Neko 熊穴

營業中

休息中

趁住週末嚟到西貢四處逛逛，搭船前諗住係海傍街穩間cafe食chill下。經過呢間cafe，被佢個日式和風裝潢吸引住，二話不說即刻入去。呢間熊穴餐廳茶房環境好舒適，給人一種慢活的感覺，今次更好難得有榻榻米座位坐，一邊嘆好野食一邊同朋友傾下計，正啊！今次點了店家招牌：魚白湯烏冬配雞肉丸子。店家主打手打烏冬，每日人手搓，所以點都要試吓啦。烏冬同時好掛湯，嗦曬魚白湯的鮮味。日式雞肉丸子好大粒啊，表層有略略燒香過，配上烏冬好夾。飲品方面點了一杯凍朱古力，朱古力好濃郁，上面仲有一層朱古力泡沫，層次分明，又唔會過甜，十分推薦。下次黎西貢又多一間打卡cafe了！