Hungry Monkey (金朝陽中心二期 - Midtown) (已結業)

現在已習慣了約朋友吃午餐一聚。店子是專吃鐵板燒的，店員安排了坐在吧枱位置，看著師傅燒食物給客人。先上前菜，鯊魚軟骨是我第一次吃的，酸和鹹的味道，挺特別的，口感有點像雞軟骨。鐵板大蝦，蝦真的頗大隻，虎蝦般大，開邊在鐵板煎熟，彈牙肉厚。吉列青森帆立貝，炸帆立貝外皮酥脆，帆立貝原隻上，共6顆，沙律醬有青森蘋果粒，清甜不漏。豆芽韮菜花炒砂肝筋，鐵板炒豆芽和韮菜花，加上胡椒粉，砂肝筋應該是雞腎，有嚼勁不錯。泡菜炒豬肉，泡菜濃濃的酸辣味，炒豬肉，很惹味。蒜頭炒飯，蒜頭鋪滿飯上，愛吃蒜的朋友可以分享來吃，份量不少。芝士御好燒，照燒汁和沙律醬，木魚絲，芝士和蛋，全是我喜愛的食材，互相配合。雖然是午餐，啤酒伴鐵板燒是不可或缺的。

以前食晏時間我唔會揀食鐵板燒嘅，但而家疫情下又加上限聚令等，所有餐廳食肆都 少左人出街食飯容易揾位左。 上次行經登龍街已經留意到依間好搶眼嘅猴子招牌，門前放左Menu埋去望下，原來係食日式鐵版燒嘅，價錢定位唔高，午餐仲有八折，抵食喎！ 今日嚟試下！揀左坐近門囗嘅吧枱位～店員推介餸酒一流！梅水晶 48元聞落去酸味味咁，入囗咸咸地，原來係啲魚嘅魚鰭軟骨 醃製嘅，第一次食都幾新奇特別！餸啤酒真係好唔錯！叫左客托托蜆 88元都幾大隻爽甜！芝士蛋奄列 78元好大件！熱辣辣一夾起啲芝士流曬出嚟，好香蛋味又滑脫脫！正！聞到炒飯好香，本來都差唔多喇，忍唔住叫埋佢！蒜頭炒飯 78元一客好大份量，最後都食唔曬！飯好爽口，飯裡面係好多脆口嘅金蒜粒，真係好香！喺沒完沒了嘅疫情下食番餐抵食又好味嘅真係大滿足！

一個半小時的放飯時間，與同事急步到食店林立的燈籠街覓食…… 雲雲食店中選了這間" hungry monkey"日式鈇板燒店。內望~店內皮梳化，小圓枱，圍着鐵板的吧枱座位，佈滿酒樽的裝飾，燈光柔和。這空間感覺很舒適！ 我們選擇坐吧枱座位，拉近與廚師的距離。 限聚令下衹可二人同坐，食客少了反而方便了我們上班一族，不用等位和坐得寬敞些，所以一個半小時放飯時間足夠享受一下這頓鉄板燒。 先選了兩杯飲品……三得利啤酒 $ 58蘋果梳打 $ 38梅水晶 $ 48這個佐酒小食很特別，是一些鷄和魚軟骨位的漬物，梅味濃濃酸酸咸咸的，有種獨特的韻味~再點選想吃的……翻開menu 很多選擇;佐酒物，冷盤，海鮮，肉類，甜品，無酒精飲品，清酒，啤酒等。托托蜆 (4隻) $ 88 看着師父用 純熟的手藝製作，感覺很好！ 蜆很大隻，肉爽甜美多汁！吉列青森帆立貝 $ 68一客五件，外層鬆化咬開好濕潤鮮嫩，沾上沙律醬汁口味更豐富！一夜乾鷄扒 $ 78鷄扒經過 醃製和一夜的風乾，肉質有種扎實的質感，相當有風味！芝士蛋奄列 $78嫩滑鷄蛋包着熱溶拉絲芝士口感非常豐滿，熱騰騰的很滿足！

呢間既午市相對抵食，同晚市同一個價錢不過就多咗前菜，沙律，湯，同埋炒飯。當日12點去到，預先係openrice book咗，去到order咗兩個套餐。厚燒牛舌套餐 ($98)香葱牛肉薄燒 ($88)Order完好快手就會上咗沙律，漬物同湯俾你食住先。咁岩我同友人坐係吧枱，就可以一路食一路睇住師傅係鐵板到燒我地既主食。呢個香葱牛肉薄燒好好食！入面夾住香葱同炸蒜，加上個汁既調味都岩岩好，可以講十分推薦。如果可以多一件就好喇，四件食到有啲唔夠喉哈哈。炒飯都可以，美中不足係師傅一早炒好咗，係個電飯煲加熱，所以少咗啲穫氣。呢個厚燒牛舌就有一部份好韌，好難咬，但又有一部份幾林，好好食。我覺得可能有部分解凍時間唔夠長。總括而言，呢間既午市套餐值得一試。

