💖 Pillowtalk Restaurant & Bar (屯門)
✨屯門青棉徑5號金寶大廈地下6號舖
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
今日 finfin.diary 長征入屯門搵我食晚餐，佢話唔想食牛肉🧐所以我就即刻帶咗佢嚟呢一間餐廳食我最鍾意嘅豬肋骨😳

-燒原條豬肋骨配薯條•秘製烤肉醬🦴 $208
我哋揀咗加$48升級有埋蒜蓉包、餐湯💁🏻‍♀️。豬肋骨燒得好香口🤤，肉質鮮嫩多汁，肋骨上嘅烤肉醬更係加分之處，帶嚟一啲酸甜嘅味道🫣，配合埋啲肋肉好好食。🍟薯條炸得金黃酥脆。蒜蓉包好值得讚，好脆口🤭

-白酒忌廉汁燴青口🐚 $88
青口好多粒🤫，燴得剛剛好，彈牙又鮮甜👍🏻，而白酒忌廉汁帶嚟一啲酒香🍶同埋奶香味🍼，食落去有啲濃郁嘅口感😚。

-巴拿馬火腿沙律配無花果🥗 $68
沙律中嘅巴拿馬火腿肉質鮮嫩，帶嚟一啲醃製嘅風味，同無花果一齊食可以帶嚟一啲酸甜嘅感覺之餘仲有啲鹹香😋。配合新鮮嘅蔬菜同特製的沙律汁，整體味道非常清新爽口🌿

💖 川花烤魚 (荃灣)
✨荃灣大壩街29號安康大廈地舖
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
近排我好想食烤魚但係我老公係唔食魚㗎所以就約咗朋友仔自私食😆一入到餐廳已經覺得呢度環境好乾淨，座位好闊落🫶🏻有啲客人已經食緊雞煲所以超級香噴😋未食就已經流晒口水🤣

-海鱸魚🐟 $298
烤魚係新鮮即叫即烤😍所以上到台滾一滾起就食得㗎啦😚。今次就叫咗豆豉味，其實唔使$300已經有一條原條嘅海鱸魚，好抵食😌今次揀呢個海鱸魚嘅原因係因為侍應姐姐話佢抵食得來又嫩滑唔會話好多骨🫡。果然喺食嘅過程當中起骨係一件非常容易嘅事🤤唔使點樣特別挑💁🏻‍♀️我覺得就算大小朋友嚟都可以叫俾佢哋食🤤外皮脆卜卜，魚肉滑捋捋🥳

-魚湯浸娃娃菜🥬 $58
娃娃菜嘅份量都唔少！而且仲可以邊食邊飲埋個魚湯😝可能因為加咗菜嘅關係所以就比平時飲嘅魚湯更加甜🫶🏻入邊仲加咗少少胡椒調味。

-生津李乾蘋果茶🍎 $28
除咗普通飲品之外呢度仲有自家製特飲，用樽仔裝住😌，充滿蘋果味嘅冷泡茶可以解膩☺️

-忌廉💚 $15
有冇人同我一樣食烤魚都一定要飲返汽水😆好似咁樣先夠爽😆



📞46784029
#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處

💖 巴打火鍋館 (元朗)
✨元朗鳳攸東街9號好順意大廈B座地下33號舖
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
住咗元朗差唔多大半年就有一間咁抵食嘅火鍋店🍲！由上年開始原來佢已經做緊$1嘅優惠😆

-原生椰子雞鍋🥥 $208
因為我近排都唔係好搭到車所以仲未可以返大陸食野😩，好掛住椰子雞可以點算？咁就可以嚟呢度食😝可以揀冰鮮或者加錢揀新鮮雞，同樣都係用椰子水🥥做湯底😍，非常甜美😚。雞肉雖然係用咗冰鮮雞但係肉質依然嫩滑🫡我自己通常就滾起咗之後就會夾起，咁就唔會煮到老晒😌

-娃娃菜🥬 $48
呢一兜娃娃菜堆到滿一滿😏好鬼抵食！好似食極都仲有😆我建議大家滾起咗之後就可以即刻放菜！咁就可以令到個湯更加甜美🥳

-美國雪花肥牛🥩 $138
好有驚喜嘅雪花肥牛😝估唔到價錢相比起其他牛部位平但係質素都咁好🤤。因為而家有咗小朋友嘅關係所以啲牛肉我都會淥好熟🥲但係我成日都擔心錄到熟晒會好嚡口，點知呢一個雪花肥牛完全冇呢個問題😋超有驚喜。

