BAKE Cheese Tart (已搬遷) 新店位置

話説早幾日要去銅鑼灣傾野～傾完經過sogo！就好自然行落樓下朝聖！拜見下好長好長龍～排2個中先有既芝士撻！1去到店員指示我去條後樓梯排隊！心唸大獲！唔通真係要排2個中？！去到後樓梯好彩都係10個人以內！但一路排一路心唸 明明就有好鬼多芝士撻放晒出黎？咁都要人排？威d咩？好！我排～哈哈哈！排左唔洗10分鍾！(應該因為係平日！仲要5點幾d人未放工先咁快)買左半打($110)～叫店員幫我2個紙袋裝 (因爲要即食！)另外4個盒裝 難得買到！緊係要拎番屋企孝順屋企人！！首先講下即食先～可能因為期望太大，但又唔係失望，只係無預期咁好！以為熱辣辣 原來只係微暖～但個味真係幾好味！！個面焗到金黃色 小小煙韌～入面似cheese cake係酸酸地既忌廉芝士 唔會好漏～口感好正～一路食一路流出黎 所以要食得好快!所以俾我形容為 "排就15分鐘食就30秒～"至於拎到番屋企～不得不讚個盒設計得好好！除左個樣令令仔仔之餘～好方便拎d撻出黎～仲有d撻無搖來搖去 所以完好無缺！牙媽牙爸牙妹見到有得食仲好開心！話唔洗焗番都好好食～我食多個 然後飽到唔係好食得落飯！朝聖真係點都要～但下次試下其他品牌既芝士撻再比較！

已經來過幾次，每次都見到大排長龍所以放棄左。今次終於的起心肝，排就排啦！因為真係已經想食好耐了哈哈哈。人龍冇之前剛開業時咁長，但都排左差不多45分鐘，20蚊1件，每人限買12件，那就當然買足12件慢慢享受啦！每盒芝士撻都會附上一張卡仔，介紹四種不同的食法：室溫、放入焗爐、雪櫃、或冰箱。我就只試了頭三種，原本認為芝士一定是再暖或熱的狀態下最為好吃，但出奇地原來在雪櫃取出的芝士撻我認為是最美味的，那些芝士雪凍後少了熱食時那種微酸的味道，芝士的質感有點像慕絲般幼滑。芝士餡是混合著三種芝士：兩種北海道芝士和一種法國芝士製成，曲奇撻皮很鬆化而且很香，令人回味無窮，難怪一直人氣高企！12件芝士撻聽起來好像很多，但結果一天之內就被自己及家人ko了，我也一口氣吃了3件。雖然用了45分鐘去排，但我認為這是值得的。

週日喺屋企打麻雀，契媽於下午茶時間特意送上佢喺崇光百貨排咗好耐隊先買到o既名芝士達「BAKE CHEESE TART」一盒 。芝士達好似蛋達咁上吓大隻，雖然我地食o既時候已經凍咗少少，不過其暖暖o既曲奇餅皮仍然香脆，微甜且唔溜o既芝士餡心亦好夠輕巧幼滑，相信熱辣辣食時應該會仲正 ！原本每人分咗半隻黎食，由於當中有牌友唔食芝士，見自己又冇乜糊食，XO仔結果一人獨享隻半，叫做填補咗四方城內o既少少失落啦 ！

上次試左半熟工房既芝士撻，今次就黎試下bake呢款 首先從外觀上兩個都烤到微焦，而bake既size比較細，兩者同樣係用餅皮底，不過bake既較爲酥脆。而且芝士味非常濃！個人認爲bake呢款味道比較似焗cheesecake既味，咬落去軟綿綿，好似食緊暖粒粒既棉花糖，而半熟工房既比較重cream cheese味，所以食落去比較似雪既cheesecake 同埋整體味道黎講bake既比較無咁漏，無咁甜，食多幾個都無咁重罪惡感 最開心係今次買既時候完全唔使排隊！仲要全部撻都係新鮮出爐  難怪身邊一直好多朋友介紹話超級好食! 真係好正！

