HARA

營業中

休息中

慶祝友人順利上車並入伙，作為新進街坊嘅佢，帶我去附近呢間日西式餐廳食飯餐廳走水泥工業風型格裝潢，樓底夠高，坐得相當舒服，仲有吧枱位，提供各式酒類，飲杯嘢再開餐都無難度!日式餐具中又預備好刀叉，食物選擇有日式及西式落完柯打，侍應送上汁煮大根配瑩光魷魚作為免費前菜，大根清甜無渣夠入味，魷魚一食爆漿，鮮味幾濃，兩者配搭都幾特別!最先上菜當係係唔駛煮嘅吞拿魚腩刺身 ($88)，一客三片，以冰底保持冷凍感採用赤身，入口軟綿，最重要係無筋，岩晒我地呢D唔好太肥但又想食腩位嘅麻煩友食完凍就開始熱食，點了燒原條喜之次 ($168)，份量足夠二人享用，原條劏開成蝴蝶型再用鹽燒原條燒得香脆，唧少少檸檬汁提鮮，魚肉幼滑，無咩細骨，用黎送酒一流!西式代表有呢客舞茸菇忌廉汁扁意大利麵 ($168)，畫面構圖精美舞茸菇佈滿係扁意大利麵中，忌廉汁唔會太過厚身令人覺得愈食愈膩，加入蒜粒啖啖充滿蒜蓉味，與扁意大利麵配搭更令佢變得滑身，口感適中!呢客屠夫牛扒 ($328)見網上食評出鏡率相當高，應該係好嘢，當然要叫客試下!  木板上係一客450g嘅美國牛扒，柯打五成熟，已切成一件件無需自己郁手，NICE備有預熱嘅燒汁，用

呢日星期六要返半日, 放工同個朋友去食個LUNCH好好聚下但係油尖旺區, 要搵到個坐得舒服, 又比較靜既餐廳, 都唔係咁易最後我地係佐敦-Hara度食呢度裝修好靚好舒服,  人唔多,  又唔嘈,  可以同朋友坐係度慢慢食,  好好咁傾下計呢度除左裝修好靚，D餐具都好靚好精緻。用佢地裝住D食物來進食，食都食得開心D呢度有LUNCH MENU既，我地叫左: 香蔥鰻魚炒飯($88)，同日式咖哩吉列豬扒飯($98)。 可另加$28配前菜，麵豉湯同飲品香蔥鰻魚炒飯, 飯底係珍珠米，入口煙韌彈牙，粒粒分明。 鰻魚粒的份量都唔少。另外仲有蛋粒，蔥粒，紅羅白粒。食落去有唔同層次的口感同味道。好食日式咖哩吉列豬扒飯，豬扒新鮮炸起，熱辣辣脆卜卜。咖哩汁係甜口的。 入面仲有薯仔粒同紅羅白粒。前菜係味付螺肉。麵豉湯係用杯裝的，幾得意，飲用起來都好方便如果大家在油尖旺想搵個精緻又靜靜地的地方食野，呢度係唔錯既選擇

同朋友聚一聚, 朋友推介食佐敦的D間Hara話位置, 環境, 價錢都幾岩心水,就同朋友黎返個lunch gathering!係柯士甸站出, 行五分鐘左右就到, 門口係日本簡約風, 簡潔令人舒服  入面裝修就係輕工業風, 枱同枱之間空間都幾大, 幾岩傾計D set 價錢幾合理, 最貴果個都係$108加$28可以有SETSET有個沙律仔, 係沙律菜上面有D蘋果蓉, 甜甜地令人幾開胃, 上面仲有兩隻甜蝦, 另外仲有甜蝦仔天婦羅白蝦冷蝦-$88今日天氣有少少熱, 食冷麵就岩晒, 加上個天婦羅, 外皮夠晒薄同香脆, 蝦又幾新蝦, 食得出蝦既質素好高蟹肉小柱貝丼-$108上面有蟹肉, 小柱貝, 蛋, 青瓜, 蟹籽, 全部混埋一齊食, 味道同口感都變得豐富無比, 而且蟹肉同小柱貝都幾鮮甜, 我好鐘意D個!餐飲飲埋就完美了總結朋友都係推介都唔錯, 味道, 環境, 服務都很不錯, 性價比高的餐廳!

