Rustico

營業中

休息中

Rustico 是一家主打西班牙菜的餐廳，資料顯示它早於 2014 年 6 月已正式開業，距今也快將九年了。佔地2,000呎的Rustico，其裝修風格以典型的加泰隆尼亞餐廳為藍本，充滿鄉土風味，甚富西班牙小酒館特色；在極具情調的環境下品嚐鄉村菜餚，吃得份外投入。經過Dry Aged的肉類不但會變得更嫩滑，風味也變得更好，口感得以提升；酒櫃內存放了不少美酒，不知是否由西班牙挑選而來？吃西班牙菜飲Sangria應該是不二之選吧！Sangria是西班牙傳統的水果酒，多以紅葡萄酒加上切片水果製成，也常添加入橙汁或白蘭地；色澤是鮮豔的櫻桃色，加上新鮮的水果和微甜帶氣泡的口感，清爽解喝；酒精度也不是很高，飲多兩杯也沒有問題。這個 "RUSTICO" Tasting Menu 價錢非常實惠，包前菜、小吃、湯、主菜及甜品(HK$1188 for 2 persons，另收10%服務費)，我們六個人已可選三款套餐。首先上場的是SPANISH TAPAS，包括精選脆炸西班牙忌廉球、西班牙白毛豬火腿配特選蜜瓜 及 油醋沙律菜。以牛油、麵粉和鮮奶煮至幼滑稠身的「炸忌廉球」，被蘸上麵包糠後炸至外脆內軟，好吃。白

早就聽說Rustico 是很出色的西班牙餐廳,  首次到訪, 果然聞名不如見面, 我們嚐了餐廳的Home Dry aged Tasting Menu, $1188 兩位用, 好吸引, 吃得非常滿足.餐廳的裝潢讓人置身於西班牙之中, 門口位置, 我會形容為室內的戶外, 有高枱高椅, 休閒舒適.而餐廳內好多拱形及紅磚, 好好的氛圍.選好Tasting Menu的主菜, 我們也額外點了red sangria, 幾易入口.套餐有3款tapas, 第一及第二道是脆炸西班牙忌廉球及西班牙白毛豬火腿配蜜瓜.  忌廉球外脆內軟, 好香滑, 內裏混了辣肉腸; 而白毛豬火腿也夠咸香及乾身. 不要錯過碟上的鮮甜蔬菜~第三道tapas是生牛肉薄片伴火箭菜配Parmesan chess、油浸車厘茄、松子仁.  沒有太濃的牛味, 生牛片軟滑, 所有材料伴勻同吃, 口感豐富.西班牙菜一定不缺蝦~ 初榨橄欖油浸香蒜地中海紅蝦配香脆多士讓人回味至極.  蝦頭充滿濃香蝦膏, 無論是拿著放進咀啜抑或按出以多士沾著吃, 同樣滋味. 美味度足以分散了對油浸的恐懼, 況且這油浸的確「無得輸」.  然後熱呼呼的湯送到, 是傳統大

友人台灣返來，當然唔食中國野，選來了西班牙餐廳。今次個個女友都話唔肚餓所以就唔叫餐喇！不過Share 比獨食更開心。是次，叫左2個Starter、1個main、2碗湯、3個甜品。話多唔多，不過都飽肚既仲唔駛做大嘥鬼。蝦多士- 一聽會誤會是炸到乾晒既多士，不過上檯真的好驚喜，顏色鮮豔的蝦浸在濃濃的蝦汁上，配上麵包，其實都幾野味，可惜得個兩塊包，所以幾好味都唔夠喉。雪魚波波- 用份子料理弄上的泡泡汁，甜甜地，襯上炸香的雪魚球，係有特色既。一碟6個，份量剛剛好。海鮮湯- 餐廳好細心，雖然我地4人只點了兩碗，不過他們幫手分成4碗，仲將湯料擺好盆上，其實分妥的湯都盛滿大半個碟，我覺得是餐廳中最抵叫的食物。海鮮飯- 至於個飯，是用鐵盆上的，吸滿海鮮汁的飯到上檯還是熱烘烘，滿有龍蝦味。最後到上甜品，不過不失的，可以為這餐畫上完美的句號。

