Neko 熊穴

營業中

休息中

放假入去西貢，有人推薦一間叫熊穴cafe!!啱哂我想入去chill 下relax，啱返放假嘅節奏🥹平日返工真係chur到，要喘息嘅空間！係門口已經好日系，令人好舒服溫暖感覺！係我最鐘意嘅木系😝入面有榻榻米，有原木枱，有好多植物，好cozy!好似去咗日本cafe咁🫶🏻好平靜！佢地主打手作烏冬寫明係店主自己整，而且表明無任何添加👍🏼高質夠天然，我鐘意咼！不過，all day breakfast襯返去Cafe心情🤣餐牌都有寫話係自家研發㗎pancake粉😝期待！！全日班㦸薈 由於係即叫即整，等得比平時耐啲！超好豐富吖🤤有黑松露炒蛋，菇，西班牙白毛豬火腿，車厘茄，班戟😎佢仲配埋糖漿俾你任點啲班戟，正呀！班戟有成3塊，食完勁滿足！焙茶拿鐵焙茶係我最鍾意嘅茶😍個個濃香，烘過嘅味令人好深刻！佢仲要寫明啲茶葉全部都係來自日本嘅茶園🤭無理由唔試！！鍾意焙茶就唔好錯過😗