Neko 熊穴

營業中

休息中

💗💗放假之選💗💗環境舒適清靜💗💗店員服務態度好好，坐低後店員會講解佢哋嘅店舖有咩食物同飲品甜品，等你慢慢選擇，食物質數嚟講真心唔錯，烏冬真係好好食，係煙煙靭靭嗰種，啲湯又唔會好濃味蓋過晒啲食物本身味道，味道剛剛好，我覺得佢哋一啲味精都唔會有，因為本人對味精係有敏感，真係讚讚讚👍👍👍飲品嚟講我好鍾意飲佢哋嘅焙茶鮮奶，茶又香，飲落唔會只有鮮奶味，推介推介👏🏻👏🏻👏🏻班戟都好好味👅又唔會好甜，好有質感👍👍👍呢啲小店而家真係小之又小，所以一定會繼續支持。

A Sai Kung semi hidden gem in a chilled corner of the village. stumbled on it after cycling. we had the oyster homemade udon, dark chocolate, geimaicha tea, bear pancake. the udon had texture, soup was flavoursome and felt with real ingredients freshly made. most importantly the pancake was not the usual commercial sweet taste. They were about to close but kindly still accommodated to make us the meal fresh. Yummy homemade food with real ingredients made with heart& passion, super friendly peeps

野食不錯夠用心。氣氛很好，可以享受用餐同美景。食得出全部都係自家製，唔係現成食材嘅味道。新鮮自家製烏冬及所有食物無味精添加。湯好飲到全部飲曬。食飽之後可以係西貢慢慢行享受美景。飲品不錯，抹茶鮮奶值得推薦。烏冬同飲品配搭，食完飲完十分滿足。下次一定會再來食。

新年流流、諗住試新嘢、見佢環境唔錯、打電話去預約、佢哋話留曬位比我哋、仲問我哋幾多個人、我哋話四個大人兩個小朋友點樣計、佢哋就話兩個小朋友可以計一個餐就得。一入到去就勁sell我哋叫special餐、冇諗過啲special set 一叫就額外加要$88蚊或$95因為實體menu冇寫、當時店員亦都冇同我哋講叫呢啲要加幾多錢、實體menu 完全冇寫special set嘅額外價錢。跟住到埋單就話我哋冇睇qr code裏面有寫明要加幾多錢。咁算啦、我哋當自己衰女冇睇、打電話嚟預約就講到明兩點半過後會畀八折我、到埋單時完全就話冇講過🔥老公話完全坐響度食d員工黑口黑面、好聲好氣叫佢哋收咗枱上用過嘅紙巾、個職員見到張紙巾污糟唔肯去掉就指住個洗手間叫我哋自己掉。我老公同佢講你哋都服務好差、最精景個職員話“你地個minimum 都嗌唔到我點會有service？“但係之前佢哋聲稱就話冇minimum。今日年初三我地費事同佢嘈！以後都唔會去、真係萬事如意！

聽日，朋友話要去西貢順道試吓嗰間人氣cafe嘅烏冬同pancake，我就跟住去咗。呢間cafe簡約明亮，坐落喺一個好易錯過嘅角落，但入去之後，個環境幾安樂。🍵首先係烏冬，佢哋個蠔烏冬真係夠晒彈牙，個湯底鮮味十足，蠔仔新鮮冇腥味，仲要夠哂嫩滑。夾埋烏冬一齊食，真係過癮！啱哂要求鮮味嘅食客。個魚白湯烏冬都唔輸蝕，湯底濃郁，仲有滑嘟嘟嘅日式雞肉丸子，正！至於甜品，佢哋嘅pancake就真係令人驚喜喇！🥞 首選係法式焦糖pancake，個焦糖做得啱啱好，冇過火，夠香甜又唔膩，啲脆口感與暖笠笠嘅肉桂蘋果粒搓合得咁好，每一啖都享受到。另一邊廂，和風抹茶pancake雖然抹茶味略輕，但綿軟嘅質感同抹茶醬令人清新提振。總之，食完之後，滿足感滿滿！餐後嘅飲品，熱情果茶同焙茶豆奶都係選擇不錯嘅收尾。特別係嗰熱情果茶，凍飲後㗎啦，好飲又醒神。轉折嚟到呢家cafe，可以話係意外嘅收穫，下次仲想返嚟探索多啲佢哋嘅餐牌。✨

3個人叫左2個烏冬、1個pancake、3杯野飲，盛惠$644烏冬叫左雞肉丸子同蠔烏冬，本身抱住食個熱辣辣烏冬既心態，點知d湯係室溫溫度，啲烏冬係凍嘅，份量亦好小得可憐Pancake口感好黏，個質地好似未熟咁，係出面求其買一盒現成嘅pancake粉，都肯定好食過佢係得3杯野飲比較正路，你收得呢個價錢，唔該比返正常份量同質素比客呀，根本完全唔價呢個價錢食完個肚依然係餓住咁走完全唔明白 佢既好評究竟係邊度黎🤭

