BAKE Cheese Tart (已搬遷) 新店位置

終於食到!!熱潮雖然過左,但唔知點解有啲時候總係咁多人排隊今次好好彩,純粹踫下運氣睇下多唔多人,好在個陣只係得幾個人排左10分鐘就有得食!!芝士撻雖然唔係熱辣辣,不過水準非常高不但個曲奇皮勁脆,而且有三重芝士,味道超濃芝士係半熟狀態,好creamy一買買左半打,一連食左兩個,真心正!但如果要排一個鐘隊,就唔會試啦!

去年初曾經在東京的車站內初嚐過Bake的味道，在它旋風式抵達香江後，還沒有機會去朝聖，就趁著這個閒日早上來碰碰運吧。 閒日早上人不多，店內一排排金黃色的芝士撻更震攝雙眼。 只是排了五分鐘就買到了我朝思暮想的芝士撻。禁不住一口咬下，可惜拿上手時芝士撻已經沒有餘溫，咬下更沒有預期中的流心質感。不過撻皮仍舊鬆脆，芝士味仍然濃郁厚實，也許天氣寒冷芝士撻也較易受寒吧。

銅鑼灣的BAKE 半熟芝士撻，早於開店時已被深深吸引，可是要排隊一兩個小時使我卻步今天難得早放放工，一於到Sogo碰碰運氣，可能是熱潮已過，排隊十五分鐘，芝士撻就到手了！ BAKE 的店子燈光十分光猛，鎂光燈射在芝士撻上，十分奪門目，使人垂涎欲滴！芝士撻索價不低，一個$10；一盒六個$110。 芝士撻有四種食法：常溫、冷藏、冰凍、焗熱。 芝士撻比普通蛋撻細小一點，表面焗得焦黃，外形有點像UFO。常溫的芝士撻，芝士餡咬下去軟滑，有點像軟身的士士蛋糕，但並非如預期的流心狀；芝士味香很creamy，但不太濃烈；餅皮是曲奇餅，鬆脆牛油味香。來自北海道的芝士撻，如果要排一兩小時就會不值，但排十數分鐘一解芝士癮卻是滿足。

岩岩開業個時我試過得閒得濟閒日晏就去排左兩個半鐘隊買左12個,分俾親朋好友之後已經冇哂....個時排隊係沿住sogo地庫個d貨架排, 由杯麵架排到餅乾架再排到章魚丸個度.......聽講最近人流少左再去過排, 今次只係排左10分鐘啫！！！！可以平日經過開sogo過黎兜番轉買兩盒走. 今次撞正個個職員服務就麻麻而且反應好慢, 佢問我要幾多, 我叫佢幫我執滿3盒 (我地兩個人, 每人限買12個, 一個盒放到6個) 點知我見佢拎個紙袋放3個入去, 我即刻叫住佢話我地要3盒18個, 佢竟然同我講3盒有36個.........仲叫cashier收我36個既錢, 我話3盒每盒6個 3x6=18 佢仲黑我面 服務真係好差..不過係咁岩個一次遇到個個人, 之後冇再見過佢......買左之後一定係趁熱食最好食. 不過凍左之後可以雪落雪櫃拎出黎食, 入面既芝士會雪到好似cheese cake個種質地又有少少似雪糕咁, 我覺得一樣好好食. 如果想整熱番佢可以放入oven輕輕整番熱佢, 入面會流心番架!放入microwave就要小心而且我覺得冇咁好...某將芝士撻放左入去microwave之後試過爆漿半份芝士

個Tart 漲卜卜，烘得金黃，賣相幾吸引！一啖食落口仲微暖，個皮都幾鬆，好creamy，有芝士同輕輕的乳酸味道，整體不是太甜。但沒有我想象中咁好食，所以不太值得去排，唔駛排可以再去買！

之前在東京自由之丘閒逛見到這芝士撻店，見人龍不太長，而且賣得很快，便買了芝士撻及牛奶軟雪糕上樓上吃，芝士撻底感覺沒有什麼特別，芝士味又不太濃郁，反而軟雪糕，牛奶味重，份量大杯，最重要是夠冰凍，雖然有成8圈以上，吃到近筒邊仍未水汪汪，下次去必再吃其軟雪糕。回港不久，可能經杜Auntie在節目推介過，店一開便排到Sogo外，本人必不會排。近日熱潮已失，踫巧放半日，經過見不太多人，最終約排了10分鐘便可買到。即食一個，發覺批底香脆，不漏，芝士像溶漿流出，而且不甜，本人頗喜歡，其實可以不歸入甜點，加些煙肉洋葱碎就像鹹Quiche。回家和家人分享，放入多士爐3分鐘，效果和剛出爐一樣，芝士餡即脹卜卜。不過，家人也有同感，就是香港出品和日本吃到的批底及芝士餡大大不同!另外，若不是店方故意拖延顧客，根據出品速度，其實應連10分鐘也不用便買到!

