自家製腐乳蛋黃醬單骨牛油雞翼

近排去圓方逛逛，順便食個tea，經過水區個邊，見到有間新加坡餐廳 - 斑蘭；門面設計雅緻，坐在面可以望出外，感覺開揚，與好友一齊嚟品嚐下新加坡菜～睇睇餐牌先，下午茶餐款色不錯，我哋揀選咗兩個分別 A+B+C = $98，有主菜、小食及飲品，地道新加坡菜。新加坡大蝦喇沙摻摻 呢碗大蝦喇沙摻摻，口味好地道，蝦都幾大隻，肉質爽口，嫩滑彈牙，蜆肉鮮甜，金黃色嘅湯底，散發陣陣香氣，咖哩和椰奶調味恰度好處，飲多少少都唔覺有油膩感，喇沙摻摻係油麵同米粉混合，麵條好掛湯，喇沙味道香濃，越食越惹味。河內生牛肉湯河 雖然是下午茶，但依碗份量都唔少，生牛肉被熱騰騰嘅湯底輕輕灼熟，牛肉好大片，柔軟多汁，牛味濃郁嫩滑，牛丸爽口彈牙，而湯底牛骨味道濃，清甜好飲，河粉順滑，配合爽口洋蔥，甘甜美味，下次一定要再點。香茅烤雞肉串燒串燒充滿香烤味，雞串啖啖肉，食起來很方便，外層焦香，肉質嫩滑，點埋自家製醬汁，微辣好惹味。自家製腐乳蛋黃醬單骨牛油雞翼單骨牛油雞翼食起嚟方便，炸到金黃色，非常酥脆，沾上自家製腐乳蛋黃醬，香口惹味。海鹽雪糕粟米脆脆            $42呢杯雪糕顏色好靚好夢幻，雪糕嘅味道少少鹹，沒有甜味，帶淡淡奶香，雖然冇甜味，但配埋脆口嘅粟米片同朱古力條，口感豐富，特色嘅甜品。桂圓紅棗茶紅棗茶好足料，有桂圓、紅棗、枸杞等，味道清甜，飲得到桂圓嘅果香與紅棗嘅自然甜味，好適合現時寒冷天氣飲。青檸梳打剛剛食咗啲濃味食物，飲番杯好fresh嘅飲飲品，微酸微甜，解渴解膩。…查看更多

今日來到 Elements 依間 "Pandan Asian Fusion Bistro"，環境好亞熱帶風情，配合它的新加坡美食。斑蘭以孔雀開屏為主題，加上牆壁既湖水綠的花花圖案，充滿度假風情的設計，環境舒適，令人放鬆！Tea Set 有3組選擇 : A+B = $88、B+C=$88 及 A+B+C=$98，款式有海南雞油飯、摻摻、肉骨茶、椰漿飯、湯河、炒貴叼等，跟餐飲品可選即磨咖啡、桂圓紅棗茶、青檸梳打、水果冰茶及桔仔話梅水。自家製腐乳蛋黃醬單骨牛油雞翼              呢樣邪惡小食，令人無法抗拒！單骨雞翼食起來方便，炸至金黃色，非常酥脆，點上自家製腐乳蛋黃醬，食到停唔到口。香茅烤雞肉串燒雞串啖啖肉，嫩滑有肉汁，香料味散發出來，串燒有水準，配搭青檸汁及沾上特製醬汁更惹味。新加坡大蝦喇沙摻摻               摻摻有兩種粉麵加埋一齊，油麵+米粉，食落又好夾，材料有大蝦、蜆、芽菜，蝦好爽口，蜆肉鮮甜，豆卜吸入喇沙湯，帶陣陣椰香味，食起來少少辣，但越食越滋味。無骨海南雞喇沙摻摻雞肉好嫩，皮薄爽滑，雞肉味道濃郁並去咗骨，配搭椰味濃的喇沙湯底，口感層次豐富，滋味無比。青檸梳打                    天氣炎熱，嘆一杯清爽又冰凍的青檸梳打，味道清新自然，令人透心涼。水果冰茶呢杯加入左荔枝肉，令茶底更清爽，味道帶少少甜，好解渴！天氣咁熱，適合不過。藍莓焦糖燉蛋      $46焦糖皮很薄很脆，好似冰花咁，藍莓清甜，燉蛋很香濃很滑，甜度適中，一吃就喜歡了。…查看更多

無意間發現了一間高質有創意的星馬菜餐廳🍽️店內裝潢以半開放式設計環境佈置時尚優雅座位寬敞坐得舒適😌主打東南亞創意ғᴜsɪᴏɴ菜式 泰北冬陰公大頭蝦湯🦐🍲冬陰公湯是以大頭蝦🦐作主角，超大隻且肉質彈牙，其他配料有菇菌🍄、蕃茄🍅及香料，提升整個湯的味道，酸酸辣辣令人愈喝愈開胃😋新加坡鹹蛋黃魚皮🐟鹹蛋黃炸魚皮是我平時喜愛吃的零食之一，一見到餐牌有當然要點來滿足自己😍，吃起來非常鬆脆，而每一塊魚皮沾滿濃郁鹹蛋醬，炸魚皮與鹹蛋黃這兩款美食結合，邪惡極了😈自家製腐乳蛋黃醬單骨牛油雞翼🐔單骨雞翼也算大隻，外層炸得非常酥脆，但肉質有點兒乾身，不過是我喜歡的口感😂，配上腐乳蛋黃醬鹹香惹味😋，我也是衝著腐乳蛋黃醬而點的🤤新加坡喇沙炒海鮮貓耳朵🍝之前有在其他餐廳吃過貓耳朵仍回味無窮，口感煙韌ǫ彈有嚼勁，每一顆貓耳朵掛滿喇沙醬汁超ᴄʀᴇᴀᴍʏ，配料有海量的三文魚子，青口🦪，蝦🦐及魷魚🦑等很足料👍餐單上菜式精心製作及食物高質💯，而餐廳有提供二人套餐選擇，因當天作戰能力不高怕份量多會吃剩🤭，價錢中上，店員服務態度很好，這家餐廳主打是星馬泰菜味道會偏濃，不過我也喜歡重口味，最後還捧著肚子離開😂…查看更多