-爽脆白柏葉🐃 $68
有睇開我啲post就知道我老公好鍾意食牛柏葉，佢話就係鍾意嗰份爽脆嘅味道😗

-水魷魚🦑 $58
呢一份水魷魚份量好大，我諗咁樣仲平過喺街市買🤩！抵食扺食！

-健康芋絲🤍 $48
有冇朋友仔都係好鍾意食芋絲？😂其實我以前都好鍾意，但係越嚟越大個嘅時候就冇以前咁鍾意食🤨，不過我老公仍然都係超級愛😏

-爆打檸檬茶🍋 $32
大大杯嘅手打檸檬茶酸酸澀澀，好Fresh😳

-醬油費🧂 $20/1人
呢度加一同醬油費分開計算，大家要留意哦！

💖 豐盛閣 (馬灣) ✨馬灣珀欣路33號挪亞方舟度假酒店 〰〰〰〰〰〰〰〰〰〰〰〰〰〰〰〰〰 日前帶媽咪去左挪亞方舟度假酒店，喺餐廳享用新推出既「花語逸誌海景下午茶」兼且觀賞180 度全海景🏞，可以望到青馬大橋&汀九橋🌉。 「花語逸誌海景下午茶」有十款美點用左花糸食材或造型🌸🪻🌹 👇🏻咸點🥐 -鹽漬櫻花迷你刺身丼🍱:當中有三文魚粒同赤蝦，覺得都好滿足❤ -芥末龍蝦玉子燒🦞:玉子燒配搭細細粒龍蝦肉又幾夾🤫，一啖一蛋+蝦😎。 香煎帶子多士配洛神花果醬🍘:有呢個多士配埋酸酸甜甜嘅無花果果醬確係生色不少👍🏻 胡麻醬蟹肉三文治🥪:中間夾雜着巨量蟹肉😍，有驚喜。 紅菜頭三文魚玫瑰🌹:用紅菜頭醃製過嘅煙三文魚，令色澤更加似玫瑰😚，IGable📸 👇🏻甜點🍬 藍莓薰衣草蜂蜜奶凍🫐:唔會太甜，啲藍莓又夠大粒🤩，口感清新。 士多啤梨玫瑰慕絲配白酒啫喱🍓:中意白酒嘅朋友仔應該會勁鍾意，因為食落就好似飲緊士多啤梨味嘅白酒咁，打卡一流。 紫羅蘭檸檬杯子蛋糕🧁:當中嘅檸檬味好突出❣，同淡淡嘅紫羅蘭互相融合 櫻花意大利軟芝士凍餅🧀: ，食完成口花香😍 蔓越莓鬆餅🥞:香莓果味濃郁🍓。

💖 紅館 (中環) ✨中環干諾道中50號地下B號舖 〰️〰️〰️〰️〰️〰️〰️〰️〰️〰️〰️〰️〰️〰️〰️ 原來人均約150就食到個Tea Set🙀，好鬼抵！所以就約埋朋友仔黎TryTry🫶🏻 -下午茶 $298/2 👇🏻咸點🥐 澳洲M8和牛他他🥩: 佢哋肉質鮮嫩，口感滑脆，真係食咗會上癮😽 日式照燒雞三文治🥪: 燒雞肉夾喺麵包度嘅，啲燒雞肉汁多多，帶有甜甜嘅照燒醬汁，好好味☺️ 巴馬火腿配艾曼塔芝士🧀: 絕配🤟🏻，啲巴馬火腿鹹鹹香香，同艾曼塔芝士嘅豐富奶味好搭！一啖咬落去，啲味道好豐富😎 香辣豬肉串🐖: 豬肉嫩滑，香辣味刺激，好開胃✌🏻 油漬車厘茄配巴馬臣芝士🍅:超好食，忍唔住食左2舊🤭 日本三文魚籽撻🐋: 撻皮酥脆，內裡餡料富有鮮味，加上三文魚籽嘅鮮味爆發，好好食😋 👇🏻甜點🍬 鮮果芝士撻🥧:超好食嘅芝士撻😳，上面嘅青提好甜好夾❤️ 拿破崙: 由多層酥皮和奶油夾層組成，外層金黃酥脆，內裡奶香濃郁，中間仲有芒果夾心🥰 朱古力蛋糕🍰: 口感濃郁，朱古力味道香濃🍫 馬卡龍🍡:由細個唔同嘅口味，四種都唔會話太甜👍🏻 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie 如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

