Neko 熊穴

一間沒法沒辦法俾正評的餐廳！朋友由澳洲返港歡天喜地安排到熊穴相聚用膳。出發前訂好枱亦按餐廳要求同意準時到達一人一套餐。一行人到達餐廳向餐廳表明多兩位成人及一位歲半小孩加入；餐廳亦冇提出異議並安排入座。因應小朋友用餐需要，入座後向餐廳提出落單預備食物上菜要求，但當中一位朋友因泊車未能同步到達，餐廳拒絕為已入座的六大一小先行安排食物。及後更強迫要求歲半小朋友按成人人頭計算套餐！！！更新後兩次趕客：「若不按餐廳要求落單，歡迎到別的餐廳用膳」作為餐飲服務業，除了提供優質食物之外，應該以客為先；從客人需要出發 … 熊穴完全沒有用心經營，安排欠缺彈性，更針對一位歲半小朋友提出無理要求及後趕客；此等服務態度，實在令人極度失望！是香港餐飲服務業之恥辱！！！…查看更多

今次都唔係第一次去，已經係再次幫襯，呢間餐廳啲烏冬確實好味，今次嗌咗一個龍蝦湯烏冬，及抹茶latte。綠茶latte嘅質素好高，係我一向鍾意飲嘅濃味抹茶，有好多coffee shop啲抹茶latte都係稀喵喵，呢間嘅抹茶latte夠濃味及有質感。龍蝦烏冬，係用龍蝦湯汁浸住啲烏冬食，食法幾新鮮，龍蝦湯相當鮮味，啲蝦係啱啱熟，又有少少生，好似食緊魚生一樣，但係又係熟嘅，個蝦頭仲有蝦膏，非常好味。最後嗰碗龍蝦湯汁，佢哋會加湯底，再嚟飲，都幾滿足。整體間餐廳感覺好舒服，唯一就係食物價錢比較貴，所以就算lunch都唔算好多人，係有啲可惜，希望佢哋仍然捱得住啦，因為啲嘢食都幾有誠意，唔係普通嘅shop食品。…查看更多

呢間餐廳嘅賣點係手打烏冬，成間店裝修得幾靚，好日系，我地安排咗坐榻榻米，有日本嘅感覺，不過坐得耐唔係好舒服(๑•́ ₃ •̀๑)#### 1. 魚白湯手打烏冬配日式雞肉丸子- **價格**：$165- **評價**：魚白湯手打烏冬最好味，湯底鮮甜，烏冬手打得剛剛好，口感滑順，配上日式雞肉丸子，味道更加出色，絕對值得推薦！｡:.ﾟヽ(*´∀`)ﾉﾟ.:｡#### 2. 卡邦尼烏冬- **價格**：$140- **評價**：卡邦尼烏冬的味道不錯，雖然比起魚白湯稍微平凡，但醬汁濃郁，整體仍然令人滿意( • ̀ω•́ )#### 3. 香煎帶子配義大利鯷魚白湯手打烏冬- **價格**：$205- **評價**：香煎帶子新鮮可口，同義大利鯷魚白湯搭配得宜，烏冬的口感依然出色，令成道菜更加昇華(ง๑ •̀_•́)ง#### 4. 濃蝦汁 Duo Ebi 手打烏冬- **價格**：$235- **評價**：濃蝦汁蝦味濃郁，湯底香滑，不過味道鹹咗小小，鍾意清淡啲(´･_･`)### 總結Neko 熊穴嘅店員好有禮貌，飲品味道正常，推薦手打烏冬配湯ε≡ﾍ( ´∀`)ﾉ…查看更多

