餓居

日式料理多 但居酒屋少係香港集結 呢間外表好有日式庭院隱蔽風 但原來入面佈置好唔同！雖然都係日系但就生動活潑好多 有好多動漫模型 清酒 仲有棵好大嘅櫻花樹係塌塌米隔離！🍲壽喜燒牛肉鍋-並盛💰238+稻庭烏冬 💰25最先上場嘅壽喜燒都幾引人注目 D牛肉片全部堆積係面 份量對得住大份！配料仲有豆腐 蒟蒻絲 冬菇同金菇 整體調味甜味突出 牛肉豆腐都好嫩滑 有配圍板等火力更大可以快D熟 烏冬要額外添加 但係係扁身烏冬 更有咬口！🍳玉子大滿足💰108呢份真係玉子燒愛好者狂喜 玉子燒超大份好似西多士咁 上面有三文魚子同明太子 仲有超多沙律醬 切開個蛋真係好嫩 係流體同固體中間 本身個蛋甜甜地加左D佐味料就食落口味更加豐富🍖金菇肥牛+豚肉卷串💰68呢度都好多串燒 肥牛串都有夾大蔥 金菇同荔枝版 呢款就應該最多人揀 肉燒得金黃色薄薄地好易入口 就算肥肉嘅部分都燒得焦褐感 唔會覺得好肥🍺法國藍橙乳酸梳打💰58🍺蜜桃蘋果汁💰28呢度飲品好特別 全部都400ml起跳！好彩有廁所😂最signature係佢用曬啤酒冰杯裝飲品 全部都超大杯又可以keep住味道同溫度！藍橙乳酸第一次見但係yogurt味都幾濃厚！想講呢度嘅家庭式氛圍超溫馨 整體燈光偏暗可以俾朋友聚餐 而且老世同員工（應該係屋企人？）都超級nice😗😗可以支持多D小店！…查看更多

太子站出口附近好多好野食，是晚同朋友到左一間日式居酒屋叫餓居，見網友同櫻花樹打卡好靚好吸引，即刻黎食佢先🌸店內裝修滿和風，櫻花樹果真吸睛，仲有鳥居、屏風等，氣氛唔錯呀。掃碼落單點食物先，有定食有散點，仲有唔少酒品同甜品🤤正。等左一陣就有得食，一上枱已聞到香噴噴🤤炸物熱辣辣㗎。⭐香蔥金槍魚蓉丼主食點左魚蓉丼，金槍魚蓉軟綿綿又鮮味，一啲都唔腥㗎，加埋甜蛋絲同珍珠米，簡單又好食！⭐熊本霜降一口牛定食朋友就點左一口牛丼飯，牛下得很多，煎得香口，咬落油脂甘香，正🤤定食包括餐飲、餐湯同小食，隻溏心蛋有驚喜。⭐海苔魷魚鬚咬落喔喔脆，香口小食人人愛。⭐章魚小丸子軟綿綿加上彈牙章魚粒，再多啲醬就更正。⭐紫薯金栗薯餅可樂餅係無論咩口味都好食嘅😋呢款紫薯金栗微甜加埋粒粒栗子口感就更正。⭐富士山蘋果芝士蛋糕 & ⭐法式蒙布朗提拉米蘇食飽飽就係時候食埋甜品，見個餐牌有咁多款蛋糕已經好想試，款款口味都有興趣添🤤最後揀左蘋果同布朗尼🤤蛋糕軟綿綿同微甜，兩款都好啱口味！⭐無糖烏龍茶 & 綠茶左邊烏龍茶係散點，右邊綠茶係跟餐，無糖又冰凍，配炸物一流。食物好食又親民，啱晒傾偈打卡，多多支持小店啦😘…查看更多

香港寸金尺土，但呢間日式居酒屋竟然有棵櫻花樹響入面🌸 食物款式仲幾多～ 🔸玉子の大滿足💛 $108 （推薦🤩👍🏻）超厚玉子燒一定係是日MVP😍 好似食緊日式西多士咁😆好似綿胎咁鬆軟嘅玉子燒上面有滿滿嘅飛魚子好爽脆～配埋微辣嘅明太子同蛋黃醬好好食🤩🔸濃厚明太子醬撈烏東🧡 $78明太子醬+飛魚子呢個組合真係百搭又好食😋多到滿瀉嘅飛魚子😍🔸壽喜燒牛肉鍋🥩 $188 +稻庭烏東🍜 $25最鍾意食甜豉油壽喜燒🤎 牛肉有大慨5-6片，豆腐好嫩滑，菇菇同芋絲吸晒湯汁😋最後放埋個烏東落去煮簡直完美💯🔸荔枝牛肉卷串燒🍡 $68燒香咗嘅牛肉片包住甜甜嘅荔枝，清新解膩又好食～🔸鹿兒島一口豚肉串🐷 $38鹽燒豚肉串燒得幾香。🔸原味波子汽水🩵 $19呢度仲有棵好大嘅櫻花樹，環境真係好似去咗日本咁🇯🇵門口仲有個鳥居，周圍仲貼咗好多日版電影海報，店舖每一個角落都搵到唔少貓貓嘅蹤影🐱唔通店主都係貓奴? 😼想同朋友搵間居酒屋chill吓飲返兩杯，呢度食物款式多之餘氣氛都一流🌸🐾貓奴足跡🐾🌐 餓居 (太子)📍太子砵蘭街440號地舖…查看更多