Rustico (荔枝角)荔枝角長義街9號D2 PLACE一期地下G01舖💰446 （堂食連加一）我哋係中午食，所以午市套餐包括左（一個頭盤，主菜，甜品同嘢飲）「頭盤」特色蘑菇湯配黑腸及豬腩肉🍲個蘑菇湯幾濃味，不過唔夠香，唔會有想一啖接一啖飲既感覺。亦都食唔到有黑腸🤔個湯中間有一塊豬，👧🏻就話個味同燒煵仔一模一樣，整體比較一般。「主菜」👧🏻傳統西班牙海鮮飯🥘$188老實講，好失望❗️一啲都唔好食😪唔單止冇海鮮既鮮味，成個飯淡到好似冇落調味料😐😓加上成個飯得幾粒海鮮，比$188絕對唔收貨❌‼️👦🏻招牌烤乳豬配香草焗薯🐖$218叫得做招牌，以為一定有返咁上下水準，對比過海鮮飯，係好食啲嘅😀但其實都真係麻麻哋。個豬唔算滑，調味都好一般❌「甜品」朱古力慕絲🍫味道算係成餐飯最正常，但都係一般😪👧🏻上網見到人哋嘅食評之後期待左好耐去食，去到成個餐廳full哂，諗住一定幾正😌結果成餐飯都好失望😟😞味道真係仲差過d人均一百既西餐廳，而且d服務都麻麻哋😤咁既價錢絕對唔值‼️✨評分✨食物：4/10環境：5/10衛生：5/10服務：4.5/10回頭率：3/10😐

呢間店喺D2 Place地下，一出地鐵站就見到，門面裝修好有歐洲feel，除左西班牙菜特別出名，亦都有近年好hit嘅Dry-aged steak!!!🥩 重要事情講三次：記得book枱👊🏻留位👊🏻訂座‼️先介紹佢嘅Dry-aged steak，入到餐廳已經見到有個好大嘅櫃，就係為咗設置一個有特定濕度同溫度嘅環境，用嚟養🐮或者其他時令肉類（餐牌會因應唔同嘅季節改變架）一段時間之後，肉質水份就會慢慢蒸發掉，從而令到味道更加濃烈！ 當放到足夠日數，就可以食得喇！今次呢塊牛係「炭燒21日熟成美國肉眼扒」，我哋形容佢係似一塊有芝士味嘅牛，其獨特嘅味道超乎想像地好食，絕對岩曬追求食優質牛扒嘅食客！另外，再介紹佢哋嘅Signature dish—西班牙黑毛豬🐷海鮮🦞飯🥘真係不得了，每一粒飯都吸收咗海鮮味同肉汁，粒粒飯都非常入味，而豬肉切小粒，肉質鮮嫩可口，青口都好肥美，回味無窮！最後，介紹埋西班牙經典甜品-Churro，除咗炸到金黃色同外脆內軟之外，仲喺個醬度花咗心思，用咗朱古力慕絲同雲呢拿雪糕，口感非常之好👍🏻

每次經過都見佢排好長龍🫣終於有機會可以試下今次試咗daily special 嘅蠔同埋西班牙飯 Oyster set 4pcs $268今次得返4款西班牙生蠔 每隻都幾肥幾飽滿 食得岀都幾鮮甜😗但係個人就覺得冇乜蠔味😢Seafood paella $ 248一上枱俾佢個盤嚇親😂份量都幾多 入邊有啲切粒嘅黑毛豬 亦都有啲比較大塊嘅黑毛豬🤩黑毛豬嘅豬肉感覺係有煎香過 而海鮮亦都幾鮮甜 ，特別蝦係好彈 好爽口 🫡而飯都幾足味 軟硬亦都適中📍Rustico Spanish Restaurant地址：茘枝角長義街9號D2 PLACE一期地下GO1舖推薦：💛💛💛💛🤍#hkfoodie #hkfood #hkblog #likeforlikes