由於要清年假，便相約好姐妹見面聚一聚，今日大家約下午到銅鑼灣嘆下午茶，途經登龍街金朝陽中心二期地下見到一間新開的鐵板燒，門面和一般日式鐵板燒不同，以黑色作主調，感覺似酒吧，充滿玩味，我們便決定入內歡聚一下。店內有一鐵板燒的料理枱，顧客可選坐在料理枱旁或其他餐枱位置進餐，牆壁放了一排排的酒樽，相信晚上來吃必定更有氣氛。餐牌的鐵板燒項目是散點的，不是一個套餐，非常適合我倆分享來吃。我們點了冷盤，炸物，鐵板燒,無酒不歡的姐妹當然少不了酒精。william collin 我點了一杯有梨味的sake cocktail, 入口除了清甜的梨味，由於加了檸檬汁，酸中帶點澀，非常醒胃，很易入口。梅水晶名字好特別，原來是由雞軟骨和鯊魚軟骨的漬物，用梅來醃製，口感很爽脆又有梅的鹹酸味，味道濃郁，作為佐酒小食不錯。吉列青森帆立貝吉列青森帆立貝係每日推介食物之一，寫於店內的黑板上，有5粒吉列帆立貝，炸得非常香脆，沾上伴碟的甜甜的醬汁，醬汁還添加了青瓜增加口感，帆立貝爽口彈牙，推介。帝皇蟹腳 另一款每日推介就係我最愛嘅帝皇蟹，一條中碼蟹腳＄178，分開3份來燒，一邊看已經一邊流口水，蟹香撲鼻而來，簡單的烹調手法已

由於而家夜晚唔可以出街食好西，所以一有時間就會同老婆係下午食好d，特別係去一d新餐廳嘗試。今日我地就去左位於登龍街呢間Hungry Money嘆返個early dinner。😁朋友之前去過呢間Hungry Money，佢非常推介呢度嘅港島燒，我地今日下晝4點幾到餐廳，由於唔係繁忙時間，客人唔多，餐廳除左設有卡位之外，仲設有bar枱位置，可以邊食邊欣賞師傅即場製作鐵板燒。我地先點左杯特飲，之後慢慢細嚐每款食物。😋菠蘿清酒咸檸檬梳打 $68用清酒配搭菠蘿嘅呢款特飲，入口香甜，酒味唔算太濃，不過帶有清酒獨有嘅酒香，係一款會令你忍唔住一啖接一啖好快入哂嘅特飲。😆辣酒煮凍花螺 $88估唔到以鐵板燒為主題嘅餐廳都可以食到辣酒煮花螺，呢款花螺辣度適中，醬汁雖然濃，不過唔會太咸，螺肉爽口，佐酒一流。👍🏻一夜干雞扒 $78一夜干製作嘅魚就食得多，以一夜干製作嘅雞扒我地都係第一次食，雞肉非常入味，而且唔會太乾，雞皮仲非常香脆，雞扒大大塊，兩個人share都好滿足。😁帝皇蟹腳 $178係bar枱食鐵板燒帝皇蟹腳確係特別享受，師傅燒蟹腳時已經聞到海鮮嘅香味，睇住隻蟹腳慢慢燒香再放入口，感覺特別唔同。帝皇蟹腳

今次朋友帶我黎呢間好有氣氛的鐵板燒店，剛好坐的吧台位置可以望到大廚煮野食，好有格調，不過聞到食物香真係特別肚餓！檸檬威士忌割水去到日本旅行，食居酒屋必定叫的 highball，這裡用日本 suntory的威士忌沖番，加埋檸檬味少少酸，易入口。枝豆平時的居酒屋通常都係水煮枝豆，但這裡的枝豆用鐵板炒熟，加了鹽同胡椒粉調味，十分入味，配酒一流。燒大蝦大蝦真的好大隻，全隻蝦已經去了殼，蝦頭入面有蝦膏，而且連蝦的觸鬚都煎到酥脆，味道有少少像日式煎餅。唐揚豆池魚份量十分大碟抵食，成條魚炸到好酥脆，加了鹽同辣粉調味，令人一條接一條不斷食。香蔥御好燒食日本菜最鍾意便是御好燒，好特別有香蔥味的，比素食人士多一個選擇。因為加了好多新鮮香蔥，味道好香，而且紫菜同紅薑另外上，可以自己決定加多少份量，十分貼心。

