麵尊

營業中

休息中

做左上班族後時間食飯時間有限，會想食D價錢平又好食既Lunch🤩食車仔麵就岩曬啦！🔅4餸車仔麵（$50）每一款配料都係$10蚊🤪多有多揀小有小揀😇而我就order左4樣分量好足既餸加油麵🥰✨炸魚皮🐟炸到脆卜卜，有3大片，浸左湯都唔會即刻軟左，唔洗咁dry😚✨酸齋🤓車仔麵竟然有甜酸齋😚好耐冇食🤓有2舊完整，超級入味開胃😀✨牛腩🐮無論筋位同腩位都好淋，筋位入口即化😋✨生菜一餐最重要既主角，健康之選！牛肉湯底好清甜，唔會容易覺得口渴。食麵會不期然飲埋啲湯🙈留意到隔離枱唔夠飲叫埋加湯Tim🥰🔅熱奶茶（$15）茶既比例超高，飲完精神一振🤠

由於鍾意上網搵食，見講到尼間車仔麵係幾好咁，就專程去睇睇。由於避人龍，近16：00至去開餐，果然都要排十多人👫👭🧑‍🤝‍🧑👬，不過我一人關係，都好快有位，可比我早的人進埸。進埸見裝修都較新，如果不是疫情都應有些迫的。但我張枱未清潔好就安排客坐就扣分啦！🤨點餸紙都好傳統，用筆自己圈⭕，選好就俾店員落單咁。車仔面黎講，基本上牛腩，蘿蔔和米粉係我必點的而今次點下豬大腸係因為好耐無食，而咖哩魚蛋就係想睇下咁基本嘅餸係可以做成點？🤔仲有湯底我係加腩汁的，我覺得腩汁係車仔面精髓😋蘿蔔 ～ 唔夠軟腍，得3粒咖哩魚蛋 ~口感我唔太鍾意，覺得較粉，得3粒豬大腸 ～味道好食，清洗得乾淨，有5片五香牛腩 ~最正，好腍，有5片十蚊一個餸，唔算好平，蘿蔔和魚蛋真係太少，又唔係特別好味。湯底好清，但腩汁味係濃嘅，所以環讚👍

多人排隊呀！終於食到😻環境唔似一般車仔麵檔，令人食得舒服😌價錢都好合理🙌🏽細尊 $40已經有哂基本車仔麵熱門食材💛蘿蔔冇得輸，甜又腍😻豬皮好爽口，掛到湯添架！豬紅一啲都唔腥💛自選麵豬大腸係車仔麵必食之一啦！呢度既好大條，洗得好乾淨，肥美又有咬口，唔係得油😻冬菇滷到好腍好入味😍墨丸就一般😭如果唔夠辣可以叫佢哋加辣架👍呢度飲凍野係比糖水你自己落，好方便咁控制甜度👍

收工約左朋友黎銅鑼灣蒸腳，蒸腳前搵左登龍街呢間出名🟡車仔麵店。好彩我地一去到有位，遲多5分鐘黎都開始排隊。圈左好幾個餸之後發現有細尊、大尊餐揀,大食既我當然揀大尊$42，對於有選擇困難症既人黎講，十分合適。 另外再加左杯豆漿（只得凍飲）$12，味道唔會太甜，不過份量對我黎講好多，飲唔曬。麵方面我點左咖哩汁，感覺唔算辣。最正係白蘿蔔，一如期望好甜好林，其他餸就正正常常啦！整體黎講都算高質素，配料都足料，但我都成碗KO白菜就係白灼，所以都無咩好介紹😜呢間野下次會帶其他朋友黎食😋

呢間係登龍街成日都多人排, 見tea time時間人少少去試下佢都係以每款餸加$$, 最低消費$38睇落都唔少選擇我地叫左碗濃汁香菇貢丸, 豬頸肉, 腸仔, 油麵另一碗叫左酸齋, 豬大腸, 米線 (唔記得左影....)仲叫多份炸魚皮tim值得講既係香菇貢丸, 標明濃汁真係幾好食, 又有香菇味酸齋都聽聞唔錯既, 我試左都幾中意, 加埋落車仔麵食開胃開胃同埋佢份炸魚皮, 口感脆口, 唔係淋晒果種份份都一早獨立包好左, 見佢都係成包拎出黎俾我地, 感覺會乾淨d美中不足既係條腸仔, 成$10得一條, 如果俾2條會好好多, haha但整體係幾好食既, 同埋價錢唔貴係cwb登龍街黎講係一個唔錯既選擇!

