麵尊

營業中

休息中

或者大家都會問，車仔麵點可以做到高級一點？用鮑魚……名貴一點食物... ? 唔係囉，用高級既食物，咁已經唔係地道既車仔麵！好啦，呢間麵尊，位於登龍街，食肆林立，靠賣車仔麵生存到唔係咁易。門外裝飾似西式洒吧，不過配上中文字。但係點都唔似食車仔麵。好，睇下車仔麵選料單。十蚊一個餸，廿蚊有碟大大碟油菜，銅鑼灣來講算係平！點了墨丸，蘿蔔，魚蛋，冬菇，雞亦。加上佢地招牌咖哩汁！店員一送上枱，我即刻眉頭一皺，食車仔麵我預咗油，但碗麵都唔洗咁多油卦！唔理先試一啖有咖哩汁既湯，出乎意外，一d都唔覺肥膩！相信用的食油有精心考慮。湯底仲相反比到清甜味道！咖哩唔係厚厚嗰種，只係淡淡帶出點點辣味，唔會太搶味！墨丸合格，蘿蔔無根又清甜，冬菇，雞亦都入味，係魚蛋相對失色dd。廿蚊大大碟新鮮翠綠生菜，食得健康。高級一點的車仔麵，就是在保留食車仔麵風味及味道的同時，帶比食客食得清新健康的感覺！

銅鑼灣不嬲多嘢食，登龍街更加好多美食通常都係啲比較貴同高級少少嘅日本嘢有一間比較新嘅車仔麵店幾搶眼，估唔到會開喺呢條街車仔麵原本叫嗱喳麵，但開喺銅鑼灣感覺升格咗而且店內裝潢好新企理，連車仔餸都好乾淨抗疫期間都做足衛生措施，亦遵守限聚令，衛生環境好好1. 為食客量度體溫2. 有枱寫上「政府唔比坐」3. 用膠片分隔座位，同隔離枱有1.5米有距離4. 枱面提供消毒用品5. 餐具以獨立包裝車仔麵湯底好濃郁，有啖啖滷水味齋飲湯會偏鹹，連麵條同車仔餸就好惹味難得係飲完唔會好口渴湯底到食材都極乾淨，麵條亦軟硬適中豬紅蘿蔔係我食車仔麵必點嘅車仔餸，兩者都好索湯蘿蔔軟嫩清甜，只係一舊有少少苦澀味豬紅似醃過同好香，又唔會一夾就散咖哩牛柏葉一般，有咬口，擺湯底會沖淡咖哩味，但都索湯五香牛腩麻麻，唔似牛腩，入口好奇怪豬大腸切開後，粒粒都極乾淨，無污糟嘢無咩臭味極推介嘅係酸齋，真係超索湯，腩汁惹味，辣汁香口

我都係講返啲開心😋嘢算，今日心血來潮去咗食車仔麵🍲，一入到店門口即刻feel到親切嘅感覺，見到啲pepe人都開心😍啲, 食家我就叫左油麵🍲，真是幾爽口，餸就叫咗魚皮餃豬頸肉同酸齋，認真開得喺銅鑼灣🏙冇番咁上下實力💪，喺呢個市度好難做得住😔，所以大家🤗不妨去試下啦。

登龍街除咗拉麵仲有車仔麵🍜 佢喺龍門隔離，都幾顯眼😗 每碗設最低消費$38，唔似其他舖頭唔同餸會唔同價錢，佢一律都係$10🤓😗🤪/🍜 咖哩魷魚牛筋牛腩幼麵 $40魷魚份量都唔少，不過唔太有咖喱味🤪 牛腩都炆得好淋好入味🐂 牛筋都有咬口，一樣入味😙 好食！/以前嘅我極少食車仔麵🤓 撐黃店之後食多咗好多，先發現其實都幾好味，而且又有香港特色😙👍🏻 然後都會食多d，希望唔係太遲😎😎😎😎😎