🔷🔶🔷估唔到室內都可以 櫻花樹下食飯🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力。香港舖租貴就係人都知，好多時餐廳為咗做多啲生意，都會將啲枱擺到好密，今次呢間餐廳，為左俾大家可以打下卡，坐得舒服啲，竟然將成棵櫻花樹放喺餐廳入面。櫻花樹下食飯，仲要係室內，相信呢度都係第一間。唔止櫻花樹，門口仲有個少少鳥居，同樣係打卡位。壽喜燒牛肉鍋 - 小盛 （$148）唔知大家係咪同我一樣，食極壽喜燒都唔厭，有豆腐、野菜、仲有最重要嘅牛肉。冷蕎麥麵（$48）、日式炒麵（$78）蕎麥麵好簡單用冷麵汁加上Wasabi同蔥花，已經好好味，日式炒麵令我諗起日本睇櫻花嘅時候，一路睇一路食熱辣辣一碟炒麵。鹽燒鯖魚（$78）、七福免治雞肉棒（$78）雞肉棒有兩串，可以揀兩款口味，我就揀咗芝士同蜜糖芥末，芝士記得趁熱食啊。@hungryizakaya 。📍餓居 (太子)太子砵蘭街440號地舖…查看更多

因為同朋友約見面，想搵間有氣氛既餐廳慢慢傾下計🍶。近近地係太子附近搵到呢間「餓居」。一入去就好有日本居酒屋feel，木質裝潢帶住淡淡木香，燈光暖黃得黎舒服又不刺眼，仲有榻榻米區可以放鬆腳坐低慢慢食。中間果棵巨大櫻花樹🌸真係超搶眼，粉紅色花瓣由天花板垂落，好似置身春天既日本街頭，影相一定靚爆。.日式炸雞定食我轉左日式湯烏冬 ($88)。炸雞外皮呈金黃色，入口脆到有聲，脆皮帶少少胡椒鹹香，咬開之後，雞肉肉汁即刻滲出黎，嫩滑得黎帶少少纖維咬感，吾會覺得油膩。湯烏冬湯底清澈而帶有淡淡既味噌香，烏冬麵身滑溜有彈性，加埋香蔥既清香、日式魚蛋既彈牙，蛋花絲將整碗湯既口感變得更柔滑。附餐既味噌湯暖笠笠，豆香味重，飲落好舒服。.日本蟹肉忌廉薯餅 ($28) , 上枱時外皮仲熱辣辣，香脆到用叉一壓就聽到「咔」一聲，咬落外脆內軟好分明。裡面既忌廉餡真係滿滿，每一啖都食到軟滑既奶香同蟹肉既鮮香，口感層次好豐富。.日式吉列鱈魚柳定食配日本御飯 ($78)，魚柳炸得外皮薄脆但完全吾吸油，輕咬一下就聽到脆聲。鱈魚柳肉雪白厚身，魚肉甘香細嫩，幾乎係用舌頭輕輕一壓就分開，毫無腥味。配埋既沙律醬味道清新，有少少酸甜感，解膩之餘仲令魚柳更突出鮮味。御飯軟熟略帶黏性，好岩同魚柳一齊食。而暖心既味噌湯就好似為整個餐畫上完美句號。.熊本一口牛串 ($38) 入口先感受到微焦表層既焦香，之後係牛肉既嫩滑同肉汁，肉味濃郁但吾韌，咬開仲有少少肉汁滲出，唇齒留香，好適合配埋啤酒。.章魚小丸子 ($32) 一份有四粒，外皮輕輕脆，入面係半融化既麵糊狀態，軟綿綿又帶煙韌感，章魚肉粒吾算細，可以食到實在既彈牙感。面層既木魚絲遇熱會擺動，燒汁同沙律醬味道交錯，甜中帶酸，味道好平衡。.雞翼串 ($58) 一份有兩串，燒到表層微焦帶光澤，入口皮脆肉嫩，雞肉細緻，醃料滲到骨邊，鹹香同雞油香夾雜，每一啖都幾滿足。.大大塊流心芝士麥樂雞 ($32) 真係「咬爆」既感覺！外層金黃香脆，厚身既麥樂雞肉質結實，中間係熱辣辣流出黎既芝士，香濃得黎有鹹香🧀。.串串迷你大阪燒 ($28) 一口一串，好方便入口，外層煎香帶少少焦香味，中間係軟糯既麵糊夾雜着椰菜絲既爽脆感。表面鋪滿燒汁、沙律醬，再加紫菜絲同木魚絲，香味四溢，滋味好立體。.大大杯檸檬可樂 ($48) 冰涼解渴；至於經典可樂 ($20) 就最岩配炸物，甜味同油香互相中和，一口炸雞一口凍可樂，真係好爽快🥤。…查看更多