閒日放假,無聊就諗住去銅鑼灣SOGO試下好出名既"撻",一早已經知道好多好多人排隊買,所以自己都早D食完個早餐去排,諗住沒咁多人啦,點知我遲左少少,已經見到SOGO門外一堆人排緊.天呀,當SOGO一開門,好似走難咁,有D人跑住衝落去,大家居然目標一致係去買"撻",腳步慢左少少既我落到去已經出現一條長長既人龍要排隊了,排左15分鐘後終於到我,賣"撻"小姐依照佢地正常速度賣"撻",人龍咁長其中原因之一.....我買左半打,自己立即拿個來食,熱熱地既時候都幾濃芝士味,但如果話要排隊半小時以上,我就覺得唔值囉......

【 杜如風推介 BAKE 芝士撻著陸SOGO！ 】萬眾期待既cheese tart 今日終於登陸SOGO同大家見面，人龍長到繞住半層超市，人人都要排幾個鐘先買到，但小妹只係用左半個鐘就買到佢啦！想知點解？下回分解😉😜店名：BAKE地址：銅鑼灣軒尼斯道 555 號崇光百貨地庫 2 樓 B2-16舖好味指數：8.5／10價錢：$20／@話說琴日截左龍之後仍有幾大盤cheesetart未賣出，想買既人又佈滿店既兩邊，老細決定賣埋佢 不過一人限賣2件（正常一人可買12件，新張優惠買5送1），所以最後大約用左30分鐘左右就買到佢啦！Cheese Tart 裏面既mousse 混入咗三種芝士，包括北海道函館產輕味芝士、法國產鹽味忌廉芝士和別海產濃味芝士，配上超脆曲奇餅底，咬落流出超 creamy 半融芝士，味道好香，值得潮聖一下。 

我對這個芝士撻沒期望，見條隊得幾個人就行埋去，諗住佢咁紅，試下啦。點知有個職員走過來指示我去另一處排隊，原來有分流的。好在另一條隊都係得幾個人。不夠兩分鐘，又被指示行回去芝士撻店問外排隊買。前面的人個個買半打，我貪得意買了三個，見佢唔熱，留番做飯後甜品。個撻帶到返屋企已經凍左，不過一咬落去，牛油撻皮尚可保持鬆化不會死實，撻餡中心位置仍保持漲卜卜無下陷，食落有芝士清香及略帶乳酸味道，仲唔「流」㖭，質感creamy得黎半帶棉花質感，不過少食就多滋味。無食過其他店的芝士撻，無得比較，但佢可以令我呢個唔多鍾意食cheese cake物體或佢d friends的人可以dinner後仲食多個tart，甘佢都有一定功力。

今期流行，追食芝士撻，但我唔鍾意食芝士，老公給我驚喜買了芝士撻，死未。老公話佢好好彩，唔洗點排隊，因為聽說這店經常大排長龍。包裝好細心，盒中已分層及分開一個個撻位，以防芝士撻走位。打開一看，就是芝士撻頂色水唔勻均，邊有些焦香一邊沒有，撻皮硬實，不鬆脆，兼且好甜，芝士味好濃郁，芝士夠流心。但是$20一個，而我又唔係好喜愛芝士，所以唔識欣賞，我比較喜歡食芳叔蛋撻多些。