想起家人躲在家裡防疫, 必定有點悶.    今晚我買了外賣回家, 使大家都變得好開心. 行到銅鑼灣人氣地區,  V-point  樓下,  最經濟, 慳家, 必然是買 "車仔麵" .麵尊  ~ 是我目標店.招牌吸引,往入望,  金漆牌片 "麵尊 " 看來幾威風.店內整齊清潔, 感覺不同一般車仔麵家.  牆上餐牌食物介紹清晰.  三十多款餸, 餸料每款 $10, 粉麵每款 $10.店員給我外賣餐單, 通知分開每碗填一張.我分別點了 "大尊"  "細尊"  再加餸.  埋單 $142-.   只等 十分鐘, Pack 好了, 可以取走.發泡膠盒保溫好, 回家後, 食物仍然暖.打開盒蓋, 好豐富啊 !!" 大尊"   有傳統豬紅, 蘿蔔, 豬皮, 咖喱魚蛋, 紅腸, 菜.  份量不少. "細尊"  也有傳統豬紅, 蘿蔔, 豬皮, 咖喱魚蛋, 紅腸,  只是比 " 大尊"  少了菜. 淨豬頸肉,   $30- ~ 分開盒,  肉質鬆, 香味滿溢,  五香牛腩,  我叫了兩份, 只 $20-.   也是分開載, 牛腩口感軟滑, 五香味濃.魷魚,  夠辣又入味, 口感彈牙. 咖喱魚蛋,  微辣,

以前食車仔麵的只會是窮人，今時今日己經不同了，已成為奢侈。車仔麺店越開越多，裝潢又美觀，相比以往又污糟又逼夾的感覺，完全兩個世界。好似銅鑼灣呢間車仔麵店，位於登龍街地舖，租金一定不平宜，非常勇敢的決定，當然對自己品質水準有信心。每次經過都爆場。米線，蘿蔔，豬皮，冬菇，魚皮餃，酸齋，生根，雞翼非常豐富的一碗車仔麵，每樣餸菜入味十足，充滿著誠意。醬汁有麻辣和咖哩辣，詢問過店員，她建議我兩款都試吓，於是乎分別用匙羹載上。我比較喜歡咖哩辣，微香的辛辣夠惹味。，不錯。

這天晚餐想吃麵，就到公司附近的麵尊車仔麵買外賣回家吃。店員先在門口為我探熱，在等候外賣期間亦留意到店內的座位用了板隔開，做足防疫措施👍。店員相當有禮，外賣亦放得穩妥紮實，坐巴士轉火車回到家也絲毫沒走樣。食物方面點了紅腸，豬紅，豬皮，冬菇，酸齋，美味齋，豆卜，魚皮餃，雞中翼，炸魚皮。麵則點了一個米粉，一個米線🍜，每款$10。麵的質感彈牙爽口，各樣餸也很有水準，個人特別喜歡的是豬紅，魚皮餃及齋，第一次試車仔麵店的齋，想不到比起齋舖的一點也不輸蝕。

同朋友係銅鑼灣唔知食咩好，經過心諗就不如食車仔麵，店內坐得算舒服，同朋友每人叫左三款餸，朋友既雞翼豬腸酸齋油麵，每款餸都係$10，雞翼入味，特別係個豬腸好食，魚皮餃牛腩水魷魚粗麵，呢度既牛腩比較薄，比較似牛肉片，魷魚都幾好食，個粗麵幾好，佢唔係平時食既有鹼水味個種，佢既粗麵爽口之餘有蛋味，唔錯，其實以銅鑼灣黎講性價比算唔錯，40蚊左右就可以食一個三餸麵，而味道唔錯，算平價之選。

