Neko 熊穴

營業中

休息中

呢日黎到西貢chill一chill~行到黎海傍街呢間餐廳見到D裝修都幾有feel, 所以就入左去食野坐下! 餐廳唔算話好多位,但係佢D位都幾舒服, 同埋燈光好柔和, 令人想坐係入面HEA下, 我叫左魚白湯烏冬配日式雞肉丸子同埋煎茶玄米茶~ 一食佢既烏冬就覺得好彈牙好好味, 仲好食過平食食開既日本烏冬, 原來呢度既烏冬係店家自己搓, 個烏冬食完之後都唔會令人覺得口渴, 個湯底好鮮甜, 一食就知冇落味精, 細問之下原來一D化學調味都冇落! 真係勁抵食! 佢既玄米茶都好香, 同埋佢既茶都係黎自於日本茶園, 淨係呢點都加哂分! 我地係度坐左都幾耐下, 好chill, 好舒服, 係繁忙既香港都搵到呢個地方真係好!

朋友搬左入西貢, 今日就特登入左西貢探佢, 佢就帶左我食呢間Neko 入到黎西貢已經覺得好chill好輕鬆, 入到黎呢間餐廳更加覺得成個人都應該淨係嘆下! 果然, 地區同環境真係會影響心情! 呢度既氛圍令人覺得好舒適! 朋友話佢地既烏冬係自己搓, 我就覺得一定要試下! 同埋成間鋪頭既食材都係日本進口, 包括佢地既茶葉, 咁一定要試試佢! 我叫左蘋果蓉焙茶梳打同埋香煎帶子明太子紫蘇冷手打烏冬! 個烏冬勁有誠意, 真係好好食! 而帶子都好大粒! 杯梳打有超香焙茶味! 朋友話呢度已經變左佢飯堂, 我如果住係西貢既話, 一星期都會黎幾次享受慢活一下!

難得平日放假，約埋朋友一齊入西貢行吓撐枱腳。上網搵咗呢間Neko 熊穴，比人一種好慢活好chill既感覺，可以舒舒服服咁歎個late lunch，加上地點位於海傍街，方便得黎又易搵。個朋友一睇MENU就話要試餐廳主打既手作烏冬，自己親手搓真係心機作，黎到一定要試試！店員仲提及店內食物無加添加任何味精同化學調味，原材料大部份都係來自日本，連茶葉都係來自日本茶園添架！真係好有HEART既餐廳！！堅持比最好既野客人～同佢SHARE咗個柚子鰹魚高湯蜆肉手打烏冬，第一次試鰹魚高湯MIX柚子，估唔到效果出奇地夾，飲落好清新～蜆肉大大粒好飽滿，主角冷烏冬煙煙韌韌，口感彈牙有嚼勁！再歎埋杯金鑽菠蘿x意大利金橙梳打，香甜舒爽，飲落好FRESH，岩哂而家炎炎夏日飲～

喜歡去西貢食飯是因為喜歡它的恬靜，遠離塵囂的感覺。更嚮往它悠閒、「慢活」的生活態度。「熊穴」這間小店，簡潔的日系佈置裝修是吸引我想去到訪的原因。先講一下食物質素。全店大部分食材源自日本，烏冬用日本麵粉自家製之餘，班戟也是即叫即整。🍜魚白湯烏冬配自家製日式雞肉手打烏冬比目魚白湯底清甜而不腥，配合菠菜和本菇和自家製彈牙烏冬，味道清淡但我頗喜歡。可能鐘情濃味的人士未必欣賞，但我卻喜歡食完不會好口渴的感覺🍝香煎帶子明太子紫蘇手打烏冬北海道帶子煎香後加在烏冬上，坦白講，沒太大驚喜，冷烏冬相對比較硬身，明太子味道亦不夠突出。沒有熱湯的配搭下，這個冷烏冬的味道並不理想，淡而無味。🥞法式焦糖班戟雖然等候時間較長，但也是值得。因為脆脆的焦糖加上原味班戟，味道出奇地好，加上熱情果醬香提子，非常之夾。另外一提，店主阿魚貼心招呼，知道細佬仔喜歡朱古力但哥哥喜歡焦糖，特意在其中一塊班戟上加上朱古力碎，令我們也食得好開心。另外飲品叫了法國入口招牌的朱古力奶、香蕉朱古力奶昔 及日本精品茶 （無咖啡因）上焙茶 當日兩位店主都相當友善，可能是因為平日，沒太多食客的關係，但建議星期六、日應該請多一位員工幫手，否則繁忙時段