午餐抵食價錢68-98一個人，食到個鐵板燒set，每份套餐有味噌湯、漬物、沙律、炒飯、主菜，依個價錢好抵食。食物質素正常，勝在價錢抵食。食物[👍🏻海鮮set$98]好多款種類既海鮮，有蠔、魷魚、帶子等等，反而海鮮燒得不錯。[👎🏻厚燒牛舌set$98]牛舌好夠厚，但燒得過火咗，肉質好韌，好難咬，不推薦。👍🏻環境裝修得好靚，牆身勁多酒，樓底好高，但座位較少得十個左右。⭐️最新餐廳資訊可以上社交平台「Hungry Monkey」睇。

而家冇得晚市出去堂食，天氣凍凍地，今次同朋友晏晝去食暖暖的鐵板燒。食物質素都幾高，環境都幾舒服，幾適合朋友坐低傾偈食飯。/桃味梳打🌟適合飲唔到酒的人，日本的桃味梳打，唔會太甜幾好飲。梅水晶🌟見到梅水晶個名好特別，所以叫黎試下。🤣原來佢係用魚翅骨醃製而成，仲有梅味酸酸地，識落有少少似海蜇，幾特別。好適合做佐酒的冷盤。/吉列青森帆立貝🌟店舖定期會轉唔同的限定Menu，寫咗係黑板上面。吉列帆立貝係今期的限定菜品，足足有五大粒帆立貝，出邊層吉列粉漿好薄，帆立貝炸到岩岩好一啲都唔韌，配埋青瓜千島醬好好食。/唐揚豆池魚🌟豆池魚炸到好酥脆，成條魚連魚骨同魚頭都可以食得，加埋鹽及七味粉，用來佐酒一流。/和牛脂炒飯🌟炒飯用咗日本珍珠米，煎溶左牛脂的油用嚟炒飯，炒到粒粒分明，而且好香，夠晒大碟適合兩個人以上share食。/

又再放無薪假，約咗朋友出嚟銅鑼灣行街，見到Hungry Monkey係主打大家都好耐冇食嘅鐵板燒而且價錢唔貴，所以決定喺度食lunch😍仲可以一邊食一邊欣賞師傅烹調美食🤤梅水晶：鯊魚軟骨爽脆配上梅子酸咪咪好開胃！芥辣八爪魚：鮮味八爪魚刺身混合濃郁Wasabi味！明太子奄列：明太子帶少少辣味，同雞蛋好夾而且唔會過鹹，奄列口感嫩滑蛋味濃郁😋香蔥牛肉薄燒：牛肉包住大量蔥花同炸蒜，牛味香濃入口鮮嫩又juicy❤️❤️❤️托托蜆：平時係有四隻嘅不過落單嘅時候店員已經同我哋講咗今日嘅size比較大所以只得三隻！托托蜆肉質細嫩鮮甜又彈牙，炸蒜好香好惹味但又唔會掩蓋咗蜆肉嘅鮮味😍南非鮑魚：鮑魚品種珍貴，肉質厚實，彈牙帶爽又鮮味☺️蟹盛御好燒：御好燒做法簡單但要整得好食並唔容易，餐廳加入多款蟹食材，有蟹肉；蟹籽同蟹膏，味道鮮美蟹味濃郁🦀食物真係好高質，好食到食到一半我哋已經諗緊下次再嚟要食啲乜😆😆

因為疫情關係已經好耐冇出街食晚飯，記得之前係銅鑼灣食過一間鐵板燒好正，好想喺呢度記錄番。佢感覺係一間比較新派嘅鐵板燒居酒屋。裝修都非常新穎，具玩味。前菜我哋叫咗一個蕃茄沙律非常新鮮，蕃茄甜中帶酸，好開胃。對於我呢個食蟹狂熱者黎到食鐵板燒，梗係要食返啲燒蟹腳啦！佢燒得非常有風味，唔會燒得好乾身，燒完既蟹肉仲好多汁同好鮮甜！老闆推介左我哋食一個新菜式叫海膽熔岩魚餅，魚餅入邊有勁多海膽，超好食。另一個我好欣賞嘅創意料理係蟹盛御好燒。佢比起傳統嘅御好燒唔同就係上邊唔係擺肉/麵/菜，而係擺咗好多蟹膏同蟹子，就咁睇個樣已經知道係超級好食，非常惹味，令到我念念不忘。我對於啲創意料理通常都好卻步嘅。但係呢一間係真係做到又有創意，味道亦非常之好。

