🍽️鹹蛋黃單骨雞翼 雞翼炸到好香脆，食落外脆內軟又多汁，雞翼變做單骨更方便我哋呢啲懶人食😂每一隻雞翼都充滿着濃厚嘅鹹蛋黃醬，食食吓仲食到鹹蛋黃添，且好夠味道😌 🍽️法式多士配楓糖醬 法式多士係即叫即整，所以多士食落好香口！而且法式多士個擺盤勁靚，會有啲士多啤梨、香蕉、藍莓、無花果同食用花做點綴，令到成個擺盤層次再升華咗🤩 🍽️西班牙辣肉腸燴意大利飯 辣肉腸食落好夠味，米飯用咗西班牙嘅煮法去燴，可能係因為燴飯嘅緣故，所以米飯吸收哂醬汁嘅味道，令到食嘅時候有種唔同嘅層次感！😆 ☕️熱朱古力 呢間Cafe最出名就係拉花，點可以唔叫杯拉花呀！所以叫咗杯熱朱古力飲，都幾好飲！最特別係呢間Cafe可以轉做燕麥奶嫁，啱晒每人有唔同嘅口味😎

📍Mano (海濱匯) (觀塘) 觀塘海濱道77號海濱匯1樓4號舖 🍽️卡邦尼薄餅🍕 Pizza係即叫即焗 一食落口係熱辣辣！而且佢哋用咗意大利獨特方法整pizza 食落鬆軟煙靭且批邊焦焦又鬆脆！ 餡料亦非常豐富，有忌廉、斑馬臣芝士、馬蘇里拉芝士、鵪鶉蛋、意大利奶酪芝士同意式煙肉🥓因為有好多餡料嘅關係 所以食落去口感層次好豐富😋 🍽️葡式燒雞扒漢堡配薯條🍟 由於用咗葡式方法去燒雞扒，肉質鮮嫩，雞扒食落有啲香辣！麵包烘完之後變得外脆內軟，仲會夾住蕃茄同生菜，令到每一啖都食到好滿足😌薯條炸到好香脆可口，薯條上面仲會灑上甜紅椒粉，令到啲薯條更加惹味！ 🍽️ Tiramisu🍰 你都意大利餐廳點可以唔試Tiramisu😆手指餅沾滿濃濃嘅咖啡香味，食落都幾重咖啡味，而且味道唔會太甜！ 🥤Italian Cream Soda 第一啖飲落去嘅時候覺得好似忌廉梳打，不過就多咗浸raspberry嘅味道，飲落都幾特別！面頭仲有層cream，撈埋一齊飲，飲落多咗cream嘅香味😝 🥤Lychee Lemonade 檸檬嘅酸味同荔枝嘅甜mix埋一齊之後，飲落都幾特別 ！飲完呢杯飲品之後好解渴，成個口都充滿着荔枝同檸檬嘅甜味！

行行吓街，見到呢間新開嘅幸福麵館，好耐冇食過車仔麵，所以入去試吓新嘢先😎入到餐廳，啲員工好好禮貌，會主動問我哋食唔食得辣，又會推介邊啲湯底岩我哋食，好貼心！ 最後，我哋叫咗兩碗三餸嘅車仔麵同一個小食😝 第一碗叫咗樹記生根、芝士腸、瑞士雞翼，豬骨湯米線🍜 豬骨湯底好濃郁，絕對值得推介！米線煮得彈牙得嚟又唔會太腍！生根就算浸落啲湯到，食落都仲會保持少少脆脆感覺！芝士腸都煮得啱啱好，瑞士雞翼醃到好入味，食雞翼嘅時候連米線一齊好夾呀😋 第二碗叫咗咖喱魚蛋、蔥爆漿貢丸、城寨墨魚丸，沙嗲汁（小辣）油麵🍜 貢丸同墨魚丸夠彈牙，咖喱魚蛋好出色，咖哩味好香辣，撈埋落湯到幾好食！而且油麵份量夠哂多，食落仲軟硬度適中！不過可能係叫咗沙嗲汁小辣，所以唔算話好辣，另外加咗啲辣菜脯 更加惹味😋 小食就叫咗甜蜜煎釀三寶，煎釀三寶係用青椒同豆卜釀魚肉，啲魚肉食落好彈牙，加埋佢個秘製醬汁，都幾唔錯😋

Times Coffee係一間以校園風格做主題嘅cafe 記唔記得你哋以前會喺櫃桶裝會裝啲咩先？ 食物方面： 黑松露雜菌Risotto，雜菌份量勁多，啖啖都食到啲菇菇！d飯都煮到好入味呀！ 抹茶麻糬紅豆冰方面，材料有抹茶雪糕紅豆 加埋 奶蓋麻糬。入邊有啲脆脆，食落勁多層次 口感勁好！ 抹茶雪糕豆花豆漿方面，抹茶味好濃郁 加埋豆花係入面好有咬口！

