影片
更多
2022-02-21
396 瀏覽
近排溫度驟降，屋企幅牆都沾滿水氣，在家工作做到手腳都十分冰冷，於是我就搵下有咩好野食可以有助驅一驅走寒氣。大隱於市，美食唔會局限於只係大街，行到一個橫街中，有一間以馬來西亞菜為賣點既餐廳，佢既肉骨茶同咖喱喇沙都係招牌菜，天寒地冷，一於叫個肉骨茶！入到去餐廳第一眼吸引到我既，就係一幅水泥牆上掛上壁畫同埋和諧粉彩，係老闆百忙之中有機會同佢傾計得知，畫作都係屬於佢既朋友展示出黎，而且間中又會轉唔同既作品，例如相片展覽等。有一個空間能夠展示藝術品，的確可以提高新鮮感，下次你地黎又可能轉做唔同既作品呢。🔸火熱砂煲肉骨茶 呢款主食可配白飯/ 米粉/ 菜底（見到有人揀左菜底，而我就揀左碗米粉）先講講賣相同食材，整個砂煲中滿滿材料，有豬軟骨、海鮮菇、金菇、生菜、豆卜，每樣菜都充分吸收肉骨茶既精華，每一啖咬落去都充滿湯汁，十分足料！言談間得知老闆親自嘗試多款豆卜，最後得出呢款咬落去有種回彈，充份吸收湯汁，口感好似蜂巢豆腐既豆卜，唔會咬一啖就化開。而當然菇類既易入口，亦都係十分健康既選擇呢！湯底方面，馬來西亞肉骨茶中藥味較重，但飲呢款湯時，既能感受到藥味，又唔會濃烈到蓋過其他食材既味道，而且碗湯入面亦唔見
入到去餐廳第一眼吸引到我既，就係一幅水泥牆上掛上壁畫同埋和諧粉彩，係老闆百忙之中有機會同佢傾計得知，畫作都係屬於佢既朋友展示出黎，而且間中又會轉唔同既作品，例如相片展覽等。有一個空間能夠展示藝術品，的確可以提高新鮮感，下次你地黎又可能轉做唔同既作品呢。
🔸火熱砂煲肉骨茶
呢款主食可配白飯/ 米粉/ 菜底（見到有人揀左菜底，而我就揀左碗米粉）
先講講賣相同食材，整個砂煲中滿滿材料，有豬軟骨、海鮮菇、金菇、生菜、豆卜，每樣菜都充分吸收肉骨茶既精華，每一啖咬落去都充滿湯汁，十分足料！言談間得知老闆親自嘗試多款豆卜，最後得出呢款咬落去有種回彈，充份吸收湯汁，口感好似蜂巢豆腐既豆卜，唔會咬一啖就化開。而當然菇類既易入口，亦都係十分健康既選擇呢！
湯底方面，馬來西亞肉骨茶中藥味較重，但飲呢款湯時，既能感受到藥味，又唔會濃烈到蓋過其他食材既味道，而且碗湯入面亦唔見有油膉，令到飲碗湯個陣感覺清爽。
配料方面，伴以蒜泥醬及油炸鬼。蒜泥醬係以熬過肉骨茶既蒜頭調配製成，將豬軟骨點到醬中，蒜味溫和，亦都增加左一種品嘗肉骨既新食法！
老闆亦都提到，特意揀豬軟骨去用2-3日熬製，無味精，為既係想客人食到豐富材料同時，又可以食得健康，所以提供菜底亦都係吸引到一班主張健康飲食既客人，亦吸引到一班想透過均衡飲食既健身客！
🔸泰式香茅斑斕葉薑茶（餐+$25）
作為一餐的完結，清新既飲品可以等我地好好消化，其實都好重要。呢杯薑茶清新易入口，薑味恰到好處，唔會搶走其他味道，絕對係食完好野後既最佳配搭！
題外話，今次過去，最令我感到意外既係遇到一位健談既老闆，從佈置到製作食物，言談間感受到佢對食物既熱衷，對待客人的熱情，亦正正係呢份人情味，令我今餐感到十分滿足！
張貼
