影片
港鐵太子站 D 出口, 步行約2分鐘
繼續閱讀
電話號碼
55909032
開飯介紹
此居酒屋設有榻榻米座席、櫻花樹、燈籠牆等日式打卡佈置，讓你猶如置身於日本一樣，在此享用各種燒魚、鍋物等美食再配清酒，風味更加突出。
繼續閱讀
營業時間
今日營業
12:00 - 22:00
星期一
全日休息
星期二至三
12:00 - 22:00
星期四
18:00 - 22:00
星期五至六
12:00 - 00:00
星期日
12:00 - 22:00
以上資料只供參考, 請與餐廳確認詳情
有關獎賞計劃
最近我去咗太子一間居酒屋 🏮，餐廳裝修得很有心思，一入到去就見到有個鳥居和許願板 ✨，再行入啲就見到餐廳中間有一棵櫻花樹 🌸，旁邊有日式燈籠，感覺好似喺日本咁 🇯🇵。我們坐在榻榻米的位置，有個屏風隔住，私隱感十足，非常適合同朋友或者屋企人嚟食飯 🍽️。🥘 壽喜燒牛肉鍋-並盛(日本夢王雞蛋) $208這道菜色香味俱佳，有牛肉🥩有蔬菜🥬，個湯充滿壽喜燒的甜味，牛肉嫩滑，配以生的夢王雞蛋作為醬汁點綴🥚，口感豐富，必點之選！🍜 夢の福袋烏冬 $68賣相好吸引😍，店員好細心咁教我哋點樣食。首先將福袋切開一半🔪，然後將蛋黃同蛋白倒喺烏冬上面拌勻，就可以食啦。味道甜甜地好重奶黃味🥚，配埋烏冬一齊食好開胃！🥧 海膽流心忌廉餅 $32這個海膽流心忌廉餅好好食，外脆內軟嘅口感令到海膽味更加突出，真係一試難忘。🍗 炸芝麻雞軟骨 $38雞軟骨炸得香脆可口，芝麻調味🧂過後很惹味，超級好食🤤。🍰 煉乳草莓芝士蛋糕 $32甜而不膩，士多啤梨🍓嘅清新同煉乳嘅甜香互相襯托，作為飯後甜點啱晒。☕️ 蘋果山楂紅棗枸杞茶 $58容器設計獨特🎉，需要自行按制才能讓茶水流出，增添了互動樂趣🫖。茶味濃郁，滋補養生🍵。🍹凍金桔擰檬水果茶 $48清新解渴，金桔🍊與檸檬的酸甜恰到好處🍋，夏天必備。💰 總計: $532, 2位用餐(已包含10%服務費)
繼續閱讀
有一晚收工之後，約埋朋友去咗太子嘅一間日式居酒屋 - 餓居食晚餐🇯🇵呢度環境舒適，一入到餐廳見到有棵櫻花樹🌸仲有三張榻榻米❤️氣氛感滿滿，真係好特別❗️適合同朋友過嚟傾偈食下野放鬆一下🙂↕️🔺DIY雲朵夢王飯非常IGable😍📸店員會比打蛋器同埋會教我點樣整成「雲朵☁️」儀式感滿滿❤️有得食仲有得玩tim❗️(想知點樣整記得睇最後嗰條片啊～)🔺壽喜燒牛肉鍋 - 小盛湯底甜甜地，我地加配左稻庭烏冬，配料好豐富，除咗有4塊安格斯牛肉之外，仲有洋蔥、芋絲、豆腐、娃娃菜同埋金菇，份量好多！🔺金菇肥牛豚肉卷串牛肉同埋豚肉嘅香味完美結合，肉嘅味道非常濃郁🔺雞皮餃子入口咬第一啖好Juicy🤤油脂啱啱好🔺芝士魚條食落有少魚蛋嘅彈牙感覺，咬到中間有少少芝士，增加左口感既層次🔺蒲燒鰻魚串燒得好香唔會乾身，鰻魚超入味又多汁🔺吉列蠔外層炸得非常脆口唔會好粉，蠔亦非常肥美，建議趁熱食🔥🔺一口班戟雞蛋仔一餐飯既結尾當然唔少得甜品啦❗️雞蛋仔加埋蜜糖同埋朱古力醬，軟腍腍幾特別～
繼續閱讀