每次提九龍城 第一時間一定係諗起泰國餐廳 但原來九龍城唔係淨係泰國菜出名嫁 仲有間好多明星都幫襯嘅居酒屋 當然要試試佢🤩 一入到去覺得好似身處日本居酒屋咁 而且佢哋嘅時令食材全部都係日本直送過嚟嫁🤩 每個staff捧食物上枱個陣會再詳細講係用咩食材整同正宗食法 相當專業同有禮貌💯 由於太多吸引嘅選擇 眼花撩亂😂 所以決定揀menu嘅「餐廳推介」嚟試試佢😆 有芥末牛油果海老餅、半熟青森中拖羅、釧路海螺燚燒、帆立貝串、日本燒秋葵、車厘茄豚肉串、大分直送火炙平目魚邊、燒日本芝士年糕、秘製炸雞、海螺南瓜薯仔沙律同特大青檸梳打！ 另外，原來居酒屋上層有2間房係可以預留咗先，私隱度好高，中意靜靜傾計同有私人聚會嘅大家就岩哂啦😌

呢間『餃掂』果然係好掂👍🏻特登嚟到上環食餃子，當然要試吓佢哋嘅『龍鳳松茸』系列啦！「龍鳳松茸」係指黑白松露，每隻水餃皮都好晶瑩剔透，黑松露嘅味道會比較濃，而白松露就相對地比較清淡少少，覺得食完呢隻餃子之後覺得又矜貴又養生😆 如果你堂食嘅話，枱面會有四種調味料俾你自己揀鍾意嘅口味，有豉油、醋、四川辣椒醬同菜脯辣椒醬🤩 🍽️龍鳳松茸雙煎餃 呢款龍鳳松茸餃係將黑白松茸同豬肉做餡料，因為我比較鍾意食香口，所以今次叫咗煎餃！當碟煎餃上枱後，覺得自己揀得冇錯呀，賣相不錯，因為外表餃子皮煎到表面微焦，酥脆且帶點金黃色！食落去嘅時候時餃子裏面餡料啲汁多到咇晒出嚟，一食落口充滿着松茸嘅香味😋 🍽️日本龍鳳蛋（配黑白松露醬） 流心蛋入口嫩滑，配埋黑白松露，簡直係創意💯！黑松露口味較濃，而白松露相對地會比較清淡，各有各特色😎 🍽️蜜餞雞翼 蜜餞雞翼係以蜜糖汁用慢火煮，令到雞翼質感嫩滑同色澤帶點金黃色！而雞翼亦煮到好入味同好腍，食嘅時候雞翼會帶點蜜糖甜甜嘅味道，食到好滋味😆 🥤自家製山楂雪梨水 食完餃子同小食之後，當然唔少得要飲返支山楂雪梨水啦！呢杯山楂雪梨水用咗雪梨、山楂片、冰糖、麥芽、水同甘草一齊煲嘅！飲完覺得好清甜同滋潤😝 🥛凍豆漿 豆漿豆味濃郁，入口順滑！而且唔會好甜，食完餃子同小食之後，飲番杯豆漿，完全係大滿足呀😌

🍽️神還原芝士豬柳強配脆薯寶 平時食McDonald必定會叫豬柳漢堡包食，今次見到呢個神還原芝士豬柳強就更係要叫啦！不過見到食物時嘩咗一聲，點解咁細碟嘅😂係用pancake整嘅，但因為pancake用咗甜嘅蜜糖，加埋豬柳，所以變咗又鹹又甜咁，未必個個都中意！薯寶就一般般，冇乜特別。 🍽️黑松露菇菇SS意粉 食落都creamy嘅，不過黑松露偏淡，意粉煮得軟硬度適中，d菇都唔算話好多。 ☕️Orange橙啡 下面係橙汁，上面係咖啡！漸變效果都幾得意，橙汁嘅甜味令到咖啡冇咁苦澀，唔鍾意飲太濃咖啡嘅人就啱晒！

