BAKE Cheese Tart (已搬遷) 新店位置

基本都算係新鮮出爐，但到手撻已凍。。。 係室溫狀態下食，芝士口感似半熟芝士蛋糕，更軟更水奶同芝士算係一半一半比例，所以就算係室溫都重做到微微流心效果撻皮係曲奇皮但較硬身，而且頗甜。都係gimmick姐，唔好抱太大期望🙊 無咩人都可以排下，買返件食下😂叫佐食過麻😁 . $20/1$110/6每人最多買12個Queuing time: 20mins or up

Bake 熱潮終於開始減退，由第一次要排隊1.5 hrs 到今日只排了20mins.  之前每次都係買回家食，次次都是室溫，今次終於試一次新鮮出爐的cheese tart，微熱的tart，芝士味道更濃郁，也比較creamy。只可惜就算今次品嚐暖的tart, 都沒有流心的感覺。曲奇餅底有淡淡的牛油味，口感亦不錯，不會太乾。建議cheese tart 要即日食用，另外買左一個放在雪櫃，第二天咬一口凍的tart，芝士味冇熱的特出，就算之後加熱，亦不及即日好吃，尤其是餅底已變硬。

今日無意中喺sogo超市見到呢間賣芝士撻出哂名嘅舖頭。就算係平日，四點鐘，超市都佈滿人，又多食物檔位排到密密麻麻。位於超市入面 故然大哂蛇餅！不過喺混亂中見到店前面得幾個人排，以為終於可以好快食到啦，點知先發現有個坐牌寫住'要跟住箭咀行去另一面嘅排隊署排隊'' ，而個地方就係樓梯口，行幾步就到！（ 指示不足，見到好多人都好無助唔知應該邊到排）好幸運地見到樓梯得近10個人排，所以本人覺得值得，應該唔會好耐，所以就排咗近20分鐘。每個人排隊，職員會派一張號碼牌，之後每8至10個人會被帶回店面買芝士撻。一張號碼牌代表可以最多買12隻，而且所有只供外賣。所以如果同朋友一齊排隊，職員會問您12隻夠唔夠，如果唔夠會俾夠張您。而被帶到店面外，要再排多大約15分鐘，最後終於拎到我6隻芝士撻。＄ 20/隻；＄110/6隻。 半打明顯抵啲！食後感:本人隔咗幾個鐘後 冇放入雪櫃，即日食，覺得芝士撻味道真實，唔同其他芝士撻有種假假嘅味道，又唔過濃/甜，味道剛好！外脆內軟，流心唔會太稀，啱啱好！最緊要食完都唔覺好漏鐘意食芝士嘅朋友會鐘意！相比其他市面上嘅芝士撻略勝一籌，但價格略貴。本人對芝士興趣一般 但都覺得值

芝士，其實是發霉的奶製品。往往最醜陋的背後就有著美麗動人的一面。出售芝士撻的店鋪慢慢開到滿街都是，逐漸變成潮流的尖端，個個都慕名去排隊一試當中味道。 芝士撻 $20焗到脹卜卜的芝士撻，未入口已經被濃香的烤焗味道所吸引😁中間的芝士焗得發脹，金黃的外層香口惹味，一咬驚見流心度極高的芝士。芝士咸香不油膩，香濃的芝士令人一吃再吃。外層撻底有濃香牛油味道，口感較為厚實，略微不夠鬆化，但香濃牛油香取勝👍🏻👍🏻👍🏻芝士撻，令人又愛又恨。一種卡路里極高、味道極佳的食物。

其實每次行經sogo都會睇下bake多唔多人排隊, 但好多次都失望而回。 這晚10點幾經過又碰碰運氣! 哈！今日人唔多, 我決定排隊, 即刻睇錶當時係22:19, 亦好快我後面都排了幾個人, 過左陣就有個職員派籌, 可能係避免向後樓梯排隊的人行去舖頭中途被其他人魚目混珠打尖, 這個安排不錯。我決定買4個cheese tart($20/個), 因為4個起有盒, 拎回家較方便, 買完再望錶22:31, 只用了12分鐘, 好快啊! 急不及待, 俾完錢就即刻試! 一口咬下芝士撻面係凝結的, 但入面係流動的芝士漿, 有淡淡的芝士味帶少少酸, 撻底非常脆, 味道和口感像厚身的蛋糕味的雪糕脆筒!! 不過不是我想像中新鮮出爐的熱辣辣! 只係微暖!隔了約2小時, 我再吃了一個, 在室溫下, 流心沒有了, 芝士漿凝結了, 好像芝士蛋糕的口感, 口感變了但味道是一樣的, 撻底仲係脆! 只試了2種食法, 其實還可以雪凍食或者焗番熱食。下次再買到, 就可試埋另外2個食法!

