餓居

營業中

休息中

有冇試過去居酒屋會有櫻花樹陪你一齊用餐呢🌸餓居就可以喇😲店舖中間擺放咗一棵直插天花板嘅仿真櫻花樹😍除此之外，仲設有榻榻米座位、日式燈籠牆、小型鳥居等嘅日式打卡佈置⛩️好似去咗日本一樣🤭؄同朋友叫咗好幾樣炸物過吓口癮🍤樣樣都炸得酥脆，最重要係食落唔會好油，比較乾身🤓🪐 炸芝麻雞軟骨🪐 章魚小丸子🪐 一口炸豆腐🪐 炸蝦膠冬菇最特別應該係炸蝦膠冬菇🍄‍🟫平時都比較少食炸冬菇，見到佢有蝦膠就即管試下🫢外層酥脆，內裡保持住鮮嫩多汁嘅口感，而且蝦膠彈牙爽口，呢個配搭非常有創意👍🏼§🪐 玉子の大滿足超厚身玉子燒面頭鋪滿好多蟹籽同埋沙律醬😍超足料！蛋身滑溜，散發濃郁蛋香，味道帶一點甜🥚份量適合兩個人食用！§🪐 DIY雲朵夢王飯有得玩又有得食嘅雲朵夢王飯🥚首先將蛋白同蛋黃分開，然後用打蛋器將黃白打到杰身🥣由於用手動打蛋器真係唔知打到幾時，所以適當時候可以問店員拎電動打蛋器增加速度🤣將杰身嘅蛋白同蛋黃放上白飯就完成🫶🏼第一次制作，所以有少少失誤，不過咁先係DIY嘛🤪打完嘅蛋白口感好滑，真係好似雲朵一樣，如果可以加多少少配料增加個飯嘅味道就更好😌§🪐 迷你雲呢拿泡芙🪐 宇治抹茶芝士蛋糕§🪐 魔女布丁 - 開心

放工後想放鬆一下，居酒屋都係一個好選擇，食物種類多之餘，又可以小酌兩杯，滿足唔同人嘅喜好位於太子嘅呢間居酒屋《餓居》，裝修佈置以日式居酒屋為藍本，傳統嘅鳥居⛩️、大大棵櫻花樹🌸以至燈籠牆🏮，每一個角落都充滿打卡元素，加上榻榻米座位，彷如置身於日本🇯🇵一樣🥢地獄泡菜豚肉鍋一小盛 - 鍋物放在一個小火爐上㷫住，保持熱度，泡菜和豚肉都好入味，越食越辣！其他配料有金菇和娃娃菜等，吸盡湯汁，非常惹味！🥢吉列蠔 - 外表酥脆，鮮嫩多汁，味道可口！🥢吉列帶子 - 炸至金黃色，香脆鬆化！🥢章魚小丸子 - 外脆內軟，淋上照燒汁、沙律醬和鰹魚片，非常好味！🥢鰻魚粒撈飯 - 飯嘅份量都唔少，軟硬恰好，加上鰻魚粒混在飯裡，一啖鰻魚一啖飯，特別好味！🥢溫蕎麥麵 - 溫熱蕎麥麵夠暖身，一咬即斷，正正蕎麥麵嘅特性，配料有鳴門卷和甜蛋絲，份量豐富！🥢紅豆鯛魚燒 - 鬆軟嘅外皮包著我至愛嘅紅豆餡，不會太甜，少少哋一塊，飯後一點甜！🍊熱金桔檸檬水果茶 - 唔飲酒可以選擇這款水果茶，金桔可以止咳強免疫，幾健康嘅一款熱飲！

成日係社交平台見到啲朋友去日本旅行✈️🇯🇵🍣🛍️🏮羨慕到不得了🥰自己又周身都唔得閒，唯有喺香港搵間有日本感覺嘅🇯🇵🏮居酒屋食返餐飯，就當自己去咗日本啦😆#偽裝日本遊 😆🏮餓居🏮呢度裝修好有日本氣氛，播日文歌🎶仲有榻榻米式餐枱，係餐廳中間有一棵櫻花樹，仲好多打卡📸位添！串燒方面都幾多選擇😋👍🏼我哋就食咗⬇️章魚小丸子紅豆綢魚燒燒迷你甘薯雞腎串蒲燒鰻魚串波板五花腩串鹿兒島一口豚肉串蒲燒原條饅魚飯🍹木村山梨葡萄梳打汽水🫧原味波子汽水結果，我係不停幫Bella BB 影相📸早知呢度咁似日本，就幫Bella穿和服👘嚟啦！

店外店內都係日式既裝潢，仲有好多打卡位架📸有一大棵櫻花樹🌸可以一邊望住櫻花，一邊食野☺️又有燈籠牆🏮仲有得揀坐榻榻米🤩好似真係去左日本🇯🇵😍充滿日式設計既居酒屋🏮店內除左充滿打卡位之餘，食物都唔差架😍😋海膽醬烏冬烏冬非常掛汁，濃濃海膽味，鍾意海膽既人一流😋七味一口豚豚肉份量都好多，一口一件，肉質超軟，小朋友都好岩食😋關東煮湯底清甜，配料亦都好充足，最特別係有年糕係福袋入面😋吉列蠔外脆內軟，一咬仲要爆汁😋吉列帶子帶子大小份量岩岩好，又唔會炸到過晒龍😋紅豆鯛魚燒魚魚造型好可愛，入面既紅豆餡十足，甜度適中😋章魚小丸子新鮮出爐，調味岩岩好，有章魚粒增添口感

-平日都好中意周圍試吓小店喺社交平台見到有一間打卡居酒屋室內都有大大棵櫻花樹🌸知道最近餐廳推出咗秋冬之選🍂即刻約朋友去試吓！🥰/▫️地獄泡菜豚肉鍋—小盛$118▫️食得辣嘅朋友必試🔥上枱時店員會點火，令鍋保持溫度👍🏻泡菜比一般嘅辣再配合金菇、豚肉、娃娃菜等吸收晒湯汁，更顯惹味🤤/▫️燒秋刀魚$78▫️原條秋刀魚燒，肉質比較實在配合秘製檸檬醬汁🍋同魚味好夾之餘仲可令魚肉提鮮/▫️章魚小丸子$32▫️每粒小丸子都充滿章魚🐙軟硬適中，配合必須嘅醬汁可以一止日本嘅癮🇯🇵🤭/▫️汁燒大蔥$45▫️中意食大蔥嘅朋友必試！每件大蔥份量唔少配合秘製醬汁燒得好惹味🔥/▫️熱金桔檸檬水果茶$48▫️話明係秋冬之選，點少得熱飲🥰係我最愛嘅水果茶！原壺上，份量兩人share啱啱好👍🏻味道唔甜，配合淡淡金桔檸檬嘅香味/▫️紅豆鯛魚燒$38▫️甜品唔少得呢款！餡料好足好飽滿紅豆粒粒又甜又大粒🫘/㊙️餐廳提供榻榻米座位有好多日本裝飾比大家打卡📸餐牌仲會根據唔同季節而更改，不時不食😋