便你哋就得，下午茶時段都算爆場，我等咗唔夠五分鐘就已經可以入座，佢哋有一個套餐價錢都算幾親民，就係A+B+C只需要$98，簡單嚟講即係小食+主食+飲品，而且味道都算好正宗新加坡菜味道，大家如果經過圓方商場不妨試下啦！1.自家製腐乳蛋黃醬單骨牛油雞翼（4件）+新加坡大蝦喇沙摻摻+即磨咖啡$98（9.5/10）首先小食我就揀咗單骨牛油雞翼，呢個雞翼炸得好脆身，見到「牛油」呢兩個字唔好以為好油，完全炸得唔油膩，單骨雞翼食落又方便，正！主食就揀咗新加坡大蝦喇沙摻摻，湯底好正宗，又濃又香，唔會太辣，配料有2隻肉質彈牙鮮甜大蝦、3舊吸哂湯底嘅豆卜同4隻蜆，份量都算多，超正！飲品就揀咗即磨咖啡，唔會好苦，仲有就係比食客自己落糖！2.香茅烤雞肉串燒（2串）+招牌無骨海南雞 配油香飯+桔仔話梅水$98（9/10）首先小食我就揀咗2串香茅烤雞肉串燒，雞肉串燒唔會燒到肉質乾柴，雞肉肉質嫩滑，但係有少少咸，如果味道調較返好少少就好正啦！主食就揀咗招牌無骨海南雞飯-配油香飯，仲有附送一碗豬骨雞湯，呢碗湯有少少咸，至於海南雞未算好嫩滑，油飯就好唔錯！飲品就揀咗桔仔話梅水，飲落好清新，帶有少少咸味，好飲！3.海鹽雪糕粟米脆脆$42（10/10）另外叫咗甜品係海鹽雪糕粟米脆脆，呢個甜品插住兩條朱古力蛋捲，再加埋兩頭海鹽雪糕，海鹽雪糕唔會好甜，仲有雪糕上面放咗唔少小朋友最鍾意嘅粟米脆脆，呢個甜品就作為我今次新加坡菜之旅嘅總結，非常美滿！2人總共價錢$261.8，其他有加一服務費！個人口味總評分：9.5/10地址：尖沙咀柯士甸道西1號ELEMENTS圓方水區1樓1044-1045號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#斑蘭 #新加坡菜 #尖沙咀好去處 #尖沙咀 #尖沙咀美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
今日去做學校義工幫手睇住同學仔～參觀完之後我就冇跟車返去…走去呀哥公司附近約佢去食嘢🤩佢帶我食好西😃食物下午茶餐A+B+C=$98 😆腐乳蛋黃醬單骨牛油雞翼呢個真心推介！真係堅好食🤤脆脆嘅雞翼一點上腐乳醬～～少少咸又creamy嘅質感…幸福到暈🫶🏻我哋係share黎食～職員行過見到😅佢就好快俾多2隻碟我哋啲碟真係好靚💕炒貴刁有少辣～但好惹味！最欣賞係佢個腸仔，油份高又好Juicy！喇沙摻摻好足料！有2隻大蝦，4隻峴🫶🏻啲豆卜好入味～佢個辣同椰奶香非常之濃！水果冰茶呢個好好味～荔枝角紅茶！一路食麵一路要飲凍嘢😂青檸梳打串燒拼盤真係必食🔥荔枝燒帶子！好鮮甜😃好驚喜香茅雞串又好惹味黑毛豬腩肉嘅肉質鮮嫩～脂肪脆脆香口😆其他呢到嘅裝修都好打卡able~野又好食😋所以teatime都會坐full…不過個場夠大，我哋都係等咗5分鐘左右，非常之快！
繼續閱讀
今日有朋友生日，聽朋友介紹呢間新餐廳好好食，而且環境都好好，咁就一於嚟試吓啦。呢間餐廳嘅環境非常優雅同舒適，店內嘅氣氛令人感到放鬆。同朋友一齊黎呢度食飯，真係一個絕佳嘅選擇。當晚我哋點咗幾道特別嘅菜式，每一道都帶畀我哋唔同嘅驚喜。首先，登場嘅係「泰北青咖喱軟殼蟹」，呢道菜色香味俱全，咖喱嘅香料味道濃郁，但唔會過重，完美地襯托出蟹肉嘅鮮甜。軟殼蟹嘅外皮非常酥脆，咬落去嘅時候仲保持住蟹肉嘅鮮嫩，多重口感交融喺一齊，真係一大享受。接住上菜嘅係意大利飯，米粒煮得非常恰到好處，每一口都能夠感受到米粒嘅香氣同韌性。同時，飯中加咗啲海鮮配料，令到整道菜更加豐富同美味。嚴格來講，呢道菜無咩特別突出嘅地方，但係整體味道仍然令人滿意。我地仲點咗一道較為特別嘅「越式香茅烤豬頸肉」，呢道菜帶有濃郁嘅香茅味，豬頸肉煮得非常嫩滑，每一口都充滿咗香氣同汁液。配合啲蔬菜一齊食，令到味道更加豐富同立體。呢道菜嘅味道真係令人難以忘懷。呢間餐廳嘅每一道菜都非常出色，價格亦合理。無論係朋友聚會定係家庭聚餐，都係一個唔錯嘅選擇。如果你鍾意品嚐唔同風味嘅美食，呢度真係唔可以錯過呀，我下次都一定會再嚟食呀。
