Drink氣鍋

營業中

休息中

火炭經過就多，真係出閘就無試過啦。今日特登嚟火炭食蒸鍋，因為今次約係中學同學，大家都係住沙田，沙田搵唔到嘢食，咁就去火炭覓食啦。因為知道呢間餐廳好少位，加上偶爾會有人包場，所以我地都預先打電話去Book 位先。確定有位先去。去到真係覺得環境好靚，氛圍讓人可以放鬆落嚟。我地食冬日海鮮餐，包括十多樣嘢食，冷盤有皮蛋豆腐肉鬆沙律，熱情果醉鮑魚蒸嘅部分麻香醉海蝦，紅羔蟹，花生芽班魚，蒸扇貝，聖子皇拼番薯貝，翠肉瓜蒸鮮蟹肉，牛肩胛蘆筍卷，栗子蒸本地雞。最後仲有松茸花龍蝦十六穀粥。最令我印象深刻實屬熱情果醉鮑魚，創新嘅食材搭配，味道都唔錯。仲有秋冬季節必食嘅蟹，紅羔蟹蟹膏好多，食落鮮甜惹味。翠肉瓜蒸鮮蟹肉味道清新又鮮美。食材真係抵讚，價錢雖然有啲貴，但味道令人覺得回到本。

一直以來都沒機會去火炭食飯，而家終於有機會啦。其實揸車去嘅話都唔算好難搵，泊車仲好方便添。餐廳入面佈置都有特色，門外望入去都唔知係食蒸氣鍋。店內menu都幾特別，蒸鍋都有fusion嘅菜式。佢嘅fusion唔係混合不同國家嘅味道，而係混合不過蔬菜、水果同海鮮。尤其顏色配搭都好特別，會有紫色洋蔥、紫色椰菜、紫色西蘭花、黃色西蘭花、花生芽、熱情果等配合鮑魚、雞肉、貝殼類、皮蛋等。真係好多未見過嘅食材。店員服務照顧十足，基本上都唔洗自己落手去做，蒸嘅時間都預計得剛剛好，所以食物就唔會老或者韌。調味偏向淡，所有醬料都落得好輕手，完全食到原汁原味。

同朋友成日都捐窿捐啦食好西😋今次黎到火炭嘅工廈，估唔到呢道會有間咁隱世嘅蒸汽火鍋餐廳，餐廳鋪面比較低調，唔鋪張，唔留心嘅話會容易錯過，餐廳主要以木質為主裝修，入面有3張枱，大約十幾個位，好適合開party，如果黎食記得訂枱！😋我地今次揀左中價位套餐 $498，有9道菜～每一道菜嘅擺法同配搭都精心設計過、好有私房菜feel!!😊🥢粟米魚肚栗子黑豚十六穀粥一開始店員會將粥底材料放在鍋底，不加任何水，以蒸海鮮的蒸汽把粥煮熟。🥢有機花生牙蒸海老虎斑件以花生芽作配菜比較少見，食落帶點花生🥜味，夠特別，唔係道道有！斑件啖啖肉，非常嫩滑🥢蒸XO瑤柱北海道扇貝扇貝新鮮，肉質鮮甜，配上xo醬帶點辣，係扇貝上嘅湯汁先係精！華！一定要飲埋佢🤪🥢蒸紐西蘭托托貝拼番薯貝兩款貝肉質飽滿，新鮮到唔需要任何醬料！紅莧菜吸收左啲鮮甜味～🥢鮮拆蟹肉海膽粉卷非常啱我口味！粉卷厚薄廈適中，海膽同蟹肉真係好夾，有冇得淨係order呢款架🥺🥢櫻花蝦手工玫瑰花生豆腐豆腐有淡淡花生味，味道好特別，櫻花蝦調過味，同偏淡味嘅豆腐相配合～🥢堂灼安格斯牛肩胛拼蘆筍牛肩肉質幾腍，蘆筍好嫩冇渣😁🥢紫蔥栗子蒸本地新鮮雞雞骨較硬，食落就知係靚雞！而

