麵尊

營業中

休息中

喺銅鑼灣行完街，去咗登龍街揾野食，見到一間車仔麵門口好多人排隊，所以決定試一試下，可以選擇既菜好多，所以最後決定揀咗兩碗大尊有豬紅，蘿蔔，咖哩魚蛋，紅腸，豬皮同菜，好豐富，仲可以揀油麵，幼麵，河粉，米粉或者米線，個湯好有味，餸都唔少，抵食

眼見周圍的親朋戚友都開始回復正常生活, 我都不落後在下班後到鬧市看看熱鬧!這條銅鑼灣的美食街晚飯時間人頭湧湧, 其中一間大排長龍的就是車仔麵檔~~~門口看見他們的招牌已經覺得好有氣勢, 而且又有大大條人龍加持, 最後就決定外賣點餐!連午飯都未吃的我先點了他們自家的"細尊"開開胃。 魚旦和豬皮都十分彈牙爽口, 蘿蔔大件又鮮甜!車仔麵做到最基本的分湯包裝~最出色的要數豬頸肉, 肥瘦均勻調味剛好, 甜味和咸味配得剛好!車仔麵店早已在香港開得成行成市, 有心做的人卻不多~吃過這間麵尊後就覺得他們是其中一間!

我好鍾意食車仔麵（嚴格來說係河粉），由湯底、麵條到麵碼都可以自由搭配，又夠惹味，所以耐不時就想食。我暫時最愛係銅鑼灣的新記，佢啲滷水配料好入味。原來同一條的登龍街仲有一間車仔麵店「麵尊」，佢本店係上環，銅鑼灣店裝修同格局比較新式，而且窗明几淨，環境總比新記優勝。呢度配料係逐樣計，大部分都係$10，選擇都算多，麵條就有8款㨂，而湯底就得腩汁或者麻辣。我要河粉，腩汁加蔥同咖喱辣醬（少辣），另要豬大腸、豬頸肉同咖喱魚蛋。湯底顏色好深，但又冇想像中咁濃，唔鹹之餘仲有少少甜味，飲多兩啖都冇口渴。混和左辣醬之後初時都冇咩，辣味係幾香，但後勁慢慢開始來，食到未到一半已經頂唔順，要麻煩店員幫手加清湯溝淡，所以唔食得辣要三思。豬大腸入味兼冇異味，冇咩肥膏，豬頸肉偏瘦，但唔會韌，咖喱魚蛋雖然彈牙，但咖喱味唔算濃。河粉幼滑，但好碎濕濕，比較難夾。另一碗係油麵，腩汁，牛腩、美味齋、蘿蔔，牛腩唔肥，但都入口軟腍，美味齋即係普通齋，甜甜地，我會鍾意酸齋多啲，蘿蔔煮得超鬆化，味甜多汁又冇渣，必點。麵尊同新記係同一條街，各有千秋，以後要食車仔麵，可能有點爭扎了。

我呢... 真係好鍾意食垃圾，食湯粉類既物體，車仔麵，魚蛋粉(我記得我回來既時候，我兩老同我講左幾樣田，一樣係唔準學電單車，另一樣係唔好食咁多魚蛋粉)呢間野一直都好想試，但而家少左出街，自然要左揀右揀，為左成功地試佢，我同男人講上網見到有人介紹佢個豬紅好好食(咁當然要搵樣可以說服到佢既先得啦～)，又話見到點點點... 終於.... kekeke...豬紅黎講佢都係打敗唔到過幾條街時榮記，不過都比起好多車仔麵黎講仲得唔錯，我個人認為佢比較咸，口感還好另一樣見人推介既係咖哩魷魚，呢尐咁邪惡既點可以唔叫呢XD 結果佢比我預想中好食，入味同唔"un"大腸我唔食既，男人話都好食，乾淨既蘿蔔同墨丸就正常囉～我估佢唔同我食既時候，我獨自去偷歡既時候會去食架啦XD

黃店 💛 #銅鑼灣 #麵尊同朋友黎銅鑼灣行街，黎到V point呢度食個車仔麵先😚 呢度嘅車仔麵每樣餸$10、麵底$10，最低消費$38。🍜 粗麵粗麵比較煙韌，索嘅湯汁冇咁多，味道有少少鹹，啱啱好☺️🥠 炸魚皮炸魚皮勁大塊！仲有成三塊，放喺個麵嘅最面頭，鍾意食脆嘅可以食咗先/ 夾埋一邊先，鍾意食腍嘅又可以浸落湯度先😋 我就鍾意硬身咁食，脆卜卜，正！🐣 雞中翼雞翼正正常常，都好味嘅，肉質嫩滑～唔算招牌特色嘢，但我本身鍾意食雞翼😙✌🏻🐄 牛腩牛腩有驚喜🤤🤤 份量超多，大茌金得黎煮得妳腍又好原汁原味🤤🐽 豬紅朋友叫咗豬紅比咗舊我食我都覺得好正呀🤤 而且豬紅份量勁多！有成六至八舊大大磚嘅！

