黑木亭居酒屋 (清風街) (已結業)

近期疫情關係，冇得去旅行，實在太掛住家鄉日本，今晚決定同老公去食餐日本菜，在天后清風街找了一間居酒屋（黑木亭居酒屋），被門口掛上的燈籠吸引，感到非常有日本地道風味。入到店內環境氣氛非常好，店員親切有禮，首先點杯飲品先，老公飲白酒，我點了一杯很可愛的凍飲，有一隻小熊冰塊打卡一流，order了一客海鮮沙律，有扇貝蟹肉蟹子，材料豐富，再點一客板燒A4和牛，油脂豐富，入口即溶，燒廣島蠔剛剛燒好就送到，一口一隻十分鮮味，再食燒白鱔，厚切皮脆肉滑，好滿足，燒羊架老公最鍾意，上碟已切好，好細心，整體非常滿意今晚的晚餐，下次再來試下燒海鮮😋

日本產和牛他他(100g) 288 凱撒海鮮沙律118蟹甲羅燒 98燒油甘魚鮫 118明太子雞肉串 38SUNTORY 68蜜桃烏龍熊茶 58.原來天后都有高質嘅居酒屋, 一入到去好有氣氛, 以熊自己去咗日本~ 坐低就梗係飲番杯先啦, 小編揀咗蜜桃烏龍熊茶, 好清甜解渴, 最特別係上面有粒熊仔樣既冰, 好可愛!日本產和牛他他真係超級推薦, 好好食! 半生熟嘅切片和牛好嫩滑，肉質飽滿， 加上蒜片同蘸汁，非常開胃。凱撒海鮮沙律好足料，差唔多啖啖都食到爽口嘅蝦肉同蟹肉，仲有帆立貝、太子等等，好豐富燒油甘魚鮫好有鮮味，燒完之後口感更係外脆內嫩，食落口感都唔會太乾，加埋檸檬汁更開胃！蟹甲羅燒真係蟹味十足, 滿滿嘅蟹膏, 加埋蟹肉蟹子同雞蛋, 連同脆脆既法包一齊食， 真係蟹季嘅一大享受明太子雞肉串好香，嫩滑雞肉加埋明太子，淨係外貌，未食已經令人垂涎三尺， 味道更係perfect池～估唔到呢度除咗氣氛好，美食仲好高質，無論好友聚會定係慶祝生日都係一流， 回頭度十足～

尋晚放工好想飲返兩杯，朋友介紹就黎左呢間勁高質既黑木亭，一入到黎就已經好有日本feel👍🏻咁黎得居酒居就當然叫返杯酒先啦🤪咁見到呢度好多燒海鮮食幾正，就叫左杯白酒襯返，好甜😋朋友唔飲酒就叫左杯蜜桃烏龍熊茶，點解係熊茶呢原來係粒冰用茶雪做一粒熊仔冰，勁cutecute🥰一路飲都keep住咁有茶味，隻味仲好有層次，好有心思值得一試👍🏻👍🏻👍🏻前菜試左凱撒海鮮沙律勁多粒蝦同帶子勁正😜明太子雞肉串燒到勁香岩岩好配埋明太子又係一流😋難得黎一次居酒屋，一於叫豪啲叫返兩隻磯煮鮑魚😆今晚仲有特價👍🏻一入口勁爽口彈牙煮得岩岩好，鮑魚勁大隻勁鮮，大推介🥰見到佢又好耐冇食既蟹甲羅燒要即刻叫，勁有日本居酒屋風味👍🏻膠下佢幾多蟹膏，真係一流😋😋😋必試🥰最後黎個燒油甘魚鉸，睇吓個表面燒到幾香，完全係脆身，但入面油脂會入口即爆晒出黎，滿口魚香，火喉完美🥰呢度師傅真係好有料👍🏻加上超靚用料，有日本食既級數！