今天在铜锣湾看见这家日式餐厅，我和朋友都未食过，便带着期待的心情入去吃午餐。梅水晶：开胃菜很特别，是一些软骨用着醃梅，爽口并带着酸酸咸咸的梅，特别。蟹肉忌廉饼：饼皮炸得香脆盛着忌廉蟹肉，口感有强烈对比。忌廉把蟹肉加倍的带出，很好味😋。明太子奄烈：厨帅把蛋煮得嫩嫩的同明太子的质感很夹，口感好嫩又很有明太子的味道，正。矶煮鲍鱼：鲍鱼很新鲜，它已经调了味而且煮得软软的，一点也不韧。鲍鱼本身己好好味，再点少少跟来的酱汁，味道更丰富，好食。皇帝蟹钳：蟹钳己经开半，很容易吃。烧的香味加皇帝蟹肉和海水的咸味，令人置身日本似的。香葱御好烧：香葱劲多的在面浆内，烧得香口，加上甜甜的烧汁和少少酸的沙律酱，好味。日本炒面：炒面本身已炒得香口，好好味。又有香口的木鱼和一些甜酸腌菜，真的很特别。我们都很开心又有新发现。

服務態度非常好🥰 餐廳舒服、裝潢特別，整體感覺良好！🤍$88 辣酒煮凍花螺：請到此一遊的大家叫來試試。凍花螺香辣惹味，彈牙又有嚼勁。需要自己動手，用竹籤挑肉出來，能夠嘗試日式和中式的食法很特別，餐廳也有手套配備，所以不會太狼狽。🤍$88 托托蜆：乾蒜惹味，肉汁豐富咇出嚟🤤🤍$98 蝦：大大隻仲幫你剝埋殼添！煎脆的殼香口🥰🤍$98南非鮑魚：鮑魚口感爽口，帶有少許焦香味，確實非常滿足🥰🥰，加上醬汁更加特別，值得再試🤍$138 和牛脂炒飯: 珍珠米真係冇得彈😂 完勝🥰 不會過於乾身 和牛味重，突然覺得和牛炒飯完全不會浪費和牛本身的味道😂🤍$38 蘋果梳打：沒有藥水味，甜甜的，非常喜歡

同朋友岀去飲杯野傾下計今次揀咗Hungry Monkey日式鐵板燒，真係揀得唔錯！一入黎就有好多酒做陳設，燈光幾有情調坐喺吧枱高腳椅環視四周呢度除咗鐵板燒吧檯有三set位之外，仲有幾組二人位感覺都有居酒屋feel，連員工都有居酒屋吹水feel😝好nice口渴先黎兩杯飲品，一杯啤酒，一杯威士忌割水因為飲野嘅關係，特別叫咗啲小食佐酒菜1️⃣煎明太子係一流嘅下酒菜呢度都整得唔錯，外面香脆，內裏咸鮮惹味配上香蒜，微辣香口，完全唔會有腥味2️⃣辣酒煮花螺準備埋手套竹籤，非常方便粒粒都沾滿醬汁，一邊傾計一邊食，勁有風味3️⃣梅水晶感覺幾新鮮，就叫黎試下原來係用梅漬醃過嘅魚翅，爽口清新，開胃之選4️⃣磯煮鮑魚日本經典煮海鮮方式磯煮用嘅醬汁就係昆布汁， 慢火炆煮鮑魚粒粒都好夠味，口感彈牙！同平時我食開嘅磯燒鮑魚唔同，佢仲有鮑魚肝鮑魚肝味道更濃郁！主菜唔係叫咗好多，叫咗A5和牛坑腩同埋香蔥御好燒A5和牛坑腩，肉質鬆軟帶有筋，入口充滿油花配燒汁兩個人食剛剛好，又唔會好肥膩香蔥御好燒勁有大阪燒嘅風味做法都好似，厚實又足料，食完好飽足！仲要食埋佢哋今期新出甜品：菠蘿雪葩，真係飽到不得了！平民日式鐵板燒 × 居酒屋係日本嘅味道

今日去金朝陽中心經過這間Hungry Monkey，朋友話個招牌同Menu好吸引，於是兩個人就盲舂舂衝左入去，好彩結果都冇失望。螢光魷魚🦑魷魚細細條好得意，入口時鮮美的汁液一涌而出，如果配酒食更為適合。辣酒煮凍花螺 螺肉好鮮，又有咬口，加埋個醬汁帶點辣味，令人倍感開胃。南非鮑魚鮑魚咀嚼時好Q彈，沾醬食的味道特別好。托托蜆蜆大隻，上面鋪有好香脆的蒜片，而蒜片又唔會遮蓋其鮮甜的味道！正！鐵板蝦連蝦頭都煎得好香脆，咬落好似食緊薯片咁，蝦頭有肉又有蝦膏，蝦身的肉爽口彈牙，啱哂鍾意食蝦的我！和牛脂炒飯飯如其名，有好香的油脂，粒粒的日本珍珠飯粒軟硬適中，唔錯唔錯！桃味梳打、蘋果梳打因為朋友的酒量很淺，所以我們都用梳打代酒。兩個味道我較鍾意蘋果味，味道相對清甜。二人邊食邊談了一小時多，大家離開餐廳時肚子都很有滿足感。😆