Brick by Brick (已結業)

今晚夜晚唔想煮飯，又想食下肉骨茶，之前試過呢一間堂食都不錯，今次一於試吓外賣返屋企！叫咗個火熱砂煲肉骨茶 同惹味肥牛喇沙湯麵🍜😋等咗一陣已經拎到返去啦~佢嘅外賣包裝相當不錯，每樣食物都細心分隔出來👍肉骨茶一打開藥材味已經滲出來，香味十足豬軟骨分量多，又香又軟熟 再配上豆卜、金菇生菜等等 配上秘製蒜蓉醬 令到食物再提升😋肉骨茶嘅油炸鬼用小盒子裝着，佢係偏硬身嘅，放落肉骨茶度等佢浸一陣，吸咗肉骨茶嘅精華、又脆又好吃🌟惹味肥牛喇沙湯麵 🍜， 細心地將湯底同肥牛分隔 肥牛分量十足，配上芽菜 豆卜、糖心蛋等等 店員再三強調湯底沒有落味精、用上天然蔬果熬製而成、非常健康！果然飲落去 湯底椰奶不會過重，有少少辣，糖心蛋綿滑好吃，配上油面加米粉，食完非常飽肚呢！🥳

今日和朋友在中環覓食，記得之前有朋友提過在PURE Fitness 附近有間餐廳嘅肉骨茶好好味，有別其他餐廳的…於是就決定去試吓😚餐廳叫Brick by Brick..不過雖然在士丹頓街，但如果由俊榮里入更方便🤪秘製馬來西亞喇沙湯麵，配料有鱻魚三寶或炸梅子一口雞或肥牛或雜錦海鮮.或珍寶大蜆拼海蝦供選擇…我今日選擇了珍寶大蜆拼海蝦🤭嘩..蜆真係好大隻，脹卜卜😋味道很鮮…喇沙湯底有別一般的做法，椰汁味不重，湯底濃而清，不知不覺已經飲曬🙈🙈火熱砂煲香濃肉骨茶，跟餐除了白飯還有油炸鬼！肉骨茶很重藥材味，但味道很清而不膩👍🏻而且用上豬軟骨取代一般的一字排骨…份量不少，豬軟骨很入味又軟綿🤤🤤🤤

今日諗住同老公去大館行吓，搵到呢間馬來西亞餐廳就係響大館嘅附近幾分鐘路程，咁就一於去試吓啦！間餐廳位於俊榮里嘅橫街入邊，其實都幾難搵，如果經過中環行人電梯見到馬莎之後向上行轉右就會見到啦！間餐廳店面不大，有二至四人枱同埋有啲高凳，一坐低老闆娘推介我哋試吓招牌嘅肉骨茶同埋喇沙，我哋就叫咗珍寶大蜆海蝦喇沙($128),啲蜆真係有好大隻🙀，老闆娘話佢哋係用天然香料冇加味精嘅湯一齊煮嘅所以啲蜆好入味，隻蝦都好新鮮再配半隻溫泉蛋，味道唔錯！另外老闆娘介紹呢個砂煲肉骨茶($148)係馬來西亞style嘅肉骨茶所以會有濃郁嘅藥材味，配以自家製嘅米餅加埋油炸鬼一齊食，而呢個肉骨茶佢哋係用豬軟骨整嘅所以就會啖啖肉都好入味，不過略嫌佢嗰碗白飯size細咗啲。飯後想叫啲飲品，老闆娘就推介兩款：檸檬薏米水($46)同桔仔話梅梳打（$42）俾我哋，杯桔仔話梅梳打酸酸甜甜幾好味，而檸檬薏米水就比較淡啲，不過可以清熱去濕🤣總括嚟講呢間餐廳食物的確唔錯！老闆娘仲好用心咁介紹每一道菜式，而且佢哋會不定期轉換款式所以唔驚次次都係嗰個Menu，如果下次再去開中環嘅話可以考慮去呢一間餐廳試吓！