我係一個唔點寫食評嘅人，但今次真心忍唔住要寫一次 將近聖誕節，夜晚男友幫我慶祝生日,由於近期特別想食日本烏冬，因此上網搜尋了一下，搜到了這家西貢小店小店位置還可以，落車沿住海邊一直行7分鐘。 室內空間闊落，佈置好似日本小店，仲有户外位可以望海。因為同行友人不能食海鮮，因此點了牛舌芯兩食烏冬，all day pancakes ，冇點佢哋嘅出名菜式日本蠔魚湯烏冬。 味道方面,烏冬非常滑溜，牛舌軟嫩無筋，連平時唔鍾意食牛舌嘅朋友都話好好食。牛汁好香濃，但無落味精，一次試晒冷熱沾烏冬。侍應亦會向我們講解，感受到廚師十分用心。飲品都好正，我杯特濃法國黑朱古力上面有隻小雪人，好可愛又好味，侍應特登拎個碟仔俾我放住小雪人，論盡嘅我感到服務非常貼心。係一間咁平凡嘅小店，有咁好食物飲品質素同服務，感動我呢個好少寫食評嘅人寫食評。繼續努力💪🏻

親戚一家由外國返嚟，帶佢哋行下香港後花園-西貢，佢哋都好鐘意呢度好似外國咁郊外好chill我做定資訊邊度有特式好食又環境舒服，特登打去訂定位，驚假日多人無位🫣原來有冬日限定推出👏🏻👏🏻睇相已經覺得吸引我哋食咗呢度嘅signature udon魚白湯烏冬+雞肉丸串，食得出全部都係自家製，唔係現成食材嘅味道😋魚白湯creamy感覺好自然，無味精所以飲晒👏🏻之後仲叫咗個pancake 做甜品 Bear’s Pancake我哋全部都好鐘意食，因為班㦸有蛋香+茶香口感鬆軟👍🏻自己屋企做開麵包嘅親戚都讚，佢話班戟發酵得好好，整個甜品看似簡單但係食得出功夫同心機❤️我就最鐘意杯Matcha latte💝抹茶味同奶香剛剛好，好平衡，奶泡打得香滑😍我忍唔住飲多杯！（因為太少機會過嚟😌）整體坐得好舒服，唔會感覺好侷促，會從環境佈置去到食物飲品都係高質小店👍🏻親戚大讚我揀得好😝話今次返嚟香港好難忘

黎到Pawsitive隔離既呢間日式藍白色門面既Cafe 同隔離既橙色相當唔同🤓 行入店內會有種去左日本家庭式餐廳好cozy既感覺😊 呢度中間有一張大長枱, 一邊係Tatami位, 另一邊就係普通二人位, 中間會有麻布隔住, 最角落既位置有個溫馨既圓枱tatami位😌 呢度既食物基本上都係自家製, 另外飲品會有各式既唔本茶類同特飲😙熊の班戟🥞($128)煙韌得黎茶味濃既紅茶蘋果班戟配上自家製糖漬蘋果,忌廉, 杏仁片,蜜糖成個配搭好清爽, 食完唔會有飽膩感😙蘋果蓉焙茶梳打🍹($68)焙茶底配上自家製既蘋果蓉, 成杯都係無添加, 所以茶味會偏濃同埋唔甜, 個人覺得蘋果既酸甜已經好足夠, 所以冇再額外加糖☺️特上玉芽🍵($68)茶味濃郁, 重覆沖泡都仲有茶味既甘甜, 飲完暖笠笠又可以幫助消化😌除左室內既座位, 行到最入仲可以去到後門既位置會有兩張望海既位, 吹住涼風望住個海真係幾寫意😉

兩個人叫咗兩個唔同嘅班戟同埋兩杯飲品加埋四百幾蚊找數，首先環境同食物質素一啲都唔值呢個價錢。 環境唔係話好差，但係都唔係話好到可以收人哋百幾蚊一個pancake，另外食物質素方面亦都唔可以係呢個價錢，其實係好普通嘅味道，同我自己喺屋企用pancake粉開嚟煎嘅pancake分別唔係太大，而且份量亦都好細， 飲品叫咗一杯綠茶latte 佢有兩個size已經叫咗大個杯，但係都屬於細杯。 另外仲有一個花茶唔係特別好飲，唔係好香。 店員好殷勤介紹食物，其實覺得佢有啲長氣咗，可能因為冇生意想殷勤啲留住客人，簡單問佢間鋪開咗幾耐，佢就順勢呻話生意差，現在西貢人流不如以疫情時，其實我可以比到答案佢，佢呢個價錢，其實食完再會返嚟再食嘅人一定好少，所以佢生意會差。 我覺得佢呢啲食物水平和地方可以收最多$89一個tea set 餐連埋嘢飲。咁樣嘅話可能會多番啲人，佢仲要有+1服務費。