放假間唔中都會去吓西貢，感受吓慢活又chill既氛圍，等自己可以好好放鬆差差電😌今日訓到自然醒先再慢慢入西貢～一早揀咗呢間新發掘嘅CAFÉ✨Neko 熊穴✨餐廳位於海傍街，地點易搵好方便！泊完車行幾步就到～黎之前上網睇過資料，餐廳主打手作烏冬，真係自己落手落腳親手搓架💡而且店內所有食物都無加添加任何味精或化學調味，幾乎所有原材料來自日本，包括茶葉都係來自日本茶園，咁就自然食得安心又放心啦💋今日歎咗個卡邦尼烏冬加煎茶玄米茶❤️卡邦尼意粉就食得多，卡邦尼烏冬真係第一次試😝用上煙肉、雞蛋、芝士等製成，鹹香味濃，賣相吸引，入口相當creamy～烏冬煙韌彈牙，夠哂掛汁，好高質😻之後再歎埋壺煎茶玄米茶，充滿茶香再夾雜玄米香，茶色清新，無苦澀味，清爽又解膩💕好鍾意呢度既氣氛好chill好慢活，可以好RELAX咁歎個late lunch，推介😋

放假入去西貢，有人推薦一間叫熊穴cafe!!啱哂我想入去chill 下relax，啱返放假嘅節奏🥹平日返工真係chur到，要喘息嘅空間！係門口已經好日系，令人好舒服溫暖感覺！係我最鐘意嘅木系😝入面有榻榻米，有原木枱，有好多植物，好cozy!好似去咗日本cafe咁🫶🏻好平靜！佢地主打手作烏冬寫明係店主自己整，而且表明無任何添加👍🏼高質夠天然，我鐘意咼！不過，all day breakfast襯返去Cafe心情🤣餐牌都有寫話係自家研發㗎pancake粉😝期待！！全日班㦸薈 由於係即叫即整，等得比平時耐啲！超好豐富吖🤤有黑松露炒蛋，菇，西班牙白毛豬火腿，車厘茄，班戟😎佢仲配埋糖漿俾你任點啲班戟，正呀！班戟有成3塊，食完勁滿足！焙茶拿鐵焙茶係我最鍾意嘅茶😍個個濃香，烘過嘅味令人好深刻！佢仲要寫明啲茶葉全部都係來自日本嘅茶園🤭無理由唔試！！鍾意焙茶就唔好錯過😗

Neko 熊穴西貢隱世茶房～主打人手搓製手工烏冬🍜見到網上好多人介紹呢間位於西貢餐廳難得入來西貢～特地來朝聖叫左碗魚白湯烏冬🍜配日式雞肉丸子🍡啖啖肉雞肉丸子～配上濃香呈白色魚湯🐟配上粗身麵質夠哂嚼勁烏冬～完美組合whisky煙熏紅茶 ～ 店員推介佢地呢款特飲用上來自日本茶園🫖紅茶茶葉飲落紅茶～帶點煙熏味呢款特飲非常特別 ～又好味邊嘆茶～邊同朋友閒聊～感覺好chill好relax~ 假期入來西貢慢活下幾正📍西貢海傍街2號地下B號舖

每次放假唔知去邊，🐻🐻都會揸車同我去西貢行下食下野‼️西貢呢個地方真係完全可以令人進入無壓力狀態，吹下海風好舒服經過見到呢間充滿和風味道嘅小店，岩哂我哋嚟慢活一番重點係呢間茶館對食材非常之講究所有茶葉都係源自日本嘅茶園，所以我一定要叫返叫杯茶品先得「焙茶鮮奶」- 果然烘焙嘅茶香非常突出，而完全無澀味 鮮奶嘅角色增添其順滑感。「鮮蟹肉蟹味噌冷素麵」呢間嘅冷麵勁好食❤每一啖都係濃濃嘅蟹味，仲有新鮮蟹肉，令成件事鮮味倍增食完先留意到呢度嘅烏冬係全人手搓的，下次要再嚟試下

Neko 熊穴@nekobearcafe📍西貢海傍街2號地下B號舖最近入左西貢行下～慢活一番發現左呢間位於西貢海傍餐廳茶房見到店內裝修以木系為主調～感覺好舒服佢地主打手作烏冬🍜一於入去試試😄估唔到有驚喜✨😎一問之下烏冬係由店家親手搓製而成而且店內食物都無加任何味精或化學調味好欣賞店主呢份對食物堅持同熱誠叫左份碗烏冬～。日本蠔～瀨戶内產～時雨煮配魚湯烏冬烏冬入口夠Q彈～湯底夠濃香～配上大大隻日本蠔～非常正。凍朱古力🍫 ～ 食完碗烏冬😎💖飲返禁凍朱古力係餐廳到chill下都幾嘆♥️

原本以為一間好有禮貌裝修好好嘅日式西餐廳，一入到去都算好有禮貌，特意安排座位，可惜我們一行四位大人，帶埋兩個兩歲未夠嘅bb, 三番四次叫我地要人頭飲品，我哋非常意外，小朋友如常吃BB的原食材，竟然叫我地下次再嚟，我們拒絕order 茶類飲品給BB, 店員話BB其他可以飲佢哋啲茶，我覺得店員蠻不講理，強詞奪理，我哋比錢唔係問題，一碗麵168蚊我比，係比較貴，但我地都係想有個地方休息下，呢間舖都唔係做生意，店員態度同個menu寫嘅係完全相反，不尊重別人亦不尊重小朋友，香港人招待香港人都咁，真係好失望。