對半熟芝士撻並没强烈的渴求，只是三番四次路過Sogo，人龍總了圍了超市一圈，看到這等人氣，相信它總有其過人之處吧!當熱潮漸退，便是我嘗新的時候了。這天路過，那長長的人龍......消失了?人棄我取，才不過短短的十五分鐘，但對我來説已不簡單，如能免排那就更好了。BAKE CHEESE TART是來自北海道的，不算是No.1，可是經杜如風一推，也是夠話題性的了。 雖説對芝士撻興趣不大，可是卻偏愛來自北海道的甜點，特別是濃厚的芝士蛋糕，不知這芝士撻會否同樣令人驚艷?選了六個装($110)，那黃盒子設計不錯，定位效果好，拿回公司分享時，芝士撻是完整無缺的。晚上先試吃一個，以焗爐翻熱5-10分鐘，把芝士撻弄至微暖的，牛油撻皮脆身之餘不會太油膩，薄薄的口感不錯。 忌廉芝士不是拉絲的一種，是既像慕絲又像泡沫的輕盈質感。那芝士香味道複雜，隱隠渗出乳酪酸香，大大減低膩感，果真是特別。最引人的部分是面層烤得焦香的忌廉芝士，最能發揮芝香的極致。只可惜在這六個芝士撻當中，只有一、兩個烤焗至這理想狀態......那，這芝士撻美味嗎? 其實味道確是不錯，可是卻未能完全俘虜我。 那內餡像陣風轉瞬即散，感覺虛幻，個人

今日朋友放假，行開崇光，見呢間芝士撻人龍都唔算長，好有義氣咁排咗半小時，兩個人兩打蛋撻益街坊！（感動到爆）我有幸分到一個，帶回家比肥髀一人一半！ cheese cake半熟芝士撻：只有一個紙托，凍咗食都好香滑！滿咀芝士味！中央芝士漿雖然已經少許凝固了！但依然幾滑！曲奇撻皮香脆！味道唔錯！如果唔使排好耐都值得食多次！

好友特意放工後買芝士撻給我們作甜品。排了45min，每人最多買一打，那當然要買足一打食個夠la~芝士餡濃厚郁香、咸咸地，很creamy。撻皮㥤香脆、帶點甜味，剛好中和芝士餡的咸味。難怪人龍不絕~閒時食個來獎勵自己也不錯，係貴咗少少囉~

雖然sogo減價多人到爆，但係cheese tart反而唔算太多人排隊。下午16:10去到，隊尾去到後樓梯第二層，但移動速度好快，16:30已經買完，成個過程只係用咗20分鐘，比想像中快！半熟芝士撻 ($20)非常欣賞呢度嘅半熟芝士，芝士香濃軟滑帶微酸，餅底無半熟工房咁鬆化，但係都幾香牛油味，連平時唔好甜品，唔好芝士嘅爸爸都大讚味道唔錯，加上排隊時間唔長，絕對可以encore!

瘋魔一時的芝士撻、終於靜下來了。途經崇光超市、見人龍只有數人、不須五分鐘己買到了。心理上好滿足！終於潮聖了！又可上載相片握Like了！食法大致四種：　Today、Cold、Iced、Hot我當然要試Today啦、新鮮出爐、相信最美味。餅底果然鬆脆、芝士味道不是太濃烈、慢慢嘴嚼下、芝味開始散發、不錯呀！只可惜略甜、只個人意見吧了。 

Bake 已經進註香港一段時間~~但熱潮一直未散~~繁忙時間排隊2、3小時實屬正常~~小妹無耐性係超市內排隊...只好每次經過都望梅止渴~~今晚有好心人幫手~~  半熟流心芝士撻終於在我手 依~~ 點解溫度只係微暖？！ 不過唔理啦，日思夜想的芝士撻~~ 我黎啦 入口味道唔算好濃芝士味~~個人感覺偏向少少乳酪~~正正唔算太濃味，食多2啖都唔膩~~小小一個，絕對唔夠喉~~ 個流心狀況真係好驚人下~~有圖有真相，大家望下幾吸引~~~ P.S：餅底曲奇比較硬~~  如果再蘇脆就更好雖然溫度微暖方便即買即食~ 但如果係微熱，會更加令人慾擺不能

BAKE半熟芝士撻 hkd20/1排左2.5個鐘，就係為左呢12嚿BAKE芝士撻我同朋友各自咬左個撻一啖之後，我地先對望後尖叫半熟芝士餡只要大力往中間擠，已經可以有如此效果，非常流心！不過經雪藏後一咬下去便皮餡分離...所以建議即時食喇！絕對令人回味無窮!