車仔麵係香港既特式食品之一, 每次一有國外朋友黎到HK, 我都會帶佢地去食車仔麵, 品嚐香港既地道食物。以前舊式食車仔麵既店舖都係簡單裝修, 因為主張食客食完就走, 位置留比下一個食客, 切合香港人既速食文化。而家新式車仔麵唔單只注重食物品質, 更有靚裝修等客人食得舒舒服服。呢日我地黎到登龍街既麵尊, 每逢食飯時間都好多人排隊, 不過店員動作熟手迅速, 並係排隊其間會先叫食客填定心水食品, 再排隊等一陣便可入內。酸齋 + 蘿蔔 + 咖哩魚蛋 + 米粉 $40- 朋友推介我必食 酸齋 , 酸度適中, 而且索盡湯汁, 真係好好味有驚喜, 呢個會成為我以後必點既餸之一。- 蘿蔔清甜無渣。- 魚蛋彈牙, 食落唔會一口粉。- 米粉夠爽唔會過淋。濃汁香菇貢丸 + 墨魚丸 + 魚皮餃 + 米粉 $40- 貢丸 / 墨魚丸 多汁彈牙好味, 食得出係較高質既丸類。- 魚皮餃亦唔會過淋, 好食。- 呢碗我地加配左咖哩辣, 辣度係可接受範圍內, 而且呢個辣汁係令到成碗車仔麵既味道提升, 正。

間唔中都會好掛住車仔麵嘅港式味道🤓✌🏻今日食lunch嗰陣去咗食車仔麵好耐冇食啦🤩🤩等咗一陣就有位入呢間車仔麵嘅配料都幾多選擇 所有配料都係$10一款 要多幾款都唔會肉痛🤣🤣如果唔想諗嘅直接叫大尊或細尊 有齊晒招牌嘅配料！我散叫 配料有魚蛋、雞翼、蘿蔔、蟹柳魚蛋大大粒口感爽口彈牙 蘿蔔爽口入味 幾新鮮雞翼事先有醃過 瑞士汁都幾入味👍🏻👍🏻冇特別加腩汁 湯底係瑞士汁湯底 甜甜地唔錯朋友嗌左豬皮、牛柏葉、芝士腸加咗腩汁 湯底更加濃郁 但朋友表示冇乜味精因為食完唔會太口乾！呢間車仔麵性價比高 份量好多 會再幫襯

以後都唔會幫襯實在太差了啱啱落去買外賣，要剩餸走湯，點知冇走到湯，攞到返公司先知加左湯，打電話叫佢地換，點知去到，啲員工攞左我外賣入廚房倒左湯再俾返我，真係唔好，啲湯浸過啲食物冇味架麻，所以先特登攞返落去換，佢地唔肯同我換新，跟住我諗住退錢就算，點知佢地個員工話疫情關係食物攞走左唔可以退錢，其實係咪生意真係甘差呢？係佢地做得唔好，做錯左個外賣，唔換新，又唔退返錢，好差，講真錢唔多，都係$52，使唔使甘肉酸，最後我冇攞外賣，都冇退錢就甘走左呢間野太差了，好唔開心嘅經歷

價錢喺銅鑼灣來講算係合理，但選擇唔算多星期日中午12點幾都有幾多人排隊，但唔算耐15分鐘左右啦酸齋 - 唔會太嗆嘅酸味，質感同味道都正常豬大腸 - 冇怪味，有五香滷水味，夠淋咖喱魷魚 - 係爽口嘅但係咩味都冇油麵 - 煮得唔夠淋好硬啊！加咗麻辣，都幾香幾辣，原湯底味係甜甜地嘅蘿蔔 - 少少甜冇渣牛腩 - 其實佢似牛肉片多啲，夠淋不過唔香豆卜 - 有吸夠汁唔會硬油麵一樣好硬啊！其實食物質素係合格嘅但係你話好出眾好高質就肯定唔會！發生咗個插曲其中一碗食咗冇兩啖就發現啲面嘅入邊有條好長嘅頭髮，咁我哋即刻向店員反映啦，個ee好黑面態度亦都唔係幾友善，望左好耐後講句「跟單換俾你囉」我 ：但係我兩碗面啲餸溝埋左喎ee話「咁你想點呀！」我 ： 我想要返我碗麵同款嘅餸ee : 唔出聲拎走左個麵我 ： ...過咗5分鐘佢拎咗碗面返嚟話「放心啦啲嘢倒過晒換咗㗎啦」但係我認得啲餸係同本身碗麵嘅，因為其中有啲餸我已經咬咗一啖，佢應該只係換咗個湯底同啲面，因為我本身嘅麻辣味變咗做原味算啦死死地氣都係自己食過嘅啫咁就照食啦⋯⋯最後臨走佢有講返句「唔好意思」食肆真係應該要好注重衛生特別係而家疫情咁嚴重可能你只會覺得

