Neko 熊穴

營業中

休息中

兩個人叫咗兩個唔同嘅班戟同埋兩杯飲品加埋四百幾蚊找數，首先環境同食物質素一啲都唔值呢個價錢。 環境唔係話好差，但係都唔係話好到可以收人哋百幾蚊一個pancake，另外食物質素方面亦都唔可以係呢個價錢，其實係好普通嘅味道，同我自己喺屋企用pancake粉開嚟煎嘅pancake分別唔係太大，而且份量亦都好細， 飲品叫咗一杯綠茶latte 佢有兩個size已經叫咗大個杯，但係都屬於細杯。 另外仲有一個花茶唔係特別好飲，唔係好香。 店員好殷勤介紹食物，其實覺得佢有啲長氣咗，可能因為冇生意想殷勤啲留住客人，簡單問佢間鋪開咗幾耐，佢就順勢呻話生意差，現在西貢人流不如以疫情時，其實我可以比到答案佢，佢呢個價錢，其實食完再會返嚟再食嘅人一定好少，所以佢生意會差。 我覺得佢呢啲食物水平和地方可以收最多$89一個tea set 餐連埋嘢飲。咁樣嘅話可能會多番啲人，佢仲要有+1服務費。

趁住結婚週年紀念👩🏻‍❤️‍👨🏻難得兩口子入西貢staycation 一下。而家好少機會出街約會食好西，要上網做定功課準備，因為老公身體狀況唔好，出街要小心選擇飲食❣️上網搵到呢間係新鮮自家製烏冬及所有食物無味精添加😳（心中都懷疑，市面好多聲稱冇味精添加，但係一食就知道並唔係）不過，西貢食品選擇都幾有限，唯有放膽一試。裝修環境果然同網上見到嘅一樣，好日式清新，打理整潔。入座時員工都有serve我哋，細心介紹Menu同是日Special 菜式💝我哋一開始叫咗兩個烏冬lunch set,今日涼涼地，我哋都叫咗佢地出名嘅魚白湯烏冬🍁（心知煮湯係好花工夫🤭）老公好欣賞呢個其間限定日本汁煮蠔👍🏻👍🏻好鮮甜好肥美，一食就知係日本蠔😍我當然試佢地個主打，自家製雞肉丸配魚白湯烏冬👍🏻👍🏻👍🏻食得出唔係用泰國雞，無雞臊味烏冬口感好，有麵粉香亦好滑😊魚白湯濃厚，用足料熬湯👍🏻食完烏冬好開胃🤤可以食埋甜品班㦸有好多選擇，揀咗呢個有蘋果嘅班㦸班㦸係自家發酵，見班戟表面有一圈圈烤烘，平時既現成班戟係唔會有，食落有茶香，唔會好甜，質感亦不鬆散👍🏻👍🏻👍🏻後紀： 每個lunch set大約$1xx，份量以輕食Cafe嚟

西頁係隱世高質小店既集中地，平時都鍾意入去行下放鬆下搵好野食，今次搵到一間日系慢活風既手打鳥冬店，店內環境風格以日式為主，入到去既感覺好舒服，可以同朋友靜靜地渡過一個下午，享受慢活🌱除左日式裝修，原來店內食材大部分原材料都係來自日本，連茶葉都係來自日本茶園🫖🍎蘋果蓉焙茶梳打梳打中既蘋果甜味唔係一般坊間用既糖漿，而係來自蘋果真料真材造出既粒粒蘋果蓉，甜而不膩，配合埋焙茶獨有既茶香，非常好飲，最貼心係飲品冇加冰都冰凍感，唔會越飲越淡味香煎帶子明太子紫蘇冷手打鳥冬真．手打鳥冬！口感相對煙韌，冷鳥冬口感更帶清爽，而且帶子用上刺身級別，有3大粒，粒粒都煎得香口惹味，店家標榜無品精同化學調味，實切地品嘗到食物本身既原味👍🏻

趁著週末都想往外走走，今日就來到香港後花園的西貢🏡，遠離塵囂一下。在這發現了一間以簡潔日系佈置的餐廳「熊穴」，就最適合今日「慢活」的我。焙茶朱古力班戟🥞班戟餅皮鬆軟，帶有微微的茶香味，並搭配了濃郁的朱古力醬相互融合，口感豐富而平衡，每一口都充滿驚喜。特濃香蕉奶昔配朱古力碎片🍌🍫奶昔以新鮮的香蕉為基礎，混合了濃郁的奶香，再撒上朱古力碎片，增添了一點額外的口感，香甜且令人陶醉的味道，讓人一飲愛上。