收工同同事去左公司附近既DRINK氣鍋食歡送飯餐廳裝修似CAFE多過食蒸氣鍋~又幾得意, 仲有LIVE BAND SHOW睇, 夠哂氣氛我地就叫左$398果個餐，另外仲加左石鍋火焰爆膏大頭蝦，因為見佢試食價都係$28隻，勁抵個餐有8款菜式，每一款都會配搭唔同既蔬菜，營養均衡，又幾貼心當中最特別同印象幾好既有濕豆豉北海道扇貝、蒸龍躉件、蟹肉玫瑰花生豆腐同埋蒸黑豚露筍卷而青花龍蝦都幾厚肉，食落幾鮮甜濕豆豉北海道扇貝都幾唔錯，本身唔太好豆豉既我都接受到，原來真係幾香扇貝亦都處理得好好，無沙之餘仲食到海鮮既甜味，扇貝肉都算大粒蟹肉玫瑰花生豆腐開頭仲驚佢係有玫瑰花味，因為我自己唔鐘意玫瑰花呢啲人工味道既野 (就算食甜品都一樣)好彩原來佢只係整成玫瑰花造型，而豆腐係淺淺地既灰藍色細問之下原來係加入左碟豆花入去造成,所以顏色有啲特別仲帶輕輕既花生香味同埋爆多既蟹肉，豆腐質感同平時食既豆腐好唔同，佢係硬身少少既最後食埋個櫻花蝦南瓜黑豚十六穀粥，完美咁結束左呢個飯局啦

今天阿媽慶生日，去咗食喺香港都紅咗好耐嘅海鮮蒸鍋。阿媽鍾意食比較健康菜式，所以揀咗呢間餐廳。少油少肉，食海鮮又有菜，啱晒佢啦！坐低安頓好就睇下食邊個餐，咁阿媽生日就佢話事啦。佢最尾都係幫我哋慳錢，點咗$398個餐，最緊要佢歡喜就得啦。慳錢又唔係無嘢食嘅，相對平價嘅set居然有龍蝦食，仲要好新鮮，蒸熟咗啖啖肉，size都唔細隻。扇貝同貴妃蚌都好好食，蒸完好鮮甜。其他有黑豚卷、龍躉，份量都唔少，食埋粥就夠飽。留返少少位返屋企食蛋糕就perfect啦。

我之前都想食呢間噶啦，但我地無預約，直接walk in 嘅，店員同我地講今日比人包場。所以食過一次閉門羹。時隔多日，大學同學約食飯，有人提議食呢間，仲話要包場，我梗係舉雙腳讚成啦！我都想比人地食一次閉門羹，哈哈。我就係沙田去嘅，餐廳係火炭，最近係我，最遲到又係我，原因就係搵唔到路……後尾要同學嚟接我過去，真係樣衰咗……鋪頭裝修幾小清新架，入面又投影機又有麥克風，似係私房菜+party room嘅組合。呢度主打有機蔬菜創意蒸鍋！我就覺得食材嚟講真係幾新穎下。唔單只係平時食果啲海鮮蒸鍋，佢呢度仲會用到水果，例如桃，百香果。令我印象深刻嘅係百香果蒸鮑魚，食落酸酸甜甜，好清新。雖然無影低啲相，但我記得啲味道，係好味嘅，fresh嘅！

一直都想去食蒸海鮮，舊同事推介一間叫Drink氣鍋，佢話食過一次，menu嘅配搭係好健康。提供嘅海鮮也好新鮮。我們這次點$498套餐，有龍蝦、扇貝、海膽、蕃薯貝、老虎斑…等，都超新鮮美味！因為海鮮一道道上，吃完再煮下道，食蒸氣鍋要多花時間去享用，我們大概吃了兩個多小時，可以好好談近況，啱晒慢活嘅生活方式。菜式結合多款健康概念，以花生芽、豆腐、栗子及多種蔬菜入饌，好彩我地都鍾意食菜。蒸網有洞，上面蒸食材的時候，食材的湯汁就會流入粥裏面，最後在吃十六穀粥的時候，就能吃到海鮮的精華啊！舊同事的介紹，都真係不錯呢！

蒸海鮮都食過不少次，不過今次呢間又與別不同，先講地點，佢不是位於旺區，而是在火炭工業區內，基本上放工時間後都相當靜，但正因如此，食既時候更加感覺悠閒，唔洗滾水淥腳咁款，餐廳裝修亦迎合這種味道，整間餐廳只有三張枱，似乎每晚serve的客人人數不多，服務亦相當周到。其次，這店選用的食材較為特別，而且每一道菜也有很多蔬菜相伴，很健康呢!我們要了一個$498的餐，蒸海鮮前先把粥底材料放入煲，包括粟米、魚肚、粟子和黑豚肉等，米是十六穀日本米，感覺不錯。然後店員就把餸菜逐一端上，幫忙放上爐上蒸，交好Timer，夠鐘就有得食。放上先來一味「XO醬瑤柱北海道扇貝」，鮮甜的扇貝帶點XO醬的辣，帶來味覺的一點刺激。接着有「蒸紐西蘭托托貝拼蕃薯貝」，分別有象拔蚌、貴妃蚌和蕃薯蜆，以及紅莧菜墊底，蚌類新鮮彈牙，好味！第三道菜是「有機花生芽蒸海老虎斑件」，花生芽就是花生出芽後，一截好像芽菜的東西，又稱長壽芽，據聞營養價值十分高，一般食店不常見到，吃罷有點花生香陣陣發出。而主角其實是老虎斑件，都好味。第四道菜是「紫蔥栗子蒸本地新鮮雞」，有紫洋蔥和栗子作配菜，配搭鮮雞的嫩滑。然後店員把三個菜放在一起蒸，分別是「鮮拆

