麵尊

營業中

休息中

間店雖然唔大 但係坐得幾舒服當日安排咗坐喺對住玻璃嘅位置入左冇耐出面就大排長龍 唔使排隊幸運叫咗五香牛腩 鴨腎 粗麵 檸檬可樂另外再同fd share 淨雞翼尖&淨炸魚皮先講吓個湯底 味都幾濃 加咗麻辣好香朋友個碗加咗咖喱 試咗湯底覺得都唔錯粗麵幾有口感 無鹼水味五香牛腩 - 好淋身 味道算係清淡滷水鴨腎 - 冇咩特別 唔係好食到滷水味炸魚皮 - 好大塊 放落去熱辣辣嘅湯入面 有打邊爐嘅感覺忍唔住食完一塊又一塊 但20蚊都份黎講 分量稍為有點少雞翼尖 - 推薦 好入味 本身都好鍾意食雞翼尖車仔麵嘅雞翼尖黎講 呢間係食過最好味整體黎講 絕對會再幫襯 9/10

銅鑼灣有唔少好野食 但間中食下車仔麵呢d平民美食都幾開心嫁（平民美食黎講 車仔麵真係冇得輸！）今次就黎到位於銅鑼灣V Point既人氣車仔麵店「麵尊」 一於去試試佢睇下點解佢咁受歡迎啦！門面同內部裝修都幾新潮 有別於一般車仔麵店 而且坐得幾舒服 各位男士帶女朋友黎食都唔洗擔心女朋友會詐型啦！餸既選擇都幾多唔想動腦筋又或者有選擇困難症的話可以揀「大尊」或者「細尊」最後揀左5款餸：豬大腸、時菜、紫菜、墨魚丸同埋雞中翼 配米粉加腩汁連埋罐裝野飲都只係$70 係銅鑼灣區黎講認真抵食！味道方面：腩汁湯底好濃郁！唔覺唔覺飲左大半碗豬大腸真心好好食 滷水夠晒入味 而且夠稔 好想即刻再去食多次呀！墨丸夠彈牙 口感好好 而且幾重墨魚味雞翼既滷水味亦同樣入味 而且大大隻啖啖肉非常肥美另外仲有100%香港製造既麻辣醬同咖喱醬出售 重點係：佢地仲係黃店添！不過佢地d車仔麵咁平靚正 係咪黃店我都會繼續幫襯佢地嫁！

本身想食同一條街嘅第二間餐廳 但見到好多人排隊 所以最後揀左食車仔麵之前都無聽過呢間餐廳 完全真係咁啱得咁橋咁食左呢間車仔麵每款食物同麵都係10蚊 5-60蚊就已經好夠 同朋友一齊食 每人叫4個唔同嘅野食 互相交換食已經可以試左好多款朋友食豬頸肉 豬皮 豬大腸 牛栢葉 我就食牛腩 咖哩魷魚 豆卜 冬菇份量都多 唔會話比得一兩舊你 全部味道都唔錯 牛腩非常淋 朋友叫左咖哩汁 佢話比較辣 唯有咖哩魷魚無乜咖哩味 但其實都好食 如果可以每碗麵都比番一兩條菜就更好 會覺得會麵比較平衡成餐都幾滿意 特別係意外地先會食呢間餐廳價錢又唔貴唯一覺得比較唔好嘅係張枱有啲痴笠笠嘅感覺

由細到大都好鐘意食車仔麵,因為夠方便!又夠香港特式!而今手我都黎左位於銅鑼灣登龍街既「麵尊」食麵好餸都想揀!花多眼亂!唔理啦!就黎一個大尊-$42有豬紅,蘿蔔,咖喱魚蛋,紅腸,豬皮,菜配米線加腩汁可樂$10一碗要曬我想要既野...唔洗煩!豬頸肉,魚皮餃,芝士腸,油麵 $40 可樂 $10 再加個炸魚皮開心share 好香脆..超正因為我地外賣!湯同麵分開!都幾細心..唔怕拎到番屋企就林曬...食到有香港味道!食得好開心...