係元朗行行吓街，突然比呢間紅綠色嘅門口吸引住！原來係食咖哩嘅🍛餐廳，好耐冇食過咖喱啦，決定要入去試吓😋話明叫『天龍咖喱』，緊係要食招牌嘅「咖喱」啦！ 🍽️咖喱吉列豬扒飯 呢排吉列豬扒絕對係真材實料呀！食落啖啖肉，用麵包糠炸過嘅吉列豬扒食落去好好鬆脆同香口！食吉列豬扒最驚佢太厚粉，而呢間豬扒嘅粉層就啱啱好，食咗半塊已經好滿足😌加埋個咖喱汁簡直係絕配！不過個咖喱係分開上，唔使怕咖喱會令豬扒浸到好腍，唔會影響口感😆另外仲加咗塊酥油薄餅點咖喱汁食，薄餅唔會好韌同厚身，香口又唔會好油膩😋 🍽️惹爆蔥油三黃雞飯 食落啲雞肉好滑又厚肉，雞肉嫩滑且唔會好嚡身！加埋啲炒過嘅香蔥配埋落啲雞到一齊食，蔥香味好濃郁，送飯一流呀👍🏻 🍽️特級花枝丸 花枝丸炸到好金黃香脆，雖然係花枝丸係炸出嚟，但食落又唔會覺得好油！花枝丸面頭仲會灑上椒鹽，配埋個泰式辣醬，食落好滋味😋 🍽️雞皮餃子 呢款雞皮餃子絕對要再encore，都係第一次食用雞皮包嘅餃子🥟創意感加分💯將雞皮炸到好惹味，雞皮嘅煙靭配餃子足料嘅餡肉，食落有外脆內軟嘅口感，令到層次感好豐富😆 🥤椰子冰 椰子冰飲落好清新同香甜，就算啲冰融哂都唔會影響到椰子冰嘅甜度同口感！食完咖喱配返杯椰子冰，仲可以解膩😝 🫖蜂蜜柚子蜜 呢杯蜂蜜柚子蜜好足料，飲落口就知道餐廳落咗好多柚子蜜！而且蜂蜜柚子蜜仲含有豐富維他命C同可健脾去濟添呀！食完飯同小食之後飲番一杯，好夾呀🤩

「艋舺ㄟ雞排」係來自台灣嘅人氣厚炸雞排店，呢間店用咗特別嘅厚切式特殊刀法，就算係高溫油炸時都可以避免到雞汁嘅流失，令口感更紮實同滿足！ 調味粉方面有六個選擇，分別有招牌、海苔、芝士、避風塘、蒜香同埋辣味。避風塘同蒜香仲要係香港獨有嘅味道！ 不過今次我就揀咗海苔味試吓先！ 🍽️苔客雞排 當啲海苔粉灑咗喺雞排上層，令到顏色好突出，而且味道好濃郁！仲食落帶點淡淡嘅鹹香同海苔味！啲雞排即叫即整，所以第一啖食落口嘅時候，仲係好熱辣辣同咬落去帶點脆卜卜嘅聲音！食落去嘅時候覺得啲雞肉好嫩滑同好多肉汁，口感一流😋 🍽️炸雞皮 炸雞皮絕對係越食越停唔到口嘅小食！炸雞皮都係即叫即整，所以咬落去雞排嘅聲音好清脆呀！而且雞皮炸出嚟嘅味真係好香😋 原來呢款小食係每日限量供應，唔係每次都有得食嫁，睇吓你好唔好彩🤭 🍽️紅肉地瓜條 脆炸香口嘅外層包住微微甜嘅地瓜肉，令到成個口感係外脆內軟！同埋食完唔會有油膩感😋 🥤柑桔檸檬特色茶飲 食完台灣小食之後，點可以唔飲返杯特色茶飲！今次我就嗌咗杯柑桔檸檬，柑桔檸檬甜度適中，飲落仲好清甜且又帶點清新嘅感覺😋

今次同大家介紹呢間係天水圍嘅cafe - 小茶角。 🍽️檸檬香草烤春雞半隻配薯蓉 通常呢種烤春雞食落都會諧霎霎同好乾咁，點知食落口，啲雞肉好滑嫩呀！加埋佢落咗檸檬香草做調味，令到食落好香口感！一啖食春雞一啖食薯蓉，又唔同嘅口感昇華咗出嚟😋 🍽️小食大拼盤 呢個小食大拼盤有炸蠔、炸蝦、炸雞翼、薯角同炸洋蔥圈，全部小食食落都好脆卜卜！特別最鍾意係炸蠔，用支叉拮落個炸蠔到嘅時候，啲炸蠔嘅汁多到會咇出嚟！而且仲會有個甜酸醬俾你一齊點嚟食，好味道😋 🍽️士多啤梨窩夫 窩夫切落去好鬆脆，而且食落好有牛油味！士多啤梨會切到一片片，令到成個甜品望落有好多士多啤梨呀！加埋雲呢拿雪糕同士多啤梨果醬，令到成個甜品酸酸甜甜，好開胃😋 🧋鮮奶仙草凍 鮮奶奶味滑順香甜又濃郁，配埋滑溜溜嘅仙草凍，令到可以一邊飲同時又可以食到微微仙草嘅甘味😋 🥤朱古力奶昔 飲落朱古力味香濃綿滑，而且飲落口感滑溜冇冰粒，好似飲緊溶咗嘅朱古力雪糕咁，好飲😋