去維園做運動前 要去天后搵嘢食天后出名多美食店當中 我就挑選黑木亭居酒屋回味家鄉的味道因為日本旅行 遙遙無期啊真係 心都痕埋黑木停裝修 仿日本的居酒屋 以木為主同時open kitchen 可以比大家 睇住師傅製作嘅我選擇坐係師傅隔離 睇住佢燒物 睇見都流晒口水 正係吞口水嘅時候 我既菜終於上嚟啦蟹將軍薯仔沙律賣相非常吸引薯仔一半壓蓉肉一半切粒，既可以保持粒狀口感又有軟綿綿嘅效果加上蟹殼裝住嘅蟹肉同蟹子 完全突顯左海鮮鮮味 加埋雜菜 將沙律嘅層次提升左雲丹燒鮑魚燒海膽為面再配鮑魚 第一次食咁既配搭新鮮又好味海膽既鮮味加鮑魚既咬勁 一次呈現出來當然唔少得日本清酒 調味燒物方面燒白鱔咬落去 肉質必晒出嚟串燒火候控制得非常之好 而且白鱔嘅肉 好結實彈牙又唔腥原條黑豚露荀卷黑豚肉片包住爽口露荀 可以中和燒肉油膩感 食得出露荀既新鮮法式羊仔架2個羊仔架 份量也不少羊架燒得有點焦香 肥瘦適中 肉質細嫩 羶味不重板燒日本產A4和牛扒（120g)A4和牛切成一口牛 方便進食和牛燒得非常嫩滑 鬆軟 而且肉質飽滿食落 油脂非常之豐富 加上配上蒜片令人回味無窮蜜桃烏龍熊茶烏龍茶底加蜜桃果香 爽而消膩最特別

天后出名多野食，由街頭行到街尾，次次都花多眼亂，唔知食咩好呢！今日M佬就話同我去居酒屋，食吓串燒，感受一吓日本嘅氣氛。我哋就嚟到黑木亭居酒屋，餐廳地方唔大，牆身大大幅嘅壁畫，加埋唔同嘅小擺設，都有幾分大和風㗎。蟹將軍薯仔沙律薯仔沙律有粒又有蓉，所以食落好有口感。加上有絲絲蟹肉同蟹籽，錦上添花，好有層次。廣島蠔廣島蠔串燒都係第一次食，燒嘅時間控制得好好，非常鮮甜。免治雞肉棒免治雞肉加雞軟骨嘅配搭，口感好豐富。醬汁當然係蛋黃汁配豉油，同免治雞肉棒好match。白鱔鱔肉燒到塊皮脆卜卜，魚肉無骨，無腥澀，正。鴛鴦翠玉瓜翠玉瓜就咁燒就食過，但呢度加上蒜蓉同明太子再燒，好特別有心思，有驚喜！燒雞翼雞翼醃得入味，燒到個皮夠乾脆，keep到肉汁，好juicy。厚燒牛舌牛舌嘅牛味香濃，加少少鹽吊味，味道已經夠出。京蔥雞肉串 呢個串燒嘅主角就梗係唔係雞肉啦，因為京蔥真係好好味㗎！蔥味香濃，味道帶甜，配埋雞肉一齊食就最夾。脆燒豆腐外脆內綿，估唔到豆腐都可以咁好味。明太子醬燒飯團飯團燒到外層脆身，鍾意食飯焦就一定要試喇。飯團上面鋪滿明太子醬，加埋紫菜，好惹味。（記住Like同Share畀朋友）

去Sogo逛完，當然要搵個地方好好坐低。朋友帶了我去天后享用晚餐。這家掛著燈籠的日式餐廳「黑木亭」。主打新鮮海鮮🦐🦀、串燒🍢🍘。首先上枱的是「蟹將軍薯仔沙律」，用蟹蓋載住薯蓉沙律、蟹籽、手拆蟹肉、青瓜、蘿蔔。薯蓉中有粒粒薯仔，很有口感。中間的青瓜及蘿蔔讓沙律變得清新。打卡必備的「蜜桃烏龍熊茶」，上面浮起的熊仔冰塊是由烏龍茶制成，相機這時要出動了，因為熊仔實在太可愛。隨熊仔冰溶解，保持飲品的冷度足夠，而濃度不會減少。另一杯飲品「北海道士多啤梨牛乳乳酸」，顏值亦非常高，紫色星空漸變色杯子。乳酸味道甜甜酸酸，非常解渴。至於串燒燒物方面，我們點了「脆燒豆腐」「鴛鴦翠玉瓜」「厚燒牛舌」「京蔥雞肉串」「雞翼」「白鱔」「免治雞肉棒」「沖繩黑糖燒菠蘿」「明太子醬燒飯團」。白鱔非常有鮮味，肉質爽滑，外皮燒得香脆。厚燒牛舌也非常出色，有嚼口而嫩滑。其他串燒都好美味，朋友這回介紹得好！😻食飽飽就可以到附近天后站坐車回家了。