趁住結婚週年紀念👩🏻‍❤️‍👨🏻難得兩口子入西貢staycation 一下。而家好少機會出街約會食好西，要上網做定功課準備，因為老公身體狀況唔好，出街要小心選擇飲食❣️上網搵到呢間係新鮮自家製烏冬及所有食物無味精添加😳（心中都懷疑，市面好多聲稱冇味精添加，但係一食就知道並唔係）不過，西貢食品選擇都幾有限，唯有放膽一試。裝修環境果然同網上見到嘅一樣，好日式清新，打理整潔。入座時員工都有serve我哋，細心介紹Menu同是日Special 菜式💝我哋一開始叫咗兩個烏冬lunch set,今日涼涼地，我哋都叫咗佢地出名嘅魚白湯烏冬🍁（心知煮湯係好花工夫🤭）老公好欣賞呢個其間限定日本汁煮蠔👍🏻👍🏻好鮮甜好肥美，一食就知係日本蠔😍我當然試佢地個主打，自家製雞肉丸配魚白湯烏冬👍🏻👍🏻👍🏻食得出唔係用泰國雞，無雞臊味烏冬口感好，有麵粉香亦好滑😊魚白湯濃厚，用足料熬湯👍🏻食完烏冬好開胃🤤可以食埋甜品班㦸有好多選擇，揀咗呢個有蘋果嘅班㦸班㦸係自家發酵，見班戟表面有一圈圈烤烘，平時既現成班戟係唔會有，食落有茶香，唔會好甜，質感亦不鬆散👍🏻👍🏻👍🏻後紀： 每個lunch set大約$1xx，份量以輕食Cafe嚟

西頁係隱世高質小店既集中地，平時都鍾意入去行下放鬆下搵好野食，今次搵到一間日系慢活風既手打鳥冬店，店內環境風格以日式為主，入到去既感覺好舒服，可以同朋友靜靜地渡過一個下午，享受慢活🌱除左日式裝修，原來店內食材大部分原材料都係來自日本，連茶葉都係來自日本茶園🫖🍎蘋果蓉焙茶梳打梳打中既蘋果甜味唔係一般坊間用既糖漿，而係來自蘋果真料真材造出既粒粒蘋果蓉，甜而不膩，配合埋焙茶獨有既茶香，非常好飲，最貼心係飲品冇加冰都冰凍感，唔會越飲越淡味香煎帶子明太子紫蘇冷手打鳥冬真．手打鳥冬！口感相對煙韌，冷鳥冬口感更帶清爽，而且帶子用上刺身級別，有3大粒，粒粒都煎得香口惹味，店家標榜無品精同化學調味，實切地品嘗到食物本身既原味👍🏻

趁著週末都想往外走走，今日就來到香港後花園的西貢🏡，遠離塵囂一下。在這發現了一間以簡潔日系佈置的餐廳「熊穴」，就最適合今日「慢活」的我。焙茶朱古力班戟🥞班戟餅皮鬆軟，帶有微微的茶香味，並搭配了濃郁的朱古力醬相互融合，口感豐富而平衡，每一口都充滿驚喜。特濃香蕉奶昔配朱古力碎片🍌🍫奶昔以新鮮的香蕉為基礎，混合了濃郁的奶香，再撒上朱古力碎片，增添了一點額外的口感，香甜且令人陶醉的味道，讓人一飲愛上。

今日天氣咁正冇理由唔去搵間靚靚Cafe去打卡，又嘆吓美食，之前嚟過呢間Neko熊穴Cafe，氣氛非常之chill，而且好啱我今日想行慢活style嘅日子，餐廳環境非常之舒服，好多綠色植物，而且係行日系風格，坐得好舒服😚今日叫咗個全日班戟薈，類似all day Breakfast，但係以pancake為主，我會話啲pancake非常之好味，非常之鬆軟，而且有空氣感，配搭埋啲糖漿簡直一流😋而且佢個黑松露炒蛋非常之滋味，好滑😍另外仲有啲炒菇同埋蕃茄仔，蕃茄仔酸酸甜甜好開胃，而且佢個西班牙火腿都好好味，簡直一個餐滿足我幾個願望😋飲品方面叫咗個蘋果蓉焙茶梳打，呢個配搭都係第一次見，首先焙茶味好突出，茶底好濃，配搭埋香甜嘅蘋果蓉，兩者中和埋一齊好清新，蘋果同班戟非常之夾🤩

假日揸車🚗入咗西貢周圍行吓～ 下午去咗呢間Cafe食個 light meal, 可以對住個靚景食嘢, 感受一下慢活人生, 感覺好chill呢☺～ Cafe主打手作烏冬, 每日人手搓同製作, 大部分原材料都係來自日本🇯🇵, 連茶葉都係來自日本茶園, 可以從呢度嘅環境同食物感受得到濃濃嘅日本風味⸝⸝ 𓆸🥞焙茶朱古力班戟入口有着濃郁嘅焙茶朱古力香氣, 口感非常鬆軟, 搭配焙茶朱古力醬、果醬同鮮忌廉, 味道層次更豐富！🥞全日班戟薈班戟好軟熟, 而且有麵粉香氣, 旁邊有黑松露炒蛋🍳、西班牙黑毛豬、車厘茄🍅、炒蘑菇, 呢個配搭好夾, 食完好滿足！飲品方面, 推介蘋果蓉焙茶梳打, 帶有蘋果濃厚酸甜味🍎, 底下有蘋果果肉, 焙茶香同果香平衡, 加上清爽氣泡🫧, 飲落好fresh！