其實好早已經MARK左呢間食自家製烏冬,今日初四唔使拜年就約埋朋友入西貢行大運！就訂定位過嚟試吓, 店舖門面好靚, 用咗好多木傢俬, 樓底高日光照入感覺好舒服！係條街迫完入到嚟可以靜落嚟, 我朋友已經讚我搵得好要試食物質素先緊要, 呢度主打係手打烏冬,一定要試吓！期間限定：牛肋肉烏冬,烏冬質感彈牙而不硬,試得出好似日本啲新鮮烏冬牛肋肉味道好香,最正係啲蘿白配料入晒牛汁味！日本蠔魚湯烏冬：日本蠔汁煮左咬落好JUICY！大推！因為完全無腥味（好緊要！）湯烏冬質地無另一個咁彈牙,都理解既,但係個湯好好飲！飲落即刻知道無味精,直頭飲到一滴都無（好想加錢淨飲多碗湯！哈！）原本想試埋PANCAKE,不過已經好飽,要下次試店主睇落年輕人,烹煮有熱誠！上年紀店員好親切,主動請我哋食全盒糖果！我會再嚟試埋其他！…查看更多

呢間餐廳第一次幫襯嘅時候有驚艷嘅感覺，一嚟環境好清幽，塌塌米感覺好日本同外界煩擾嘅氣氛隔绝，二黎佢啲烏冬同湯底都係自家制，好有心機，烏冬好彈牙，而湯底好鮮甜同埋有魚味，食過返尋味曾經嚟想再幫襯， 但佢逢周二三休息， 禮拜六收7點，所以一直都摸門釘😅今次終於去到仲帶埋朋友幫襯，叫返佢哋signature嘅自家烏冬，但係有啲失望，香煎帶子意大利鯷魚白湯烏冬($168)，個湯魚味好淡，唔夠鮮甜，烏冬亦都冇之前咁彈牙，同出面連鎖店嘅水準差唔多，唔再值得特登入嚟食🥲反而啲飲品仲keep到水準，尤其係佢哋嘅日本茶，培茶鮮奶($48),既突出到茶嘅香氣，亦飲到奶嘅嫩滑，兩者都搶唔到對方，balance做得👍好好宇治之路($78)-加多五蚊用豆奶感覺完全唔同，豆味配埋綠茶好香，底部嘅紅豆吸收晒綠茶嘅香氣，而且唔太甜又係比例，好好朋友飲完都話會encore 😍，但價錢係呢個地段略為貴咗少少，希望主食今次只係因為新年人多而失手，好快可以回復返以前嘅水準…查看更多

呢个星期六，见到呢间好似好日式，谂住试下，一行三人，两个大人，一个小朋友，叫完野食，咁同小朋友玩左一阵，点知有个短头发既人话叫我地唔好嘈，佢做唔到野，跟住我地全程都唔敢再讲野，怕嘈到佢又系厨房发脾气，掉野，C9 跟住d野食黎左，普通野，唔值呢个价钱，呢间野真系一次都唔驶再食，冇下次，临走时，有另一pair带住小朋友既都比佢叫佢小朋友唔好嘈，短发个个人话佢唔嘈得，我提议下次系门口可以写明几岁楼下不招待会好d…查看更多

早幾日帶小毛孩去西貢剪毛，等候期間搵個地方坐吓食吓嘢先～咁啱行過見到呢一間餐廳裝修好清新好日式～好似都幾relax咁，入到去發現仲有榻榻木坐，唔錯喎。我哋叫咗呢個雞肉丸嘅手打烏冬同埋朱古力pancake。果然係手打烏冬，質感同外面好唔同，軟硬適中，同埋仲有個湯底都好清，配搭上嚟都幾好。…查看更多

唔好成日話香港人好鐘意投訴，而家咁多人返大6飲食因為物價同服務都雙輸，但係依然有班唔會返大陸嘅香港人係要食嘢嘅，有人黎食都唔做好自身或者諗啲計仔，口卑只會越來越差。我以前食過呢間餐廳，食物都幾好，但今次真係令我好失望。大約11:00，餐廳只有一張枱有客，我仲未坐低，竟然有對情侶打我尖。我當時帶住兩歲嘅小朋友，站喺餐廳門口（即係已經企係餐廳入面），打尖..根本可以問下我先。然後，店員過嚟見到我，問幾位，我話係兩位（我同我小朋友），跟住佢竟然問我小朋友係唔係食固體食物，我答係，佢就唔客氣咁話：「咁你哋要叫人頭餐，一人一份。」佢個語氣好唔客氣，真係令我好失望。最後，我真係忍唔住，攞低菜單，轉頭走咗。我想講，唔管呢間餐廳食物幾好食，如果服務態度咁差，真係唔值得再光顧。對顧客咁冷漠又無禮，真係唔知佢哋仲做唔做餐飲業。真係，如果佢哋想繼續做生意，不如換行業做啲粗暴嘅咖哩牛腩麵，佢呢啲服務態度就好啱洗。最後，我即刻轉去隔離間cafe食（係小朋友/寵物友善嘅），有位，店員又友善，仲同我小朋友玩，嗰個反差真係好大！…查看更多