依間餐廳絕對係性價比高嘅餐廳！依間餐廳裝修幾靚，文青feel，氣氛好chill~ 都幾適合打卡，仲要係pet-friendly，見到有客人帶埋狗仔嚟食，有啲似去左西營盤個邊咁，下次帶埋狗仔嚟chill下都唔錯。今次試左佢地嘅lunch~1️⃣紐西蘭托托蜆我本身好怕食貝殼類嘅海鮮😂但係見到好多人都叫，所以膽粗粗嗌嚟食。有三隻味揀，sake同埋椰汁，最後staff推介左椰汁。食落去有鮮味，蜆肉好肥美👅 2️⃣和風雞肉意粉依個有啲surprise，好惹味👅我依啲重口味人士就覺得幾好食 😋，但係啲雞肉唔係好多，如果多少少就正啦!! 意粉真係好味，下次去餐廳都會想叫多一次~3️⃣天婦羅烏冬個烏冬幾好食，天婦羅啲粉好似比較多，可能我本身麻麻哋食天婦羅🍤 整體上比較清淡

開返晚市當然要搵間靚靚又有情調嘅餐廳chill下！知道佐敦新開咗一間日西fusion菜嘅餐廳，網上風評不錯，所以專程過嚟!呢間HARA 裝修吸引，極高樓底再配合型格工業風MIX高檔日系路線，門口又有小清新位可以打卡！晚餐時間用餐氣氛最佳。不過最吸引我始終都係食物嘅質素。前菜：木耳椰菜紅蘿蔔芝麻紐西蘭托托硯 配 Lemongrass n’ Coconut Sauce湯底可選清酒、蒜蓉或椰奶。但個人覺得清酒有點普通及常見，反而用椰奶煮都幾特別，果然呢個味道食落有驚喜。椰奶濃厚，而且份量十足，飲落口椰味幼滑幾Creamy，因用上香茅作配料，香茅香味滲透於椰奶中，帶點泰式風味。托托硯大隻，肉身爽且帶彈，亦有鮮甜肉汁，加上椰配搭令呢碟菜式更特別。睡蓮蟹肉意大利飯蟹蓋比我想像中大份！ 拆蟹肉同一齊煮，再連同煮成金黃色的意大利飯，再將RISOTTO放返入蟹蓋。傳統西餐RISOTTO都會比較硬身，但店內RISOTTO就好適中，有咬口而不會太硬而難咀嚼。旁邊嘅蟹膏醬蟹味十足及超濃味，一口飯一口醬入口就最好不過。屠夫牛扒這款亦是餐廳招牌菜之一，店員推介四至五成熟，牛肉切開嫩紅，整體牛肉juicy ，肉味濃

今日食咗餐好滿意嘅生日晚餐，當然要happy share 🤭。點好菜後，店員會送上前菜一碟，吞拿魚塊上面是魚籽，咸咸帶點辣的很好味😋。#刺身最開心食到新鮮吞拿魚腩同油甘魚，樣靚夾肥美, 咬落魚油甘香在口腔散發, Yummy！#鰹魚湯燉煮野菜湯底清甜帶有咸香，野菜有冬菇、芋絲、蒟蒻、紹菜&秋葵，豐盛且健康☺️。#烤紐西蘭原排嫩羊鞍 （半份）我至愛的羊鞍, 點了七成熟度, 粉嫩的羊肉沒有羶味，熟度剛剛好，肉質好軟稔☺️。#烤龍蝦海鮮併盤扇貝大隻鮮甜夠彈性，炸軟殼蟹外脆內軟，魷魚🦑燒得很香，個肉質感很彈滑，蜆肉咬開咸鮮味，主角龍蝦🦞新鮮又香口，很贊。一間很chill嘅酒吧餐廳，店員有禮貼心，真係唔錯👍☺️。

