BAKE Cheese Tart (已搬遷) 新店位置

Sogo thankful week，血併護膚產品之餘，當然要去supermarket 買野食la~ 去得supermarket，當然要食埋杜如風/科都讚既芝士撻la~ 由拎籌、排隊、俾錢到拎到個撻，大概30分鐘到，可以接受la~ 一大盤一大盤新鮮出爐芝士撻喺面前，睇見到開心！買左3個，但中間果粒歪左，唔夠靚仔...味道:日本人推介係室溫食呢個撻，所以我拎到返屋企無話特登叮返熱黎食。味道基本上同喺日本食到既一樣，個皮對香港人黎講，都係甜左少少，但可以接受。芝士餡無加熱返，唔會係流心效果，半固體狀，鬆軟非常，其實日本人就係鍾意呢個texture。芝士味香濃，令人愛不惜口。總結，味道好過半熟工房，但性價比不及美心。

如果唔係早左放工，如果唔係download左韓劇，我一定唔會食到呢個芝撻。可能因為冇期望，所以覺得呢個$20既撻好好食。撻撻不斷新鮮出爐，卒之忍唔住買左七個($110/6個; $20/1個)，即場食左一個。嘩，個撻暖暖地，個心就流流地，個皮就脆脆地，仲要好香。☺️☺️☺️攞左半打返屋企，雖然比即場食稍為遜色，但屋企人都讚不絶口！掂！仲俾母親大人賞賜我翌日再買！！！😳😳(玩我咩？？！)

曲奇撻底好脆, 比起半熟工房薄d硬d, 牛油味同樣咁濃。芝士餡好軟滑, 芝士味好香醇好濃郁, 令人十分回味, 帶少許酸味, 平衡了芝士的膩濟, 但不會過酸, 比半熟工房做得好!!!

終於食到想試好耐既bake cheese tart!!早左放工 就搏一搏 走黎排cheese tart好好彩 星期二晏晝五點去到 淨係排左20min芝士撻$20一件 半打$110咁難得排到 當然係買一打返去俾埋屋企人試我即刻趁熱食左一件 芝士味濃過尖沙咀個間半熟工坊 曲奇皮撻邊做得脆 略嫌芝士filling有d少食淨個d拎左返屋企雪 凍食好似食緊芝士蛋糕咁 襟食d lol總括而言 如果唔使排咁耐隊 都值得一試

雖然d相影落好似我冇買，經過影一張咁！但係......其實我係開左冇耐就去排隊買，買成個幾兩個鐘，真心覺得自己痴左線！不過一切都值得架！個陣咁岩做緊買5送1，即刻買左12個同朋友分享分享！漲卜卜既芝士撻，濃濃既芝士味，食左熱，暖同凍三個！熱食，味道更濃；凍食，有d似mouse😍😍

今天跟女人經過Sogo, 佢堅持去睇下最近出名的芝士蛋tart, 心想要排成個鐘，唔好啦掛。 點知又岀奇的好彩，只等了15 分鐘便買到。蛋tart 䁔暖的，外皮似cookie 餅，而芝士亦香滑配上雞蛋，果然幾夾，不過價錢似乎貴了點，而且又要排隊，所以試過便算。

流心芝士撻 ($20/1 $110/6 每人只限12件)終於食左啦 趁著個空檔和朋友決心去排芝士撻芝士撻如常地早早焗好後一大堆攤在展示櫃中😕雖然即食 但芝士撻的温度僅僅微暖而放涼不少曲奇撻底香脆不硬 沒牛油酥皮油膩和漏的感覺芝士餡表面金黃內裏淡淡的米黃色 輕身不多餡濃濃的鹹香味 感覺像輕盈的泡沫一樣唔太頂胃冇預期中咁流心喎 可能係未食之前太大期望啦和想像中的綿密不一樣 倒是像泡沫般入口即化😮細細個要排隊又不算便宜 老實說係有少少失望幾啖就吞噬完畢 我諗要過多排先有動力食多次

昨日去SOGO 見到出名芝士流心攤，見到不太多人( 30 人) ， 排了廿分鐘便買到了。HKD 20 元一個其實都幾貴， ( 件攤 細過件蛋攤 )， 不過見少人排就買個試下先。食後感　：中間的餡似半熟蛋糕， 芝士味不太濃,，牛奶味反而濃些， 不會過份甜 (通常日式甜品都是超甜的）；　我最欣賞反而是餅底，，我發覺很多其他的批或攤, 當個底是陪襯品, 唔係易碎,就是比個餡整腍, 一係當個底是碗，就是味道久佳預你唔食咁； 這個批底，曲奇批底，但是不是易碎的底，本身已經好好食， 甜得來又有少少牛油味，如果連餡食，又唔會搶左餡的味道，正！！！唯一的缸點：食一個夠， 有些滯， 下午荼食左佢, 當晚可以食唔落晚餐。另外又店主提供不同的食法，我把一個放入冰箱， 試下凍食是不是似芝士雪糕?定蛋糕? 下次話俾大家知食後感!

