黑木亭居酒屋 (清風街) (已結業)

友人介紹下，尋晚食完。首推燒三文魚子雞串，惹味香噴噴魚子，當醬咁塗一浸嚮鷄肉串上面，鷄肉燒得啱啱好，唔會乾珍珍，既享受魚子嘅鮮，又嚐到鷄肉嘅口感同嬾！極上之選！同樣，爐燒大頭蝦亦盡顯C傅功架，蝦燒到剛剛好七成熟，既鎖住肉汁鮮味，口感唔乾之餘更帶脆同爽，即係傳說中嘅彈牙！加D檸汁，一隻本來真係唔夠喉，奈何美食眾多，湯鮑魚、鵝肝多士、鷄翅、燒牛舌⋯⋯樣樣精品，唔留D肚真係唔掂！小店做得非常有誠意，員工欣勤有禮。聽講牆上日式壁畫係老闆娘親自設計，傳統日式得黎充滿喜樂滿足。其他人唔知，我自己入到去就覺得開心D、醒胃D。