以前好唔鐘意去佐敦，覺得無咩好食，得邊爐，茶餐廳嗰d，一直好少去近年見高質cafe進駐，比較願意去呢區😂今次朋友介紹呢間，新式fusion日本菜唔貴喺對面行過好容易發現佢，因為裝修同當區嘅舖好唔同，大自然令人好舒服，放鬆嘅感覺門牌都好日式，座位空間好闊落星期六都有set lunch前菜，漬物，空口食有d咸面豉湯燒牛肉三文治燒牛肉好大塊好厚，係牛扒，但係唔會好硬。好好味，加上醬汁，夾咗麵包中間，係平時比較少食到嘅配搭天婦羅蝦烏冬烏冬好有咬口好彈，湯係堅魚湯。真材實料好耐無食過咁高質素嘅日本嘢，喺香港🥺好耐冇去日本了好想去🤗😌牛扒三文治嘅橫切面炸天婦羅蝦嘅粉漿好薄，隻蝦好新鮮好彈牙

行完戲曲中心，search 到附近 Hara 餐廳，價錢合理，口碑唔錯，晚餐決定去試。格調似西式吧，門口有日式插🌸🌺擺設，其實主要是餐牌有日式魚生刺身，saka…… 供應，所以有種 fusion 感覺餐具日式西式俱備未落 order, 先送個日式開位醃菜飲品 Mocktail April's apple (Green apple syrup, Apple Luice, sprite)淡草綠色，加了些乾🌼片，頗有田園感覺味酸帶甜，入口清新Bora Bora(Orange Juice, Pineapple Juice, Lime Juice…)色澤嬌艷，甜味較濃，我喜歡紐西蘭托托蜆隻隻肥美飽滿食得太多次清酒煮，今次試下香茅鮮奶食法，淡淡香茅味，不會蓋過了蜆的鮮甜，配上了濃郁鮮奶，滑溜香甜，湯又好飲，如果有麵飽可以點食，更是完美烤紐西蘭元原排嫩羊鞍 7乘熟，不會太生，肉汁豐富，口感軟熟烤龍蝦海鮮拼盤有小龍蝦、大扇貝、軟殼蟹、魷魚、托托蜆，原汁原味無添加，鮮味無窮椰皇焦糖燉蛋冰盤上枱，賣相別緻，滑不留口，啖啖都充滿椰皇清香，甜而不膩，非常滿意下次要試下日式

餐廳門面睇落收費好貴咁，裝潢幾靚，地方寬敞，燈光設置影到靚相！最後埋單又唔算貴，樣樣都幾好食，繼續睇落去......Welcome bite，元貝魚子沙律，味道清新，元貝彈牙。鰹魚湯燉煮野菜， 呢味餸係我嘅菜，睇得出擺盤用心，鰹魚湯鮮味十足，食材新鮮有營養又飽肚，唔知係唔係用日本菜呢？！日式麵豉燒茄子，我哋都好中意食茄子，平時都用四川整法，第一次食用麵豉調味的，又好夾。香烤鴨肝配鮮菠蘿，一上菜超級香，配上大量沙律菜加鮮菠蘿，平衡油膩感！唔好睇佢細細碟，兩個人分享已經夠滿足。幾款pasta入面揀咗舞茸菇忌廉汁扁意大利麵，碟細但估唔到份量都幾多，我鍾意食官就覺得幾好味。最後一個主菜仲有烤羊鞍，五成熟，廚師整得非常之好，整到外脆內軟，睇個樣都好想食，即使已經覺得飽飽哋，都忍唔住食埋佢！原個烤焗蒜頭都俾我哋K.O.埋！最後最後甜品上場！一開始已經想食呢個燉蛋，全晚最驚喜我覺得係呢個甜品，當你以為佢只係用椰子殼裝住燉蛋去焗，一食之下，連燉蛋都有椰青水味！口味好清新同新奇，兩個人要爭食咁滯。希望佢第日有更多新菜式，長做長有！下次我都會再嚟！