無論個地方幾咁文青都好，幾打卡都好，亦敵不過萬千寵愛在一身既「黑 木 亭 居 酒 屋」，試問如果塵世間唔會再有日本野既存在，就算比你去到Donki，你都會覺得無意思。不過係黑木就完全滿足我祟日既渴求，為煩囂既人生豐富多一點色彩。👇📌サ ラ ダ -▪ シーザーシーフードサラダ - $118▫ 必食推介既「凱撒·海鮮沙律」，餐廳落足重料，用左大量新鮮大蝦、蟹肉、蟹籽、帆立貝，鋪滿成個沙律菜。而蝦肉食落鮮甜爽口，配搭蟹肉有過之不無不及既滿足感，無得輸。📌焼 鳥 -▪ メンタイコ鶏串焼 - $38▫ 串燒方面有大廚每晚ready即叫即燒，呢款「明太子·雞肉串」燒得相當嫩滑，顯得師傅既功架；而表面蓋上明太子，帶有淡淡既鹹香口感，幾好食。📌焼 物-▪ ローストマッカレル - $118▫ 輪到燒物出埸，試左餐廳既招牌「燒·油甘魚鲛」，即燒送到埋枱仲有煙出，魚皮食落金黃香脆；而裡面既魚肉熟透度燒得岩岩好，唔會太生又唔會太老，質感嫩滑，加上油香十足，就連魚鰭都卜卜脆；而鍾意外一份味道可以點埋旁邊既柚子醋，份外清新。📌一 品 料 理-▪ カ ニ 甲 羅 焼 き- $98▫ 珍貴既食材來自「蟹·甲羅燒」，大

餐廳喺天后清風街，嗰一帶餐廳林立，夜晚人流多，我哋7點左右到，已經坐滿人要等位。要等位肯定好食，等一陣都無妨啦～見餐牌兩杯飲品好吸睛，忍唔住叫～【蜜桃烏龍熊茶】上面有隻冰製嘅熊仔🐻，好似浸緊SPA咁，巧打耳～茶味同蜜桃🍑味平衡，仲帶少少桂花香，清甜芳香兼解渴。【北海道士多啤梨牛乳乳酸】上半部士多啤梨嘅粉紅色，下半部份係玻璃杯嘅紫色，上面有啲星空圖案，好夢幻。牛乳乳酸滑滑口感，士多啤梨味濃，仲有啲果肉喺入面，真材實料。【明太子雞肉串】燒雞肉嫩滑juicy，同明太子嘅微辣好match～必點之選。【日本產和牛他他】半生熟和牛，再加蒜片同辣蘿蔔蓉，蘸酸汁食。和牛用上日本產A4和牛，牛味濃郁兼口感軟嫩，食落仲有油脂嘅油香。大滿足！【海鮮凱薩沙律】海鮮有大蝦、帆立貝、蟹籽、蟹肉，蝦同帆立貝都大大隻、大大粒又鮮爽，蟹肉都唔少，好豐富～【燒油甘魚鮫】即燒嘅油甘魚鮫，用筷子夾開仲出緊煙。油甘魚肉滑，魚油豐富，而且都幾多肉，魚皮都唔可以放過，香脆可口，油香十足。【蟹甲羅燒】蟹膏蟹肉+蟹籽同雞蛋。趁熱撈埋一齊再放上蒜蓉包食。蟹膏蟹肉多，蟹味十足，同蛋汁撈埋口感極嫩滑，啱晒鍾意食蟹嘅我～呢度好多街坊嚟，氣氛熱

