BAKE Cheese Tart (已搬遷) 新店位置

人有三急，路經崇光，一心想著借茅廁解決。經過地庫，解決後正想離開之際，被一陣濃烈芝士味吸引了。本人一向並不會羊群心理，但心想既然到此一遊，怎可以空手而回？！排了一小時多，心裡的四字經不停諗著，終於到屬於我的時光了。一個字：好好食！芝士愛好者必愛，不愛芝士者也要一試，唔溜，唔太甜，tart皮夠堅挺。事後感：排隊也是一值。去崇光不試會後悔呢。

一直都知道哩間嘢要排好耐。通常都排到打哂蛇餅，到少都要九個字到一個鐘。真係唔會排！今日咁啱係sogo thankful week就諗住碰碰運氣！點知。。。。。。條隊真係短到痴線！！！！我只係排咗10分鐘，就俾埋錢攞住走。當然即時叫姐姐俾一個我當場食啦！即時食其實個tart唔係好熱㗎喇，但都總有啲餘溫。個crust真心好味。好crispy同埋個餅醬真係做得好。甜到悉中。cheese亦係半溶，甜道啱啱好。好有cheese味！所以我終於明白點解啲人要排咁耐，真心覺得係好食！推薦！

日本吹到香港芝士撻終於食到啦！放工見排隊人龍不太長又等朋友放工就排下隊啦。在玻璃櫃內看到一盤又一盤熱辣辣新鮮出爐的芝士撻真的何其吸引呢?排了50分鐘後終於到我，每人只限買12個！一盒送俾朋友一盒留給家人分享。微熱中的芝士撻北海道芝士慢慢溶下來極度creamy(:真的不錯，連屋企人都話好好味👍夜晚還有四個放在雪櫃冷藏中，今朝在焗爐烤焗數分鐘後超熱辣辣還滲透出濃郁的芝士味道。皮繼續脆口，真的令人一食想再食的感覺。

今日決定去湊下熱鬧，試下最近好hit的芝士撻排左成40分鐘，終於排到。一撻係手，先知，吾熱的... 當然就無左香噴噴的芝士飄香啦但好彩芝士餡OK，真係creamy半融的芝士，咸咸地，帶點酸酸甜甜的味道，NICE！BTW 我覺得BAKE 需要改善下賣撻的效率！如果可以快手pack tart、快手收錢，其實大家根本吾需要排甘耐！排到撻都涷晒

想買好耐,但每次見到長長嘅人龍,都會同自己講下次少人先買,對於無耐性排隊嘅我,絕對係挑戰。熱潮開始降溫,見人唔多即刻排,排左十分鐘就買到😄($110半打)一個個金黃色,真係好吸引 。 店舖很貼心,有張卡寫左幾款食法 。我當然試左室溫先 ,芝士味香濃,很滑,蛋撻皮就硬左D唔夠鬆叮熱 ,芝士太軟,唔夠口感。食完兩個好飽肚,午飯都食唔到。味道就真係幾好,但就真係偏貴,加上要排隊,覺得唔係好抵。

電視旅遊節目裡出現過的芝士撻首間海外分店於銅鑼灣著陸，有心人排了一個多小時隊才買到。一盒六個$110，單買每個$20。芝士撻都是原個由日本北海道直送，芝士撻裏面的墓絲由三種芝士合成: 北海道函館產輕味芝士、法國產鹽味忌廉芝士和別海產濃味芝士，咬下去即時流出忌廉狀的濃厚而半融芝士餡，質感半流心，超級軟滑，配上超脆的曲奇餅底，加熱後香噴噴，令人口水直流。有同事外出工作，需把芝士撻放在雪櫃冰箱內雪藏，會有不一樣的口感質地，好像雪糕一般，另類食法同樣吸引。難怪店子獨孤一味賣芝士撻亦其門如市，吃後真的使人大愛芝味！

