想約朋友收工喺蘭桂坊飲酒，但又想食晚餐，呢間串燒可以話係經濟又好味之選，仲有多款酒可以揀添 。不過串燒梗係要配啤酒，第一round就先叫左1664同愛爾蘭蘋果梳打。 Magners🌟 Irish Apple cider味道唔算太甜，夠多梳打氣 。 一口和牛串🌟 安格斯牛肉露筍串🌟 牛肉串燒啖啖肉，一定要試 。 金菇羊肉卷🌟 金菇牛肉卷食得多，配羊肉都一樣咁好味 。 煙燻和牛牛舌🌟 牛舌係串燒必試，肉質好柔軟，有少少煙熏味 。 玉子燒🌟 表面炸到微燶，味道甜甜地好好味 。 芝士焗雜菌 🌟 份量足夠，而且落足了濃厚的芝士，十分惹味 。 招牌茄子燒🌟 試完就明白點解係人氣之選，茄子多汁，加埋辣好惹味 。 炭燒左口魚珍珠飯🌟 左口魚好肥美，咬落去口腔充滿魚油香，配搭珍珠飯有日本丼飯嘅水準 。 香蒜蔥花廣島蠔🌟 廣島蠔鮮甜，食落去多汁，配上面嘅蔥同蒜蓉一流，味道好夾。 炸大八爪魚足🌟 大大份好抵食，薄薄一層炸粉包住軟軟腍腍的八爪魚足，佐酒必叫 。

約了三五知己在銅鑼灣這家西班牙餐廳聚會，食物質素高，而且店員十分殷勤招待，服務十分好！ GOLDEN SEACOAST🌟 以香橙與熱情果汁作為主調，加了雪碧的梳打氣，味道清甜 。 ST SARAH🌟 威士忌有木香味，配有接骨木花與桃香，十分夾。 Grill Galician Style Octopus Tentacles 慢煮加利西亞式八爪魚腳🌟 香港好罕見的菜式，八爪魚腳十分大條，雖然粗身但烹調得十分軟稔，表面微脆不乾 。 Roasted Suckling Pig 西班牙烤乳豬🌟 選了4分之1的份量足2-3人分享，烤過的乳豬皮脆卜卜，而且薄薄一層的油脂分布平均，不會太油膩 。加上甜豉油後味道剛剛好，與朋友公認是滿分的西班牙乳豬，是必試菜式！ Churros西班牙油條🌟 打開星球裝著churros，而旁邊的雀巢🪹盛載著士多啤梨朱古力醬，十分可愛的擺盤！而且churros外脆內軟，配上醬也不會太甜，很滿足！

近太和附近這間鐵板燒有一道大木門，看落神秘且私隱度高，裡面還有吧台能欣賞大廚烹調食物 ，適合情侶及三五知己到訪 。這次試了入門八道菜廚師發辦套餐 。 煙三文魚沙律🌟 前菜伴碟很精美，煙三文魚捲着新鮮的沙律菜，旁邊的泡沫是沙律醋 。 乳酪parma ham 菠蘿汁🌟 Parma ham包著新鮮菠蘿，還有配上乳酪芝士中和了鹹味，清新又特別 。 黑松露扇貝🌟 扇貝稔身爽口，黑松露味濃厚，烹調時間控制得啱啱好 。 南非孔雀鮑魚🌟 鮑魚口感好彈牙，加上大量煎過的蒜蓉好香惹味 。 東星斑🌟 好厚嘅東星斑，肉質好結實，食落去啖啖肉，加埋魚油好好味 。 日本厚切黑豚扒 🌟 所有肉類都是由日本直送，黑豚扒的油脂分布均勻，食落好軟腍 。旁邊的生果蔬菜汁甜甜地，有柚子的清新感，配上黑豚扒完全不會膩，十分夾 。 日本雞排🌟 雞排全熟但仍鎖住好多肉汁，超juicy！配上店舖秘方熟蔬菜汁，味道甜甜地好好味！ 鵝肝炒飯🌟 親眼望住店員加大大舊鵝肝一齊炒，加埋雜菜充滿口感又美味 。 紅豆吉士可麗餅🌟 最後的甜品卷成一朵花好靚，口感柔軟中帶點煙韌，加上紅豆與吉士，滿足又甜入心 。

