Neko 熊穴

營業中

休息中

星期六，接近10:00去到西貢碼頭散步，見到呢間嘢11:00開，朝早9:48分就打個電話去book兩大一小，佢覆我11點開，話真係11am 嚟到，唔洗訂位，直接嚟就得。我準時10:58am 到，短髮姨姨好無禮貌咁話：未開呀！咁我再等到11:02am 我主動行入去問唔係11點開？短髮姨姨話：唔係呀！未準備好呀！長髮女人話：起碼半個鐘呀！有圖有真相。我一個鐘之前打嚟話11點開，嚟到第一下只係交代未開，仲要唔話我知要等半個鐘～之後上嚟睇之前嘅食評。哦，原來唔招呼小朋友😅難怪啦，係呀，我係帶住個兩歲細路仔嚟，所以不受歡迎😂唔招呼小朋友夠膽咪寫出嚟囉，又或者唔好整啲岩小朋友嘅食物，賣得小學雞食物（熟食、非辣、非生）自然就係吸引小朋友嚟架，希望短髮姨姨你知道呢個事實啦。但好興幸自己無嚟過，因為睇之前食評，你敢罵我小朋友，我一定同你嘈過☺️香港後花園無恥餐廳！

待客態度及服務真係要改改!!我地一家四口下午茶時段入坐, 好多枱未坐滿, 太太見角落有榻榻米枱, 問服務員可唔可以坐, 但服務員表示因為係玻璃枱, 小朋友會唔小心打爛而受傷,  不過如果想, 可以坐低影相打卡, 原本以為服務員好好, 真係顧及小朋友而拒絕, 咁好啦, 我地就坐普遍枱, 之後同小朋友去榻榻米影相, 太太已經幫小朋友除鞋先上去影相, 不過竟然換來既係服務員大聲叫小朋友落返嚟!!!!因為攪到佢要重新清潔消毒品!!!成餐飯都成到一肚氣, 小朋友都食得唔開心, 一開始講明唔坐得咪算囉, 唔好呃左人入嚟先呢樣唔得, 個樣唔得.最後仲有小插曲, 有一對情人入嚟, 見到榻榻米想坐, 然後服務員話要minimum pay 先可以坐.........其實呢間餐廳係咪想做生意定玩客........

呢個星期六，見到呢間好似好日式，諗住試下，一行三人，兩個大人，一個小朋友，叫完野食，咁同小朋友玩左一陣，點知有個短頭髮既人話叫我地唔好嘈，佢做唔到野，跟住我地全程都唔敢再講野，怕嘈到佢又係廚房發脾氣，掉野，跟住d野食黎左，普通野，唔值呢個價錢，呢間野真係一次都唔駛再食，冇下次，臨走時，有另一pair帶住小朋友既都比佢叫佢小朋友唔好嘈，短髮個個人話佢唔嘈得，我提議下次係門口可以寫明幾歲樓下不招待會好d

嗰日四點幾去到可能因為就嚟收檔，好多嘢都賣晒。基本上都冇得揀剩返兩種：卡邦尼烏冬同埋一個茄汁。我覺得可能烏冬唔似意粉，始終唔吸味….食落去嘅感覺就好似醬汁還醬汁，意粉還意粉。可能烏冬都係比較適合放湯，係結構上嘅錯誤。另外叫咗一杯熱嘅印度奶茶，佢係即場煲熱，好重印度嘅香料味，算係幾好。如果有機會嚟食建議揀湯烏冬。 環境方面，其實都幾細，嗰陣時明明冇人，佢哋都安排我哋喺最近門嗰張枱，我哋等其他客人走自己要求先可以坐入面…又話出邊冇開放，其實可以俾我哋坐中間張枱… 應該都唔會再返嚟

之前嚟過點知係佢定休日，今次再嚟終於食到。店舖面積唔大，揀閒日去比較好，有張tatami位有$450最低消費。白魚湯烏冬配日式雞肉丸子清清地既白魚湯，手打烏冬比一般幼身，幾好味，推薦！❤️卡邦尼烏冬冇特別驚喜，正正常常，份量可以多啲。明明係閒日晏晝去，但甜品都係淨低一款揀，有啲失望。味道上係唔錯的，都係冇咩特別。抹茶鮮奶飲得出係日本牛奶味，幾好飲整體上係唔錯嘅，服務態度幾好，又有得手機落單唔怕漏單。咁啱坐到側邊的tatami位，所以幾有feel幾啱去打下卡過悠閑嘅一日冇揀到要最低消費嘅位，不過最後埋單都差唔多4百幾