同閨密約見，梗係要搵間有情調餐廳，慢慢坐 雞啄唔斷咁傾成晚。之前路過好幾次，見門口好grand，都已經想黎試下，今次同閨蜜心有靈犀，一齊都想黎試下。環境舒適，夠情調睇下餐牌有咩先先黎碟酸菜，開一開胃，夠酸，我鐘意紐西蘭托托蜆鮮甜，大粒，無沙，揀了蒜蓉辣醬，夠惹味麵豉燒茄子茄子肉嫩，外皮有焦香味，脆口，推薦原隻羊鞍 (whole)新鮮夠羊味，沒有騷味，肉汁鮮嫩，外層有焦香味，五成熟羊扒剛好，配上旁邊焗蒜頭蓉，別有一番風味。睡蟹意大利飯蟹肉味香，意大利飯粒粒分明，有咬口，配上新鮮三文魚子，又鮮又甜又鹹香，無腥味食完後，同閨蜜都覺得好滿意，下次會再黎飲嘢。

終於到星期五啦，辛苦左一個星期當然要食返餐好嘅lunch啦，行遠少少黎到佐敦既Hara🥳我揀咗日式咖喱炸吉列豬扒飯，另加$28跟餐飲同小菜。豬扒炸得夠脆又唔會太乾，咖喱亦都煮得唔錯，不過我都係鍾意佢之前嘅蘋果咖喱。如果覺得唔夠咖喱汁，餐廳亦都可以on request提供多一小碗，幾貼心。餐具都好精緻好有質感，令整體用餐體驗更加pleasant。另外，餐廳都有outdoor位，適合帶寵物出街嘅客人坐。

日頭工作咁忙，放工、放假真想去CHILL下輕鬆一下，佐敦這間日式酒吧餐廳，毗鄰高級住宅區港景峰，旺中帶靜，位於官涌街一隅，由環境、裝潢以至食品都有點身處東京目黑感覺 (真的，我很掛念日本)，偽旅行地圖又多一處好地方。帶子裙邊素翅餐前小吃是免費奉上的，這款涼菜有醒胃之效，打開沉睡的味蕾。烤龍海鮮拼盤講明拼盤，除了主角龍蝦開邊烤熟啖啖肉外，原隻帶子、原隻炸軟殼蟹、蜆、青口和絕對不是配角，是有潛質擠上一線擔大旗。帶子BB拳頭咁大不在話下，仲要好鮮好甜，炸軟殼蟹外脆內嫩，仲有蟹膏又唔腥，一級棒！青口同樣新鮮味美，魷魚肉彈有咬口，充滿魷香。伊比利亞T骨排來自西班牙的黑毛豬肉身乾爽，廚師細心切件，肉味香濃撲鼻，個汁是靈魂之處，與T骨排是絕配。燒原條燒喜之次比想像中大條，肉嫩清甜加上檸汁和七味粉十分提味。好嫩滑好多肉汁，點埋個燒汁仲正。椰皇焦糖燉蛋椰皇空裝滿黃澄澄的燉蛋，上面的焦糖用火槍灸至焦香脆卜卜，正。難得用一大碗冰鎮上碟，口感凍冰冰，中和口腔的油脂，劃上完美句號。