同事介紹放Lunch過來食，餐店雖然在半山上斜，但沿天橋中環至半山自動扶梯直上，好輕易到達。店子地方不大，外觀與西餐廳無異，但原來有馬拉野食的。午市主打馬來西亞喇沙及肉骨茶，亦有日式丼飯。秘製馬來西亞咖哩喇沙湯麵(珍寶蜆配大蝦) $143湯底味道微酸辣且芳香，有別於其他偏重椰奶味，飲落醒胃，麵底係摻摻麵即油麵溝米粉，加埋芽菜口感豐富。好多珍寶蜆好鮮甜，大蝦亦都新鮮彈牙，配料仲有好索汁的豆和半隻溏心蛋，正。火熱砂煲肉骨茶 $128上枱熱騰騰的，好香藥材味，湯味濃郁易入口隔晒油，湯汁下飯好好味，無味精添加，飲得健康養生。主角肉骨用了豬軟骨取代一般的排骨，骨肉好淋可以連骨食一煲清底，砂煲保持熱度，食完暖身，冷天食更正。仲有好多海鮮菇、金菇、生菜、油炸鬼和的豆卜。檸檬薏米水 +$25薏米水祛濕清熱又健康，加了檸檬汁味道就無咁寡。桔仔話梅梳打 $25醒神開胃又好飲。

今次要介紹呢間係中上環既小店~ 兩公婆一腳踢 食lunch個段時間係超忙 見到老闆娘無停過手 點菜上菜全部一腳踢 但老闆娘上菜時都會好認真咁介紹野食!火熱砂煲肉骨茶 ($128)個湯底好重藥材味 好有係馬來西亞當地食既感覺!入面除左唔同種類既菇同豆卜 仲有以慢火熬製既豬軟骨 好入味好軟嫩 肥瘦岩岩好 老闆娘建議點埋秘製蒜蓉醬一齊食🤤我就覺得就咁食已經好好食喇!!跟餐仲有個飯同幾舊油炸鬼 肉骨茶好好送飯 唔中意食飯既我都清左成碗飯! 食完個人即刻好熱 冬天食呢個一定好正!秘製馬來西亞咖喱喇沙麵 雜錦海鮮 ($108)同平時出面食既有少少唔同 呢個係無咩椰汁湯底既甜味係因為有好多種唔同天然配料燉出來既 無落味精都好好飲仲係好authentic咁有兩款麵架! 係摻摻 油麵搭米粉 伴菜有兩隻大蝦同埋好多大蜆!銀芽 豆卜 溏心蛋👍 好多料食得出係製作用心既小店! 餐廳仲會得閒轉下menu~~同埋佢地仲有準備真空包裝既肉骨茶比人外賣! 大家都可以試試呀

很多馬拉同事，都提議我到這店吃一下，說很正宗，又沒味精，都是真材實料烹製……聽到這裡，很難不去了吧🤣店鋪由俊榮里入最方便，老闆娘說，他們還會不停更新menu，如果喇沙想買回才整，也可買到急凍還原包～脆炸梅子一口雞喇沙～喇沙麵很正宗，都是油麵混米粉，一口麵裡，有兩種麵感；而湯底非常濃郁，每口麵都能有湯汁伴入口；炸雞大約有5到6件，每件都炸得很香脆，而內裡有水份～秘製馬來西亞咖哩喇沙湯麵～這個很推介啊，有一點點微辣，吊起胃口，而辣度時吃後不用喝水那種，碗內超多餸，大慨有6隻大花甲，2隻大蝦及兩件豆卜等，很滿足的～桔仔話梅梳打～這個很好喝啊，話梅肉酸甜的味道，加上梳打，冰爽又開胃檸檬薏米水～很多薏米，甜度剛剛好～

