下午茶時間，買甜品，或者茶飲chill一下就最好不過☺️☺️ 經過依間小店，同同事都俾佢嘅裝修吸引，一於試試 除咗珍珠奶茶依d大路選擇之外，發現佢哋嘅餐牌都幾特別，係有好多唔同款式嘅果凍可以加落去！就好似豆漿凍、咖啡凍、茉莉綠茶凍等等。 喺收銀位置見到有一個「拉絲/鮮奶麻糬系列」🤔🤔麻糬都竟然可以拉絲，真係要見識吓 我揀咗：拉絲麻糬芋泥壺奶茶 一向鍾意芋泥奶，配搭麻糬已經係比較少見，而家個賣點仲要係「拉絲麻糬」，一啖啜落去，軟綿綿嘅麻糬擠滿左飲管，好滑溜！睇真啲，係真係可以做到拉絲效果，好有趣！麻糬本身冇乜味道，所以都飲到佢哋嘅奶茶底，成杯茶口感都好滑，又有少少芋泥質感，正👍🏻 同事就揀左：金萱茶杏仁凍 茶底清澈，至於杏仁凍，又係好似好罕見🤔🤔得到同事嘅盛讚！有好香杏仁味，又夠滑溜，俾佢燒到，我決定下一次一於試試😎😎

朋友發辦，帶我嚟呢間餐廳，本身以為係食放題餐廳，去到睇睇餐牌，原來唔係放題，係逐樣叫嘅～選擇都幾多，幾多元化 6:30去到都仲要有位，大約7:30左右，都差唔多座無虛席，幾受歡迎🤓🤓 蟹籽沙律，好似係有兩個size，呢一個已經係細！但係都超級超級巨型，打卡一流！青瓜絲、生菜絲，口感非常清爽，沙律醬份量恰到好處，成個沙律食到最尾，先至有極少出水嘅感覺，控制得幾好，好食又好睇，推薦！ 八品刺身盛合 有三文魚、八爪魚、北寄貝、海膽、蝦、油甘魚等等，色澤賣相唔錯🤓🤓尤其是嗰半底海膽，即刻令到成件事好奢華❤️❤️肥嘟嘟，好新鮮。 吉列豬扒 叫少少熱食，暖吓胃 豬扒都算厚身，隔油做得幾好 食埋旁邊嘅椰菜，清清地，口感又更豐富❤️❤️香芒花之戀 因為朋友鍾意食芒果，所以叫嚟試試。 食落又幾特別喎，本身花之戀三文魚好厚身，口感已經好好，再加埋入口即溶嘅芒果，同埋上面有一堆青瓜絲，柔軟口感，同埋清脆口感都有，有趣有趣

每日晏晝諗食乜嘢，真係頭都大埋，間中都會諗起依間小店，d飯卷簡單好食，又夠靚，賞心悅目🥰🥰 雖然舖頭入面都有啲座位，但每次都係拎走，返公司慢慢食 環境其實都唔錯，乾淨企理 如果覺得餐牌上面嘅選擇太悶，自行配搭又得，夠晒彈性 California 簡單地有蟹柳、牛油果、蟹籽 牛油果做到油脂感覺，加埋喺口入面瘋狂爆開嘅蟹籽，口感豐富，一啖一粒，懶人lunch😂😂 同事揀嗰款賣相邪惡得多！啲醬汁同芝麻，令到個飯卷即刻好吸引😎😎 有三文魚蓉，又有厚切嘅三文魚係中間，啲餡仲好似多到要爆出嚟咁，難怪同事們都咁鍾意依間小店🤓🤓

放工時間想搵個地方食餐安樂茶飯，港式燒味都係唔錯嘅選擇。餐廳門面光鮮整潔，都幾大，唔會太迫👍🏻 睇睇餐牌，食物選擇都幾多，估唔到仲有炒蛋常餐，價錢仲要幾平😳😳 晚飯嘅話，可以選擇一人套餐，二人套餐等等，性價比幾高！ 二人套餐可以選擇飲品，或者例湯，佢哋個例湯都幾出色，鹹鹹地，仲有隻雞腳😎😎 主角：燒鵝例牌 賣相夠晒靚仔，非常有驚喜，皮下面竟然冇乜肥油肥膏，啖啖肉！肉味香濃、幼嫩👍🏻👍🏻 二人套餐可以自選另外一款燒味，我哋就揀咗燒腩仔，份量都幾多！而且每一粒都係做到五層，口感冇得輸啦，面頭嘅皮好脆，好食過薯片多多聲😋😋 套餐仲有油菜，如果唔想食白飯，叫瀨粉河粉米粉都得，真係非常好！夜晚食碗湯麵，成件事好舒服，個湯底有少少胡椒味，好溫暖❤️❤️❤️

