Hungry Monkey (金朝陽中心二期 - Midtown) (已結業)

因為疫情關係已經好耐冇出街食晚飯，記得之前係銅鑼灣食過一間鐵板燒好正，好想喺呢度記錄番。佢感覺係一間比較新派嘅鐵板燒居酒屋。裝修都非常新穎，具玩味。前菜我哋叫咗一個蕃茄沙律非常新鮮，蕃茄甜中帶酸，好開胃。對於我呢個食蟹狂熱者黎到食鐵板燒，梗係要食返啲燒蟹腳啦！佢燒得非常有風味，唔會燒得好乾身，燒完既蟹肉仲好多汁同好鮮甜！老闆推介左我哋食一個新菜式叫海膽熔岩魚餅，魚餅入邊有勁多海膽，超好食。另一個我好欣賞嘅創意料理係蟹盛御好燒。佢比起傳統嘅御好燒唔同就係上邊唔係擺肉/麵/菜，而係擺咗好多蟹膏同蟹子，就咁睇個樣已經知道係超級好食，非常惹味，令到我念念不忘。我對於啲創意料理通常都好卻步嘅。但係呢一間係真係做到又有創意，味道亦非常之好。