165
5
7
港鐵九龍站 C1 出口, 港鐵九龍站 D1 出口, 港鐵柯士甸站 B5 出口
電話號碼
23682799
營業時間
今日營業
11:30 - 22:00
星期一至日
11:30 - 22:00
付款方式
Visa Master AlipayHK 支付寶 現金 八達通 銀聯 Apple Pay Google Pay 微信支付
座位數目
85
其他資料
電話訂座
加一服務費
以上資料只供參考, 請與餐廳確認詳情
食評 (185)
等級4 2024-12-08
2578 瀏覽
斑蘭今日要介紹喺圓方商場水區入面有一間新加坡菜餐廳叫「斑蘭」,一入到去每個店員都用好親切嘅笑容迎接每一位食客,會問你想坐邊度,我即刻講方便你哋就得,下午茶時段都算爆場,我等咗唔夠五分鐘就已經可以入座,佢哋有一個套餐價錢都算幾親民,就係A+B+C只需要$98,簡單嚟講即係小食+主食+飲品,而且味道都算好正宗新加坡菜味道,大家如果經過圓方商場不妨試下啦!1.自家製腐乳蛋黃醬單骨牛油雞翼(4件)+新加坡大蝦喇沙摻摻+即磨咖啡$98(9.5/10)首先小食我就揀咗單骨牛油雞翼,呢個雞翼炸得好脆身,見到「牛油」呢兩個字唔好以為好油,完全炸得唔油膩,單骨雞翼食落又方便,正!主食就揀咗新加坡大蝦喇沙摻摻,湯底好正宗,又濃又香,唔會太辣,配料有2隻肉質彈牙鮮甜大蝦、3舊吸哂湯底嘅豆卜同4隻蜆,份量都算多,超正!飲品就揀咗即磨咖啡,唔會好苦,仲有就係比食客自己落糖!2.香茅烤雞肉串燒(2串)+招牌無骨海南雞 配油香飯+桔仔話梅水$98(9/10)首先小食我就揀咗2串香茅烤雞肉串燒,雞肉串燒唔會燒到肉質乾柴,雞肉肉質嫩滑,但係有少少咸,如果味道調較返好少少就好正啦!主食就揀咗招牌無骨海南雞飯-配油香飯,仲有附送一碗豬骨雞湯,呢碗湯有少少咸,至於海南雞未算好嫩滑,油飯就好唔錯!飲品就揀咗桔仔話梅水,飲落好清新,帶有少少咸味,好飲!3.海鹽雪糕粟米脆脆$42(10/10)另外叫咗甜品係海鹽雪糕粟米脆脆,呢個甜品插住兩條朱古力蛋捲,再加埋兩頭海鹽雪糕,海鹽雪糕唔會好甜,仲有雪糕上面放咗唔少小朋友最鍾意嘅粟米脆脆,呢個甜品就作為我今次新加坡菜之旅嘅總結,非常美滿!2人總共價錢$261.8,其他有加一服務費!個人口味總評分:9.5/10地址:尖沙咀柯士甸道西1號ELEMENTS圓方水區1樓1044-1045號舖Please follow me🙆‍♂️ @wheelchaireatinhongkong 如果鍾意我嘅分享,麻煩請follow我,仲有記得Like同Share!🙏🏻🙇🏻‍♂️#斑蘭 #新加坡菜 #尖沙咀好去處 #尖沙咀 #尖沙咀美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong 繼續閱讀
(以上食評乃用戶個人意見 , 並不代表OpenRice之觀點。)
今日去做學校義工幫手睇住同學仔~參觀完之後我就冇跟車返去…走去呀哥公司附近約佢去食嘢🤩佢帶我食好西😃食物下午茶餐A+B+C=$98 😆腐乳蛋黃醬單骨牛油雞翼呢個真心推介!真係堅好食🤤脆脆嘅雞翼一點上腐乳醬~~少少咸又creamy嘅質感…幸福到暈🫶🏻我哋係share黎食~職員行過見到😅佢就好快俾多2隻碟我哋啲碟真係好靚💕炒貴刁有少辣~但好惹味!最欣賞係佢個腸仔,油份高又好Juicy!喇沙摻摻好足料!有2隻大蝦,4隻峴🫶🏻啲豆卜好入味~佢個辣同椰奶香非常之濃!水果冰茶呢個好好味~荔枝角紅茶!一路食麵一路要飲凍嘢😂青檸梳打串燒拼盤真係必食🔥荔枝燒帶子!好鮮甜😃好驚喜香茅雞串又好惹味黑毛豬腩肉嘅肉質鮮嫩~脂肪脆脆香口😆其他呢到嘅裝修都好打卡able~野又好食😋所以teatime都會坐full…不過個場夠大,我哋都係等咗5分鐘左右,非常之快! 繼續閱讀
(以上食評乃用戶個人意見 , 並不代表OpenRice之觀點。)