💖 叄壽司凍肉專門店 (屯門)
✨屯門青翠徑9號多寶大廈上層34號舖
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
下個星期約咗一班朋友喺屋企開party😆我主要就係負責準備嘢食😌我好耐冇喺屯門買餸/飯，所以除咗大牌子之外我都唔知可以喺邊度買到啲靚嘅日本嘢食🥲好彩朋友帶咗我去呢一間舖頭😍入邊除咗可以訂購刺身、壽司等等之外，仲可以買到一啲生活用品、特色小食同埋急凍點心等等🙈

-汁燒豬軟骨飯🐷$50
豬軟骨煮得好好好好入味😍，肉質勁軟綿，配上啲汁燒醬汁，味道香濃😋，最緊要係份量多，旁邊仲有兩隻半熟蛋😎

-原條鰻魚飯🐍 $119
喺日本食唔夠碗，唯有返香港嘅時候再食😂，估唔到呢一間店舖買嘅鰻魚同我喺日本食嘅不相伯仲😗，鰻魚汁唔會鹹，肉質有咬口🤩

-蟹子玉子燒🍳 $55
玉子燒係全部人都讚😌，佢嘅賣相好靚，而且好抵食❤️。蟹籽份量超多多🤪，之後玉子燒又好有蛋香😏

-牛油果三文魚沙律🥗 $58
好大兜😎，巨量牛油果🥑，配胡麻醬更加清新🌿。三文魚切成粒粒都幾好🍣。因為令到每一啖都可以食到生菜、青瓜、同埋三文魚粒🥳

-珍寶帶子壽司🐚 $56
巨大粒帶子😱好鮮甜🤤。

-海膽壽司🧡 $56
好甜好Creamy嘅海膽😍一食完成個口腔都係海膽味😌

想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie
如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

💖La Famille (屯門) ✨屯門屯順街1號屯門市廣場1期1樓Kiosk 6
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️ 有follow開我嘅大家一直都知道其實我係好鍾意食甜嘢！尤其是係蛋糕❤️🫶🏻每一年嘅生日都會食到起碼10個😂不過人大咗為咗健康着想其實都唔應該咁樣食嘅🫠但係冇理由一次過就戒晒咁慘㗎嘛！所以今年生日我就買La Famille 😆貪佢細細個好迷你，仲有好多款口味🥰 -英國伯爵茶☕️ $60 伯爵茶本身嘅茶底已經好香，作為飯後甜品就最適合不過👍🏻中間嘅鮮忌廉又香又滑😍 -香濃開心果💚 $70 擁有脆皮朱古力嘅外表同埋中間嘅開心果脆脆粒😽，食落就更加有口感🙌🏻雖然有朱古力包住但係一啲都唔算甜🤫 -法國玫瑰🌹 $60 平時市面上好難買到玫瑰味嘅蛋糕🥲，作為玫瑰fans嘅我一直都好想試吓呢個口味嘅蛋糕，我覺得佢相對上平時嘅蛋糕比較清甜🥰 -泰式奶茶🧋 $60 食勻晒咁多隻味就覺得泰式奶茶係最濃味，個口腔香到真係好似飲緊泰奶咁😌 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie 如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

💖 Porterhouse - Seafood & Steak (中環)
✨中環蘭桂坊德己立街30-32號加州大廈7樓
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
今晚約咗我嘅老朋友一齊食晚餐🍲，好耐冇見佢預咗會傾偈傾到唔捨得走所以特登搵咗一間坐得比較舒服嘅餐廳慢慢食慢慢傾偈💬。

-史氏鱘魚子醬🧆 $318
呢一份魚子醬係配上迷你熱香餅一同食用嘅，當中仲有幾樣唔同嘅配料可以作配搭，我自己覺得最好味嘅就係忌廉🍦，配搭後更加能夠突出魚子醬嘅鹹香味。

-法式龍蝦湯🦞 $188
每一個碗入邊都會放在一舊Creamy小忌廉同埋彈牙龍蝦肉🦞，職員其後先會將濃湯倒入碗中。佢嘅龍蝦湯係由龍蝦殼、龍蝦膏熬製而成，所以極為濃郁👍🏻。

