影片
港鐵中環站 D1 出口, 步行約5分鐘
繼續閱讀
電話號碼
26639938
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:30
以上資料只供參考, 請與餐廳確認詳情
有關獎賞計劃
為左慶祝生日特別日子，book咗法國餐廳A Lux，環境氣氛好，餐廳仲好有心係餐枱做真花瓣佈置，好靚靚食得更開心。週年慶特別優惠，午市，晚市全單有八折。餐前的麵包籃，芝士脆片、Sour Dough等沾上橄欖油與黑醋，提升了麵包口感及層次，芝士片及法包各有特色。三文魚軟心芝士伴魚子醬，用上了矜貴嘅魚子醬，為前菜做點綴，忌廉芝士香口好食。龍蝦濃湯配龍蝦意大利雲吞職員先放上龍蝦雲吞，龍蝦湯就放在茶壺中再徐徐倒入。龍蝦濃湯鮮美濃郁，配上手工製作的龍蝦意大利雲吞，口感豐富。即磨新鮮黑松露帕瑪森起司意粉，廚師會成架車餐車推過來用火槍燒溶芝士表層，再用意粉的熱力把芝士沾上意粉，最後即場刨黑松露片，視覺效果100分，香氣十足芝士味濃，有陣陣的酒香。蒜香豬肉腸捲捲意粉捲捲意粉非常彈牙，配上微辣嘅醬汁同埋惹味嘅豬肉腸、蘆筍，好惹味好食。主菜係USDA Ribeye選了五成熟，有兩件厚切的，油脂不會太膩內裏保持著肉汁鮮嫩，帶濃濃肉香Petit Four有馬卡龍、馬德蓮、軟心朱古力等等。朱古力軟心而且不太甜，馬克龍是清新檸檬味道，馬德蓮香甜鬆軟。甜品tiramisu中間濕潤帶微微香的酒味，而且不太甜另一甜品真係世界級，威士忌百利酒忌廉朱古力棒，係雪卡造型嘅甜品，外層係朱古力蛋糕包裹住浸過威士忌、百利酒忌廉，頭尾沾上朱古力碎。做左煙燻效果，儀式感滿滿。
繼續閱讀
2025年3月19日 星期三今晚係我同老婆相識超過3000天，當然要book返一間相應高質素嘅餐廳作為紀念呢間餐廳一去到嘅時候就見到張餐枱已經佈置好晒，上面灑滿咗玫瑰花瓣，非常浪漫餐牌有dinner set Menu，有齊晒前菜、餐湯、意粉、主菜同甜品，十分豐富，依家點四道菜或者五道菜都有10%折扣優惠，而tasting menu就有20%折扣如果週末黎食brunch，頭盤同主菜，包括燒肉眼都係無限refill添由於各項類別都有兩款食品提供，所以我哋每人叫一樣可以share嚟食等左一陣前菜就送上，係鯷魚蕃茄莎莎麵包，個魚同蕃茄莎莎酸酸地幾清新同開胃，連下面既麵包都脆卜卜，夠鬆脆之後餐湯就送到，店員用咗成個壺裝住個湯，上碟嘅時候先慢慢倒出嚟，用嚟打卡就啱晒，十分精緻，個湯係餐廳嘅signature，干邑龍蝦湯，裏面有龍蝦肉造成嘅雲吞，所以每一啖都食到濃郁嘅龍蝦味，一啲都唔稀，舊雲吞真係食到啖啖龍蝦肉呢個係炸蟹餅拼炸軟殼蟹，配有蜜糖芥末醬，炸得好香脆，炸漿一啲都唔厚，而且食落去唔算好油膩，蟹餅入面好creamy，味道配合得好好跟住有意粉，師傅放咗意粉落去有24個月嘅巴馬臣芝士撈勻，然後上面再灑滿大量嘅黑松露，冇諗過黑松露會鋪滿晒成個意粉，而且仲要係大大塊嘅黑松露，非常香口，鍾意黑松露嘅人士一定要試吓，因為食完之後真係成個口都仲有黑松露味，再加埋巴馬臣芝士嘅香，兩者配合得好好另一款意粉就係牛面頰意大利闊面，個面整得彈牙又有咬口，而且好掛汁，牛肉都整得好腍，加埋火箭菜一齊食，味道好平衡主菜方面有味噌海鱸魚配薯蓉，魚肉有咬口而且醬汁幾惹味，加上唔會煮到過熟，配埋薯蓉一齊食，味道更加豐富至於另一款主菜就係USDA Ribeye，生熟程度啱啱好，好容易就切得開，完全冇血水流出嚟，裏面既顏色係粉嫩，食落去充滿濃郁嘅牛肉味最後甜品方面有用栗子做嘅Tiramisu，口感非常幼滑，酒味唔算太濃，咖啡味幾突出，而且仲食到栗子味添，加埋朱古力一齊食就啱啱好另一款甜品就係芝士拼盤，除咗有各款唔同嘅芝士之外，仲有朱古力同馬卡龍等甜品，餐廳仲有提供唔同嘅乾果用嚟配芝士一齊食，亦可以清一清味蕾埋單嘅時候餐廳話飲品做緊優惠，飲品有九折，而且如果open rice訂位既話仲可以有全單八折優惠，咁下次再嚟嘅時候就知道應該要首先去OpenRice訂位
繼續閱讀
