黑木亭居酒屋 (清風街) (已結業)

之前都已經知黑木亭d嘢好味同埋環境優雅，今 次終於有機會去天后店食lunch，order咗銀雪魚西京燒定食、極上牛肉湯烏冬定食，特飲揀咗北海道士多啤梨牛乳乳酸，同埋蜜桃烏龍熊茶，甜品就係綠茶蕨餅。個銀鱈魚定食超好味，銀雪魚魚油好豐富，同埋煎得外面好香可以鎖住鮮味同油份，配埋特製嘅蛋黃漿食，食到停唔到口。牛肉湯烏冬定食個湯底超濃郁，配上頂級牛肉完全食到唔同嘅層次，鍾意食牛嘅朋友一定要嚟食呢個烏冬。另外兩杯飲品絕對係打卡之選，蜜桃烏冬熊茶有隻冰熊仔喺杯面，好特別好cute，另外北海道士多啤梨牛乳乳酸就甜甜酸酸，而且整得好靚。最後講埋個甜品，個蕨餅口感煙韌同埋沾滿咗抹茶粉喺面，有濃沃嘅綠茶味，黎食日本料理最後一定要點依個甜品。

難得一見嘅日本餐廳，餐廳坐得闊落之如，食物品質超符想像，飲品做得好有心思！日本料理黎講算好正宗，海鮮新鮮之餘燒物都是正宗的碳燒，尤其是燒龍蝦值得一試！餐廳因為新開張關係，海鮮仲有半價，因為半價關係牛油燒元貝已經沽清！所以今次叫了一份燒鯛魚，燒龍蝦同燒鮑魚。鯛魚香脆唔會多骨，燒龍蝦新鮮同算多膏，烏冬尚算可以，但值得推薦都係海鮮。員工好nice好有禮貌，飯後還送了一份綠茶甜點，上菜都算快，下次會再幫襯👍🏻

天后餐廳林立，最近又添一間新餐廳，就是黑木亭居酒屋， 周日瞓到自然醒，同囡囡去食個午餐。餐廳位置好容易搵，內裏係日式嘅佈置，播著日本歌曲，充滿和風。叫咗兩款定食，每個定食都包飯，茶碗蒸， 麵豉湯同埋甜品。和風燒牛肉配厚鵝肝定食（$138 ）鵝肝大大塊，煎得外脆內juicy，油脂滿溢。燒牛肉夾雜洋蔥絲同菇，甜甜地很美味。銀鱈魚西京燒定食（$168 ）銀鱈魚燒得肉質好嫩滑，魚皮脆卜卜，醃得入味，就算唔點醬汁都夠味。額外點咗一串煙肉車厘茄串燒，車厘茄有爆汁效果，囡囡好中意。最後嘅甜品係綠茶蕨餅，為這趟美味午餐作結。

餐廳：黑木亭居酒屋 (天后)地址：天后清風街10號清風大廈地舖前排諗住去天后甜姨姨食糖水🍧，見到對面有間新開咗接近一個月嘅日式居酒屋——黑木亭居酒屋🇯🇵，今次就去咗獨食晚餐😎，即刻睇下有咩食先居酒屋主打海鮮燒物🦐、串燒🍢、和食、鍋物🍲等，每日餐牌都會有些少更改，視乎當日有咩新鮮食材👍🏼，包你每次黎除咗食到時令新鮮食物之外，仲滿有驚喜🎊十勝黑豚肉生薑燒定食 $98黑豚肉被香濃嘅甜薑汁包圍住，薑汁香味突出，有唔少洋蔥，同沙律菜伴碟🥗，略為濃味，岩哂鍾意重口味嘅朋友😆；所有定食仲跟味噌湯🍲、蒸蛋同甜品，咁多野食咁就唔洗驚唔夠飽啦牛油扇貝 $58新鮮海鮮又點可以唔試下😋，即叫即處理嘅扇貝，由拆開、清洗到燒嘅過程都非常仔細，趁師傅整緊果陣偷偷地影返張相先🤫，加上牛油再用火槍燒香真係好惹味呀😍另外叫咗個煙肉蘆筍卷($48)同燒秋葵($28)，比較特別嘅，係佢嘅煙肉蘆筍卷，用咗一整塊煙肉🥓，去包住長過筷子嘅蘆筍😛，見到都忍唔住嘩咗聲😂

沒有旅行的日子，食物就是大家一解思鄉之愁的恩物。這次到訪的居酒屋位於天后清風街，座位不多。環境簡約，適合2~4 人聚餐聊天。首先試了茶碗蒸及味噌湯，蛋身滑溜，味噌湯濃淡合宜。一個好的前菜，絕對為主菜鋪伏了期待感。果然，銀鱈魚西京燒定食及和風燒牛肉配厚鵝肝定食味道及賣相都不錯。銀鱈魚配上漬物，減去了油膩感。一口鵝肝，入口即溶。燒物京蔥雞肉串，雞翼及七味魚翅燒得剛剛好，焦香微脆的雞皮及香蔥，佐酒絕對一流。可惜，小店尚未申請酒牌。雖然沒酒，但有打卡飲品蜜桃烏龍熊茶。黃色小熊伴上鮮花浮在冰面上，十分可愛。最後還有甜品綠茶蕨餅，不過小妹只顧食，忘了拍照😛