💛黃嘅車仔麵 想試好耐啦٩(˃̶͈̀௰˂̶͈́)و舖頭好新淨 車仔麵唔一定要食老字號嘅😋呢度最低消費$38 每樣餸/面 $10我叫咗雞中翼+蘿蔔+豬大腸+油面+麻辣+腩汁+蔥😚蘿蔔係我食車仔麵必叫 可以知道佢嘅質素到邊🧐蘿蔔清甜冇渣揀得好好 亦都炆得入味👍🏻豬大腸亦都係另一個標準 呢度清得好乾淨 唔會有好多脂肪 滷到轉晒色😛雞中翼都正正常常🐥油面好有彈性 我覺得同其他入貨唔同😚車仔麵都係食佢個汁 腩汁都OK偏鹹 但個麻辣醬不得了(⁎⁍̴̛ᴗ⁍̴̛⁎)係有層次嘅辣!!! 唔會好油但有麻香😍對鍾意食辣嘅我 係一個令我會回頭嘅主要原因😋💛平時都幾多人 店員態度可以改善一點💛

麵尊 - 高質車仔麵最近的確少了外出吃飯，多了叫外賣，今天工作後，就到了平時午餐常光顧的車仔麵-麵尊，但這次就外賣回家慢慢品嚐。四餸麵肉食獸車仔麵看名字就知道大陣仗，無肉不歡的我選了五香牛腩、腍身的豬大腸、雞中翼和爽滑的咖喱牛柏葉，再配上粗麵，牛腩粗麵是常識吧！經典車仔麵每次車仔麵必叫的丸類-彈牙的香菇貢丸、爽口墨魚丸，入味得很的酸齋和無渣吸滿湯汁精華的蘿蔔，配上油麵和加入大量腩汁，經典牌的車仔麵。豬頸肉小食分量非常多的豬頸肉小食，豬頸肉嫩口、多汁，再塗上秘製醬汁燒烤，非常惹味。

係銅鑼灣接女朋友收工係附近搵野食佢係都話尼間野好好食拉左我入去食餐廳裝潢幾好而家播既歌都好好聽叫左個車仔麵食好大碗佢既豬皮好彈好爽口而且豬頸肉又好彈牙 好好味個湯又夠味係銅鑼灣食車仔麵先40蚊勁抵啦

朋友啱啱返到香港唔知食乜好，我就帶左佢黎食返啲香港地道野：車仔麵。呢間車仔麵幾多選擇，丸同肉都應有盡有，真係花多眼亂呀～唯一一樣唔多既就係菜既種類。雞翼尖有少少咸，不過就夠曬香。而豬紅就好軟滑同高質。魚旦方面，魚既成份好多，唔會好粉，同落太多水。米粉就煮得啱啱好，唔會太淋。整體而言都算係碗偏高質既車仔麵。不過就唔算好扺，可能同地理位置有關，始終銅鑼灣地鋪既租都唔會太平。服務態度幾好，朋友食得開心呀～

呢間車仔麵係平日午飯時間都好多人排隊，今日見唔洗等位就入去試下啦。每款餸$10，麵底$10，最低消費$38，價位係銅鑼灣黎講係十分親民。餸同粉麵都係車仔麵既大路款式，湯底有咖哩、麻辣同腩汁可選。我簡左五香牛腩 、酸齋、咖哩魚蛋同油麵。五香牛腩好入味但淋得好過份，無左平時食牛腩既咬口。酸齋好夠酸，但只得兩大舊。咖喱魚蛋無乜咖哩汁，味道有少少香辣。腩汁湯底正常 ，無咩特別。成碗車仔麵既味道一般，份量亦少，要叫多幾個餸先飽肚😂

好耐冇食車仔麵 今次黎間黃既😏 每款送都係$10 👦🏽叫左甜酸齋 美味齋 魚皮餃 豬頸肉出前一丁 我叫左美味齋 芝士腸 豬頸肉河粉 齋真係必食啊 原個上仲好大舊 豬頸肉滷過好入味 食得辣既要落辣椒油 好香~又吾會好搶喉好辣 最開心佢有罐裝檸檬茶

好耐無黎銅鑼灣 先發現多左好多新開既鋪頭 從畢業到依家都已經好耐無食車仔麵 呢度啲車仔麵好吸引 味道濃郁 叫左牛柏葉同豬皮 豬頸肉 所有野都完美就係高估左自己 叫左個辣汁湯底 點知辣到飛起😂 食都食唔食到要飲飯罐可樂先可以再繼續😂如果唔係好食啦 最好唔好叫辣汁😂