今日天氣咁正冇理由唔去搵間靚靚Cafe去打卡，又嘆吓美食，之前嚟過呢間Neko熊穴Cafe，氣氛非常之chill，而且好啱我今日想行慢活style嘅日子，餐廳環境非常之舒服，好多綠色植物，而且係行日系風格，坐得好舒服😚今日叫咗個全日班戟薈，類似all day Breakfast，但係以pancake為主，我會話啲pancake非常之好味，非常之鬆軟，而且有空氣感，配搭埋啲糖漿簡直一流😋而且佢個黑松露炒蛋非常之滋味，好滑😍另外仲有啲炒菇同埋蕃茄仔，蕃茄仔酸酸甜甜好開胃，而且佢個西班牙火腿都好好味，簡直一個餐滿足我幾個願望😋飲品方面叫咗個蘋果蓉焙茶梳打，呢個配搭都係第一次見，首先焙茶味好突出，茶底好濃，配搭埋香甜嘅蘋果蓉，兩者中和埋一齊好清新，蘋果同班戟非常之夾🤩

假日揸車🚗入咗西貢周圍行吓～ 下午去咗呢間Cafe食個 light meal, 可以對住個靚景食嘢, 感受一下慢活人生, 感覺好chill呢☺～ Cafe主打手作烏冬, 每日人手搓同製作, 大部分原材料都係來自日本🇯🇵, 連茶葉都係來自日本茶園, 可以從呢度嘅環境同食物感受得到濃濃嘅日本風味⸝⸝ 𓆸🥞焙茶朱古力班戟入口有着濃郁嘅焙茶朱古力香氣, 口感非常鬆軟, 搭配焙茶朱古力醬、果醬同鮮忌廉, 味道層次更豐富！🥞全日班戟薈班戟好軟熟, 而且有麵粉香氣, 旁邊有黑松露炒蛋🍳、西班牙黑毛豬、車厘茄🍅、炒蘑菇, 呢個配搭好夾, 食完好滿足！飲品方面, 推介蘋果蓉焙茶梳打, 帶有蘋果濃厚酸甜味🍎, 底下有蘋果果肉, 焙茶香同果香平衡, 加上清爽氣泡🫧, 飲落好fresh！

首先係一入去，我哋兩個人坐左係大枱既一個角落頭，然後佢再叫多兩個人逼埋嚟坐我哋對面，既係三人位坐四個人。之後我地見到有空位，我哋就問可唔可以坐，佢就放左個留位既牌話有四個人book左枱。笑左我坐左成個鐘都無見到四個人黎過，之後仲嬲，佢安排walkin既二人坐個所謂既留枱(即係無人book位la) 真係好想知係咪針對我地🤣🤣不過都唔想影心情，所以無再問，但我哋叫果個pancake等左1.5小時🤣🤣🤣 我哋落單時間係14:00, 最後催完個pancake 15:30先到，真心，邊爐都應該打完😆😆所以真係，又受氣又食得唔開心，仲要價錢都唔係話好平。無下次! 不過公道講氣，煮野食既姐姐態度好好，佢最後為表歉意free左個pancake比我地。而帶位既小姐態度就真係好差🤢🤢

西貢有唔少cafe到周末都大排長龍，行到大街尾嘅海傍街靜少少，都有唔少靚靚小店，星期日一於試下呢間日式小店"Neko熊味"~😙😙🌸門口位落足心機佈置🎎🌸日式裝修，睇到都好chill室內中央位置有張長枱，四周有幾張細枱，有塌塌米同一般桌椅，如果帶寵物可以坐室外位置望海景㖭🐕🐶▫️我地Walkin入，剛好有張塌塌米二人枱☺️店員細心介紹餐牌後，用QR code落單😎▫️見餐廳出名自家製烏冬，叫左兩個餐試下，價錢睇落少少貴，但包左M Size Tea Latte，對中意飲嘅人嚟講計落差唔多👍👍亦可以補差價揀飲其他飲品▫️店內人手較少，餐牌註明落單後需時20分鐘或以上準備，真人實測飲品好快上，不過兩份烏冬實際都等咗40分鐘，似係比平時更耐，店員都好有禮貌講左幾次唔好意思，用返慢活嘅心情嚟等，傾住計，欣賞下店面裝潢就好快過😎🌸香煎北海道刺身級帶子+紫蘇明太子冷烏冬 🍵Hojicha Soy Milk Latte $210可能因為係冷烏冬，口感偏韌，要咬耐啲。明太子份量足，帶子都有三粒👌 Hojicha Latte口感有層次，不錯😌🌸魚白湯烏冬配日式雞肉丸子🍵Iced Earl Grey Latte$18

想黎呢間西貢cafe好耐嫁啦上次過嚟，點知佢好早關門今次終於去到好開心有個門口去到入邊都係勁靚出邊仲要直接係海景成個感覺好休閒 好chill見到個唔知係咪老闆娘嘅物體因為佢好熱心態度，超級好Maru逐頁同我哋介紹 喺香港係好難得嘅事所以我地都食得好開心😍啲位又靚啦 打卡係勁靚同埋佢雖然唔多位 等你坐幾耐佢都唔會趕你走