繼上次去火炭食過私房菜後，今日再發掘到新地方，原來呢度都有得食蒸海鮮，餐廳距離火車站有點距離，可以選擇坐小巴，我行左大約10-15分鐘。餐廳細細，只有三張枱，可以容納十幾位客人，所以記得book位穩陣d! 高高的樓底下掛著大螢幕，播著我喜歡的陳奕迅演唱會，牆身也掛著黑膠碟，也有一個放著咪高峰的角落。點餐後就是等著吃，餐廳小的好處就是有細心的服務，店員全程幫忙操作蒸食物、收骨收碟和加水，我們只負責吃就好了。今日這個$498餐有9道菜。一開始先把粥底材料放入煲，有粟米、魚肚、粟子和黑豚肉，用上十六穀日本米，似乎更好營養。放上XO醬瑤柱北海道扇貝，中間有幾棵菜心，扇貝都得鮮甜，但因有XO醬所以帶點辣，不吃辣的朋友可吃前先把醬撥開。然後是「蒸紐西蘭托托貝拼蕃薯貝」，看名完全不知為何物，簡單來說就是象拔蚌貴妃蚌和蕃薯蜆，真的時間剛剛好不會太老，肉質鮮甜可口，還有大堆紅莧菜在底。第三味是「有機花生芽蒸海老虎斑件」，第一次食花生芽，似一條放大左嘅芽菜，食落真的有花生味，好得意。配菜中仲有一個紫色的西蘭花，店員說是溫室西蘭花，好特別。老虎斑件啖啖肉，正！接下來是「紫蔥栗子蒸本地新鮮雞」，蒸雞相對比較耐

今日book左九龍灣既drink氣鍋食飯，餐廳面積不大，但勝在私隱度高，而且會有店員全程為你服務。餐廳環境雅緻舒適，坐得好舒服。我地點左個B餐，會係$498/人，包括大量海鮮同粥底。呢到既粥底非常特別，係粟米魚肚栗子黑豚十六穀米粥，從未試過用呢款粥底做蒸氣火鍋，感覺好新奇。而且每蒸完一款食物，店員都會幫手隔走少少啲粥水，免得最後個粥底太稀身，影響口感。蒸XO瑤柱北海道扇貝，我地會先飲湯汁，食到海鮮既原汁原味。XO醬冇遮蓋到海鮮既鮮味，反而有昇華作用。有機花生芽蒸海老虎斑件，食物擺碟好精緻。蒸海老虎斑件口感香滑。我好鐘意紫蔥栗子蒸本地新鮮雞，食落有淡淡既栗子香氣，雞件夠嫩滑，蒸既時間亦都控制得岩岩好。雞件上仲有蒜片坐陣，香氣逼人。蒸蕃薯貝同鮑魚都非常唔錯。鮑魚爽口，貝類多汁，新鮮度滿分。牛肉香軟，配埋露荀一齊食用好夾。手工豆腐口感好特別，好似食緊麻糬咁，不過我就覺得比較膩。龍蝦啖啖肉，爽口彈牙，鮮味十足，粟米都好香甜。

就快生日，朋友約我係火炭食私房菜，仲要係蒸氣鍋私房菜?!又幾新奇喎...搵食搵到去火炭?!餐廳氣氛幾好，雖然地方唔太大，只有十幾個位，呢度提供包場服務，約一班朋友包場都係唔錯既選擇既然係食蒸氣鍋,粥底係好重要既一環。我地果個SET既粥底係花膠姬松茸杞子黑豚十六穀粥，見佢落料都幾豐富，食既時候肯定好正!前菜係溏心皮蛋車厘茄配上自家秘制醬汁，帶點醒胃既酸味，酸味同皮蛋永遠係最佳拍檔。然後侍應就過黎幫我地蒸野啦~每一道菜都由侍應親自操刀，我地只要慢慢品嚐就OK啦蒸扇貝果然鮮味十足，扇貝既精華融入湯汁裡面，扇貝肉質口感一流！第二道既菜式係有機花生芽蒸老虎斑件。花生芽好粗好大條，我地都係第一次食咁大條花生芽。據知花生芽營養價值好高，口感爽脆，多一份特別既青澀味。老虎斑肉質偏實，唔會一夾就散，但佢實得黎唔會鞋口，幾好食。青花龍蝦雖然每位只有半邊，但佢肉質鮮嫩，鮮甜爽口，勁正!仲有膏添!而蕃薯貝就有大大片肉，質感爽口帶豐富既湯汁，味道超甜!最後就食埋粥底，粥底吸收左咁多食材精華絕對係正到飛起!個粥底唔會煮到過軟，有少少咬口既。粥底味道甘甜之餘帶有少少咸香味，花膠煮到好有骨膠原感覺，既滋養又好食!!呢