早前食過城中另一有名半熟芝士撻，以為大家都應該係差唔多水平，點知食完呢個之後，發現原來係兩種完全唔同既路線！今次托別人既鴻福，試到一個室溫下既芝士撻。聽講平日下午都排左一個鐘先買到。其實撻就整左係度，好似唔多夠人手入盒去疏散人龍，有機會係一種 marketing 手段… 但點都好，每次行過人龍幾長都有人排。Bake 既芝士撻賣相得意，中間芝士少少漲起左好似日式年糕咁，撻邊較厚。一咬，嘩！撻邊香脆，而芝士味道豐富又有層次。三種來自北海道同法國既芝士，直接衝擊我既味蕾，原以為簡撲既芝士味分裂出唔同感覺，少少鹹味帶住微酸既食後感覺，加上回甘既芝士香實在令人欲拒還迎，口水自然地加強分泌，另人想一試再試。食完口中唔會覺得膩，而且芝士味仲徘徊左一陣子。Bake Cheese Tart 亦都貼心地準備好一張卡，教大家可以用咩唔同既方法品嚐佢地既芝士撻。

最近芝士撻大熱，特別係呢間，我每次假日經過都話要排成三粒鐘先買到，又或者好多時一早售罄。今次難得屋企人星期二放假，見人比較少，排九個字左右就得，所以就買咗番嚟分享。夜晚我放咗工先試到，所以都擺咗好幾個鐘。不過根據指引，都係可以唔駛翻熱咁食，所以就懶得拎去叮。滿心期待咁一口咬落去，芝士果然夠幼滑！感覺好似食緊cream cheesecake。不過唔知係咪無叮熱嘅緣故，所以芝士味並唔突出。只係較為享受佢嘅芝士質地多於淡淡嘅芝士味。屋企人見我話芝士味一般，就試下叮一叮佢。結果，半融嘅芝士果然味道較為突出！但都係無預期中咁濃郁嘅芝士味。總括而言，芝士質地幼滑，但芝士味未夠濃。雖算得上係一般嘅美味，但似乎名氣過大，令人期望過高，真係覺得唔值得排咁耐隊去買幾粒芝士撻。

是夜應邀到友人家中吃火鍋，飽餐一頓後主人家竟然私藏近期炙手可熱的流心芝士撻，凡人欲購此撻動輒要排個一兩句鐘，如今這個不排而獲真是今人感激流涕。用焗爐番熱後香氣四溢，拿在掌心微微燙手，這溫度我相信比現食效果更佳。一口咬下，先是感受到流心的滑，接著被濃濃的芝士味淹沒，以三種芝士雜交而成果然不同凡享。餅底那介乎傳統酥油皮與曲奇餅之間的口感感覺新奇。不用排隊的話，可以再吃。

星期六朝早十一點排，近個半鐘先到我，輪候時間太長，店員手腳太慢，本身兩分鐘搞掂嘅購買時間竟然拖長到五分鐘😂😂撻終於到手！的確係有陣陣濃郁的芝士香，但一拎上手，室溫？！咬一口，芝士慢慢流出，整個口腔充滿芝士味，但再品嚐，覺得酸味稍重，有點兒似乳酪嘅酸。餅皮脆中帶硬，比蛋撻的曲奇皮要脆，幸好不會太散，質感厚實，甜度正好中和芝士餡嘅酸。我本身唔係芝士控，所以整體俾7/10。如果芝士撻可以係暖心或者係熱的話就更好，可惜日本原裝都係凍心......總括而言，呢個日本人氣芝士撻係唔值咁長嘅排隊時間㗎！

今晚到朋友家作客，主人家熱情招待，唔單只買好餸，煮好飯，更加買了呢期hit爆嘅日式芝士撻做甜品作結。由於芝士撻已放涼，用焗爐翻熱再吃，聞到陣陣芝士香時熱度剛好。撻皮香脆， 充滿牛油香味。一咬落口，已經有香濃cream cheese味。個人認為此撻係New York cheesecake變奏版，味道相似， 略酸微甜 ，但有流心效果。今次不勞而獲，都能夠食到咁好味嘅甜品，真係萬分感動。聽聞此店平均要排45分鐘先可以買到。如果大家有心排，一定一定要買夠一打，返屋企益吓屋企人同朋友都好。