繼續閱讀
好耐冇去圓方 ...早幾日得閒去咗圓方逛吓 ~~見到呢間新加坡餐廳啲 tea set 幾啱食就入去食個 late lunch ~~Tea Set 選擇都幾多HK$88 可以揀一道小食 + 主食 / 主食 + 飲品想食得豐富點可以揀哂小食 + 主食 + 飲品 都只係 HK$98為食嘅儍媽梗係要哂小食 + 主食 + 飲品 (HK$98)先嚟杯清爽解渴嘅。青檸梳打小食揀了。自家製腐乳蛋黃醬單骨牛油雞翼 (4 件)單骨牛油雞翼炸至香脆，滿滿牛油香點少少自家製腐乳蛋黃醬更滋味主食揀了。檳城古法大蝦炒貴刁貴刁用了河粉搭配油麵，口感好豐富炒得乾身又夠穫氣，醬汁咸咸甜甜帶少少辣，開胃又惹味除了有兩隻串燒大蝦仲有魷魚、星加坡臘腸和芽菜份量和配料都好足 ~~好少見到藍莓焦糖燉蛋呢個配搭，又點多個甜品。藍莓焦糖燉蛋 (HK$46)薄脆焦糖加埋滑溜燉蛋和酸酸甜甜嘅藍莓醬估唔到呢個配搭都幾夾，入口不會好甜膩味道好豐富，幸福感滿滿嘅甜品 ~~** 以上分享是以我的口味、體質和情況作出分享及感受，一試 / 合用與否請自行決定
繼續閱讀
咁大個女第一次去圓方 呢個商場又大又難認路好彩媽媽👩🏻去過帶路 如果唔系史努比呢個路痴自己嘅話9成9會蕩失路🤣我哋去咗間食星馬菜嘅餐廳喺得呢啲高級嘅商場果然價錢都唔平🥴所以我哋都冇嗌太多嘢~👌🏿自家手打泰式五彩蝦餅(3件) $126賣相好靚 表面佈滿五彩星星 非常打卡able🤭雖然件數唔多 但佢好大舊好有重量炸得好香脆 唔會話好淋油👍🏿蝦餅都好彈牙 但好可惜欠奉蝦味食落比較似魚蛋嘅味道 只有淡淡嘅蝦味😮💨就咁食就真系好普通不過點咗一款辣辣地嘅醬汁之後味道明顯有所提升即刻惹味咗 同埋好似令佢嘅弱點冇咁明顯😂味道: 6.5/10 (媽媽👩🏻比7分)性價比: 5.5/10👌🏿北海道帶子刺身配青檸蜂蜜香草汁 $136可能因為史努比本身對佢都有啲期望 所以出到嚟只系普通水準就令人有啲失望~師傅刀功好好 帶子切得好薄😂食落口感欠佳之如 帶子亦冇鮮甜味同日式嘅刺身帶子有啲出入 口感似西式嘅半熟帶子多啲🤔調味唔太均勻 只有中間嘅部分有蜜糖味同埋都食唔出有香草嘅味道🥴唧少少青檸汁系會清新啲嘅 本身應該系個幾好嘅前菜 但佢用料好一般 呢個價錢唔值~味道: 6/10性價比: 5/10👍🏿63度慢煮香烤原條牛肋骨 $282冇諗過食星馬菜居然最好食系牛肋骨😳肋骨嘅邊位煎到好香 逼咗啲牛油出嚟 食到牛脂香而唔會好greasy🥰肉質雖然未算極至軟嫩 但絕對唔韌適量嘅鹽同黑椒調味 食落有淡淡嘅牛肉香配搭酸酸甜甜嘅番茄醬汁 會更加惹味仲有助降低牛肉嘅油膩感唔錯唔錯😆味道: 8/10性價比: 7/10*另設加一服務費*整體嚟講 價錢偏貴 而味道又未至出好出色 前菜只系好一般牛肋骨雖然好食 但未至於話非食不可🥴試過就算🤣抵讚嘅系服務ok At least keep住都會幫你加水同埋環境大 裝修都好靚 坐得舒服~不過史努比比較睇重食物水準rather than環境服務整體評分：味道: 6.8/10環境: 8.7/10服務: 7.9/10衛生: 8.9/10抵食: 5.8/10
繼續閱讀