說到近來本地最流行最火熱的食品，必然就是日式芝士撻....那談到人氣最盛的芝士撻呢，我想Sogo Supermarket內的Bake Cheese Tart必然是當之無愧了....這兒剛開業之時，若然要成功達陣去買到的話，恐怕在此等一到兩個小時也絕不是一件稀奇之事....但到了今天，如您在非繁忙的時候來到，我看只需等十到二十分鐘便能買到心頭好。小弟前後來過兩趟，一次是剛開門做生意時來的，那次只是等了約二十分鐘而已；其後第二次則是剛在午餐過後來，這一次更誇張，算一算時間也只是等了五分鐘....難得輪到我們，一口氣就買了一打回去慢慢嘆....驟眼看上去，它好像一只黃色的UFO呢....牛油撻皮是非常的薄及鬆脆，油香也蠻足的；芝士餡咬下去非常的軟滑而帶半流心，奶香算是頗濃而芝香亦能感受得到 (兩者比較起來似乎是以前者較濃重)；甜度則一如所有日式甜品一樣，同是相當的高....聽說這個撻有三種的吃法。今次我只能試了其中的兩種 ---- 那便是室溫下吃以及將之冰過後嚐。相比之下當然以前者為佳。始終撻皮在經冷凍後吃就變成太硬了，而且雪過的芝士餡弄成一團團杰撻撻，完全失去了流心狀態的模樣，我是絕對不喜

經開銅鑼灣 當然要去Bake買Cheese tart一去到幸運地唔係好多人 大約5-6人係前面 重睇到件件新鮮出爐放係眼前 期待中.... $20/pc , $110/box (6pcs) , max. 12pcs 外賣盒好好 唔會撞黎撞去怕變形 拎到返屋企 終於可以食 雖然冇流心 但對比別家真係更勝一籌 餅皮脆 cheese好香好creamy 忍唔住再食多件都唔會覺得膩

老老實實我不太看得起那種「香港人」精神那種對着別人原創產品然後拋下一句「唓，好叻咩？呢啲嘢我都識整啦，嗱，整完隨時好賣過你呀！」然後就有一堆連外表都跟到十足的「本土芝士撻」出現所以，識食當然要食原創品質若不好，何解會有那麼多「跟隨者」出現呢現場吃了一個，當日回家再吃了一個撻皮很脆很有牛油香，比例與芝士餡剛好芝士的味道不容置疑是非常好的據資料顯示當中有北海道函館產輕味芝士、別海產濃味芝士和法國產鹽味忌廉芝士我不太熟悉芝士的類別，不過吃得重忌廉芝士味較重但沒有蓋過其他芝士的鹹香又不會很膩雖然吃完一個令我相信立即吃第二個的話就會開始感到甜膩了最重點是，現場吃當然有流心想不到經一小時車程過後，家中再吃一個都依然流心！在雪櫃冷藏後再吃就有一種芝士蛋糕的感覺，不錯然後要提醒各位翻熱不要不要不要用微波爐，是必然令撻皮變軟影響口感(小妹也因此中伏...)

近排好多朋友都說日本的芝士撻好正好好味，網絡世界更不時見到有關瘋傳，真的非常吸引！其實，作為一名「芝士控」，BeautySearch 很早以前便想去嚐嚐這股芝士威力，無奈，每次途經有關店子，再看看那條人龍，饞嘴的 BeautySearch 也寧願選擇放棄，因我實在有排隊恐懼証喔！早前，與「芝士控」好友在銅鑼灣食晚飯，期間忽然談起芝士撻這話題，心癢癢想起Sogo地庫的《Bake Cheese Tart》，吃完晚飯，刻意不點選甜品，便跑到《Bake Cheese Tart》去，當時，見只有十多人排隊，於是便決定也排一會。想不到，排了數分鐘，職員便說要截人，霎時間，覺得選擇排隊十分正確。截人後，職員開始點算人數，並了解顧客的購買數量，第一次品嚐，不敢買太多，所以，BeautySearch決定買4個淺嚐 ... 但後來卻非常後悔呢!!!《Bake Cheese Tart》是源自北海道，BeautySearch 本身就非常鍾愛北海道的Snaffle Cheese Cake，對於北海道的產物，早已偏愛，而且，猶記得杜如風很早前已在《東京攻略》推介過這日本超人氣的芝士撻，因而非常期待。臨近關門時段，

次次經過sogo都去睇下多唔多人排，點知次次都失望而回。今日放假，食完lunch經過Sogo終於見無乜人排，等了15分鐘左右就買到了。急不及待即食，原來芝士撻只是微暖，曲奇底較硬，但我鐘意，芝士味濃度剛好，有流心感覺。可以再encore