蝦子餅早前看過某YouTuber介紹西貢的小店「熊穴」後，窩夫便將它加入口袋清單。八月某週末中午，窩夫與蝦子餅決定去支持小店，當日幸運地不用等位，下次預早訂位比較穩陣。窩夫與蝦子餅是為了烏冬而來的。彷彿走進了日本的小店。「熊穴」主打自家製新鮮烏冬。食物種類貴精不貴多，除了烏冬，還有班戟。飲品方面有「熊茶」。不喝茶的朋友可以考慮朱古力或鮮果梳打等。蝦子餅點了白桃梳打($48)，味道偏淡。窩夫一向是日本茶控，抹茶鮮奶和焙茶鮮奶都常喝，第一次見煎茶玄米茶鮮奶($36)當然要試試，茶香和奶味取得好好的平衡，一喝便愛上了。鯛魚白湯烏冬配日式雞肉丸子($108)的湯底名副其實的雪白，魚味濃郁，日式雞肉丸子熱辣辣，洋蔥味很香，非一般急凍貨色。每日自家製的烏冬口感不錯，整碗烏冬充滿誠意。香煎帶子蝦味噌汁烏冬($128)有三塊表面煎成金黃色的帶子，醬汁加了蘑菇、洋蔥和蕃茄，味道不錯，只不過鯛魚白湯烏冬實在太出色，難免被比下去。窩夫與蝦子餅把魚湯喝光了，下次要一人一碗。

之前見到介紹覺得幾靚咁岩平日又去開西貢就去左試一去到都算多人，但好彩唔使等位始終係小店，鹹甜點選擇唔算多但我覺得都幾適合女仔口味😉-—卡邦尼烏冬—同流心溫泉蛋好配合唔算太濃味同咸—香煎帶子蝦味噌汁烏冬—帶子比較細粒，份量亦都比較少醬汁唔算濃，但都有少少蝦味嘅腥—火龍果梳打—梳打水唔夠，亦有啲似走咗氣有少少似火龍果加水有啲失望😅環境都算坐得舒服冷氣如果再大啲會好啲支持小店👍🏻努力改善

紅日遇上打風天，無咁多人入西貢，決定一嚐西貢新開左半年，內裡裝潢十分日式風情嘅cafe，漫活中午☕️魚白湯烏冬配日式雞肉丸子 $108雞肉丸子用竹籤串起，好有日式串燒感覺，即烤日本雞肉十分嫩滑鬆軟，而且鎖住左肉汁，十分juice ，好香雞味💯👍🏻湯底奶白，選用比目魚熬製而成，再加上菇菇同櫻花蝦，為奶白色湯增添色彩外，仲提供到菇同蝦乾鮮香味，所以特別鮮甜，但又完全無腥味，值得一讚👍🏻👍🏻好味到飲埋碗靚湯😋😋 粗烏冬口感煙un ，但就未到彈牙😌推薦度 4.5/5香煎帶子蝦味噌汁烏冬 $128三隻嫩滑帶子帶著微微鮮甜，蕃茄噌汁十分突出，微酸微甜的蕃茄汁依附在烏冬上，特別開胃😀推薦度4/5宇治之露（抹茶鮮奶紅豆熱飲）$48有驚喜，有驚喜🤩🤩抹茶奶打得十分幼滑，沒有粗鞋顆粒感，前調奶味香，然後喫下，後調餘韻就岀甘香抹茶味，幾正😍紅豆🫘軟熟香甜，爽😊推薦度 5/5煎茶玄米茶 每壼$68首先幾中意套茶具半透明玻璃幾有質感🤭糙米炒得好香，入口炒焙香，然後就係鮮甜微甘綠茶推薦度 4/5Neko 熊穴 (西貢)西貢海傍街2號地下B號舖

有日係西貢行街見到呢間cafe諗住試一試，叫了一份all day breakfast,一份抺茶紅豆班戟，一杯白核梳打，環境非常舒適，非常適合聊天或休息，班戟味道很好味，如果去開西貢，可以試下。

西貢一向是我最喜歡的後花園，山明水秀，無論看風景還是吃東西，都能滿足我這個酷愛自然，又饞嘴的人的願望。這一天來到西貢，我又在一間從裡到外，環境佈置都充滿日本味道，處身其中，彷如到了日本京都一樣的咖啡店，享受了一段美妙的悠閒時光。這間滿帶著日本風情的咖啡店，因為位置在海鮮街的盡頭處，跟其他餐廳食肆相比，距離西貢的中心區城來得遠一點，所以較為清靜，這天雖是周末，我在下午二時左右來到，店內的客人不是太多，我與太太竟然可以在店內兩個日式榻榻米座位的其中一個用餐，都算幸運。雖然這裡自家調配的茶看來應該不錯，但這天天氣炎熱，我倆在西貢又已閒逛了好一會，不約而同都不想再喝熱飲，就來兩杯梳打好了。兩杯凍飲先行送上，我的「香梨梳打」（$48）較為清澈，味道亦較為清甜；老婆仔的「蜜桃梳打」（$48），色澤沒有那麼清澈，味道亦沒有那麼清甜，在盛暑下喝杯清涼的凍飲，頓感心曠神怡。不常供應，價錢不便宜的「鮮拆蟹肉蟹味噌冷素麵」（$168）雖然份量不多，但賣相吸引，味道又好，清新味美，蟹肉、蟹味噌、三文魚子與冷素麵的配搭，本已清新怡人，加上散發著芳香的白松露油，更讓這主菜成為令我倆都十分滿意的美食。一客三件的「法