餐廳的環境優雅舒適，精緻的裝潢搭配柔和的燈光，讓人感受到放鬆而高級格調的氛圍。精心設計的酒櫃擺放着各式各樣的酒品，Lunch Menu幾抵食，4 course set有Appetizer + Soup + Pasta + Main + Dessert ，Lunch仲有無酒精特色飲品同優惠Wine pairing🥂🍷✨麵包拼盤有各式各樣的手工麵包新鮮出爐，外皮酥脆，內裡柔軟。搭配自製的香醋同橄欖油好開胃🍞✨ 水牛芝士沙律🥗新鮮的沙律菜搭配香口的水牛芝士味道配搭得宜，充滿了地中海的風情✨Lobster Bisque, Lobster Ravioli 🦞餐廳的招牌龍蝦湯。湯底濃郁而口感滑順，充滿了海鮮的鮮香。每一口都能感受到龍蝦的鮮美。湯裡有意大利雲吞入面包住龍蝦蝦肉，這樣龍蝦二食令到味道口感更豐富，湯中還添加了少許香草和香料，提升了整體的風味，讓人回味無窮✨Spaghetti, Crab Meat, Tomato, Sichuan Peppercorn🍝蟹肉意粉配四川dressing，蟹肉份量好多，上面再加少少辣粉味道非常有驚喜，少少微辣帶出香味，朋友本身不吃辣都非常喜歡這道意粉✨USDA Ribeye🥩牛排肉質鮮嫩多汁，帶有豐富的油花，風味濃郁。Ribeye經過精心調味，肉質烹調得剛剛好，保留肉汁和風味搭配的配菜如薯菜或烤蔬菜，增添了口感的層次感✨Tiramisu餐廳的Tiramisu版本造型特別，濃郁的芝士和可可粉層疊而成，口感柔滑，香氣撲鼻。每一口都帶來了咖啡的苦與奶酪的甜
繼續閱讀
老公生日，專登想比個surprise佢，book 左呢間旺中靜嘅餐廳。經過陽光下的特色樓梯，便去到有藝術氣息的A lux. 座位寬闊，牆身掛上幾幅藝術畫，有簡單介紹，可以一邊進餐一邊欣賞。選擇了一個4 course menu, 包括麵包、前菜、意粉、主菜和甜品。❤️三款麵包焗得香脆可口，亦都不會過分乾身。配上橄欖油和黑醋，打開味蕾。❤️Burrata Cheese, Cherry Tomato, Pine Nut, Pesto呢款芝士口感似炒蛋，又有一點似芝士醬的感覺可以混合沙律菜一起吃，雖然芝士味不太濃，但係奶味很香，配合青醬層次感豐富又能減膩感、小蕃茄亦非常甜。❤️Hokkaido Scallops, Crab Meat Mashed Potato, Seafood Foam (Additional $88)北海道帶子很大粒，煎得很香，沒有腥味。配上有蟹肉底的薯蓉醬和海鮮泡沫，賣相很特別和鮮味。❤️Pasta Orecchiette, Chicken Ragout, Parmesan Cheese 貓耳朵粉配上慢煮雞肉碎，每啖都充滿濃厚的雞肉味和芝士味。貓耳朵的口感非常有咬口，厚薄適中，應該是手工意粉。🍝。❤️Slow Cooked Pork Chop, Sweet Potato,這是我在香港吃過最好味的慢煮豬扒，首先他表面煎得很焦香一點也不乾，非常有肉汁，脂肪味重，配上意大利香草汁，非常濃厚。平時配菜是甜薯條，現在是甜薯蓉，特別之餘更有緩解油膩咁嘅感覺。❤️甜品是tiramisu, 面頭有數塊朱古力碎片，配上濕潤的tiramisu, 很配合。整體不會過甜咖啡味和酒味都濃郁和恰到好處，配上花茶畫上完美句號。
繼續閱讀
一年總有幾個特別日子，想搵間特別嘅餐廳慶祝一下餐廳位於中環打卡熱點煤氣街燈石樓梯傍，位置方便店內位置非常寬闊，裝修有格調，再配埋牆身多幅色彩的油畫餐廳散發著藝術氣氛，環境浪漫有情調食物方面 :- Amuse Bouche - 法式精緻小點喺鵝肝醬蘋果蓉多士及餐前麵包籃，有法式軟包，榖麥包及脆芝士片，配上黑醋橄欖油，非常好嘅餐前小食- Appetizer -布拉塔芝士配上車厘茄、無花果及合桃醋，酸甜開胃又唔太油膩- Soup -Lobster Bisque Tortellini : 店員即場將龍蝦湯倒入碟子，儀式感滿滿，龍蝦湯味道鮮甜濃郁，再配上有龍蝦肉嘅意大利雲吞，每一啖都充滿龍蝦味- Pasta -Spaghetti 24 Months Parmesan Cheese Black Truffle : 廚師會即席現煮，充滿儀式感，巨大嘅芝士用火槍溶化，再配上黑松露醬及即磨新鮮黑松露片，香氣十足，意粉掛汁力強吸曬黑松露的味道，真係令人回味嘅意粉Pappardelle Beef Cheek Ragout Rocket : 牛面頰炆得軟淋入味，加上火箭菜增加口感，寬帶麵夠曬煙韌 - Main -Miso Toothfish Seaweed Potato Horseradish Sauce : 犬牙南極魚用味噌醃製，肉質細嫩，口感爽滑，味道極為鮮美，配上少少辣根醬，入口順滑USDA Ribeye Vegetables Shallots Jus : 肉眼煎到五成熟，色澤粉嫩，口感柔軟，配上紅蔥頭汁帶出牛肉嘅味道Dessert : 係紅豆士多啤梨大福配水信玄餅，口感軟糯煙韌，充日式嘅甜品Cheese Platter : 有布里、車打及藍芝士三款，配搭合桃及蜜桃乾，口感輕盈Petit Four : 有果仁蛋糕、松露泡芙及松露朱古力，再配埋熱咖啡、檸檬茶，為完美的一餐作總結
繼續閱讀