近排好耐無吃星馬菜啦 ~ 適逢去到圓方見到新開的星馬菜餐廳 "斑蘭"，這間好適合打卡，主打星馬特色fusion菜，同時亦加入創新元素。斑蘭裝潢典雅亮麗，充滿度假風情的設計，加上牆壁湖水綠的花花的圖案，環境自然舒適，令人好放鬆！下午茶餐 :A(小食) + B(主食) = $88，A(小食) + B(主食) + C(指定飲品) = $98。款式有湯河、海南雞油飯、摻摻、肉骨茶、椰漿飯、炒貴叼等，跟餐飲品可選即磨咖啡、桂圓紅棗茶、青檸梳打、水果冰茶及桔仔話梅水。香茅烤雞肉串燒  (2串)                       雞串啖啖肉，嫩滑有肉汁，香料味散發出嚟，串燒有水準，配備青檸檬汁及特製醬汁，沾上好好味。自家製腐乳蛋黃醬單骨牛油雞翼 (4件)依款邪惡小食，令人無法抗拒！單骨雞翼食起來好方便，炸到金黃色，非常酥脆，點上自家製腐乳蛋黃醬，惹味可口，食到停不了。新加坡大蝦喇沙摻摻              摻摻即是油麵+米粉，兩種粉麵加在一齊食又好夾，有大蝦、蜆、芽菜，大蝦都好爽口，蜆肉非常鮮甜，豆卜吸入了喇沙湯的精華，帶椰香味，少少微辣，食落特別美味。檳城古法大蝦炒貴刁貴刁的口感似幼河粉，吸收了濃濃的醬油，炒至香氣撲鼻，大蝦肉質爽嫩彈牙，魷魚新鮮，煙韌有咬口，油脂豐富的臘腸，配備辣椒粉和青檸檬汁，可另加作調味，少少酸辣味，與所有材料拌勻，多重口感，完全感受新加坡的地道風味。桂圓紅棗茶                                   茶裡除了桂圓和紅棗，還有玫瑰花和菊花，散發自然甜味，這個茶味道清潤，趁熱飮，甘甜可口。青檸梳打嘆一杯清爽又冰凍的青檸梳打，味道清新自然，令人透心涼。海鹽雪糕粟米脆脆    $42雪糕顏色真的好靚，看起來好夢幻！雪糕的味道少少鹹，沒有甜味，亦帶淡淡奶香，雖然沒有甜味，但又好鍾意配合脆口的粟米脆脆和朱古力脆條，食落口感好豐富，好好味。…查看更多

圓方商場除了設計獨特，食肆也很多，下午二時多，行經孔雀logo的Pandan Asian Fusion Bistro，裝修好優雅，門面下午茶餐的餐牌十分吸收，可自選兩款或三款a小食b主食c飲品，abc三款全部要齊都係$98👍小食：-自家製腐乳蛋黃醬單骨牛油雞翼，不會太油膩，肉質算嫩滑。越式牛油果醬法包配蕃茄莎莎，有紫洋蔥蕃茄粒和牛油果，口味清新，非常開胃。主食：-新加坡大蝦喇沙摻摻，油麵+米粉，口感特別，蝦肉結實彈牙 新鮮，正！新加坡白胡椒肉骨茶配油香飯，非常濃烈的胡椒和藥材味，排骨份量多，配油條 油香飯，非常飽足。飲品：-熱咖啡，青檸梳打…查看更多

喺Elements 經過呢間新開試業中既星馬餐廳，門口既通心拱門位，環境好優雅。自家製腐乳蛋黃醬單骨牛油雞翼單骨雞翼炸得非常酥脆，淡淡腐乳牛油香氣，味道香爆邪惡，配上蛋黃醬汁，特別惹味！ 越式香茅烤豬頸肉豬頸肉烤起帶焦香，外層油潤又有炸蒜片。滴幾下青檸汁，油脂香氣瞬間牽動，肉嫩又有香茅氣味豬頸肉配沙嗲冬蔭公醬，微辛口感又幾match！清萊原個菠蘿海鮮焗珍珠米海鮮選料極尚豐富，原個菠蘿殼放滿青口、大蝦、魷魚、帆立貝、蜆貝五款，用珍珠米更加飽滿光滑。加椰奶蓋焗起香噴噴，米飯之中有粒粒菠蘿肉，味道鮮甜又有果香。配上燒菠蘿，甜蜜蜜可以當餐後小甜點～ …查看更多