平日喺登龍街lunch時間必定人頭湧湧，特別係呢間車仔麵，價錢合理、啲餸又多選擇。而且雖然好似好多人咁但係最多都只係需要等五至十分鐘。講到食物方面，食車仔麵最緊要當然係啲醬啦。佢嘅麻辣醬好惹味，不過就算我叫微辣，對於我來講都係有啲太辣，所以如果叫麻辣又唔係話好食得辣嘅話就一定要叫杯豆漿啦！佢個腩汁都好味，但偏甜，蘿白都煮得好淋，其他餸就不過不失啦冇十分出色。總括而言，雖然佢個麻辣對於我來講有啲太辣，但係佢個麻辣汁係最出色嘅。而且喺銅鑼灣區午餐來講算係幾抵食，不過佢份量係比較少，如果大食嘅話就可能要加底啦。

想去銅鑼灣搵車仔麵食真係好難， 租金太貴難以負擔， 所以一見到有車仔麵店就會撲去食。好彩嚟到店係完全冇人排隊， 朋友話呢間店成日都排長龍， 可能時間大概五點半， 未係繁忙食飯時段， 正合我意慢慢食。 我同老公都係叫咗三餸麵，$40，價錢算合理，唔貴。 咁……食物味道如何，值唔值得食呢？ 答案: 值得 湯底係兒時通街食過車仔麵嗰啲味道幾乎一樣， 牛腩炆得好冧，好入味， 豬腸好有咬感， 又唔太 韌， 處理得好乾淨，唔驚仲有💩🤣值得一讚係個咖哩魷魚， 好好食， 好爽口，又入味。滿意！可以encore

次次經過都好多人排隊，今日早左lunch ，好快有位，好開心食到，唔錯，快靚正，好味！我簡左咖哩汁，好野味好夾，仲有好香的香蔥，牛柏葉爽口彈牙，一D都唔老，煮得剛剛好！我會再去食！

銅鑼灣有很多車仔麵檔，但好食又好坐的地方真的不多，這間是其中一間～酸齋腸仔蟹柳魚蛋米粉 $50平常我真的很少選擇酸齋，不過看過很多人都推介吃酸齋，特別加了這個選項！果然酸齋口感煙韌不會太酸，剛好可以開胃，加上一堆必勝車仔麵配搭－腸仔蟹柳魚蛋，有口感又入味，這些配料剛好可以認真品嘗甜甜湯底，而且米粉都依然彈牙不會太粉，分量剛剛好，這個價錢在銅鑼灣算是很高性價比！

係睇kol話麵尊好食，所以特登去食既😻食左又真係食過番尋味🤤好幾次都會專登去銅鑼灣食🤪鍾意既組合：豬紅 豬頸肉 蘿蔔 雞翼尖 米粉🥰豬紅唔會有陣味，豬頸肉肥瘦岩岩好🤩蘿蔔都霖既，雞翼尖又入味😋精華係個麻辣醬，會令到米粉入味😛一定要落醬！如果唔係個麵會無乜味😫大家下次經過銅鑼灣真係要試下😙最佳組合😍肥腸都好味😙無醬就無乜味😟

湯香濃，唔夠喉可以再添！正呀餸入味！價錢平民，每碗都係～$40，而且份量足夠。座位又唔逼，地方又乾淨！讚！雞翼，豬紅，魚皮餃，生菜，河粉冬菇，鴨腎，咖哩牛栢葉，麻辣汁，河粉

今日在銅鑼灣開完會後放工，約了朋友吃晚餐，經過登龍街看到這家門口招牌燈光耀目的車仔麵店，便入來一嚐。今晚客人較多，很快便满座。服務週到，點餐後很快便上諗。車仔麵的選擇眾多，餸的款式也很多，我和朋友每人都各選了四，五款餸。油麵配咖哩魚蛋，豬紅，墨魚丸，魷魚等。湯底清甜可口，滲入油麵當中。油麵麵質較粗身，煙韌彈牙，十分掛湯，配料的味道鮮甜嫩滑，特別是魚蛋和豬紅，滑溜彈牙。另一碗選了米粉，雞翼，牛柏葉，紫菜和牛腩，牛腩炆得入味軟稔，雞翼嫩滑可口，鮮甜多汁。白菜仔新鮮嫩滑，爽脆可口，加了腩汁，味道十分配搭。