天后新左間叫黑目亭嘅居酒屋今日放假 同閨蜜b 撐枱腳 食定食餐廳整潔 牆身畫滿日式壁畫到的時候六點比較 七點上下已開始多人了服務員禮貌友善Menu 上有幾款小食定食同特飲款式都幾多選擇特飲 蜜桃烏龍熊仔茶熊仔冰粒造形可愛🐻桃味及茶香參半 椰果粒粒令飲品更清新可口日式蒸蛋 口感滑溜且蛋味香濃內有香菇和清香白果麵豉湯 咸度適中 味道開胃鵝肝牛肉定食牛肉充滿肉汁 配以微辣醬汁惹味非常 下飯一流生菜作伴牒 醬汁清新解膩鵝肝煎得甘香 💜份量大件 性價比高 西京燒銀雪魚定食雪魚油脂豐厚 醃漬調味不錯魚肉雪白嫩滑 口感層次分明配上有七味粉的蛋黃醬一囗接一口 滋味滿分✨綠茶蕨餅口感軟糯 沾滿抹茶粉 茶味甘香濃厚🍵食到飽飽 去Donki掃貨順便行下消化下先🎵

禽晚同朋友仔第一次黎試食！估唔到香港會有咁正咁地度的居酒屋！而家仲好回味個燒牛舌夠厚又多肉汁，鮑魚超鮮味，個燒明太子真係超級鮮味，仲有個明太子燒雞肉個味道超級夾👍。最難忘係個燒大蝦超級大隻仲要燒得剛剛好完全唔似其他餐廳燒到乾曬👍👍👍👍重有另一個會讓我再來幫襯的原因係服務週到。由員工到老板同老板娘非常親切同有耐心解釋每道菜式的特色。真係好難得！禽晚真係同朋友食得好盡慶！雖然未去得日本，食呢一餐真係可以令我有種去左日本的感覺，可以暫時止下渴😂😂

友人介紹下，尋晚食完。首推燒三文魚子雞串，惹味香噴噴魚子，當醬咁塗一浸嚮鷄肉串上面，鷄肉燒得啱啱好，唔會乾珍珍，既享受魚子嘅鮮，又嚐到鷄肉嘅口感同嬾！極上之選！同樣，爐燒大頭蝦亦盡顯C傅功架，蝦燒到剛剛好七成熟，既鎖住肉汁鮮味，口感唔乾之餘更帶脆同爽，即係傳說中嘅彈牙！加D檸汁，一隻本來真係唔夠喉，奈何美食眾多，湯鮑魚、鵝肝多士、鷄翅、燒牛舌⋯⋯樣樣精品，唔留D肚真係唔掂！小店做得非常有誠意，員工欣勤有禮。聽講牆上日式壁畫係老闆娘親自設計，傳統日式得黎充滿喜樂滿足。其他人唔知，我自己入到去就覺得開心D、醒胃D。

Deciding where to eat is often a challenge, if you’re in Tin Hau and craving for a satisfying Japanese meal, check out this newly opened Izakaya. Black Wood Izakaya is located right under the Tsing Fung Street Flyover, so it’s quite easy to access. We came here at lunch time, the set meal prices ranging from HK$88 - HK$168, every set comes with rice, miso soup, chawanmushi and dessert. Japanese Tomato Salad (HK$48)👍👍👍👍👍We begin our meal with this appetising Japanese tomato, the dressing is lig

估唔到疫情中都有居酒屋開張、証明香港人係唔會認輸架！呢間店食物款式唔係好多，但相信能做到更穩定既質素串燒同小食都都幾實惠，味道大部份偏濃唔叫酒都可以叫返杯特飲送下__________🔹唐揚魷魚圈 $48個人最鍾意食呢個新鮮上枱既時幾酥脆，配埋個特色醬汁，真係好似去左日本食炸物咁個汁係同吉列豬嗰種汁好似，偏酸，好吊味，同炸物實再太夾.🔹黑豚芝士年糕 $48啲串燒全部都幾大串下呢個雖然得一粒，但真係好味外層既豚肉燒至比較乾脆，味道特別香濃芝士配合埋啲年糕，個口感好融化、食既時候啲芝士味會成口都係.🔹黑豚蕃茄卷 $38豚肉無芝士年糕咁乾身，蕃茄夠晒爆汁.🔹京葱雞肉串 $38上面啲雞肉好似唔使錢咁，老練咁大粒肉質都算嫩，啲蔥都大大粒唔會乾身.🔹自家製厚燒鰻魚飯定食 $128定食都付有茶碗蒸同埋麵豉湯茶碗蒸啲蛋有少少實、但菇都幾香講返主角既鰻魚，相當好厚身口感較札實，不過個人比較鍾意食軟嫩既鰻魚食完有蕨餅做甜點，清甜得黎，都幾有綠茶味