Brick by Brick地址: 中環士丹頓街21號地庫=====================係健身中心轉入條橫街，入面有好多食肆，真係做完運動小d自制力都出事，不過運動完真係餓，補充返蛋白質有助肌肉生長，我就買外賣返屋企食啦見佢外表是酒吧，意想不到有肉骨茶同laksa 等東南亞食物，店家仲推介話係拿手菜。叫左2個唔同料架馬來西亞咖喱喇沙湯麵返去食, 個湯真係好濃好好飲的, 滿滿架椰香同咖喱味。$98 碗肥牛都幾多配料, 基本上有豆卜、芽菜、蛋$88 脆炸梅子一口雞咖喱喇沙湯麵, 梅子醬酸酸地幾開胃。個炸雞同麵分開盛, 唔怕影響口感。夏天無乜胃口再叫杯桔仔話梅梳打, 爽爆呀,飲落好醒神爽利檸檬薏米水就比較養生, 是女同事要架, 佢話唔會太甜, 岩曬怕肥架人。咖喱喇沙湯麵大大碗, 湯好人飲值得回頭再幫襯。

呢間餐廳位置係中環，但都有d隱秘，有小小難揾，但食完絕不後悔，推薦係附近返工既人可以常去。餐廳本身似西式cafe，主打西餐，但lunch就做馬來菜，重點係正宗好出色老闆娘話佢地既秘製馬來西亞咖喱喇沙湯麵湯底係無落糖無加味精，全天然吉隆坡煮法惹味肥牛堆 $98先飲一淡湯，真係名不虛傳！唔會太辣，椰奶味岩岩好，湯底唔會越飲越咸，果然無落味精！面底係摻摻，即喺油麵搭米粉肥牛堆入口嫩滑 食得出唔係街市普通肥牛面底係摻摻，油麵搭米粉，仲伴有銀芽、豆卜、溏心蛋好正宗 好好食火熱沙煲肉骨茶 （跟白飯） $128佢地特登用豬軟骨代替排骨 一黎唔想客人覺得有骨好煩 2黎滿滿骨膠原佢地隔晒所有湯入面既油所以湯底好清 藥材味好重 老闆娘話男女都岩飲好補飲完全身都暖lup lup加上用砂煲上可以保溫另外有蒜泥醬蒜泥醬係以熬過肉骨茶既蒜頭調配製成，配上豬軟骨好特別檸檬薏米水 +$25去溼美顔好滋潤桃膠羅漢果茶 +$25好岩呢排飲 滋養潤喉Overall 真係好正宗既馬拉菜 好想encore喇沙了 老闆娘話因爲好健康 附件做gym keep fit既女仔都好中意佢地既lunch 肉骨茶仲可以吾跟飯跟菜都得 生酮飲

本身以為呢間餐廳淨係得馬拉菜 但發現原來都有西餐食而且店主會keep住定期轉menu 好有心思❤️嚟到梗係要試佢地主打嘅正宗馬拉肉骨茶啦！📍火熱砂煲肉骨茶新加坡嘅肉骨茶通常胡椒味重啲而馬來西亞嘅藥材味會重啲 但飲落去因有肉嘅鮮味 所以唔怕會太苦 而店主專登選用豬軟骨而唔係一字排 因為食落會多肉啲 煙韌d佢地仲會將多餘油脂會片走 務求更加健康養生Onside仲有一個自製嘅蒜泥醬嚟點肉食 店主仲話附近啲人飲完一次之後番唔到轉頭會成日嚟肉骨茶外賣拎走 佢地會將肉骨茶真空獨立包裝 務求保持新鮮📍黑麥香燒羊扒 呢個係店主新出嘅menu佢地主打健康飲食 因為咗落少啲糖去料理用咗黑麥啤酒去調味 減少用糖之餘仲令味道更加有層次糖而on side有炒過嘅德國酸椰菜 比起出面通常生食嘅酸醋味更低 更易入口📍肉桂南瓜湯 南瓜嘅甜味再加上肉桂嘅香味 飲落去好暖胃📍話梅桃膠羅漢果茶📍檸檬薏米水兩個都係低糖配方 特別推薦話梅桃膠羅漢果茶 酸酸甜甜咁 下火得嚟又滋潤店主想推廣健康飲食 所以呢到嘅嘢食都堅持唔落味精 同減少用糖去調味料理 啱哂成日外食但又想健康嘅打工仔！小店座位唔算多 但睇得出店主好有heart 服務