-香煎帶子🐚 $268
呢個帶子好特別，因為我冇諗過會用辣醬去配搭🌶️除此之外旁邊仲有一啲肉鬆、同埋炸蝦米佢增加味道層次，食落會多一種鹹味🤫，另外亦加咗青醬去提升鮮味😌。整體嚟講呢個帶子相比起我以前食過嘅較為特別。

-紐西蘭青口🥘 $398
有幾種醬汁可以俾我哋選擇，我同 @17feelgood 最後達成共識決定要白酒香蒜迷迭香汁🍶，因為感覺上係最夾嘅😋。上到枱我哋超級驚訝，因為冇諗過咁大兜，份量好足，雖然每一隻青口唔算好大隻但係隻隻都好鮮甜。我覺得旁邊嘅脆孫總麵包都係好出色，食之前點一點呢個迷迭香汁更加正🤩。另外今日仲學咗一個法國人食青口嘅方法，原來真係幾方便🤣大家都可以學吓。

-紐西蘭400日穀飼純種和牛肉眼扒7oz🥩 $378
呢個肉眼扒我哋都係揀咗最Basic嘅紅酒汁🍷，肉質比較細緻，肉紋分佈均勻，色澤鮮紅，入口即化。我哋分別仲+$88炸薯條🍟同$88車打芝士焗通心粉🧀。個薯條係香脆嘅粗薯條，頭幾啖食落口嘅時候覺得真係幾好食㗎，但係食多幾條之後發現鹹咗少少🥲呢一個位就扣咗少少分啦。而相對上呢個車打只是焗通心粉攤凍咗之後就有少少硬，但係整體嚟講都尚可接受嘅。

如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

💖 Miss Pisces Creations (尖沙咀) 尖沙咀漢口道5-15號漢口中心地下9A號舖 〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️ 雙魚座嘅我之前一直都好想食呢間雙魚小姐㗎啦，唔知係咪因為只要有嘢同我相同就有少少情意結😂今日行過就諗住買啲下午茶返屋企食🥳 -草莓蛋白輕奶油罐子蛋糕🍰 $45 士多啤梨對於我嚟講係無法抗拒嘅，之前喺日本呢都成日見到呢類型嘅罐子蛋糕，不過喺日本買真係好貴😭呢度$45我覺得價錢對於我嚟講還算可以😋士多啤梨除咗鋪滿喺面頭之外，中間都仲有少量夾心🍓，食起上嚟甜不膩。 -開心果流心麻糬牛油鬆餅💚 $45 超大塊嘅鬆餅上面仲要好多開心果碎🤭超有口感，咬到中間仲要有一層煙煙韌韌嘅麻糬作夾心，好特別呢😘 -黑松露奶油芝士軟心曲奇🧀 $45 冇睇佢黑蚊蚊好似好唔吸引咁呀，但係其實佢係好香黑松露味😋，中間嘅芝士好濃郁，同黑松露好夾🤝🏻 -抹茶鮮奶🍵 $30 去到嘅時候本身係想飲海鹽咖啡，但係賣晒啦，唯有揀抹茶鮮奶啦，好滑，同時亦唔會有苦澀味👍🏻 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie 如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

💖 金仔米線 (新蒲崗) ✨新蒲崗大有街3號萬廸廣場地下B號舖 〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️ 新年一家人就係要食盆菜🍲，不過我自己就唔係好鍾意食盆菜，因為成日都覺得好齋，所以今次由我發辦🤭，我就一早訂購咗金仔米線嘅龍蝦雞煲，貪佢係雞煲，超多肉❤️ -金雞煲🍲 $538 加左$88轉大龍蝦🦞，超抵食🤭。當中嘅雞件係用麻辣重慶土佬雞，四至六人份量足足有1隻😍一家人食啱啱好🤩。鮑魚炆得好入味😋我最鍾意嘅就係酸菜腩肉😳，好正！超級腍。另外仲有豬大腸、鴨血、水魷、豬皮、鮮冬菇、蘿白、蓮藕、支竹同雲耳，好足料🫶🏻 另外我覺得佢個湯底都好好味，麻麻辣辣，入邊仲有香葉、花椒、八角、小茴香🌿所以拎嚟淥菜超惹味🤫如果大家都想食辣嘅盆菜不妨考慮吓呢一間餐廳🤭 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie 如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