以前喺西貢去離去去都係嗰間Cafe，最近發掘到一間小店，主打手作烏冬，真係自己親手製造的烏冬，但因為今日食得好飽，所以入去飲杯嘢食個甜品就算了，同店員傾偈，原來佢哋嘅茶葉都係來自日本茶園，過嚟慢活一下都唔錯🥰🥰🥰咁熱嘅天氣叫咗一杯意大利金橙抹茶梳打。梳打散發著濃郁的抹茶香氣，淡淡的金橙香氣，非常清新怡人，夏天飲返一杯，絕對啱晒呀。焙茶朱古力班cake。外觀呈現深棕色，散發著濃郁的焙茶巧克力香氣。咬下一口，配上香濃的焙茶朱古力醬，味道非常豐富。焙茶的香氣和朱古力的甜味完美結合🤩🤩這間餐廳已經比我歸類為放假必去的餐廳👍👍👍👍

下了一整個星期雨終於有太陽出來了當然馬上要外去走走哦今天來到西貢走了一圈這家位於西貢海傍街的餐廳 <**Neko 熊穴**>製修簡約很有日式風格一坐下就有讓人放鬆的感覺充滿慢活嘅氣氛餐牌上有蠻多選項花多眼亂幾乎所有原材料來源都係日本就連茶葉也是來自日本茶園最後我揀選了香煎帶子明太子紫蘇冷手打烏冬大大塊帶子煎到剛剛好配上冷手打烏冬熱熱的夏天胃口不佳最適合吃這種涼涼的東西一邊吃烏冬一邊滑手機這樣的日子真寫意不知道大家會不會跟我一樣有時候也很享受一個人獨處的ME TIME呢？

西貢有間餐廳茶房，裝修好舒服，入去chill下，食物又幾好，同朋友坐一個下晝都唔錯😋😋😋仲要店舖嘅食物係唔加味精同化學調味，好天然😛😛焙茶朱古力班cake☺️☺️☺️外觀非常吸引人，質地非常柔軟，入口即化，焙茶和朱古力的味道非常平衡，不會相互掩蓋，而是相互融合，正啊，不會過甜😋😋😍😍飲品方面，焙茶朱古力都唔會太甜，焙茶味好濃，大家睇吓我影嘅相，就知道打卡又靚，坐低又正😍😍😍餐廳仲有唔同甜品同飲品，下次經過西貢一定要再入嚟試埋其他甜品同飲品，過一個舒適的下午呢🥰🥰🥰🥰

放假同好朋友到西貢一遊，估唔到意外發現呢間和式茶館，裝修非常特別，比人嘅感覺好舒服好寫意，完全忘掉煩惱咁😳令人愈坐愈放鬆😉聽店員介紹呢度啲烏冬全部人手製作，而部食物調味都天然，絶對唔會有味精出現🙌我同朋叫左全日班戟薈同柚子鰹魚高湯蜆肉手打烏冬全日班戟薈都黑松露炒蛋、西班牙黑毛豬、蕃茄仔、蘑菇同班戟🥞，夠哂份量，嗰班戟勁加分，轉軟綿綿蛋味又香😋柚子鰹魚高湯蜆肉手打烏冬，手打烏冬果然係唔同啲，入口彈牙有口感，我哋打咗一陣卡先食都唔會話變得好林👍🏻而啲蜆肉好大粒又鮮甜，當然個湯底亦好清爽，好岩我口味😍最後黎多杯蘋果蓉焙茶梳打，入口有茶香但又有氣，飲入口好舒服，加埋蘋果蓉嘅清甜，好好飲❤️

難得放假，專登入西貢閒逛，過下悠閑生活😉無意之中發現一間好有特色嘅cafe☺️好chill好寫意，木系色調打卡一流之餘，食物仲好高質，完全💯有賣相又有內涵🥰餐牌簡約設計好襯呢度嘅裝修同氣氛，叫了柚子鰹魚高湯蜆肉手打烏冬，食完完全感受到豐富嘅風味和口感。柚子嘅酸味同鰹魚嘅鮮味巧妙地融合在高湯入面，讓湯頭清爽而不失味道，而蜆肉嘅鮮甜更加提升了整道菜的美味程度。手打烏冬口感彈牙，與高湯相得益彰❤️本人甚少叫茶飲，但烘茶喺呢度嘅推介，點都要試吓，叫左玉芽，茶味順口且香醇，會令人越飲越上癮😚

每次講起西貢大家都一定會諗起海鮮🦞但係其實西貢都有好多好西食㗎😆今次就比我發掘左呢間chill chill餐廳🥰餐廳主打慢活人生,大家食完飯可以慢慢同朋友傾偈,啱晒忙碌嘅香港人😌香煎帶子明太子紫蘇冷手打烏冬🍜呢間餐廳最出名嘅係佢哋嘅烏冬,一定要試吓😝因為佢哋啲烏冬全部都係自己親手整架🥹無添加任何嘅調味料或味精,原汁原味👍特濃香蕉奶昔 配 朱古力碎片🥤奶昔都調味適中,香蕉味十分濃郁,配埋朱古力碎片,飲洛落口感豐富🫶🏻真係好推介呢間餐廳俾大家!!香港忙碌嘅生活搞到大家平時食飯都趕頭趕命,難得可以有一間餐廳俾大家慢慢坐,慢慢享受同朋友相處嘅每一個瞬間,十分難能可貴😭