偏貴的西班牙菜好耐無嚟呢間餐廳食，好掛住佢個馬鈴薯洋蔥奄列。不過好可惜，唔同以前。之前嚟食喺立體長方形，大概 8cm x 6cm 大小。今次嚟食竟然變咗偏平圓形，細咗好多好多。雖然味道還是和從前一樣，但Size細了很多，感覺貴好多。傅統西班牙馬鈴薯洋蔥奄列 $65加入薯仔嘅奄列，好有飽肚感，不過都喺以前個個味道好食啲，味道濃啲。地中海紅蝦意大利粉配龍蝦汁 $398紅蝦超級鮮，勁濃味。不錯可惜個意粉上枱時好似未熟咁同職員反映後，職員都適時處理幫我哋再煮不過重煮嘅意大利粉都仍然不夠軟身可能喺意大利粉質地問題而且重煮之後鹹咗兩倍😅好鬼鹹可能食其他會好食啲不過呢餐飯偏貴，兩碟，埋單六百幾餐廳好靚，好有情調，如果帶客人或者女朋友嚟，價錢同環境都唔會失禮。

Roasted Chicken Caesar Sland served with Parmesan Cheese香烤雞肉帕馬森芝士凱撒沙律Classic Paella with Mediterranean Seafood and Iberian Black Pork招牌西班牙黑毛豬海鮮飯Traditional Beef Tripe Stewed with Chorizo and Chick peas傳統西班牙燴牛肚配鷹嘴豆辣肉腸醬汁Dry-aged Meats熟成牛平時經過每次都見到爆場，今次就專登book枱嚟試下。個香烤雞肉帕馬森芝士凱撒沙律雖然無咗麵包粒，但佢喺用個酥皮圍裝住，沙律連埋個酥皮一齊食👍👍相當之特別。不過芝士粉就略嫌唔夠重味。招牌西班牙黑毛豬海鮮飯嘅每粒米都脹卜卜、入晒味、索晒汁，燴汁嘅味道夠晒味，飯粒口感軟硬適中。不過黑毛豬肉得幾粒，份量小咗d。海鮮餸料都喺好像徵式咁每樣得2-3舊，份量都喺小咗d。傳統西班牙燴牛肚配鷹嘴豆辣肉腸👍👍值得推薦。牛肚炆到好淋身，加上味道好濃，好重內藏嘅羶味，但羶得嚟喺令人易接受。醬汁同調味都酸酸咸咸咁，好令人開胃。呢道嘅熟成牛令人有d失望

喺D2 Place地下有一間西班牙菜經常滿座，今次提早book位，lunch時段去冇咁多人，而且lunch set亦好抵食。西班牙白毛豬火腿配特選蜜瓜及沙律味道比黑毛豬淡，但充滿住鹹香味同埋果香味，夾住甜甜嘅蜜瓜食好清新。自家製蕃茄醬煮新鮮大蜆, 小八爪魚及海蝦蕃茄醬酸酸甜甜，海鮮整體來講新鮮，海蝦肉質鮮，前菜來講份量都算多。日本空運魷魚燴墨汁西班牙飯一上枱已經見到超大盤西班牙飯，用料特別，魷魚係日本空運貨，非常新鮮食落去彈牙爽口，加咗墨魚汁煮嘅飯非常鮮味，高質之選，而且非常抵食。香煎海鱸魚拌烤南瓜另一高質之作，海鱸魚肉質結實，海水味較重，配菜烤南瓜🎃甜甜地。

係今次之前一路都有食過呢間，平日/節日都有食過，無論味道食物，賣相同價錢都唔差，所以期待咗琴日情人節呢餐好耐…但係琴日真係好失望…招牌菜西班牙燉飯（由於太失望相都唔記得影…所以拎咗舖頭ig 幅相，）喺情人節竟然變咗唔係鐵板上係碟上，仲要冇味嘅。另一個主菜封門牛柳得細細舊又燶…明明二人餐份量仲少過一人餐😮😮情人節係會收貴啲，都唔係咁過分呀？頭盤嘅生蠔同生牛肉片就不過不失，至於甜品方面，誠意欠奉🥶🥶🥶💸💸