等級4 2024-11-13
2961 瀏覽
今日有朋友生日,聽朋友介紹呢間新餐廳好好食,而且環境都好好,咁就一於嚟試吓啦。呢間餐廳嘅環境非常優雅同舒適,店內嘅氣氛令人感到放鬆。同朋友一齊黎呢度食飯,真係一個絕佳嘅選擇。當晚我哋點咗幾道特別嘅菜式,每一道都帶畀我哋唔同嘅驚喜。首先,登場嘅係「泰北青咖喱軟殼蟹」,呢道菜色香味俱全,咖喱嘅香料味道濃郁,但唔會過重,完美地襯托出蟹肉嘅鮮甜。軟殼蟹嘅外皮非常酥脆,咬落去嘅時候仲保持住蟹肉嘅鮮嫩,多重口感交融喺一齊,真係一大享受。接住上菜嘅係意大利飯,米粒煮得非常恰到好處,每一口都能夠感受到米粒嘅香氣同韌性。同時,飯中加咗啲海鮮配料,令到整道菜更加豐富同美味。嚴格來講,呢道菜無咩特別突出嘅地方,但係整體味道仍然令人滿意。我地仲點咗一道較為特別嘅「越式香茅烤豬頸肉」,呢道菜帶有濃郁嘅香茅味,豬頸肉煮得非常嫩滑,每一口都充滿咗香氣同汁液。配合啲蔬菜一齊食,令到味道更加豐富同立體。呢道菜嘅味道真係令人難以忘懷。呢間餐廳嘅每一道菜都非常出色,價格亦合理。無論係朋友聚會定係家庭聚餐,都係一個唔錯嘅選擇。如果你鍾意品嚐唔同風味嘅美食,呢度真係唔可以錯過呀,我下次都一定會再嚟食呀。 繼續閱讀
(以上食評乃用戶個人意見 , 並不代表OpenRice之觀點。)
好耐冇去圓方 ...早幾日得閒去咗圓方逛吓 ~~見到呢間新加坡餐廳啲 tea set 幾啱食就入去食個 late lunch ~~Tea Set 選擇都幾多HK$88 可以揀一道小食 + 主食 / 主食 + 飲品想食得豐富點可以揀哂小食 + 主食 + 飲品 都只係 HK$98為食嘅儍媽梗係要哂小食 + 主食 + 飲品 (HK$98)先嚟杯清爽解渴嘅。青檸梳打小食揀了。自家製腐乳蛋黃醬單骨牛油雞翼 (4 件)單骨牛油雞翼炸至香脆,滿滿牛油香點少少自家製腐乳蛋黃醬更滋味主食揀了。檳城古法大蝦炒貴刁貴刁用了河粉搭配油麵,口感好豐富炒得乾身又夠穫氣,醬汁咸咸甜甜帶少少辣,開胃又惹味除了有兩隻串燒大蝦仲有魷魚、星加坡臘腸和芽菜份量和配料都好足 ~~好少見到藍莓焦糖燉蛋呢個配搭,又點多個甜品。藍莓焦糖燉蛋 (HK$46)薄脆焦糖加埋滑溜燉蛋和酸酸甜甜嘅藍莓醬估唔到呢個配搭都幾夾,入口不會好甜膩味道好豐富,幸福感滿滿嘅甜品 ~~** 以上分享是以我的口味、體質和情況作出分享及感受,一試 / 合用與否請自行決定 繼續閱讀
(以上食評乃用戶個人意見 , 並不代表OpenRice之觀點。)
餐廳:斑蘭地點:尖沙咀圓方菜式:新加坡、馬來西亞餐牌:下午茶餐有唔同組合,Part A係前菜,Part B係主菜,Part C飲品。PartA+B$88,PartB+C$88,PartA+B+C$98,另收加一。仲可以加錢要甜品。平日都可以訂枱。香茅烤雞肉串燒香茅烤雞肉串燒一客兩串,用金屬叉拮住,食落啖啖肉,黃咖喱味香,跟有酸辣醬,令味道更好。伴有一粒桔仔俾你自己調味。新加坡大蝦喇沙摻摻新加坡大蝦喇沙摻摻有連殼蝦兩隻,蝦肉鮮甜,蝦頭有膏;連殼蜆4隻,雖然細細隻,不過好鮮甜嫩口。另有吸汁豆卜3件,爽口芽菜同紫洋蔥,面頭灑上脆脆。個喇沙湯好香滑,辣度剛好,梛汁又夠,好惹味。摻摻即係黃色粗麵加幼身粉絲,前者有咬口又滑溜而後者幼滑吸汁,加埋係好正嘅口感。藍莓焦糖燉蛋 加$46 另加一藍莓焦糖燉蛋係一套碗碟上枱,賣相絕不馬虎。薄脆焦糖加埋下面冰凍滑溜燉蛋,面頭加上酸酸甜甜嘅藍莓醬同3粒藍莓,仲有兩條菜苗同食用花瓣。味道唔會太甜,酸酸甜甜,而口感又脆又滑,好正!今餐食物令人滿意,餐廳環境裝修不錯,好有東南亞風情,有好多卡位,座位有私隱度。服務員上菜快速,態度友善,果然係高級商場餐廳水準。𠍿錢黎講包咁多野食都算係咁。推介! 繼續閱讀
(以上食評乃用戶個人意見 , 並不代表OpenRice之觀點。)