呢幾年都多左好有特色Cafe🤩喺西貢嘅一個唔算顯眼嘅位置竟然有一間咁有獨特嘅日式Cafe餐廳🍴睇門面入口已經好有裝飾，門口係木色系列，外牆就係白色，帶左一種輕鬆嘅感覺！食物嘅選擇都適中all day 有pancake都幾鬆軟，滑蛋都好香濃嘅蛋味另外兩款就係甜食嘅pancake，叫咗一個綠茶黑糖pancake，唔會太過甜，綠茶味就冇乜另一個芒果pancake同綠茶味其實差唔多食物嘅質素唔算差，不過唔係話有特色嘅食物最有特色係個環境室內，比較有心思嘅裝飾有幾張枱櫈都係用咗榻榻米，角落頭仲有一個位置非常適合打卡不過要提醒店主講話要消費滿$600就可以坐喺嗰個位，呢一個就可以自己衡量返…如果有四個人，每人一個餐，再叫嘢飲都差唔多室外都仲有枱可以提供，系一個唔錯嘅放假，可以慢條斯理食吓嘢傾吓計嘅地方💕

前幾日去西貢，諗著3點幾食個tea hea下入到去有個短髮呀嬸叫我隨便坐我揀咗角落嘅「打卡」梳化位呀嬸話：「呢張枱最低消費$450」但係當時舖頭坐得一半人唔明點解唔俾人坐·到叫野食睇openrice d pancake相都feel到好一般所以叫咗2壺$68既茶同朋友一人一壺阿嬸走埋嚟問會唔會叫pancake我話唔洗佢話禁因為假期，所以只可以坐40分鐘·成間餐廳有8-9張枱當時加埋我地得3-4枱人我完全唔明點解仲要限時同埋我出面未試過一間餐廳只可以坐40分鐘·雖然如果我哋過咗時佢都應該唔會趕走我哋但係一個非常差嘅體驗只可以話店主唔識做生意

走進cafe一刻感覺置身日本京都🌿用心的日式裝修、別緻的手工原木枱、塌塌米、友善的店主、高質的食物及茶飲🍵呷一口茶聽聽音樂令人好放鬆舒壓🤍💚魚白湯烏冬配雞肉丸子 $108烏冬口感Q彈，比目魚白湯配櫻花蝦很濃郁美味，雞肉丸子是即烤的，超好吃推薦推薦🤤💚和風抹茶班戟 $88配有紅豆、忌廉和黑蜜，不會太甜，但班戟略嫌沒有蛋香～💚凍抹茶鮮奶 $42💚凍煎茶玄米茶鮮奶 $42兩款也很順滑好喝，玄米茶更香濃！下次想來試試一壺壺的精品茶🤎

這天為了這特色cafe來了西貢一趟 位於海傍街的Neko Bear Cafe 店外店內都充滿悠閒的日系感覺令人近走時腳步呼吸也放輕鬆了 店内細節也盡見店主心思手工原木枱、塌塌米、小盆景配以出色的食物和茶飲精心打造了一個舒適溫暖的空間室外更有一個看海的🐶pet friendly 空間無論打卡影相、聽音樂、看書、放空都是個很好的選擇 到來這間Neko bear cafe 不能錯過它的自家手打烏冬 🍜聽說是店主每天早早親手打造的今次選了鯛魚白湯烏冬配日式雞肉丸子烏冬的口感果然很煙韌滑溜配上濃郁的鯛魚湯味和香軟的丸子讓我整碗連湯吃掉😋再來的法式芒果焦糖pancake 🥞一點也不膩表層有火槍燒過的香脆焦糖正合我心意喜歡特色茶香的朋友 相信會在這裡找到驚喜 🍵☕️跟朋友忍不住口試了很多款煎茶玄米茶、煙燻紅茶、伯爵茶、Matcha latte每款都很出色今次未有機會吃到口碑很好的鮮拆蟹肉冷素麵因為當天沒有新鮮靚蟹 🦀店主便不會賣這道麵食唯有留待下次再踫運氣🌿

今天中午同老婆行完山搵嘢食，喺小巷子遇見呢間供應新鮮烏冬嘅餐廳，於是一試。點了煎帶子烏冬配蝦味噌，同埋魚湯烏冬配雞肉串子。烏冬口感彈牙，店主話俾我哋知，佢用咗兩日嚟發酵麵糰，所以烏冬特別煙韌，帶子也鮮味；最後加了抹茶班㦸作為甜品，便完滿了。食得出店主是係用心製作食物，值得支持。除了食物外，也看得出餐廳經過悉心佈置，我們用餐時的心情也由於環境而變得愉悅，感受到店主有心做好。P.S.：下次會帶埋嘴刁的女兒一齊嚟食。