星期五夜晚去 車仔麵都要排隊 我都係第一次排隊期間 職員拎定紙俾我揀餸好快都入到位點了豬皮 豬紅 咖哩魚蛋粗麵 餸每款十蚊豬皮比較硬 未夠淋豬紅都有5舊左右 算多咖喱魚蛋3粒 但無乜咖哩味粗麵軟硬適中湯底點了咖哩味 但唔算重咖哩味 但都有辣味 夠濃整碗麵份量都多40蚊賣單 算不錯啊💛💛💛

相信好多人都係車仔麵嘅fans，因為夠晒方便，選擇又多，鍾意食乜就揀乜，又夠快，真係好啱香港人。登龍街開咗依間車仔麵，見之前一直都要排隊，所以都心思思想試吓。閒日既晚上，要快食個晚餐，咁一於食碗車仔麵啦😁😁每次見到咁多選擇，就會心大心細今次揀咗三個餸： 豬紅、蘿蔔、咖喱魷魚我覺得最好食嘅係豬紅，非常入味！冇怪味/水味而且都有幾多粒，夠晒喉😁😁碗麵圈要蔥嘩！佢都真係比好多蔥，正！腩汁湯底甜甜地， OK蘿蔔又係超級甜，甜得來又唔似糖水浸，所以感覺唔錯。 咖喱魷魚，我就覺得普通，冇咖喱味，會比湯底洗走晒😅😅 不過好細心，又剪開一條條，如果唔係啲腳一大揪，會食到好論盡👍🏼👍🏼整體用餐都幾舒適，客人食完到下一個 換枱都好快👍🏼👍🏼

也有 一段時間冇食車仔麵， 機緣巧合今日到訪『麵尊』， 坐落於食肆林立嘅登龍街， 竟然有间平民食肆。座位唔多， 最經典係向街一面的座位， 因為每次總是匆忙經過，見到食客嘅車仔麵 ～好鬼惹味！剔紙仔，揀選喜愛嘅餸菜，麵底， 湯底，醬汁等等。朋友揀咗預設好嘅款式『大尊』$42， 有齊所有車仔麵經典配搭材料， 顏色好靚～紅腸，黃咖哩， 嫩綠生菜， 棗紅色嘅豬紅。。後加嘅咖哩牛柏葉非常惹味 ，有点激辣，牛柏葉夠爽夠腍。 豬紅也是另一推介， 好滑，咬開也很入味～👍豆漿配濃味車仔麵也是很合適～另一碗就分別點選自己喜歡嘅配料。那一匙羹嘅就係咖哩辣汁， 好香好惹味而且都幾辣㗎～豬大腸：咁經典嘅車仔麵餸點可以唔叫 。入味，夠腍，冇怪味😋👍咖哩魷魚： 咖哩汁真係幾刺激吓， 魷魚鬚都有好多件👍牛腩：又係好冧好入味， 而且份量好多！白蘿蔔：超大件， 又淋又多汁，冇渣。墨魚丸： 彈牙，足料！我揀咗油麵， 未食過咁煙韌嘅油麵，通常都應該煮到好腍身， 呢個真係有驚喜因為我好鍾意嗰種煙韌彈牙嘅麵質（ 通常較粗嘅意粉先會有咁嘅效果）

食過好多次，每次都會食蘿蔔冬菇再睇心情揀多個餸。蘿蔔好甜冇根，係食過嘅車仔麵蘿蔔入面最好食！冬菇係蠔油冬菇，有五粒左右，又冧又入味，同湯底好夾。今次去唔小心跌左個口罩落地，店員見到仲拎左個新嘅比我！野食靚，店員心都好靚！

第一次嚟，不嬲都知受歡迎，見到有條人龍都唔驚訝，但等左陣就入到。選擇都算多，不過可惜無通菜，對唔食麵嘅我嚟講，差少少。餸嘅質素上佳，冬菇超入味，又夠軟淋。蘿蔔簡直係食過最正之一，好清甜，無渣，又滲左啲調味，唔單調。豬大腸唔臭，豬頸肉好多，夠比你醫肚。🤪

在銅鑼灣較少食到車仔麵，所以麵尊是我不時去幫襯，性價比較高。食物、飲品多元化選擇豐富的車仔麵來了很久沒飲的檸檬可樂 $18，正呀！淨雞翼尖 $20顏色、味道都相當入味，滷水味十足。我點了 魚皮、酸齋、豬頸肉 米粉，沒有加腩汁或辣，是滷水湯底，濃郁。魚皮大塊香脆、酸齋大件吸汁、豬頸肉夠腍、雞翼嫩滑入味。而朋友點是 大塊脆口豬皮、爽口雞腎、入味清甜蘿蔔。加了咖哩辣，小小已經幾辣，而且好香幾惹味。這裡更有自家的咖哩醬、麻辣醬賣！