與同事Happy Friday，來到雲咸街新開的bar，酒吧有自己調配獨特的 signature cocktail，味道清新，是其他酒吧試不到的 。 而且店員都好開朗好客，與他們聊天都很開心！ Belle Époque🌟 以氣泡酒Crémant為主調配而成的cocktail，帶出少少蜜桃的清甜味，很容易入口而且很特別，在其他酒吧找不到的 。 Dear Lilly🌟 以伏特加為主，還有豐富荔枝味，比另一杯較甜，同行的女性友人更愛這杯雞尾酒的味道，而且上面還有三粒當造的士多啤梨，多汁又鮮甜。 Pintxos Set🌟 必定要試的雞尾酒小食，有別於一般酒吧的花生或薯條，這裏的佐酒小食不只賣相吸引，而且全部味道都調配得很夾！ Prawns & mushroom🌟 大蝦肉質爽口，加了洋蔥於中間，與大啡菇很夾 。 Paté & caviar🌟 充滿肝醬嘅濃郁香氣和口感，上面還奢侈地加了魚子醬，性價比極高！ Spanish omelette & padron peppers🌟 最愛吃的西班牙奄列，還有不辣的帕德龍辣椒，連包吃意外十分夾。 Eggplant roll🌟 這個茄子卷雖然是素食，但味道豐富，薄薄的茄子卷起洋蔥絲，鹹味調配得剛剛好。

朋友喺觀塘收工，帶朋友一再到訪這間西餐廳，座位闊落舒適，食物美味，很適合與另一半或者朋友慢慢聊天享受。 美國1855 安格斯肉眼🌟 選了五成熟，肉嘅生熟度剛剛好，餐廳會切好上碟，用蠟燭保溫很細心。 慢煮伊比利豬鞍🌟 豬鞍油脂分布均勻豐富，肉質好柔嫩，配香草醬同炸蒜味道好夾。 黑松露薯條🌟 餐廳選用幼薯條，每一條都好香脆，上枱時仲熱辣辣，份量大夠哂抵食。黑松露醬好美味，未吃完薯條已經點哂，如果有更多醬就好。 紅桑子忌廉配新雜莓梳乎厘班戟🌟 忌廉充滿了紅桑子的酸味，另外加了Haagen Dazs雲呢拿雪糕，雲呢拿雪糕與雜莓好夾，班戟口感好鬆軟，望落細細地食完都唔會好滯。 Honeycomb Latte🌟 打卡一流，上面嘅蜂巢咬落去好鬆脆，咖啡加了全脂奶，香滑又唔會好甜。 凍鮮奶綠茶🌟 鮮奶綠茶不加糖都好好味，愛甜人士可以再加糖，上面仲有邪惡的忌廉。

火鍋放題食得多，但係無限時嘅火鍋放題真係第一次食。 為食套餐分咗四round，食完先去到下一轉，要記住係冇得食返轉頭㗎。 ROUND 1餐前小食🌟 首先可以叫餐前小食，炸物夠脆，鮑汁雞腳炆得入味，而且好稔，推薦要食鮑汁雞腳及唐揚脆炸雞。 ROUND 2 三點刺身盛合🌟 有牡丹蝦、北寄貝、和三文魚刺身，味道新鮮，蝦夠甜美，可惜不能添食。 ROUND3頭盤寵寵雞煲🌟 揀了任食寵寵雞煲，雞煲可以加水魷、牛柏葉和豬皮，配雞煲醬汁十分惹味，食埋雞煲已經少少飽。 ROUND4火鍋盛宴🌟 想要清少少的湯底，所以揀了高湯牛尾，岩哂食完濃味嘅雞煲。之後會即上埋海鮮和牛肉拼盤。 為食海鮮拼盤 🌟 鮮蝦肉質十分結實、蜆和元貝味道鮮甜、脆肉鯇和白鱔片很嫩滑，不過有少少骨要小心食用。 為食牛肉拼盤🌟 五款牛肉都很高質，手切牛頸脊很有牛味，SRF和牛肩胛肉眼芯一入口便溶化，還有潮汕吊龍伴、黃喉這些較罕見的部位！ 而任食的肉類都好高質！除了三款牛肉都好柔軟冇筋，試了鹿兒島茶美豚🌟後忍不住再點，肉質好柔軟，還有淡淡的茶味咁，性價比很高。

公司聚會，同事訂咗南北滙一齊食飯team building，餐廳有獨立包廂，可以唱K加食飯，最適合不過，包廂同有隔音設備，十分貼心， 唔會騷擾到其他食客 我地今次撰左秋饌宴 鳳尾魚翅燉母雞：燉湯好鮮甜， 十分足料，有兩大塊魚翅， 所有雞肉同魚翅既精華都注入湯裏面 蘭花蚌蝦仁腰果: 蚌雖然細細隻但好彈牙，蝦仁肥美啖啖肉，再加上腰果，口感滿分 枝竹雙冬羊腩煲： 羊腩肥瘦雙間，炆得好淋，好入味， 枝竹亦吸收哂羊腩料， 有同事唔食羊既都食到， 一啲都唔騷， 做得好好！羊腩煲仲配上生菜， 可以解膩 清蒸太湖大閘蟹： 大閘蟹肥美多膏，蟹膏呈橙黃色，啖啖都係膏，今次呢隻係公，蟹膏質地軟綿，齒頰留香👍🏻 雞頭米紅杞浸時蔬: 大量雞頭米同杞子，非常健康 生炒臘味糯米飯:師傅將糯米飯炒得好乾身完全唔會油淋淋，臘味的香味係主角！灑上葱花同蛋絲，整體又靚又好食 食物， 環境，同娛樂都做得好好！

