Rustico

營業中

休息中

週末lunch hour黎到荔枝角，被D2 place地下呢間充滿異國風味的西餐廳吸引。望望menu同裝修，原來係食西班牙菜🇪🇸環境舒適頗有情調，忙裏偷閑食個商務午餐都唔錯🥰Lunch course價錢合理，包前菜、main、飲品同甜品，人均二百左右，性價比高。頭盤—特色蕃茄羅勒湯配銀魚柳蕃茄濃湯，配少量麵包粒，而銀魚柳只有一小塊，感覺不太特別。反而朋友點的燒牛仔肉薄片配吞拿魚醬就幾吸引，好似pici’s appetiser果款吞拿魚。另外，前菜仲有麵包同脆多士片，值得一讚。主菜—特色燉羊肉貝殼粉呢個好好味羊肉味好夠，配蜆殼粉比預期中夾👍🏻至於朋友點的三文魚，賣相較hea，味道亦正常水準，不太推薦😂甜品—朱古力雪糕朱古力味好重，而且唔甜，啱晒朱古力fans😋底層有脆脆，增加口感，唔錯。總結，整體唔差嘅西班牙菜，環境氣氛好，經過附近可以試吓。