曾經喺馬拉食過碗肉骨茶，甘香回味令人念念不忘💗喺香港雖然有好幾間標榜無限添飲，但一直食唔番嗰種味🥺估唔到喺中環Soho區嘅小巷入面，小店「Brick by brick」竟然搵得返呢種正宗味道🥰.🍴火熱砂煲肉骨茶🍖💰$128以砂煲熱辣辣呈上🔥呢度肉骨菜偏向馬來西亞口味，藥材與豬肉巧妙地結合，味道清香甘甜☺️以慢火經多小時熬製嘅豬軟骨既入味又軟嫩，肥瘦恰到好處，沾埋秘製蒜蓉醬簡直一絕🤤跟餐仲有個飯，肉骨茶下飯一流，食完個人即刻暖笠笠😚同埋肉骨茶亦有去濕作用，適合回南天時進食，夠養生😎.🍴秘製馬來西亞湯麵 配 脆炸梅子一口雞💰$88有別於外面較重椰奶味，呢度嘅喇沙湯頭比較清新輕盈🍀由於湯頭用新鮮蔬菜每日熬製，喇沙帶蔬菜鮮甜味😙另外唔會好辣，食唔到辣嘅朋友都可以食到😌炸雞外皮酥脆內裡肉質嫩滑，加上灑上梅子粉嘅關係，酸甜味立即提升食慾😋.☕️話梅桃膠羅漢果水💰跟餐加$25好香話梅味得來又帶羅漢果嘅清甜味，底下仲有滿滿嘅桃膠，啱哂鍾意食桃膠嘅🐻.🍵檸檬薏米水💰跟餐加$25檸檬薏米水健脾去濕，啱晒而家飲👍🏻唔會好甜，夠健康.小店由兩夫妻經營👩🏼‍🤝‍👨🏻，老闆娘積極與客人互動，主動介紹每一款食物嘅特色🍽

Brick By Brick 地址 ：中環士丹頓街21號地庫平日好忙碌的中環, 相信好多金融公司都實行WORK FROM HOME, 街上人流只是以往的1/5。Brick By Brick 只看店名, 實在猜在到是食星馬菜式。馬拉肉骨菜$88 帶有藥材芳香及甘味的湯, 自有股魔力, 一喝下就令人覺得養身健康。豬軟骨口感更好，多肉加上菇同吸曬湯架豆卜，跟白飯。另外LAKSA 都是得意之作, 愛吃湯麵之人絕對不可錯過。蔬菜煮湯沒味精，有香茅味同椰汁融合在湯中。米線加油麵，的正宗組合，肉則選了肥牛片。話梅桃膠羅漢果茶，潤喉。而家仲有外賣即食包裝肉骨茶

近排溫度驟降，屋企幅牆都沾滿水氣，在家工作做到手腳都十分冰冷，於是我就搵下有咩好野食可以有助驅一驅走寒氣。大隱於市，美食唔會局限於只係大街，行到一個橫街中，有一間以馬來西亞菜為賣點既餐廳，佢既肉骨茶同咖喱喇沙都係招牌菜，天寒地冷，一於叫個肉骨茶！入到去餐廳第一眼吸引到我既，就係一幅水泥牆上掛上壁畫同埋和諧粉彩，係老闆百忙之中有機會同佢傾計得知，畫作都係屬於佢既朋友展示出黎，而且間中又會轉唔同既作品，例如相片展覽等。有一個空間能夠展示藝術品，的確可以提高新鮮感，下次你地黎又可能轉做唔同既作品呢。🔸火熱砂煲肉骨茶 呢款主食可配白飯/ 米粉/ 菜底（見到有人揀左菜底，而我就揀左碗米粉）先講講賣相同食材，整個砂煲中滿滿材料，有豬軟骨、海鮮菇、金菇、生菜、豆卜，每樣菜都充分吸收肉骨茶既精華，每一啖咬落去都充滿湯汁，十分足料！言談間得知老闆親自嘗試多款豆卜，最後得出呢款咬落去有種回彈，充份吸收湯汁，口感好似蜂巢豆腐既豆卜，唔會咬一啖就化開。而當然菇類既易入口，亦都係十分健康既選擇呢！湯底方面，馬來西亞肉骨茶中藥味較重，但飲呢款湯時，既能感受到藥味，又唔會濃烈到蓋過其他食材既味道，而且碗湯入面亦唔見