自從換了新工後，一年踏足銅鑼灣的次數大抵十隻手指數得完。今天趁著要過來維修電腦，吃罷退步了的榮記後仍不滿足，拉著男友往我朝思暮想的芝士撻方向行去。數個月前曾想過來朝聖，但去到看見那不知排到何年何月的隊伍只好作罷；今次閒日晚上九時多，面前有十個八個和我一樣嘴饞的人士，不消十分鐘那芝士撻便到手。芝士撻 $20芝士撻大約是普通一個蛋撻的大小，撻皮明顯的有一定份量，吃下脆口不太甜又有牛油香，而撻面頭像雙皮奶般形成了一層薄膜，吃了半個以後不小心的將它整塊吃掉，下面的濃滑微酸的半熟芝士餡以緩慢的速度流出來，吃得頗為狼狽。可能心裡有著過大期望，加上已吃過不少其他店的出品，整體是不錯但並沒有覺得它驚為天人地好吃，不用排隊的話可以一試。

雖然想試已久，但每次經過BAKE CHEESE TART總是被它前面長長的人龍嚇跑。 某天晚上9點左右經過SOGO地庫，竟然沒有長長的人龍，當然把握不用排隊的機會，一試這個人氣高企的半熟芝士撻。 每件芝士撻都烤得很漂亮，鼓起的芝士餡，稍稍焗到金黃色。 撻底質感似曲奇，都幾香牛油味。芝士流心，質地幼滑，唔太甜，味道似整蛋糕用的Cream Cheese。 終於明白點解咁多人為左食佢願意排隊。如果下次經過又冇人排，都會買黎食的。

Finally I am here for some baked cheese tart, the infamous one in cwb. Since I have been waited for a long time before I ate it, it was already completed cold. Though, it was still super runny with a great crunch from the crust. It wwas really creamy, heavy, thick, rich, fatening, calorific, and most importantly, freaking delicious. 

等左好耐終於食到啦！！來自日本既芝士撻！！之前排隊都排到癲 要排到去後樓梯度今次襯新年期間 排左10分鐘度就買到啦～$20一個... 說實在的有點貴⋯⋯不過試完一個之後你會覺得值！！熱辣辣食個時 你一食佢啲芝士會流出來！！正！！芝士迷不容錯過！！但如果買返屋企既話 就最好丁一丁返熱佢先好食 因為凍左真係就唔太好食了 哈哈

之前配了眼鏡，拿貨時沒有發現鏡框有破損結果又要特意再出去銅鑼灣一趟，既然要過海，當然盡量集齊多些事情一起做所以就去了一登陸香港就引起熱議的 BAKE CHEESE TART 買來一試現在仍然要在後樓梯買隊等攞籌但不同的是，只要等數分鐘就會派一次籌拎完籌就可以向 BAKE CHEESE TART 進發！然後去到 BAKE CHEESE TART 的店面排隊眼見一個個美味可口的芝士撻列隊般，真想快點輪到我！本來都是打算買半打，原來半打有優惠呢一個 $20；六個 $110就順理成章地買了半打很快就買到，整個過程大約只不過是 10 分鐘紙袋好美，現在已經被我好好收藏了 (笑然後極速回到家，盒子也是非常堅固而且和紙袋的尺寸是十分合適六個芝士撻依然完好無缺一打開盒子，香氣撲鼻而來！一咬落去非常香軟，芝士十分 Creamy是帶點酸酸的味道，一點也不會覺得膩餅皮是牛油皮，我最喜歡就是牛油皮很鬆化而且很香，果然名不虛傳很值得一試的芝士撻，難怪一直都人氣高企！

情人節食食食活動-第三站其實開左咁耐都仲未食到.....一黎唔就腳，二黎次次都係紅日先黎到....所以次次條隊都要排2個幾3個鐘....於是今日又黎碰運氣~XD下午3:30去到銅鑼灣，諗住順便落去SOGO睇下條隊有幾長啦~又好彩，樓梯得幾個人排緊!咁梗係跟住排啦!!望住佢一盤盤金黃色嘅芝士撻出爐.....真係流晒口水~排左20分鐘左右終於到我啦!!(好興奮!)最後買左4個。芝士撻焗完個樣金黃色，焦焦地真係好吸引~入口其實唔算好熱，因為芝士撻出爐後會攤一段時間.....加上天氣凍，所以個撻有D凍凍地。如果熱D就好了~><撻皮係曲奇皮，好香脆~ 我鍾意!中間嘅芝士口感同味道有D似乳酪。少少流心質地。有好香芝士味，微酸。整體唔錯!想食第二次!希望下次再有機會唔洗排咁耐就好了!