忍不住一再覆桌的鐵板燒，上次龍蝦很好味，所以選了二人套餐，水準依然，還可以坐吧枱望住大廚烹調海鮮，是眼睛和味覺的享受。 大蝦無花果沙律 🌟 有三種醬可選，選了開胃的柚子汁，沙律新鮮清甜，蓮芋第一次食，口感清爽，大蝦肉質彈牙，無花果好甜好好食，選用的材料都是當造！ 白桃濁酒🌟 滿滿的白桃果味，又夠哂甜，係女士的最愛。 韓國白松貝🌟 白松貝其實是象拔蚌，肉質好厚身柔軟，爽口多汁，清清地但好香牛油味，配埋Wasabi汁好夾。 澳洲龍蝦🌟 活生生的龍蝦煎至表面香脆，醬汁是用牛油煮熟的龍蝦膏，濃郁的龍蝦香，旁邊還有三文魚子好鮮甜，賣相精美。 匈牙利厚切豬🌟 豐富油脂但食落一啲都唔膩，選取嘅部位完全沒有筋，好軟稔好易咬，唔夠味可以沾竹炭鹽。而配菜燒南瓜、大啡菇和意大利青瓜都很惹味。 清酒煮蜆🌟 蜆大隻又多汁好味，完全無沙，加了鰹魚清湯和清酒煮，水菜及本菇令整碗清湯味道更鮮味。 海膽炒飯🌟 炒飯用上海膽好奢華，仲加了紅蘿蔔蔥增加口感，好香又好味。 柚子雪芭🌟 最後還有一球清甜的柚子味雪芭，好滿足。

平時要去酒吧或高級餐廳先有live music，想不到彩鴻酒店這間西餐都有駐場歌手演唱，係同朋友慶祝生日之選，上蛋糕甜品時會為壽星唱生日歌。餐廳好大，坐得舒服，約朋友聚會一流，而且晚餐set價格親民。 煙三文魚沙律🌟 三文魚唔會咸而且鮮嫩，配上新鮮的沙律菜和沙拉醬，口感絕佳。 牛肝菌忌廉湯🌟 忌廉湯濃郁滑順，每一口都有牛肝菌粒，飽滿的牛肝菌香味令人滿足陶醉。 法式焗田螺🌟 每次餐廳見到都一定會叫，一共有6隻可以同2-3個朋友分享，薯蓉質感香滑而且面層香脆。 脆炸德國咸豬手🌟 炸過的德國咸豬手非常美味，口感鮮嫩多汁，外酥內軟，而且好大隻份量好夠飽。 純正意大利卡邦尼意粉🌟 他們的純正意大利卡邦尼意粉是多重享受，可以親眼望廚師烹調，加左大量意大利煙肉和芝士，最後沾滿36個月醃製芝士，令邪惡的意粉更加香濃。 朱古力心太軟配雪糕🌟 一刀切落去心太軟裡面的的濃郁朱古力就流出來，配上一球冰涼的雲尼拿雪糕，一冷一熱形成了絕佳的對比。

去完西班牙旅行，都好掛住西班牙的美食，但想搵正宗西班牙菜都不容易，今次跟朋友在炮台山試到了正宗西班牙菜，還有比西班牙更好吃的燒乳豬，一定要與朋友再次到訪。 炸西班牙火腿可樂餅🌟 Croquetas de Jamon 表面炸到金黃香脆，內餡充滿奶油味的可樂餅，加了西班牙火腿嘅鹹香味啱啱好。 椰菜花西班牙蛋餅🌟 Cauliflower Tortilla 用椰菜花、薯仔、蛋煎成的蛋餅，加了沙律醬和茄汁調味，每一口都充滿口感，是健康素食之選。 西班牙燒乳豬,青蘋果茸,燒新薯🌟 ROJO Suckling Pig with Apple Puree,New Potato 雖然要等半個鐘，但都好值得試嘅燒乳豬！豬皮燒到好脆，仲脆過酒樓的中式乳豬，醃完嘅咸味好恰到好處，不用再沾醬調味，油脂同肉的比例適中，再吃一口青蘋果茸還可以化解油膩感。 西班牙肉桂油條,朱古力醬,雪糕🌟 Churros with Chocolate Dip,Ice-Cream 這間餐廳的西班牙油條很正宗，不是一般加糖霜在表面，而是加配了一碟黑朱古力醬，每沾一口都有濃濃的朱古力香，不會太甜，甜品愛好者一定要叫！