話說放工好想食西班牙海鮮飯，於是同老公一齊去食西班牙嘢。由於對西班牙海鮮飯特別抱有期望，滿心期待就係食佢哋嘅西班牙海鮮飯所以今餐真係認真麻麻呢間餐廳嘅其他小食都好好味，除咗佢嘅飯。首先頭盤叫咗脆炸鱈魚球配蜜糖泡，佢哋嘅炸魚球外脆內軟，仲要加咗好特別嘅蜜糖泡，真心好食嘅而且仲好特別真係值得一試之後我哋就叫咗初榨橄欖油浸香蒜海蝦配多士啲蝦香蒜味非常濃郁，而且d蝦都好肥美。個多士浸喺嗰啲醬汁度好好味浸完個汁之後又軟又香脆。聽個侍應話，有啲人會嗌多份多士去點佢哋嘅醬汁如果唔怕醬汁太油都可以加多一份多士最後到滿心期待嘅西班牙海鮮飯好好好可惜，因為一心去食，仲要OpenRice 好多人推介。諗住實冇死喇，點知最失望係嗰一個飯。我哋等咗差不多半個鐘，個飯先到。可能mass production, 一次過出餐。講返個飯先，賣相就真係認真麻麻，海鮮又唔夠多，青口又細粒，蜆又少。青口得三粒，顯有兩粒，有一粒係得個殼，入邊啲肉消失咗蝦有兩隻，仲有少少九唔搭八嘅豬肉片。230幾蚊食啲咁嘅飯，我寧願食煲仔飯。飯嘅份量又少。講味道，佢係冇咩味，加咗佢附上嘅檸檬先有少少酸味。食完真心嬲因為滿心期待，所以落差亦特別大

每次經過都見佢排好長龍🫣終於有機會可以試下今次試咗daily special 嘅蠔同埋西班牙飯 Oyster set 4pcs $268今次得返4款西班牙生蠔 每隻都幾肥幾飽滿 食得岀都幾鮮甜😗但係個人就覺得冇乜蠔味😢Seafood paella $ 248一上枱俾佢個盤嚇親😂份量都幾多 入邊有啲切粒嘅黑毛豬 亦都有啲比較大塊嘅黑毛豬🤩黑毛豬嘅豬肉感覺係有煎香過 而海鮮亦都幾鮮甜 ，特別蝦係好彈 好爽口 🫡而飯都幾足味 軟硬亦都適中📍Rustico Spanish Restaurant地址：茘枝角長義街9號D2 PLACE一期地下GO1舖推薦：💛💛💛💛🤍

