BAKE Cheese Tart (已搬遷) 新店位置

食完晚飯準備返屋企,人有三急去sogo解決.路過見有條人龍,解決完家姐問我咩黎,我話宜家好hit既半熟芝士撻,之前有同事請過我食,都唔錯幾特別,家姐話未試過見又唔算多人就去排下,見佢$22一個,最多只可以買12個,以為真係會好好食,排到我地,攞上手都算係咁,食落口先知中伏,$22個撻竟然一D溫度都無,去麵包舖買個幾蚊蛋撻都辣口啦,唔熱都算,仲要係凍...個皮又硬又實,家姐仲話D芝士有D酸,返公司問下同事D芝士撻係邊到買,原來係某連鎖餅店買,人地都唔屎20蚊,起碼買到返黎食落口都仲係熱架囉,味道又唔差得好遠,食呢間D撻,不如去普通麵包舖買幾個蛋撻食好過,有時D野就係,唔係多人排就一定好!

半熟蛋撻而家十分流行，bake來自日本，當初登錄香港時候已經有興趣想買,我十分不愛排隊，等到熱潮過後才去買來試,有日同朋友在cwb吃飯之後，提議到sogo行下,反正去sogo,順便去bake買蛋撻,大約排了15分鐘，買了3個半熟蛋撻,服務都OK啦 ，bake半熟蛋撻冇想像中咁好味,芝土味十分淡，比起另一個香港品牌，它的甜味冇咁甜，整體味道就一般,只會試1次,未必再買味道:芝士味好淡，亦冇咁甜,感覺好一般服務:它的服務都ok,店員有指示叫客人在邊度排隊價錢:20元,稍為貴咗Ｄ啦

同事的散水餅揀得特別又用心.....登. 登. 登.......就系人氣爆登的BAKE芝士撻。外表金黃色非常吸引的芝士撻原來用了3個不同地區的芝士製成，所以芝士味特別香濃，一啖咬落去，已經食到它的芝士餡料好軟滑，奶味又香濃，而曲奇皮亦唔似一般蛋撻的酥皮或曲奇餅皮，有牛油香味，鬆化及煙靭並帶有鹹香，同芝士餡本身好夾，呢個甜品本身甜度低，唔太"留" ，真系一試難忘。

每次經過sogo地庫都是長長的人龍芝士撻熱潮終於過去今次終於可以去朝聖一下。$20元一個芝士撻，一盒六個$110，每人限最多買兩盒。 看到剛出爐的芝士撻每一個外型都是肥肥的而且不停傳來濃郁的牛油香急不及待想一口就吃下去。芝士撻烘得金黃色，有層微焦的外表。吃下去撻皮有像是牛油酥餅般鬆脆而且芝士餡和撻皮二合為一芝士味道十分香濃細膩，一點也不膩令人吃完一個也不夠。 買了一盒回家也有三種吃法1.可雪入雪櫃，口感會像吃芝士蛋糕般，芝士味道更濃郁有綿綿的質感。2.可放入冰格，取出吃會像吃雪糕般。3.再放入焗爐再次焗至流心。不用排隊買來吃確實不錯，北海道的味道啊

過江龍在香港十分吃香，一件芝士撻都要等上兩三個小時！幸好熱潮總不會一直持續，逛完花展來到崇光百貨超市看一看BAKE芝士撻的熱賣情況，看到只是一條短短的人龍就馬上排隊，懷念一下在東京的味道，哈哈！ 一個個芝士撻整齊地排列在眼前的景象好吸引。 排隊大概5分鐘就買到。買後即食，東京的味道重現眼前！軟滑又香濃的芝士餡配上鬆脆的曲奇餅底，好吃得很！一口接一口很快地就把芝士撻吃光了！以後到銅鑼灣都要去sogo探望一下我心愛的芝士撻！

已經食了無數次但仍然愛吃芝士撻！眾多芝士撻中最愛的還是bake，最合我口味。每次排隊大約需要十至十五分鐘，即買了半打。 撻皮很脆但冇會燶，剛剛好。再咬了一口，半熟芝士隨即慢慢溢出，濃郁的芝士味滿佈味蕾！還有少許會黏在嘴邊。外脆內軟的口感一次滿足我！