放工有啲攰 就同同事去間居酒屋chill吓🤣 搵到呢間喺太子嘅餐廳 可以坐喺櫻花樹下嘅榻榻米座位進餐 真係好有日本風情😮Asahi Sour 有氣果酒餐廳下晝四至七有Happy Hour 優惠 $98就可以飲到兩杯Asahi Sour 原本要$78一杯㗎🫢 而家真係抵好多 我哋揀咗香印同紅石榴味 真係好有水果嘅甜味😆炸物送酒點可以唔叫返啲脆口嘢食吓 叫咗幾款炸物配酒一流🙈♦️炸芝麻雞軟骨食吓一粒 食吓又一粒 不知不覺就食晒🐥♦️迷你福袋荷包·蛋甜甜地嘅日式腐皮包住流心蛋🍳 精心製作♦️大大塊流心芝士麥樂雞中間嘅芝士真係流心㗎🧀♦️海膽流心忌廉餅海膽醬都幾有鮮味😮♦️吉列軟殼蟹估唔到炸軟殼蟹係用蟹餅嘅形式呈現🦀 幾新奇櫻花蝦拌豆腐呢個清清地 有個鰹魚汁同櫻花蝦調味😉濃厚明太子醬撈烏冬一個簡單嘅菜式 但係撈起嚟幾滋味🍝 幾creamy同埋幾足料 好多明太子喺面呢間日式餐廳都幾多打卡位 有櫻花樹 有鳥居 有日式燈籠 真係好有日本風情啊☺️
繼續閱讀
今日放工去太子經過呢間叫餓居嘅日式餐廳，比佢嘅日系嘅裝修吸引左入試下😂座位都算寬躺啦，我同友人坐tatami位～幾舒服嘅食物方面，我自己就係點左迷你日本迷你黃金奄列，九州魂地獄叉燒拉麵，銀次飯團加杯法國藍橙乳酸梳打迷你黃金奄列唔錯，蛋係流心嘅，微甜幾啱我口味銀次飯團一般正常，有夢王蛋加三文魚子，呢個組合第一次試，感覺都ok拉麵就略嫌有點辣，唔食辣嘅朋友我諗可以唔叫呢個🥵都真係幾辣啊最後杯乳酸梳打，有兒時食某牌子雪條混合波子汽水嘅味道🤔🤔幾特別🤣整體食物味道質素不過不失，炸物和小食比較上出色！價錢方面都唔太貴，下次如經過都可能會再想試下餐牌其他食物
繼續閱讀
最近行開太子 同朋友仔食咗呢間環境好有feel有榻榻米嘅居酒屋小店😝 lunch時段抵食之餘仲唔收加一 而且定食set由主食到加點嘅小食選擇都好多 每樣食物質素都唔錯😗-🐣日式燒雞腿扒定食 $98 配日式湯蕎麥麵 +$10雞腿扒外面燒得唔錯 入味之餘肉質仲好嫩滑🥰 主食有得㨂飯烏冬同蕎麥麵添😆 我哋揀咗蕎麥麵 配菜都好豐富🤭 定食仲有麵豉湯添-🍱夢王蟹肉三文魚子漬飯定食 配雲朵夢王飯 $118蟹肉同三文魚子各鋪滿咗成碗飯😍 仲配咗一隻日本蛋😗 可以自製早前好hit嘅雲朵飯 將蛋白同蛋黃分離 再打蛋白至挺身 鋪滿飯再加上蛋黃 撈埋一齊食 口感好濕潤🥚 加埋蟹肉嘅甜味同三文魚子嘅鹹香 層次好豐富😙-🦑海苔魷魚鬚 $48魷魚鬚脆得嚟唔會刮口 係溫和路線嘅炸物 入面魷魚好嫩滑😋 海苔味道都幾出 做餐前小食就啱哂啦😛-🍠紫薯甘栗薯餅 $23薯餅好酥脆 入面放咗滿滿紫薯同甘栗mix成嘅饀料 味道甜甜地 但又唔會太膩🌰-🎏紅豆鯛魚燒 $39呢個甜品好驚艷😍 外皮薄薄脆口 中間一層煙煙韌韌 加上紅豆饀好滑身 又唔太甜 高質呀🥰-🍎富士山蘋果芝士蛋糕 $33芝士蛋糕口感綿密 帶清新蘋果香 仲有少少果肉喺底 唔會好膩 啱晒做飯後甜品😋-🍋凍金桔檸檬水果茶 $38☕️熱洛神花茶 $38另外熱花茶同凍果茶都係原壺上 仲有靚靚玻璃杯 好有儀式感🥰 兩款味道都好清新 酸酸甜甜🍋-📍餓居 (太子)太子砵蘭街440號地舖
繼續閱讀
您可能會有興趣的...