黑木亭居酒屋🏮@天后今次去到天后試一間新開冇耐的居酒屋😋🔅芒果烏龍熊茶食串燒點可以缺少一杯凍冰冰嘅飲品芒果味唔會太重保持烏龍茶嘅清香熊茶真係有隻有烏龍茶造成熊型冰塊食串燒必點🔅北海道士多啤梨牛乳乳酸好香嘅士多啤梨味配上酸酸甜甜嘅牛乳乳酸唔會太甜唔會越飲越口渴🔅蟹將軍薯仔沙律好正嘅前菜蟹蓋上面有蟹子沙律沙律上面有好多拆咗嘅蟹肉好Fresh😋🔅廣島蠔-串燒呢個一定要趁熱食🔥廣島蠔好Juice蠔味好重😋必叫🔅京蔥雞肉串雞肉帶有濃濃嘅京蔥味二雞肉執有心玩左京蔥裏面超好食🔅口燒牛舌厚厚燒得焦香嘅牛舌有嚼勁、脂香淡淡、肉汁鮮甜🔅免治雞肉棒將烤好的免治雞肉棒攪拌那黑夜夜空下似的明月（蛋黄是也)醬汁混和了蛋黄醬立刻更挺身蛋汁的滑溜大大減低了免治雞肉那“鞋“口的缺點🔅鴛鴦翠玉瓜有明太子同蒜蓉選擇兩款都係令翠肉瓜有超水準演出翠玉瓜嘅Juice曾想龍龍嘅蒜蓉醬同明太子醬🔅白鱔白鱔又係另一個出色嘅串燒燒到皮脆肉嫩白鱔嘅肉汁又唔會被燒乾🔅沖繩黑糖燒菠蘿菠蘿超Juice超甜燒完之後菠蘿嘅鮮甜完全發揮出嚟配上適量嘅黑糖係最好嘅吊味🔅明太子醬燒飯團入口熱辣辣，燒到脆卜卜

咋晚訂咗7:30 ，食到8 點就話要last order. 我哋話”咁快？我哋個booking 係7:30喎”. 明明寫限時90分鐘。姐姐仔望望booking 話佢搞錯。好啦，我哋好乖咁係8:30 叫last order , 點知去到達九，姐姐仔過嚟話我哋點既串燒燒唔及，因為好多單，叫我哋取消。我哋唔想影響自己happy Friday 既心情，唔想同佢爭論所以埋單走咗。以後我哋會black list 哩間！燒唔及就唔好接咁多張枱啦！為咗想接多轉枱而去犧牲customer experience, 希望集團做好staff training 同埋教育埋customer loyalty 既概念！如果想揾快錢可以考慮轉行。

前幾日有個friend生日，佢話想食居酒屋嘅餐廳，所以我就上網搵吓。見到呢一間係天后嘅黑木亭評價唔錯就帶咗佢去食。入到去環境同埋裝修都好舒服，枱面仲要係有櫻花形狀嘅碟仔！😍 嗌咗杯蜜桃烏龍熊茶，外表不但好吸引，味道都好重蜜桃同烏龍味，唔會好淡。明太子雞肉串燒雞翼串同埋牛舌嘅調味都適中，燒出嚟嘅肉質唔會太嚡！燒菠蘿最好味！菠蘿好甜夠多汁，明太子翠玉瓜呢個組合幾新奇，鍾意明太子嘅可以一試！而燒白鱔魚肉就夠爽重魚油。之後就嚟咗免治雞肉串，會配埋生蛋食，令到雞肉更加滑。最後嗌咗兩個飯團，分別係明太子醬燒飯團同埋醬油燒飯團。飯團表面燒到好脆，令我驚喜嘅係飯團既餡居然有一小塊鰻魚，魚油加埋飯嘅口感好正！推薦大家朋友聚會可以嚟呢間餐廳！l

去日本旅行遙遙無期，思鄉病發得心癢癢又口痕，這晚就來到位於天后的黑木亭居酒屋品嚐日式料理。店內面積雖不大，但裝潢走居酒屋格局，帶點日式復古懷舊的氛圍，餐牌選擇極多，看得人眼花撩亂。蟹將軍薯仔沙律 $108墊底的薯仔沙律一半壓成蓉一半切粒，保持顆粒和綿軟兩種口感，清爽又醒胃。以蟹蓋盛載著絲絲手拆蟹肉加上粒粒晶瑩蟹籽，凸顯海產獨有的鮮香味。來到居酒屋又怎能錯過串燒和燒物呢？！即點即燒，風味十足。原條黑豚露筍卷 $38黑豚肉片肉質細嫩，裡面包裹著爽脆的露筍，別有一番清新氣息，也可中和燒肉的肥膩感。白鱔 $68串燒火候控制得宜，鎖住肉汁之餘能燒至皮脆，鱔肉結實但有彈性而不會過於腥澀。法式羊仔架 $88一碟份量也不少，羊架表層燒得帶有焦香，加上肥瘦適中，吃時不會太肥膩，卻有一陣若隱若現的脂香。肉質保持細嫩腍滑，羶味不過重，卻又不失羊肉本身的香味。扇貝 $108size極之巨型的扇貝足足有手掌般大，一上枱已傳來陣陣牛油香氣。大粒肥厚的扇貝肉身味甜富彈性，濃滑牛油為扇貝起提鮮之效。板燒日本產A4和牛扒 $358脂香肉嫩的A4和牛被切割成一口一粒，方便進食之餘，擺盤盡顯優雅和風。和牛中心仍保持嫩紅色，