呢間Bake 每次都離遠聞得到了，今次終於係比時間排番一陣隊。好想試下半熟芝士撻既威力如何! 係櫥窗望入去，看到好整齊的芝士撻列隊企好等我了。我只好心中向他們揮手示意，我都等緊你地啊!看到每件芝士撻都焗得很靚，突起的芝士餡料全焗到金黃色，仲要有少少燶燶地既顏色，好似脹卜卜既葡tart甘樣。撻皮係用牛油皮製成，食入口有好香既牛油味道。至於到主角既半熟芝士喇，感覺好似食登蛋似的，軟綿綿的樣子，又似熱溶左既棉花糖樣貌。而味道就好似芝士加左忌廉一樣，然後再打成泡，再焗到半熟既時候，估計就係甘樣製做出半熟芝士撻喇。

聞名已久的流心芝士撻, 由初到港我每次行過Sogo都會去襯一襯，不過都太多人失望行過就算(較無耐性排隊)。昨日約人7點半, 4點時份又入sogo閒逛, 忽然想起就去博一博, 我都知哂訂, 首先去排隊個樓梯睇吓咩景! 咦咦咦! 無人噃, 立馬返去counter處排, 得6個人! 正~ 心已盤算自己買幾多~ 終於到我喇! 我舉起一隻手指, 小姐意會係一盒…no no no 我要一個~我本想吾會個紙袋, 但想想都係要嚟留念, 未必有心機再排。立即影完相就係蔬菜部一口將芝士撻咬下! 呵呵! 吾醒起流心, 一口都係! 果然係撻脆芝心軟又香濃, 如果再暖小小就更good~

每次經過都看見長長的人龍，今次終於忍唔住要去朝聖啦，店內放滿一車車剛剛出爐的芝士撻，陣陣芝士香味不斷瀰漫著，令人垂涎三尺。芝士撻($110)6件，芝士撻表面烘焙金黃色，有一層微脆的外皮，賣相不俗。而且包裝方面，購買半打會用紙盒盛載著，十分大方得體，用來送禮也不錯。味道方面，芝士真是一絕，香濃細膩，聲稱是用北海道芝士制作的，並且帶有少許微酸的感覺，令人就算吃多幾個都不會感到''漏喉''的感覺。口感方面，剛剛出爐的時間，芝士撻還散發出微煙，質感十分軟熟，也有點兒像芝士蛋糕般綿綿的質感。撻皮方面，充滿濃濃的牛油香味，質感也十分鬆化，配搭著香濃的芝士餡，真是一流。此外，它更會提供多種食用方法給顧客，例如室溫、放入焗爐、雪櫃、或冰箱，每種食法都有它的好處，當中我最喜歡固然是剛剛出爐的，芝士餡還有少許流心的效果，值得一試。服務評分:7/10甜品評分:7.5/10

2016年3月14日 (星期一) 3:00pm 室內面積非常小，以深灰色陶瓷磚作裝潢，簡約低調。 店內擺放了大焗爐、食物層架和托盤。焗爐負責不斷烤焗，確保芝士撻源源不絕，新鮮出爐。 一個店員負責包裝，一個負責收錢，排隊付款速度算正常。 等候了 5 分鐘，便買到新鮮出爐的芝士撻。 【最佳食法】：1) 當天以常溫享用2) 放進雪櫃，冷藏後則像雪糕3) 焗爐加熱，外脆內軟。 芝士撻 - 軟心芝士慕思以 3 種芝士配合而成，包括北海道函館產輕味芝士、法國產鹽味忌廉芝士和別海產濃味芝士，質地輕盈，感覺似慕絲又似泡沫。芝士撻外表烤焗得金黃，內裏餡料滑溜，可惜芝士味不算濃郁，反而略帶微酸。撻皮方面，超脆曲奇餅底是用牛油搓成，又香又脆口，值得一讚！ 芝士撻全部由日本空運到香港，售賣前才拿出來翻焗。 廚師特意用上『二重燒製法』：首先燒脆曲奇餅底，之後加入芝士慕絲再燒焗，質感香脆，不飽滯。 年輕的店員彷如機械人一般，木無表情，服務態度有待改善了。 每個芝士撻定價為 HK$20，4 個要 HK$80，價錢比較昂貴，我覺得每個應該 HK$12 左右就差不多呢！ 芝士撻比我想像中的細小，