▪️香烤雞肉帕馬森芝士凱撒沙律 ʀᴏᴀsᴛᴇᴅ ᴄʜɪᴄᴋᴇɴ ᴄᴀᴇsᴇʀ sᴀʟᴀᴅ sᴇʀᴠᴇᴅ ᴡɪᴛʜ ᴘᴀʀᴍᴇsᴀɴ ᴄʜᴇᴇsᴇ $𝟷𝟹𝟾 呢個沙律真係超推介！個酥皮非常特別，撈埋雞肉同芝士一齊食好好味，完全唔覺得單調，係一個幾驚喜嘅沙律♡好味指數 🌕🌕🌕🌕🌑▪️"ʀᴜsʀɪᴄᴏ"特色西班牙炸蛋 "ʙʀᴏᴋᴇɴ ᴇɢɢ"伴香脆薯絲及辣肉腸碎 $𝟷𝟷𝟾薯絲炸到鬆脆可口，配搭辣肉腸同辣肉腸非常惹味，口感十足♡好味指數 🌕🌕🌕🌕🌖▪️招牌西班牙黑毛豬海鮮飯 ᴄʟᴀssɪᴄ ᴘᴀᴇʟʟᴀ ᴡɪᴛʜ ᴍᴇᴅɪᴛᴇʀʀᴀɴᴇᴀɴ sᴇᴀғᴏᴏᴅ ᴀɴᴅ ɪʙᴇʀɪᴀɴ ʙʟᴀᴄᴋ ᴘᴏʀᴋ $𝟸𝟺𝟾西班牙飯相對普通，冇咩特別驚喜，海鮮唔算好多，亦唔算特別新鮮♡好味指數 🌕🌕🌗🌑🌑▪️傳統西班牙ᴄʜᴜʀʀᴏ炸脆條配雲呢拿雪糕及朱古力慕絲 sᴘᴀɴɪsʜ ᴄʜᴜʀʀᴏ ᴡɪᴛʜ ᴅᴏᴜʙʟᴇ ʟᴀʏᴇʀs ᴏғ ᴠᴀɴɪʟʟᴀ ɪᴄᴇ ᴄʀᴇᴀᴍ ᴀɴᴅ ᴄʜᴏᴄᴏʟᴀᴛᴇ ᴍᴏᴜssᴇ $𝟽𝟻ᴄʜᴜʀʀᴏ拎上手仲係熱辣辣㗎!好夠鬆脆，點埋啲朱古力慕絲一齊食，好滿足🥰♡好味指數 🌕🌕🌕🌕🌑✔︎性

餐廳的裝修好靚好有西班牙小菜館的風情，入左去會令你忘記自己置身荔枝角。餐牌的菜式都好陌生，除左西班牙海鮮飯之外都唔係好識。*脆炸鱈魚球配蜜糖泡沫*大推!! 炸粉好薄，裡面有滿滿一絲絲的鱈魚肉，中間的蜜糖泡沫好得意，點黎食係唔同風味。*西班牙燴牛肚鷹嘴豆辣肉腸醬汁*店員知道我地叫牛肚，推介我地叫埋酸種包，可以點埋啲咁惹味的汁。牛肚好軟身，沾滿醬汁，醬汁望落似羅宋湯，但實際上充滿肉香，偶而咬到啲辣肉腸粒，好好味。*傳統烤焗多士,西班牙有機小蕃茄,香蒜及初榨橄欖油*反而呢個包冇咩特別，好薄，烘得好脆。*招牌西班牙黑毛豬海鮮飯*呢碟係最普通的，飯係有蝦膏的香氣，但偏油，而且海鮮比較少，黑毛豬更加唔知自己食左。不過黎食西班牙菜，好難唔食呢碟飯。值得一提的係呢到的店員超級趕，說話態度冇問題，但超快收走枱面的野，你放低佢就收，好似好想你快啲走。

位於荔枝角D2嘅Rustico, 已經屹立左好幾年，相信質素唔會差，今晚同朋友聚舊一於試試。餐廳裝潢走歐陸風，啡紅色調加上石磚拱門，整個格調都充滿西班牙小餐館嘅感覺。侍應一黎到就好熱情介紹是日推介，未食都已經有輕鬆有趣嘅氣氛。傳統西班牙油浸馬鈴薯洋蔥奄列🥔🧅🥚Share分量嘅Tapas, 雖然外表平平無奇，但食落幾好味好有驚喜，熱辣辣嘅奄列蛋好滑，食到啖啖都有薯仔同洋蔥，好香。脆炸銀鱈魚配蜜糖泡沫🐟🍯銀鱈魚頗鮮甜，唔會有腥味，肉質唔會梅，加上蜜糖甜甜地幾開胃。作為前菜唔會好飽，啱啱好。炭燒21天乾熟成美國肉眼扒🐮🥩因為係乾熟成牛扒所以特別嫩滑多汁，味道帶鹹香，好好味。值得一提係焗蒜頭🧄，每一粒蒜頭都有油嘅光澤，焗至全熟，好食。最後唔少得係白酒Sangria🥂, 好易入口好似飲果汁咁，一跟飲一路食一路傾計，好滿足！溫馨提示) 廁所係位於D2 Place, 女廁入口非常跣，一定要小心地滑🤓