從小到大我都唔是一位喜歡吃車仔面的男性,因為覺得車仔面好普通,好多料都可以自己在家煮面,加上吃不飽的機會很高,所以就絕少選擇車仔面。不過,銅鑼灣這間面尊一直有多朋友介紹,今次來到就一試啦,其實剛好月尾無錢啦~幸運地不用等位,直入就有~~車仔面(3送)  4/5分  牛腩/咖哩魷魚/鴨腎/油面1. 份量不算多,看似大碗但面量略少2. 價錢公道,味道整體好,各種送都有水準3. 牛腩似五香肉丁的口感(好味),不似牛腩4. 鴨腎太少太細,不建議選5. 咖哩魷魚絲都可以6. 湯底一流,辣汁是精華所在,加蔥仲好味40元在銅鑼灣吃完一碗車仔面,再去吃個甜品就GoodGood LA~~支持黃店車仔面!

餐廳位於家的附近，所以經常看到， 餐廳位於銅鑼灣，距離地鐵站路程只需五分鐘左右，十分方便快捷。餐廳主打的就是香港最著名的車仔麵， 內裏裝潢充滿香港的特色。點菜的流程十分簡單， 也就是用點菜紙 親手圈出需要的食物， 簡單又快捷。 這天恰巧看到一個老人， 他對文字並不太熟悉 店員也十分貼心為他一一解答， 還幫他圈出他的需要， 沒想到繁華的中午，也有如此貼心。而我點的食物就是外賣自取，麵底方面，當然挑選我最喜愛的粗麵， 配搭酸齋，牛腩，貢丸及墨魚丸。 必定一提的就是他的麵底，選材十分重要， 沒有多餘的鹼水味道，最重要軟硬度適中，入口充滿質感。 另外酸齋， 充滿家的感覺，令我回想起兒時的老太太。

今日做完野後，黎到銅鑼灣搵野食，黎到有食街之名既登龍街，見到門口多人排隊，就決定試吓呢間麵尊，車仔麵對大家黎講地方通常比較市井，但呢間麵尊係絕對會令你耳目一新，環境闊落又整親最低消費係$38，姐係大約要叫二至三樣餸叫左個油麵，餸包括：蠔油冬菇、豬頸肉同蘿蔔蘿蔔：食得車仔麵又點可以唔叫蘿蔔呢，蘿蔔吸曬湯汁，好味😍😍豬頸肉：口感夠厚，肉夠冧，值得一試👍🏻👍🏻最後就到蠔油冬菇，呢樣就真係私心推薦，蠔油味好足，入曬落個冬菇度，正💪🏻💪🏻整體來講，好好食，有機會一定要黎食下👍🏻👍🏻👍🏻

今日係4/6 所以一收工就去食啲嘢之後再去維園集會。本身揀咗三間黃店食，最後揀咗依間食車仔麵。6點幾嘅時候條街都唔算多人，好多舖頭都冇生意，成條登龍街得龍門同埋麵尊最多人。等咗一陣間之後，好快就入到去。佢款式唔係好多，剩係得基本車仔麵配菜。比起文記少好多選擇。最後揀咗啲穩陣之選，最多人會叫，點都唔難食得去邊嘅嘢食。最後叫咗牛柏葉牛腩豬頸肉河粉，仲多咗啲辣汁。不過佢辣到冇得揀，有啲遜色。過咗一陣間碗野嚟到係咁樣。其實見到咁嘅款都有啲失望，大家見到左下角嗰啲肉。叫你估咩肉，我諗應該冇人估到係牛腩😹😹😹我開頭望落仲以為係雞肉，以為佢落錯咗，但見佢黃店就算啦照食。食落真係牛腩，不過真係好難食，肉質似牛腩，但係個味好奇怪，又唔好食。其他配料都叫入得口， 不過都真係麻麻地。湯底都係普通味精湯味，冇咩特別。食完成碗面一條菜都冇，依樣嘢真係要改善下。最後埋單$40 價錢嚟講真係幾經濟，不過我寧願俾貴啲都唔想食咁難食嘅嘢，下次一定唔會嚟。 而家龍門好食咗好多，可以話完全_ 打佢😉可想言之佢有幾好味。

座位比較狹窄，但裝修有心思。湯底夠濃味。食落每一口面吸咗湯汁，要左粗麵都唔會麵湯分離。啲餸都夠多，十蚊一個餸，最低消費38蚊，喺銅鑼灣嚟講算係平。要咗牛腩，夠腍身，唔會有筋，做到入口即溶。 要咗鹵水鴨腎 ，因為係比較少食所以先叫。入味，咬多幾啖，鴨腎味出哂黎。最後要咗鮮冬菇貢丸，令人suprised。好有鮮味，夠咬口，唔係平時喺街會食到嘅貨色，而且夠大粒，好食。