這幾天sogo做周年大優惠，逛完便去底層超市行行。行過Bake,見到仍有很多芝士撻，立即排隊。排的時間比我想像中短，約半小時。很快便買到芝士撻。一口咬落去，oh no,凍冰冰的，微熱都沒有。芝士餡也不澎湃，沒有流出來。芝士餡比想像中少很多味道不是不好，是期望過高，一心以為會撻在口中流。傳說中最好味的芝士撻！？Oh,我覺得美心出品的比這個更好味，價格也是比較親民點。難怪，晚上9點也有大量存貨。

朋友今日唔使返工，特地去買呢個名物! 之前已經聽講要排隊排最少1個鐘先買到，本來希望平日會少人排啲，點知都要排成半個鐘。芝士撻熱潮真係好厲害！朋友一次買左半打 $110/6。打開個盒嘅時候，陣焗撻香氣已經急不及待湧出黎！每個芝士撻都焗至金黃色，仲漲卜卜咁，令人好有衝動將佢地食曬落肚！我地食嘅時候佢已經唔係熱辣辣啦，變左室溫，我地又懶得叮/焗熱佢，所以就咁室溫食。雖然唔係熱食，但個心係無凝固架，當然唔會好似心太軟咁流曬心，但仲會係半融狀態，好似滑滑布甸咁嘅。芝士味非常濃郁！撻皮好香牛油味亦似係牛油曲奇咁鬆脆。正！下次可以試試熱辣辣咁食或者雪凍食。

經過幾次都睇到好多人排隊，很想試試但是耐心不夠，沒想到老公特地去排隊買給我食，好感動，呵呵還是說回味道，軟心芝士餡料由三種芝士配搭而成，當中包括北海道函館產輕味芝士、別海產濃味芝士及法國產鹽味忌廉芝士，一出爐香到隔幾條街都聞到。撻皮方面就牛油曲奇餅底，芝士內餡既軟綿又濃郁，似慕絲又似泡沫，半流心狀態無得輸。餅底鬆脆香口，牛油味都幾濃，正！

今晚食完飯，9點左右經過Sogo本來只係諗住借廁所，見到Bake竟然仲可以排隊買撻，人龍唔算好長，咁梗係搏一搏啦。排左接近一個鐘，買到了。不過我後面大約排左十個人之後就截龍。 芝士撻一個$20，六個$110，我買左六個。最佳食法當然即買即食（只係微暖），佢的撻皮比美心的硬少少，但牛油味香好多，芝士餡唔係流心，而係呈凝固蛋白的質感，帶微酸，果然係芝士撻之王。唔係即食的話，佢建議放入雪櫃，放入普通格的話芝士餡會凝固，放入冰箱就有雪糕質感（佢聲稱），想熱食就要用焗爐加熱，睇下自己鍾意邊樣啦。值得去指數：

上班中途，同事外賣給我們食，同事說排了35分鐘左右，由銅鑼灣送到灣仔，都慢慢變凍了。不知是否凍了，皮會硬了，但反而變得更脆。由於凍了關係，芝士沒有流出來，但一樣軟林林，芝士味很濃郁，但一點都沒有太膩。吃完一個，不禁想多吃一個！不過價錢比其他貴，但也值得。過幾天經過想自己排，可惜眼見太多人，應該要排一個鐘左右，所以放棄了，還是等熱潮過了比較好。

行經銅鑼灣sogo，遠遠已經被香濃芝士味吸引，見到長長既人龍，就知道好野就喺前面，等待一個小時，終於都可以買到bake 既半熟芝士撻，脆脆既外皮配上濃郁芝士香味以及軟滑既蛋，超正，絕對值得一試~~~

傳說中香港最好食既芝士撻：Cheese Tart $20each, $110/6 😍排左半個鐘真係冇錯架😭 初頭落到sogo以為唔會咁多人啦 話晒到八點半 點知都唔少！但絕對值得 為左避開高峰期既人潮 由新出到宜家真係等左好耐😣終於食到啦～芝士味好香 少少帶乳酪既酸 但又好似芝士蛋糕既香🙆 重點係岩岩買番黎常溫食 係流心😎 個撻皮都好香好脆～$20雖然的確唔平呀 我決定遲d再去食其它店舖既芝士撻😛 食晒可能都係好似其它foodie咁講 都係日本呢隻 #bakecheesetart 最好食😆 仲未食過既芝士迷快d去排隊買啦👻除左買完即刻常溫食 番到屋企可以選擇用焗爐 冇既話微波爐一樣得！翻熱仲美味😍😍 或者可以雪凍距當芝士蛋糕 又或者冰凍距當雪糕架