天呀，今日排左10分鍾就到我，買6個110蚊咋（平時20蚊個），一買買左12個。如果真係要同半熟工房對比，我覺得bake個餡係好食過半熟工房！因為熱食既時候冇咁酸，而且較咸香。但皮就半熟工房鬆軟啲，啲度好似有少炒焗焦左咁既顏色。但我知道做硬啲皮係有原因既，因為防止啲半熟料漏出黎

傳說中要大排長龍先食到的CHEESE TART。滿心期待會好好食,點知買到反去到大家開餐隔得太耐,凍曬先食,所以味道都扣曬大分。 芝士濃係濃, 但有酸味既感覺, 餅底都好在正正常常。下次比多次機會佢 即買即食試下先 !

10 • 2 • 2016 Wed芝士撻（$20 )係崇光排左15分鐘就買到，每人限買12個，即買即食，流心效果不錯。撻邊充滿牛油味，成個芝士撻不但足芝士味，而且完全唔漏，值得一讚😁😁一次過食幾個都冇問題😍😍😍係暫時食過最好食嘅芝士撻👏🏼👍🏼Heureux 好味指數: 9.3/10Heureux 回頭率: 8.5/10

因最近公司係銅鑼灣開左分店，有借口係銅鑼灣四圍搵食慰藉受工作煎熬既我，銅鑼灣區一向少黎又唔熟，出面又凍又小小雨又好肚餓，係記得SOGO地下有超市同有野食咁就落去巡場啦，一落電梯右轉第一間就係呢間BAKE，而佢係透明玻璃設計，過百件豬屎撻盡入眼簾!其實一直都想食豬屎撻，只不過成日經過半熟工房都好多人排隊所以放棄無食過，見得幾丁友排隊咪試下囉!眼見D撻係咁出爐. . . .都無咩人買，都幾怕中伏，最後買左半打優惠價$100，$20一個.一手交錢一手交貨後，發現佢個紙袋手挽位設計好好，兩邊位可亙相扣住方便客人拎，多野拎果時就會明白有幾方便由於地方所限都一定要拎走食，咁都無所謂. . . 距離公司5分鐘路程啫!!由於肚餓關係，番到公司已經第二時間表現餓男搶士，第一時間係同眼前食物影遺照. . . 打開個盒，分左兩層擺，盛載既紙皮都夠硬唔怕塌!而個撻皮就知係機器打出黎既模，真係餅印一樣!當拎件上手個刻. . .凍既. . . 十分鐘就凍晒. . . 無可能啦!根本就買個時就係凍晒，出撻快但買既人唔多，又無爐保溫，今次要奶凍撻撕開件撻睇睇如何半熟，我無睇錯既話係半凝固既牛奶餡心，而面層就沐上芝士醬

開張了數個月的BAKE, 一直人氣高企，皆因在遠處也能嗅到新鮮出爐的芝士撻味道，香味四溢令人垂涎三尺。最近再去碰碰運氣，終於看不見打蛇餅的人龍了！而排隊位置是在走火通道樓梯，需要先攞籌再由職員分批帶領。 圓拱形的芝士餡是混合著兩種北海道芝士和一種法國芝士製成，而整個撻是採用雙重烘焙法，即先把曲奇撻皮焗一次，後倒入芝士再焗第二次，這樣便能造就它的獨特口感。 <芝士撻>共有四種建議食法：室溫、放入焗爐、雪櫃、或冰箱。而本人最喜歡焗熱後的食法，就像剛出爐效果一樣，金黃色的芝士餡呈流心狀態，入口即溶。三種芝士帶來不同層次感，先是濃郁的芝士味，其後嚐到少許鹹的法國鹽味忌廉芝士。曲奇撻皮比較厚身，但無損其鬆化的外層，真令人回味無窮！