平時對車仔麵沒什麼好感，因為好多都係劣食，味精又多。星期四下午接近三點，都等咗10分鐘，證明有一定水準。車仔餸選擇貴精不貴多，每款$10，麵底$10。叫咗雞翼、酸齋、貢丸，雖然每樣得兩件，但每件都算大件，每樣都好夠味，酸齋彈牙，酸甜適中；貢丸好香又彈牙，雞翼唔係骨殘殘嗰啲。朋友介紹試吓湯底揀咗麻辣，原來係原味湯底另外加一小匙麻辣醬，唔食得太辣嘅朋友都可以食得到，正！朋友食咖喱湯底，佢話都好好食！下次試吓其他餸。

星期日同朋友喺銅鑼灣行完街之後，本來想食黃到發金嘅龍門冰室，但實在太多人去懲罰佢哋啦，而我哋又好肚餓，見到隔離有間好似新開嘅車仔黃店，於是就決定去幫襯下！呢間黃店雖然冇隔離龍冰咁多人，但一樣坐滿全場，咁好彩啱啱入去嘅時候有一台人走於是我哋就可以有一張四人枱。入到去見到周圍都好多好多抗爭裝修裝飾，而且店內不斷放着手足必聽嘅歌，令人都坐得特別舒服！同朋友四個人分別嗌咗三碗麵加一碗齋餸（因為友人唔肚餓）。豬大腸豬紅咖喱魷魚 油麵 配咖喱辣加麻辣（少）（$40）先講吓個湯底先，我食嘅係豬大腸豬紅咖喱魷魚 油麵 配咖喱辣加麻辣（少）（$40）！超級鍾意佢嘅麻辣醬，係果一種啱啱食落口覺得冇乜感覺但啲辣味會慢慢慢慢開始散出嚟。如果你唔係好食得辣嘅話，建議你可以叫個waiter將個麻辣醬另上自己少少少少咁加落去！食到最後個嘴真係辣到腫晒，但真係辣得好好食！！而車仔麵嘅餸亦都好出色，魷魚整得非常入味，食落啲咖喱汁會必晒出嚟，加埋個汁真係錦上添花！豬紅同豬大腸處理得好乾淨，食落唔會冇腥味，滷水味好重好入味，下次黎一定會再嗌！腩汁 有葱 豬紅魷魚豬頸肉 （$30）唯一少少美中不足嘅係個麵底，油麵煮得唔夠耐，

等左咁耐，終於有時間試下咁出名既〈麵尊車仔麵〉！2點左右去到，排左大約5分鐘，排緊個陣順便圈埋想食d咩。叫左一碗雞尖蘿蔔咖喱魷魚米粉、咖喱辣、多蔥👉🏻雞尖- 夠哂入味，但又唔會好似其他車仔麵檔咁煮到爛容容，真係原隻上枱，「妹下妹下」咁真係好正👍🏻👉🏻蘿蔔- 煮得好笠好清甜，最重要係冇渣👉🏻咖喱魷魚- 感覺咖喱就唔太入味，普通魷魚咁⭐️咖喱辣- 唔係好食得辣，所以揀咖喱辣，種辣味食落係香既，唔係一種死辣，唔會辣到要不停飲野，係正既另一碗雞翼香菇貢丸酸齋米線、腩汁👉🏻雞翼- 大大隻啖啖肉，夠味👉🏻香菇貢丸- 真係有濃郁香茹味👉🏻酸齋- 普普通通⭐️米線- 呢個真係有驚喜，食粉麵最棹忌太淋，〈麵尊〉用個種米線唔似出面其他食米線既專門店。〈麵尊〉用既米線幼身d，感覺有咬口 店舖雖然坐滿哂人，但坐既位置都叫舒適，唔會太迫。餐具用包裝即棄餐具，係就係唔環保左小小，但疫情影響下，都要咁做架啦。總結 雖然價錢比其他車仔麵店貴，但物有所值，cp值高，一次無妨後，可以再次懲罰！

銅鑼灣一路都好多人，唯獨呢條街好靜，但又唯獨呢間鋪好多人🤣 d人話佢個醬好正，我就黎試下係咪真係講到咁正1. 蘿白冬菇牛柏葉河粉（$10+10+10+10）喂！又真係幾好食wor!! 個咖喱辣好鬼正，少少已經好辣，好味，蘿白唔算好淋；冬菇好入味；牛柏葉幾爽，河粉係幼身，好滑，值得翻兜2. 豆漿（$12）不錯，解辣一流

今日放工想行一陣，所以先去食個下午茶。去了這間在附近的車仔麵（麵尊），食好耐無食過的車仔麵！環境舒適乾淨，食物餸菜都唔少，自己選好寫好就交予店員點了五香牛腩+酸齋+爆汁貢丸米線（加了蔥及麻辣汁）五香牛腩好推薦，香軟入味，份量都唔食！酸齋有2大塊，酸酸甜甜好開胃，口感也不錯喔！爆汁香菇貢丸大大粒，唔乾身幾好食，有汁又香菇味又彈牙，配上滑滑又不失彈性的米線，湯汁可自選咖喱、麻辣、腩汁，麻辣醬好香濃又唔會好咸繼續支持黃色小店