門面實在太似酒吧。我行過都以為未抵達，結果我兜了一個大圈😂😂😂經理仲要打電話黎問我在哪兒，笑死。成個佈置真的好似KTV 的房我選擇了set B. 我特別叫他們份量少一點。但都好飽😂一開波就煮米先。然後上面就盛一個鐵盤裝餸，用蒸氣煮熟。一改我對芽菜的觀感。大大粒芽菜意外地甜。魚肉也很有質素。容易入口。貝殼類都很大份。我挺喜歡這個蘆筍牛肉。蘆筍甜，肉都有牛味。可能有下一班客到，想我們快點離開。侍應的服務好快手，不斷夾食物給我們。因為都幾飽下。未消化晒，唯有放棄慢慢食啲粥就要走。不過食物質素都okay 嘅。

My friend Zita took me to this restaurant and the reason she gave was that I am a health-conscious person. She said this place offer seafood that are steamed and only minimal seasoning added. This totally sounds interesting, so we fixed a date and went to try.They offer a few different sets with a mix of different seafood so you can choose what fit your budget. We had the mid-range  set at $498. All the seafoods were fresh especially the scallop and crab. I enjoyed the beef and chicken as well.

朋友早幾日約我話補返我餐生日飯~仲話帶我食D特別既蒸氣鍋~但要去到火炭個邊為左食我係唔會嫌遠既~一於去試試佢餐廳既門面好似CAFE~我爭D走漏眼睇唔到內裡既裝修其實都算幾舒服自在，原來仲間唔中會有LIVE BAND架添每道食物所跟配既蔬菜都好特別，呢樣都係吸引到我地黎食既原因之一。例如龍躉件配花生芽、豆豉蒸扇貝會配蒜芯、蒸本地雞件配紫洋蔥、蕃薯蜆配波菜苗等等...我仲見到隔離枱有紫色椰菜花添~可見餐廳對於營養均衡方面都有關注到講返食物先，餐廳咁著重健康，所以佢地既食材都唔會落太多調味料，反而食到食物原本既鮮甜味道，呢樣都係值得一讚龍躉件剛好分配到多肉既部位俾我地，食落啖啖肉，根本唔需要豉油既點綴都已經好好食！扇貝都幾大隻，配上豆豉原來又幾唔錯喎 (本身個人唔鐘意食豆豉)~最值得一提既就係鮮拆蟹肉手工玫瑰花生豆腐啦~~佢個豆腐真係塑造成玫瑰花形，而由於佢係加入左蝶豆花去整，所以顏色係灰灰藍藍咁豆腐個質感就偏向結實，同我認知既豆腐質感完全唔同~豆腐入面亦都真係有滿滿既蟹肉，係一絲絲真材實料既蟹肉，唔係用蟹柳黎扮~結尾食埋個十六穀粥~既豐富又綿滑，為美妙晚餐寫上句號。

朋友是火炭的地膽，幸好有朋友的介紹，一嚐這區蒸海鮮的私房店。餐廳特別裝修很有格調，環境舒適又乾浄。我們點了這間出名的海鮮套餐，店員會先煮粥（據稱是採用日本的十六殼粥），再蒸不同的海鮮，最後才還客人品嚐吸取了海鮮味道的栗米魚肚栗子黑豚粥，很令人期待！先來蒸貴妃蚌，店員建議我們先喝一口湯汁，真的很鮮甜，令人回味無窮，可惜只有珍貴的一口有機花甜芬蒸海老虎班件，配搭不同顏色的西蘭花！賣相很精緻。鮮折蟹肉海膽粉卷，卷皮煙韌，配鮮味濃郁的蟹肉海膽，口感味道皆豐富。櫻花蝦手工玫瑰花生豆腐，賣相很精緻，令人不捨得吃。味道也相當特別，豆腐的花生味挺香濃，清甜而不油膩。堂灼安格斯牛肩胛拼露筍紫蔥栗子蒸本地新鮮雞蒸青花龍蝦，龍蝦肉蒸得剛剛好，鮮、嫩、甜！最後是一碗熱騰騰而且味道鮮甜的粥作結。這間餐廳每一款菜式從賣相、用料至烹調手法都很有心思，盡量突出食物的鮮味，味道很令人滿意，值得再來！