今天放工沒事做，便決定去排隊買半熟芝士撻一食。聽聞已久的半熟芝士撻，此店為最好味，其他競爭對手也出了綠茶味，所以真的要快來一試這龍頭之一的半熟芝士撻味道如何。可能人潮已過，排隊只需要10分鐘便能買下芝士撻，賣相吸引味道也不錯，但真的沒有相像中那麼好味，究竟是否以這種半熟芝士撻的口感和味道，才是最正宗的半熟芝士撻?***********************今天放工，是要前來買半熟芝士撻來試，試了幾間不同的餅店所出，就是沒有吃下聞名已久的龍頭之一的半熟芝士撻，所以排隊多久都要買來一試。習以為常，排隊買半熟芝士撻，是需要在Sogo 超巿入口，跟著指示牌，往樓梯位排隊，來到人不算多。等了8分鐘，終於有牌到手了，在排隊是為了等牌仔，有牌仔才可以真正在店內排隊買半熟芝士撻。來到店內的窗前，放滿了很多已焗起的半熟芝士撻，但是沒有任何保暖燈照射。越走越近，終於可以影下芝士撻的賣相。想不到只是排了15分鐘，終於買了一個來試，HKD20/個，就用紙袋放了，要買最少4個才有盒放，每人最多買4盒。半熟芝士撻從紙袋取出，有點失望，因為不熱的，其次是很細個。 再吃下一口，餅底有點硬身，完全不鬆化，半熟芝士都有

係日本勁受歡迎嘅芝士撻早前終於係sogo開咗第一間香港分店，聽講條龍就排到有咁長得咁長，仲引起咗呢個香港嘅芝士撻熱，宜家周街都有模仿佢嘅芝士撻出現。前排同男朋友去咗sogo，竟然見到條龍5太長，就心郁郁即刻走去排啦。都等咗二十分鐘大概，店員會派張飛比你埋到去先再講要幾多件。 *每人最多買一打我地呢啲貪下過癮嘅就買咗兩件一人一件試下佢咩料子咁猛先！ 一拎出嚟，外表金黃色，焗到脹卜卜，點知原來係5熱嘅+_+。5緊要，芝士怪最在意佢芝5芝士姐，一咬落去，裏面好似爆汁咁成口都係芝士涵。佢係比較甜的，味道似芝士蛋糕同乳酪味。男朋友話以為係拉絲芝士個種lol。 *估5到嘅係，個餠底好實正，好香牛油味，我5中意食餅底都覺得整得5錯。總括而言呢，的確係有令人排隊一試嘅道理，不過一次就夠了呢啲新鮮野，如果5洗排嘅我一定會再食xd

勁開心囉, 今朝去開銅鑼灣工作, 試試朝早未夠11點去SOGO超市間芝士撻碰運氣, 雖然人龍依然, 但人數係數得出既10個, 大約等了20分鐘便輪到我啦, 難得排到更係買多啲, 買夠8個啦  但排我前面兩母女只買兩個.....較浪費機會囉.  接近終點時一盤盤金黃色既芝士撻已大聲呼喚我啦, 我都回應佢哋一句:"你哋脹卜卜好吸引呀"長條型紙盒好輕盈容易外帶.日本人設計真的很細心, 每盒可放6個, 有隔間, 每格之間還有卡紙固定以防弄爛, 卡紙位還有開口供疏散熱保持撻皮脆身. 每個撻面都脹卜卜, 餡沒有離皮 (坊間大多芝士撻都做不到這效果), 金黃色的薄衣黏著我上唇, 好像葡撻的焦糖衣.  芝士餡滑溜衝入我口, 雖芝士味淡, 奶味較重, 好似鮮奶撻, 但滑溜程度令我喜歡.  撻皮厚度每個都很均勻, 脆中帶鬆化, 不似曲奇皮般實.  從這食法指引感受到日本人既認真, 分別試了3種食法: Today 出爐即食, 尤如我上面所說的美味; Cold從雪櫃取出即食, 變了軟身芝士蛋糕質地, 撻皮雖無新鮮的鬆化, 但仍帶脆; Hot用焗爐reheat, 和新鮮食的相約, 只是撻皮爭少少.