想食天婦羅丼飯，去金子半之助就夠晒穩陣！又可以試吓佢哋嘅期間限定款式，話唔定有新驚喜！ 今期有車海老帆立貝天丼！ 叫完食物，飲番杯熱茶乖乖等上菜😁 上天丼 最深得我心嘅就係口感爽脆嘅豆豆，同埋咬落去一粒粒粒口感，好得意嘅小柱魷魚餅💕💕 至於期間限定，當然就係重頭戲啦😁😁 天婦羅炸蝦好巨型，蝦身厚厚，爽！ 帆立貝亦非常吸引，外面仲有少少脆口嘅感覺，入面就係少少熟，軟綿綿鮮甜帆立貝肉，超滋味！ 再配埋溫泉蛋、海苔等等，成碗飯每一啖都食到唔同配料，正！

西樹泡芙分店好多都係好方便嘅地點，最常幫襯嘅就應該係依間，朗豪坊，搭車前後都可以買到✌🏼✌🏼 每次經過，都會俾佢嘅雪櫃吸引住，整齊嘅泡芙擺晒喺度，好靚好吸引！ 今次仲有新款喎！ 黃金滿屋-夠晒好意頭😊😊 黃金滿屋-係流心奶黃肉鬆泡芙 咁樣嘅配搭，真係超邪惡！ 鋪喺上面嘅肉鬆，好鬆化，完全唔影響泡芙本身嘅空氣感，咬落去中間滿滿嘅流心奶黃餡料，鹹鹹地，又甜甜地，係好有趣嘅泡芙💕💕 士多啤梨乳酪 對於鍾意士多啤梨，又超鍾意乳酪嘅我嚟講，又係難以抗拒嘅一款。起碼唔會超級甜，酸酸地，夠晒清新😁😁 另外買咗榛子Tiramisu味比屋企人，喜歡甜甜食物嘅佢，亦表示非常滿意。整個泡芙嘅口感層次非常豐富，而且Tiramisu味道突出，如果唔想下下都係食蛋糕，泡芙都真係幾好嘅選擇。

相約老友食放題 佢建議喺返元朗食，估唔到元朗都有出色嘅放題，平日晚市，更加係座無虛席，好有實力咁喎😎😎 被分配到二人卡位，都幾舒服 行入少少，仲有一大班人聚餐，可以自成一角，氣氛超好，目測應該都有二三十人！ 坐低之後，就快快用手機自助下單 佢哋食物選擇非常多，除咗一般刺身壽司，亦非常欣賞佢，佢哋有好多熟食，令到放題依件事變得更加老少咸宜👍🏼👍🏼 💕💕生蠔 好耐冇食生蠔，可以加錢任食！咁梗係要試試啦，一場嚟到～唔算話超級肥美，但非常新鮮，鮮甜～一手包辦左20隻😎😎 刺身都幾靚仔㗎，仲要切得幾厚👍🏼👍🏼 厚身真係好重要，口感好好多 最鍾意係三文魚，色澤非常靚💕 赤貝必食！超級甜！ 壽司選擇亦非常多！而且非常抵讚嘅係，每一款，可以淨係叫一件！咁就可以乜都試到啦😌😌除咗我嘅大愛「花之戀」非常推薦，當中仲有唔少火炙壽司選擇，提升刺身嘅鮮甜味道，正！ 第一次食放題，係深深俾佢嘅熟食吸引 製作，去到擺盤，都非常講究，係好食，唔係揸流攤。蝦味噌蟹黃軟殼蟹粥，非常屈機！每一啖粥，都有好多蟹膏，再加埋脆卜卜嘅軟殼蟹，味道濃郁，口感豐富，又可以暖一暖胃，要食！