位於天后清風街嘅🌟黑木亭居酒屋🌟係近期新開業嘅🇯🇵日本菜餐廳！🥰💕和風燒牛肉配厚鵝肝定食 🥩🍱$138跟定食有茶碗蒸、沙律🥗、麵豉湯、白飯🍚及甜品，賣相非常精美！😍鵝肝夠晒大塊又夠厚身，油份相當充足，一咬油香四溢！🤩好正呀！❤️汁燒牛肉牛味濃郁，燒肉汁帶甜，相當美味，送飯一流！😋💕十勝黑豚肉生薑燒定食 🍱$98黑豚肉軟腍可口，🧅洋蔥甜美，薑味恰到好處，既能提味，又可以解去油膩感，不錯！👍🏻💕唐揚魷魚圈 $48炸漿薄而脆，魷魚彈牙甜美！🤗💕熱泡沫咖啡 ☕️$38隻杯勁cute呀！😘 泡沫豐盈，咖啡味濃而口感順滑！💖💕凍泡沫咖啡 $38加入冰塊的Cappuccino口感冰涼順滑，是不錯的餐後飲料！😚

去到天后，很多人都會知道，找吃的要去橋底，因那裡都是好吃的店舖😍😍今次都係跟為食同事衫尾去吃日本料理，有驚喜😋炸雞軟骨~脆漿較平日的更脆，做下酒物或餐前小吃一流👍枝豆~豆有豆甜味，外皮則有小小咸味，邊吃邊等主食來，很快便吃完一碟🤣🤣雞翼~燒得很香雞皮香味，雞皮薄身，雞肉有肉汁的鰻魚飯~有3大片的鰻魚，而餐裡還配上麵豉湯及蒸蛋~先說麵豉湯，咸味剛剛好，喝得舒服~蒸蛋的很有驚喜，蛋很滑及有很多料在底部，有雞肉粒，冬菇和白果~北海道士多啤梨牛乳乳酸~超正的，本身以為是較濃調的質感，但原來是清爽感的蜜桃烏龍熊茶~很可愛喲，有隻熊仔在浮著的🤣🤣飲品茶味很突出，水蜜桃清爽😍😍定食的甜品有蕨餅,甜甜的吃完後再飲一啖茶，茶變得很可口，感覺很滿足😍😍😍

同朋友去天后時經過呢間新開既日式食店，望落去幾靚，我地就去左食dinner。呢度有好多唔同既便當，好吸引！我地點左季節海魚燒一夜干定食，呢度係用左當造既魚黎整呢個便當，特別大條同埋新鮮。鮮魚煎到好香脆，入面啲肉點醬汁配珍珠飯食簡直係一流啊！另外仲點左和風燒牛肉配厚鵝肝定食，燒牛肉煮到好入味，鵝肝亦都夠厚，入口即溶，味道濃郁！食定食仲有麵豉湯同茶碗蒸，正！飲品方面，我地點左北海道牛乳乳酸同埋葡萄烏龍熊茶，兩杯野飲都高度推薦！

買個外賣姐，比人當外賣仔趕出門口用app order 外賣，10:43話攞得，10:43入去問，未得唔緊要既，唔洗三十幾度趕人出街企，仲要得六成滿，如果係茶餐廳可以理解，自稱居酒屋，咁既服務就真係算把啦。條男人由我入黎到走都無態度寬容過，自問唔算樣衰或似挑機，咁就一定係同外賣有關啦，比佢趕左出街之後見佢對啲堂客幾好，咁就真係因為外賣既原因，疫情既情況都仲有得揀客，佩服！最大鑊既都未講，外賣OK左，攞到上車，發現佢有兩碗湯無蓋好藝，倒到成車係，番轉頭叫佢搞番掂，面更黑~~原本真心打算，疫情好啲帶朋友去食下串燒，這種雙重標準的態度，不了實話實說，外賣啲料同味唔差，份量亦夠，不過問題係待客之道

New Izakaya in Hong Kong...Island🏮🍱🥟🍤🍶🥡🥢..下一站。。天后。一間居酒屋環境優雅，牆上掛滿有日本風情壁畫，寧靜舒適，午餐時段有定食、小食、特色飲品，滿有和風味道，價值由數十元到一百多，性價比算高呢，而且服務好好啊。.新店門外滿吸引，真係忍唔住要入去試試，就算下午時段都可以吃個A4和牛🐮 壽喜燒呢。.套餐前菜跟上茶碗蒸 & 麵豉湯。.ll $48Japanese Fried Chicken Cartilagell $48Japanese Fried Squid.✨小食✨ 點左2款：雞軟骨🐥 炸得香脆不油膩；魷魚圈🦑 亦係炸至香酥內軟淋，吃下感覺像魚肉啊。.ll $88Prrmium Beef Soup Udon Setll $98Tokachi Kurobuta Roasted w/ Ginger Rice Set.✨定食✨ 一款牛肉 一款豬肉，都係日本餐廳必有既定食呢。薄切牛肉🐮 熟嫩度剛好，配上煙韌讚岐烏冬🍜，湯頭甜；生薑黑豚🐽 配上沙律菜🥗，平衡返油膩感。帶甜洋蔥豬豚肉拌日本飯🍚 吃，很好下飯。.llMatcha Warabimochill