趁住週末嚟到西貢四處逛逛，搭船前諗住係海傍街穩間cafe食chill下。經過呢間cafe，被佢個日式和風裝潢吸引住，二話不說即刻入去。呢間熊穴餐廳茶房環境好舒適，給人一種慢活的感覺，今次更好難得有榻榻米座位坐，一邊嘆好野食一邊同朋友傾下計，正啊！今次點了店家招牌：魚白湯烏冬配雞肉丸子。店家主打手打烏冬，每日人手搓，所以點都要試吓啦。烏冬同時好掛湯，嗦曬魚白湯的鮮味。日式雞肉丸子好大粒啊，表層有略略燒香過，配上烏冬好夾。飲品方面點了一杯凍朱古力，朱古力好濃郁，上面仲有一層朱古力泡沫，層次分明，又唔會過甜，十分推薦。下次黎西貢又多一間打卡cafe了！

好耐冇去西貢，今日難得身在西貢，特意想搵一間有特色嘅小店去食啲野。行到海旁留意到呢一間和風茶室「 Neko熊穴 」，見到餐牌都係主打健康料理，岩我。門口有小石路，室內用上淺木色設計，內裏又有榻榻米座位，感覺寧靜而且好似去咗日本咁。《 法式焦糖pancake $88 》班戟有三塊，送上時香噴噴好吸引。襯熱食香軟鬆化，倒上焦糖仲惹味。另外仲配有鮮提子肉、cream同埋百香果醬，味道豐富～我就仲欣賞個百香果醬，酸酸甜甜幾開胃 ，又唔膩。《 凍朱古力 $48 》天氣熱咗飲返杯凍朱古力好爽，味道又唔會太淡。下次試吓咸點先。

放假去西貢前已經上網做好功課，揀定左嚟呢一間和風小店食下午茶。喺門口嘅小石路已經比到我一種置身於日本嘅感覺，入到去仲有和風嘅裝修，例如榻榻米、木係傢俬擺設等等，整體感覺令人心情放鬆。** 限定菜式 **《 魚白湯烏冬配瀨戶內牡蠣 $178 》蠔有兩大隻幾肥美而且好鮮濃有蠔香，湯底清令蠔香更出。湯配料仲有菜、菇同櫻花蝦，令烏冬更豐富。《 Whisky香薰紅茶 $68/壺 》酒精配菜呢個配搭好特別，一於試吓。紅茶入口香濃不澀，慢慢浸出Whisky味，但又唔會濃烈更唔會令人酒醉，好喜歡呢間個配搭。

對上一次黎西貢應該係幾年前嘅事，對西貢嘅印象就係啲嘢好食，同埋好悠閒好chill因為工作嘅關係搞到3點左右先可以自由活動吓，咁又已經食咗野 所以就搵吓邊度可以chill下就俾我喺海傍街搵到呢一間”Neko熊穴”餐廳格調行輕日本風，未食已經有不少既打卡位！叫野食前梗係問吓人有咩推薦啦！原來呢度係主打手作烏冬，餐廳自己親手整嘅 亦都唔會落味精同化學調味 啱晒我呢啲對味精敏感嘅人！食物原材料仲要係來自我最愛嘅日本 價錢仲要唔係好貴，真係不得了！但我真係好飽，只係嗌咗杯紅茶姐覺得有啲唔好意思，但店主完全冇介意，Chill係咁嫁啦！Whisky煙熏紅茶我都係第一次試咁嘅配搭，whisky紅茶前調有獨特又細膩既煙燻味，後調就有啲麥芽香氣，茶香濃郁又獨特既紅茶坐下坐下，又一個下午 原來呢度係收6點！逢星期二三都休息，如果想來嘅話就要睇清楚佢開門時間啦！

近排開始多咗時間，想搵啲海邊嘅或者休閒啲嘅餐廳，嘆番杯茶或者咖啡，好好享受我嘅假日晏晝🥰最近我個friend介紹咗我呢間「Neko熊穴」，食完就發現非常有驚喜😎Neko熊穴氛圍非常之休閒，好啱假日想過啲慢節奏嘅下午，可以望吓過海又食好嘢😚餐廳內部環境都非常日系，簡潔得來好有亮點，加上佢嘅食材幾乎全部都係來自日本，果然好有心機😍今次我叫咗個全日班戟薈加伯爵茶，佢地個pancake同出邊唔太一樣，唔係鬆軟空氣感嘅 偏有口感d 比較薄嘅，仲有黑松露炒蛋，口感軟滑，而且香味十足，配搭埋酸甜嘅車厘茄，仲有啲鹹香嘅菇，簡直係滋味滿瀉😋伯爵茶嘅茶葉喺日本入口，聞落已經非常之清香，飲落好有餘韻，入口啲香氣已經充斥成個口腔，果然好有質素，配搭埋香香甜甜嘅班戟，簡直冇得彈❤️今個晏晝簡直係well spent，難得發掘到呢啲咁高質嘅餐廳，遲啲又會再嚟encore☺️