又到西貢閒逛，繞了一圈之後找到這間熊穴。室內環境很寧靜，擺設也很隨意，令人感覺舒適。店主是兩位年青人，跟她們閒談才知道兩人為自製烏冬特地到日本學藝。烏冬順滑且彈牙，醬汁微甜帶蝦香確有日式風情。魚白湯的魚味真的是頂呱呱，個人感覺是西式風格的魚湯，魚白湯不但白如牛奶還充滿魚脂香與平常的魚湯各有風味，好奇下向店主取經，才得知魚白湯是以比目魚的骨熬製而成，雞肉丸也十分鬆軟，完美執行光盤行動。士多啤梨乳酪是樓面店主的誠意推介，乳酪不但顏色吸引，味道也是清新舒爽，甜中帶微酸，富自然香氣。西貢有很多售賣咖啡售的小店，因此店主放棄咖啡，轉以日本茶品作主打。焙茶鮮奶的茶味香得不得了，入口非常絲滑，證明店主以茶代啡的決定是正確的。與店主閒談間更送我們從日本買回來的果子，十分友善。…查看更多

熊穴已開了一段時間，識食既小衆都可能留意到呢間小店。出名嘅有抹茶（個人推介第一次試吓佢既抹茶鮮奶）。另外，意粉亦好有水準、心機之作。早前幫襯此店態度良好，亦吾催客人，可慢慢再坐一會，適合過一悠閑lunch / tea 1 tea。…查看更多

打風天的日子留家最安全！這個時候分享美食會不會太過分呢哈哈。倒帶分享六月於西貢Neko 熊穴品嚐的超正手打烏冬和靚茶，那份渡假的感覺真的令我非常回味。這間小店由阿Leigh同阿魚兩位年青人慢活經營，當中最吸引我絕對是自家製的手打烏冬，就是這份心思已經值得我老遠去捧場。店內裝潢以日系小清新作主調簡單得來好舒服，有種與世無爭的慢活感覺好寫意。店主從日本茶園直接入手茶葉選擇非常多，喜歡品茶的朋友來到定會滿足而歸。熊穴是間寵物友善的餐廳！貓貓可選室內用餐區，而狗狗也可於海邊戶外雅座享受日光浴，可惜那天滂沱大雨未能碰上可愛小毛孩。我跟車爸爸每人選上一款烏冬來分享，另外選擇套餐便可免費或加錢享用特色茶飲。我選了上焙茶$68套餐價只需補回$20差價便可！喜歡它是沒有咖啡因的焙茶適合關注血壓的我，晶瑩剔透帶上琥珀金黃的茶色好亮麗，呷一口甘甜韻味芬芳濃郁不苦澀，透著絲絲焙火暖香口感清雅柔美。抹茶鮮奶原價$48是點選套餐送贈的！選用日本抹茶及日本明治鮮奶來泡製，口感香滑之餘充斥甘醇抹茶及奶香，抹茶控必定會喜歡這杯Matcha Latte。烏冬由醬汁、湯底以致麵條也是店主親手自家製作！車爸爸原本想點魚白湯烏冬配日式雞丸子$165可惜已經售罄！阿魚超好人無條件將雞肉丸子轉成北海道刺身帶子，這便是小店的個人魅力充滿人情味好可愛。先呷一口濃郁的魚白湯活像牛奶般色澤入口非常香甜，最重要是完全沒有帶上丁點魚腥味，三顆煎得香口的帶子口感細嫩味道鮮甜，但怎也不夠自家製的手打烏冬吸引！烏冬挾起韌性高吃下口感爽滑好Q彈，索盡魚湯的香甜味道怪好吃啊。而我則選了卡邦尼冷烏冬$175 ，來的時候夢幻煙燻上檯非常有驚喜。煙燻除了樣靚之外香氣亦是賣點之一，令到整個烏冬也充滿獨特的煙燻香氣。卡邦尼冷烏冬內有西班牙白毛豬火腿、明太子、溫泉蛋及木魚花，車爸爸吃不了紫菜就貼心地為我另上So Sweet。將碗內所有食材拌勻之後便可享用！入口先帶出濃郁的煙燻香氣，接著是明太子、風乾火腿的鹹香及濃郁的日本蛋香，渾然天成迸發出超有層次的味道，加上滑溜Q彈的烏冬絕對是相得益彰。坦白講未吃之前看餐牌覺得價位相當進取！但當了解及品嚐過後我覺得絕對物有所值，寫的時候已經非常想再去幫襯了，可惜店家逢星期二、三休息！想跟爸爸一起去就要等他放大假了。 店主逢星期二/三休息並不是懶惰！因為這兩天是用來作新鮮烏冬的日子，這樣說來他們原來並沒有放假休息呢。…查看更多