如果想暴飲暴食，旺角呢個地方，絕對唔會令我失望😎😎 約咗好朋友去一鍋堂打邊爐，勝在有好幾間分店，方便，容易book 😎😎 入座之前，就要選擇湯底同埋套餐， 本身我哋兩個都唔係會員，好彩店員提一提，可以即時下載佢哋個Apps，即時成為會員，咁就有鮑魚同埋帶子送！ 坐定定之後，就可以用QR code自己叫嘢食，當然唔少得出去拎醬汁，前菜小食，同埋飲品啦，放題就係爽！ 有熱辣辣嘅響鈴同埋魚皮！ 不得了！老乾媽餐肉炒飯，實在抵受唔住佢嘅誘惑😎😎 本身未做會員，可以坐低再登記，已經可以送鮑魚，仲有兩隻大大粒嘅帶子，超抵😁😁 我哋揀咗比較高級嘅C餐，可以食日本黑毛和牛喎，係吸引嘅！而我哋真人實測完，係絕對值得👍🏼👍🏼和牛肉質冇得輸，非常幼嫩，非常滑溜！佢嘅脂肪，都稱得上係入口即溶！encore咗好幾轉😎😎 美國安格斯牛，都好靚仔，同和牛相比肉質就冇咁幼嫩，但肉味亦非常香濃👍🏼👍🏼 自家製丸子、蝦滑、墨魚餅 幾欣賞佢哋嘅丸子做到細細粒，咁就真係可以每樣都試啲吖嘛👍🏼 墨魚丸超爽彈💕💕 要蝦有蝦，要墨魚有墨魚，真材實料 打邊爐，當然唔少得海鮮啦，海鮮同我哋揀咗嘅冬陰功湯底非常夾！除咗蝦之外，仲有鱔、蜆、脆肉鯇，魚頭等等，海鮮愛好者表示滿意🥰🥰 另外，值得一讚嘅係佢哋嘅火鍋配料選擇真係好多，以蔬菜為例，就連冰菜都有！其實我都冇乜印象食過係點樣，今次認真咁樣食，感覺好得意，每一啖咬落去，都有啲冰粒嘅感覺，爽爽脆脆咁🥰🥰 至於肉類，就連豬肺都有，真係估佢唔到啊！

朋友新居入伙，搬咗去裕民坊，終於有機會上去參觀，順便喺樓下個靚靚商場食埋晚飯 花園平台有好幾間餐廳，我哋就揀咗依間泰國嘢，有套餐，都幾吸引 二人套餐/四人套餐，淨係睇餐牌嘅相片，就已經覺得好吸引，選擇好多，花多眼亂！ 仲有甜品Menu 睇完已經即刻決定，要留肚！食甜品！ 餐湯：冬陰功湯 呢個湯有好濃郁嘅蝦味，微微酸酸地，幾順口 泰北豬頸肉芒果沙律 帶有少少脂肪嘅豬頸肉，同酸may may既芒果絲結合，口感豐富，非常醒胃！ 香葉肉碎蘑菇沙律配生菜 就好似生菜包咁，不過個肉碎幾特別，加入咗蘑菇，更好咬口👍🏼👍🏼用蘑菇取代一部份嘅肉碎，感覺仲比較健健康康添 街頭虎蝦炒金邊粉 大大隻虎蝦，好肉地👍🏼👍🏼金邊粉似模似樣，配有花生碎，辣椒碎同埋脹卜卜嘅芽菜，味道微微甜甜地，好食 重頭戲，一定係甜品，非常有驚喜！ 泰式街頭椰子雪糕，係有兩球超濃郁椰子味嘅雪糕㗎 ！配上腰果、椰奶、粟米，係非常夾！超級泰國🇹🇭風！極力推薦！ 椰子沙沙芒果雪條凍 呢個係非常之驚喜🔥🔥好大杯！咁啱有小朋友經過，都眼定定😂😂芒果雪條係非常濃芒果味，口感係軟綿綿，而唔係好水嘅果汁冰！椰子沙沙又係，椰子味極濃郁。佢哋嘅甜品，真係做得非常非常出色！ 環境靚，坐得舒服，如果放假，或者下晝落嚟飲杯嘢，嘆個甜品，都幾寫意👍🏼

有時經過地鐵站，都會比依間泡芙店吸引 平時我都會食甜嘢獎勵自己，而泡芙就係非常好嘅選擇🥰🥰 每一個賣相都好吸引 特別係有布丁嘅款式，超巨型✨✨ 想要最經典嘅朱古力味又得，又可以選擇自己鍾意嘅水果口味 濃朱古力布丁 十級推薦！！ 鍾意朱古力味嘅話，一定會俾佢嘅外型吸引到，朱古力味嘅泡芙，上面仲要加一個非常厚身嘅布丁，再加埋超濃郁朱古力味嘅cream🔥🔥口感豐富之餘，唔同嘅朱古力味喺口腔大爆發，超正😁😁 紅豆抹茶布丁 又係俾佢嘅外型吸引💕💕 相對冇咁甜，綠茶味香濃，配上大大粒嘅紅豆，味道幾清新 Oreo脆脆 呢一款雖然冇布丁，但係如果鍾意食Oreo嘅話，又真係好難抵抗😁😁 每次食完都心思思下一次揀其他口味，最好就約埋一大班朋友，咁就可以一齊分享喜悅✨✨