During this cold and wet weather, it was best to have a hot soup over lunch. Since I was at Central today and through one of my friend's recommendation, he told me that they served nice Malaysian cuisine. Brick by Brick was located at Staunton Street, along the mid-level escalators. For their lunch menu, they offered Japanese bento set, Malaysian and western cuisine at fusion style. While chatting with the owner, she told me that they changed their menu from time to time, to use the best and fre

小弟本身都幾鍾意馬來西亞，前後都叫去過3次，次次嘅感覺都幾唔錯，特別鍾意檳城嘅老味道，亦喜歡馬六甲嘅舊建築。對於馬來西亞嘅食物，大多都鍾意，亦好啱口味，最近就一支公放飯時專登走咗去試喇沙，所以，寫番篇食文分享吓。餐廳嘅名字叫「Brick by Brick」，地址就寫喺 士丹頓街，但實際就喺由俊榮里入，因為餐廳位處大廈嘅地庫，入口設晌後巷，入過嚟就知，短短一條俊榮里後巷查實有多家餐廳。晌呢條後巷嘅餐廳都喺以小店經營，所以，入到餐廳內，地方唔會好大，而目測就大概廿個左右，裝修較西化，一邊磚牆，一邊水泥牆，配以簡單射燈營造一點氣氛。午餐方面，主打喺馬來西亞喇沙及肉骨茶，但亦顧及其他客人需求，亦會提供其他菜式，就好似今日所見，喺一系列日式丼飯。據店員所講，餐牌都會不時更換，此外，小店不設加一服務費，但就歡迎小費。餐點已包咖啡或熱茶，但亦可以加錢轉為果汁或其他特色馬來特飲。秘製馬來西亞咖喱喇沙麵（惹味肥牛堆）$98以喇沙湯底為基本，可以選配鱻魚、肥牛、炸雞或海鮮，當然，價錢有唔同。小弟就揀咗肥牛堆，果然啲肥牛堆到個小山仔咁，並伴有大量銀芽、豆卜、溏心蛋，金黃嘅湯色非常對辦，店員更強調佢哋唔用味精

<Hong Kong🇭🇰•Central>“咬我唷！養生肉骨茶”天氣又開始凍，寶寶要養生暖胃唷！早幾日同小隊員提早食個團年飯☺️喺中環發掘到一間隱蔽用心小店😗淨睇門面真係估唔到喺食馬拉菜😝肉骨茶配白飯飲一啖肉骨茶湯👀藥材味唔算重，幾易入口！多飲兩啖都唔口渴，完全「無味精」、「無添加糖」嘅肉骨茶你試過未？🤤呢度嘅肉骨茶特別之處喺用豬軟骨肉去取代一字排骨，相對地多啲肉食😝 聽店主講豬軟骨經2-3日長時間嘅熬製，特別軟腍入味！飲到最後仲有啲胡椒味，少少辣更暖胃唷！咖沙摻摻若然唔鍾意濃烈嘅椰奶味嘅朋友就啱食！咖沙湯底香甜，仲有新鮮嘅香茅味，幾清香！我就鍾意知少少青檸汁更加開胃😚梅子炸雞即叫即炸嘅梅子炸雞唔需要再沾任何調味料，梅子生津，香而不膩🤤浸一浸咖沙汁另一番風味！香茅水老闆好窩心，因應天氣轉涼，喺香茅水加少少薑，好飲得來，驅寒亂胃唷！烏梅子茶香甜生津，而且都好暖胃！整體而言，餐廳製作食物用心，單單選材用料就知道毫不馬虎！無諗到無添加嘅肉骨茶都可以咁濃！的確不錯！小店本來晚市設有fusion菜，仲可以做包場私人活動！期待疫情過後晚市可以過嚟舉杯暢飲😚希望往後有肉骨茶鍋外帶供應，