呢日喺銅鑼灣想搵啲平民價啲嘅嘢食🤪，黎左登龍街嘅麵尊，估唔到星期日下午三點都要等位，另外唯一一間要等位嘅就係燈籠滷味，睇嚟麵尊人氣都幾高。呢到每款餸/麵底$10，感覺上餸既款式唔算好多，我就揀咗三餸米線配腩汁$40豬頸肉、豬大腸、墨魚丸三樣嘢食嘅水準都正常發揮，冇咩邊樣有特別驚喜。米線有啲偏硬身，煮多一陣淋啲會好啲！湯底方面，有少少似滷水汁偏甜，反而唔係好食得出有加腩汁🤔另外朋友要雞翼、豬紅、豬頸肉$40試咗佢個碗嘅雞翼，都算入味。鍾意食辣嘅人可以試吓佢個咖喱辣醬，每張枱都有一支，我吱咗少少，都已經好感受到佢嘅辣味。叫咗杯豆漿，喺出面工場整好嘅，唔算太甜，都ok。總括嚟講車仔麵嘅湯底、麵質同埋啲餸都正正常常，冇話邊樣野特別出色，如果諗唔到食咩都可以試吓😛

#fafafoodblog銅鑼灣 #fafafoodblog車仔麵 為食花太郎 Fafafoodblog 🍴車仔麵每款10 蚊酸齋浸左湯汁都不失酸味 證明夠入味 又有口感 豬頸肉 🐷肥瘦適中 醃既醬汁帶 d 甜 豬肉口感爽口 五香牛腩🐮個醬汁有 d 似柱候汁 牛腩軟林好入味 蠔油冬菇 冬菇細粒但厚身 夠哂 juicy 🍄 咖哩牛柏葉大大件夠彈牙 加埋爽口足料既 粗麵🍜 盡吸 咖哩辣汁🌶️ 製作用心又好味🍴車仔麵每款10 蚊🍜有鮮甜軟林冇渣既蘿蔔 爽口大件豬皮🐽 彈牙既咖哩魚蛋🐟 仲有應該係瑞士汁既雞中翼🐤麻辣 米線 麻辣本身個湯汁夠入味 用匙羹 放既辣醬 要試好先落 因為辣度十足 一般人半個匙羹都好辣 米線係比較軟林爽口嗰 d都好入味🍴炸魚皮🔥🐟20 蚊勁香脆用個膠袋包住 我其實有少少懷疑係附近 d粉預店買😃 重點係好味就得 浸落湯 夠哂口感 😃#車仔麵 #魚皮 #炸魚皮 #米線 #粗麵 #酸齋 #魚蛋 #牛腩 #豬頸肉 #牛柏葉 #冬菇Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene

銅鑼灣麵尊開咗咁耐都係第一次先幫襯平時排好長隊今日未夠6:00之前唔使排隊當然即刻衝入去試吓啦🐶啲餸有好多款選擇 淨係揀都諗咗5分鐘🙈豬紅 五香牛腩 滷水雞翼 米粉 滷水汁 麻辣汁豬紅真係滷得超入味 而且超大塊 唔會一夾就散五香牛腩唔同普通街食嗰啲🐮係一片片嘅牛腩 都幾有牛味 推薦👍🏻滷水雞翼同樣滷得入味 而且啲肉唔會好老仲keep到好Juicy🐥最不得了嘅係呢度嘅麻辣醬🌶麻味同辣味都好出好食到我哋最後買咗一罐返屋企自己食$80油麵比米粉好食煙韌有麵味 有蛋味下次等我自己都叫先

因為前一晚去咗staycation,第二日checkout之後就去咗銅鑼灣行街，行左陣唔係好肚餓，但又到食飯時間，男友諗起有個YouTuber 介紹呢間車仔麵，就決定嚟試下。.一入到去睇環境車仔麵嚟講都算乾淨，但因香港土地問題嚴重😂地方唔大，所以坐落都有啲逼🤦‍♀️雖然唔洗等位，但都唔少人所以就冇影相啦。.一坐低枱側邊有個筒放咗d點餐紙，一碗畫一張，都幾多餸揀嘅，重點係一落完order就好快送嚟，真心好快😂😂.碗麵我嗌左4個餸，其他3個都ok，唯獨係五香牛腩我覺得有d韌，湯都好飲嘅，唔會太咸。.重點係4個餸先40蚊真心好抵食！份量岩岩好👍🏻