一直都喜歡去西貢的海邊cafe 而這日式茶房店的日式裝修環境亦十分寧靜舒服和開揚 十分chill老闆指店內食物都沒有加任何味精或化學調味而且幾乎所有原材料來源都是來自日本🇯🇵🧡香煎帶子明太子紫蘇冷手打烏冬烏冬全人手製作 帶子亦煎得香口 而且非常新鮮質感彈牙🧡意大利金橙抹茶梳打 茶葉來至日本茶園，滿滿茶香配搭金橙味道很清新…查看更多

趁放假同男朋友去咗西貢享受慢活嘅一天☁️位於西貢嘅日式茶房環境好chill，即刻有種去咗旅行嘅感覺✈️✅柚子鰹魚高湯蜆肉手打烏冬 呢度仲有我最鍾意嘅手打烏冬，烏冬口感煙靭，配搭柚子鰹魚高湯味道清新，好適合夏天悶熱嘅天氣食🍜✅蟹肉蟹味噌冷麵冷麵擺盤非常精美充滿儀式感🤩蟹肉鮮甜配搭味噌口味更開胃🤤✅近江玉露 茶味清幽🍵茶味唔會太濃厚，符合大眾口味📍Neko 熊穴 (西貢)西貢西貢海傍街2號地下B號舖…查看更多

最近阿公又需要解思鄉(日本)之念🤭周圍搵下邊到有食日式嘢又可以Chill下嘅舖頭過咗嚟西貢 比阿公見到好嘢😝其實呢度確實有D隱世feel嘅但勝在清幽 環境真係超舒服重點係主打手作烏冬🍜同Pancake🥞完全配合返環境😉今日就食咗 柚子鰹魚高湯蜆肉烏冬仲有 金橙抹茶梳打食得出係真材實料嘅味道🤣清清淡淡以解日本思鄉之情🤭飲品好特別 果茶味配梳打 既可以有茶香留喺口腔又有梳打刺激感 一舉兩得🤩嗱！阿公教落嚟呢度唔使怕地震😆想休息下叉個電要快啲嚟試下啦…查看更多

如果想來西貢chill一chill的朋友 一定要試試這間在海邊的Cafe坐在海邊品著茶和小食 十分享受而且cafe滿滿日式風格 非常適合打卡💕香煎帶子明太子紫蘇冷手打烏冬這烏冬十分推薦 烏冬全人手搓和製作 而且原材料是來自日本難怪口感十分堅韌彈牙💕近江玉露 茶葉來自日本🇯🇵茶園 一口烏冬一口玉露看著海邊 完全是一個慢活的節奏…查看更多