放假逛了一天街，走到了佐敦寧靜的街頭，看到這間以現代工業風做主題的西餐廳，不期然地被吸引進去了。餐廳的樓底非常高，空間寬敞，水泥牆壁上有一系列以銅製水管砌成的燈裝飾，型格十足。餐牌的食物以日西式為主打，當中更有各式刺身供應。餐廳先送上每人一份前菜～螢光魷魚配大根。螢光魷魚為近月大熱食材，每隻小魷魚都爆膏，甘香到不得了。刺身刺身點了兩款，分別是牡丹蝦刺身及北海道珍寶帶子刺身。大大而厚肉的珍寶帶子刺身，肉質非常甜美，上面配搭三文魚子，鹹香的味道加上甜美的味道，雙重好吃。牡丹蝦刺身同樣是新鮮美味，蝦頭經酥炸上桌，絲毫不會浪費。經酥炸後的蝦頭，甘香的蝦膏可更放心食用。鰹魚湯燉煮野菜野菜包含娃娃菜、冬菇、粟米筍、紅蘿蔔、芋絲和蒟蒻等，吸收了鮮味的鰹魚湯，各式野菜顯得更鮮甜美味。燒原條喜之次喜之次被日本人視為最珍貴的魚類之一，在日本的地位相當高，與河豚、鮟鱇並稱日本三大魚。這種魚的肉質細嫩，膠原蛋白豐富，非常鮮美。因此絕對可以可以說得上是珍貴的寶石。喜之次深紅色的魚皮下，是嫩白肉質的順滑，美味絕倫。伊比利亞黑毛豬T骨扒西班牙伊比利亞黑毛豬擁有野豬血統，所以肉質較鬆化，肉味也較濃。黑毛豬的脂肪分佈如

很久沒有出街食飯啦！ 聽說朋友前幾天去了閒環境一流，服務到位的日本菜加西式餐廳，今晚約同友人去試一試，一試愛上了！前菜是螢光魷魚~前菜很特別，很有趣的感覺，加上很入味的蘿蔔，剛剛好的配合！跟着吃香烤鴨肝配燒菠~鴨肝超滑嫰，入口即溶，菠蘿酸酸甜甜，十分開胃！還有燒原條喜之次~個人覺得這個是日式餐廳必試的菜式。因為一般餐廳真的很難吃到，很少地方有得吃，喜之次魚肉鮮甜，有魚香味！西京燒黑鱈魚也是我的至愛之一~真是選對了，香滑無比，燒的方法更令魚有脆香，更加好吃！另外是友人推薦烤龍蝦海鮮拼盤~有主角龍蝦，軟殼蟹，魷魚，大蜆同大扇貝，大大份的，龍蝦有鮮味，很久沒有食龍蝦！興奮萬分；軟殼蟹很突出，炸得脆脆，竟然還有會流出的蟹膏，大滿足；魷魚彈牙；大蜆很新鮮同大扇貝很美味！大大大滿意！現在食飯氣氛真的很要緊，今晚十分有驚喜，友人還讚口不絕！

人在佐敦，突然好想吃日本野，打開OPEN RICE APP找到這間 HARA，就去看看。原來餐廳是一間高級而且有品味的日式Ｘ西餐料理，而且是寵物友好的餐廳，在九龍區算是非常小見。而抗疫期間，枱與枱之間分隔有距離，，食得安心。餐牌有各式各類日式刺身、又有意大利飯、排類，是非常modern fusion 的餐廳。刺身拼盤$ 298 (大) — 鰹魚，油金魚、吞拿魚、海洋女神生蠔配菠蘿薄荷沙冰刺身非常高質，特別想介紹吞拿魚及生蠔。吞拿魚刺身，口感入口即化，油香四溢而又鮮甜無比，完全不油膩。而生蠔是法國海洋女神生蠔，是來自法國Normandy 海域。蠔肉飽滿爽脆。海水味適中。回味度長，有礦物味帶微微果仁香。由於其蠔殼呈白色紋理非常美麗，女神之名因此而來。而上面黃色的是菠蘿薄荷沙冰，與生蠔會感到清新但不會搶生蠔鮮味，值得一試。屠夫牛排 $328 牛看橫膈膜小腿肉，是牛身上最嫩的部位之一。嫩度僅次於菲力牛排而風味則與紅屋牛排相近。叫了５成熟的牛排燒得剛好，外長有些微焦，咬下去筋肉分明，嫩滑又重牛味，而且沒有血水。玫瑰蝦鮮茄蓉意大利面$168擺盤有水準！大蝦意粉掛滿香濃番茄汁，醬汁吸收了大蝦的精華