對芝士又愛又恨 鐘意食又怕肥BAKE cheese tart 似乎就係就我依種人而設買既當晚即刻食 芝士味加上餅皮微微既燒焦味好滿足到味覺既享受 雖然都雪左一陣 但個餅皮仍然好脆 入面既芝士微酸 好滑好light 但不失應有既芝士香 罪惡感大大減低幾二日再食 餅皮邊仲係脆 但餅底淋左 所以最好都係即買即食 或者焗番熱佢黎食

看到精美的出爐芝士撻一個個精神飽滿、整裝待發，也算是一種安慰。急不及待走到一邊，把這傢伙送往嘴邊。牛油酥餅般的鬆脆餅底，清脆俐落地一分為二，內餡應聲緩緩外瀉。帶點動態的甜點，芝士輕盈、餅底酥脆，這種小吃從來也受港人歡迎，我也不例外，一時怦然心動。

突如其來的芝士撻熱潮，真的真的應接不暇！耐性奇低的我絕對不能乖乖的在門口輪候。今晚，與舊同事相聚，先到處逛逛再會面。常聽說難在職場碰到真心朋友，大家利字當頭，人不犯我我不犯人。自身，永遠在頭位。我比較幸運，遇到好得過份的同事，轉公司後，最掛念的就是他們。晚飯前先到sogo逛一轉。6:30左右到達BAKE，竟然看不見人龍？！只有數位食客在開陽的廚房前等候喔！立刻加入他們。算一算，買6件較便宜，$110。正好可買給家人品嚐。 一件件整齊地排著，表面帶吸引的金黃色，夾著不停飄出的牛油香，口水流了！職員極速地把芝士撻放入特製的紙盒，每個芝士撻也有一個大小剛好的位置，不用怕東歪西倒。很愛這細心的設計。"一件現在吃！" 當職員擺放芝士撻時，心急的我當然想立刻送它進口！ 不太熱，有點失望。流心程度剛好，不會太稀！芝士味突出，最尾帶點清清淡淡的酸味，絕對能減低芝士的膩！撻皮牛油味頗濃，亦很香脆，幸好沒有搶去主角的風頭！相比之下，半熟工房的芝士撻較大件。芝士味更濃但沒有帶酸味，而撻皮的味道也不太突出，但整體也很匹配的。芝士撻在我而言只是必要一試的項目，未必再吃了。

Finally my turn to try out this hit item - Bake Cheese Tart! No need to queue up to get it in the early morning, luckily. Although I feel like people overrate it and not as special as I thought, it is still a yummy cheesy treat worth trying out once at least.Tart itself is cripsy enough as it's those cookie tart crust; the cheese mousse is very rich yet silky, with a little bit of salty taste. After a bite of it, those half-melted cheese are squeezing out. That texture is kinda like having some

芝士撻既潮流都興起左一排，我真係失敗…居然係從來未食過…一場黎到銅鑼灣，就去下潮聖啦! SHOP係SOGO樓下地牢，落多去見到好多人係隻排緊隊，店員好好，見到我蘿咁大個肚就叫我唔使排直接上前..好貼心呀! 我同阿寶一人買左一個芝士撻，呢間每人限買6個，買完都有D後悔點解唔買多D呢..既然唔使排隊XD一啖咬落去，D芝士”必”晒出黎，絕對係半熟芝士!!!芝士味好重好香，令人一試難忘! 芝士撻就好似分開左2層，面層係芝士皮，食落去燶燶地﹑脆脆地，仲好似有層焦糖係面咁，甜甜地都幾香口。第2層就係半熟既芝士，一咬時D芝士流晒出黎，好似流心咁，芝士香濃幼滑，好好味!再講層芝士撻皮，夠晒脆，師傅焗既時間岩岩好，脆得黎又唔會輕易散開D皮，唔怕食到成身都係! 店員仲教我下次可以買黎雪凍再食，又係另一種味道，等我下次試下先!