最近極為流行，在銅鑼灣Sogo地庫經常出現長長的人龍~這就是日本極為大熱的「 BAKE 」(ÒㅅÓ) 謝謝朋友幫忙購買呢~終於可以一嚐為何能如此熱賣的芝士撻如果要盒的話，好像要一次購買六個才有。盒子是長身的款式，還以為會是平時蛋撻盒的正方形呢簡單的設計配上黃色倒是很醒目嘛~老遠也能注意到這家的紙袋！！拿到回家才吃，因為由熱變冷的關係~芝士撻完全走樣了 (T⌓T)只剩下一個外表正常的。相比起酥皮，我更喜歡牛油曲奇餅底！！一打開盒子已經有陣陣的芝士味飄來，但在吃前我一直以為是甜的原來中間的軟心芝士部份是由三種芝士混合而成 - 輕味芝士、濃味芝士和鹽味忌廉芝士怪不得有淡淡的鹹味~反倒這樣更令人喜愛嘛平時會擔心芝士會太膩，但這餡完全推翻了這個想法 （・∀・）而且口感極之幼滑，一次吃兩個大概也不會有問題吧袋中附有芝士撻的存放和食用方法 (♥ω♥*)如果即日吃不完，記得放進雪櫃。我覺得除了整體更有實在感外，味道一樣。但若不喜歡的，可以放進焗爐翻熱$110/6個，每人最多可買12個~若單個的價格則是$20朋友大約等1小時就買到了

是朋友送的給我吃的！晚上沒事後朋友從銅鑼灣回來說帶了一個好厲害的Cheese tart，一共買了，臨走前留了一個給我，說是冰在冰箱更好吃。不過看到以後就已經受不了了所以馬上吃掉，真的是超～級～好～吃～～，裡面的Cheese會流出來，但吃完一個又不會膩，皮雖然放了兩個多小時了也還是很酥，20元一個還行！！！下次去銅鑼灣一定要自己買！

今日突然之間有tea食…就係呢間久仰大名既cheese tart...原來朋友特意過海排隊買回來…簡直係環島遊左一個圈…耗用左一個早上既時間…真的有點過意不去…慶幸呢款cheese tart可以有雙重食法…熱食同凍食都完全無難度…各有風味…唔係就浪費左朋友一番心意啦…據聞廚師先用牛油曲奇燒脆餅底…再加芝士慕絲燒…最後再加旦漿烤熱…而芝士係由3款味道混合而成…包括北海道函館輕味芝士、別海濃味芝士、法國鹽味忌廉芝士…呢種2重燒法3種芝士…外皮鬆脆…內裡軟滑…有點像布丁…有香濃既奶味芝士味…實在好味到不得了…芝士迷又點能夠放過呢…排隊等還是值得的……感謝朋友的辛勞！！

知道銅鑼灣Sogo開了一間新的芝士撻店，便前往嘗試！一見人龍，長到要轉彎再轉彎！一場來到都唯有照等一下吧，竟然要排了近一個鐘，媽的！先說他們的銷售手法，其實是以極慢的包裝速度然後去堆積長長的人龍去製造人氣，芝士撻就已經製好，然後再慢慢上枱、再慢慢問客人要幾多個、再慢慢入盒，總之一個字就是慢！稍為用正常速度去處理的話，其實十分鐘內可以排完隊付錢離開！再說味道，可能已經從焗爐拿出，放上枱一個小時吧，根本已經不熱，連微暖都談不上，很令人失望，連普通麵包店的蛋撻也不如，起碼人家還會放在焗蓋內保持溫度味道只是普通的芝士再加點點酸酸的檸檬味，口感就像是吃一個檸檬味的cheese cake吧！廿元一個恕我不會欣賞，還是拿去麵包店買半打新鮮出爐、熱辣辣的蛋撻比較化算！