在網上見到呢間日式居酒屋的食物很吸引, 於是今晚就黎食下先得. 進店後見內部裝修精緻, 牆上的壁畫帶有濃厚傳統日式風味, 燈光柔和, 令人坐得很舒服. -凱撒海鮮沙律喜歡凱撒沙律, 加上配搭各種類的海鮮,有帶子, 大蝦, 蟹肉&蟹籽, 加上沙律菜又很新鮮, 勁足料,真係啖啖鮮味樂無窮啊~ -明太子雞肉串鷄肉串上面鋪了惹味的明太子, 鷄肉燒得好Juicy, 咬落好香口~ -蟹甲羅燒上枱買相很精緻的甲羅燒, 內有蟹膏, 蟹肉, 蟹子, 生雞蛋仲有香蔥. 拌好後放在脆脆嘅多士一併食, 咸香味十足, 認真正啊！ -日本產和牛他他我就係為左呢個而黎架, 真係冇得輸啊, 買相好靚, 和牛切得好薄, 有入口即溶感覺, 配埋生洋蔥、蔥花、蒜片、醬汁一齊食, 滋味無窮~ -燒油甘魚鮫燒得很香皮脆鎖住肉汁, 肉質鮮嫩厚身, 點埋配上的醬汁，很滿足！ - 蜜桃烏龍熊仔茶隻熊仔係冰粒，造形超可愛, 見到即時覺得童真返晒黎, 飲落有茶香及桃味混合, 特別又清香. -北海道芒果牛乳試左友人一口，北海道的奶味好香, 加上帶點芒果味, 酸酸甜甜的，好味😋。友人好攪笑, 說攪極都係2層色原來是杯子的設計. 服務員有禮而

最近都在天后工作，行過清風街見到黑木亭食日本野幾吸引，就入去食啦，入到去環境都很舒適，可以慢慢享受晚餐🥣芒果烏龍熊茶好可愛的熊仔，芒果配上紅茶很清新，唔會好甜👍🏻北海道士多啤梨牛乳乳酸充滿士多啤梨的味道配上牛乳乳酸，甜道唔甜，啖啖香濃的士多啤梨乳酸👍🏻蟹將軍薯仔沙律沙律菜十分新鮮配上蟹肉更添滋味😋😋😋黃金帆立貝即叫即整嘅帆立貝，好大粒又彈牙，很新鮮而且美味可口！板燒日本產A4和牛扒和牛扒好林又可口，份量都很大塊。串燒方面點了羊仔架、白鱔和原條黑豚蘆筍卷，燒得好香，羊仔唔蘇肉質鮮美可口👍🏻

天后有間新店黑木亭居酒屋，主要食日本菜，入到去裝修很得意，牆邊有油畫，很有日本風格！餐牌選擇多多，更有特色飲品，不得不提。 北海道芒果牛乳乳酸$48芒果烏龍熊茶$58 非常特別，芒果乳酸非常開胃，影落嚟見到係綠色主要係因為嗰杯係綠色～芒果烏龍熊茶味道比較清新，上面隻熊仔原來係烏龍茶底的冰，Keep住飲味道不會變淡，非常有趣！明太子雞肉串$38 雞肉串原本已經非常鮮嫩，加上明太子提升鹹香口味。 蟹甲羅燒$98呢個好香！大大隻蛋，而且好多蟹肉同埋蟹子等等～ 撈埋一齊，配埋個香脆嘅包，唔會太厚身，非常match。 凱撒海鮮沙律$118沙律非常新鮮，蔬菜爽口， 多款不同海鮮，包括有蝦，帶子等等，整體配搭比較清新。 日本產和牛他他（ 100g） $288非常推薦的和牛他他，A4 和牛表面po上炸蒜，蔥花，蘿蔔蓉等，味道香而且口感豐富，和牛花紋分布非常平均，每口都非常好吃。燒油甘魚鮫$118喜歡吃魚油香十足的一定不能錯過燒油甘魚鮫，味道很鮮香，熱辣辣表面燒得金黃，肉質仍然保持鮮嫩 。