麵尊

營業中

休息中

第一次食麵尊, 試左佢地嘅招牌-大尊, 入面嘅料都幾豐富, 包括豬紅, 蘿蔔, 咖喱魚蛋, 紅腸, 豬皮同菜, 豬紅同蘿蔔都整得幾入味, 其他餸就正常水準湯底就點左腩汁加麻辣, 味道幾濃郁而麵底揀左油麵, 油麵整得啱啱好唔會腍有返少少趙口又吸哂湯嘅精華, 係正嘅! 車仔麵店黎講, 麵尊嘅裝修靚而且地方清潔, 以咁嘅價錢性價比算係高

食慣左龍門，今晚想試下登龍街其他黃店。呢間車仔麵個樣好新潮，舖面空敞，霓虹燈招牌吸引人注意。一大塊落地玻璃，但好細心咁係窗邊bar枱位加左磨砂，食客既食相唔會出到街。和你eat用左一大段文字去講佢點解黃，由雨傘已經係深黃，我信！餸啊麵啊每樣野$10，最低消費$38。$40 我嗌左咖喱牛栢葉+魚皮餃+鹵水鴨腎+米粉湯底係一絕。叫左咖喱辣，佢比左一羹仔醬，但果一羹醬完全令碗湯好值得飲！每一啖米粉我都要浸一匙羹湯送入口。辣係幾辣，但食到停唔到口！牛栢葉又好入味。咁高質既車仔麵，價錢係銅鑼灣黎講又唔算貴喎！

黎左試呢間黄店，係一間食車仔麵嘅店，拎張紙畫，可能已經比較夜所以有部分野食已經冇哂(見黑色删走部分) 。同埋個日我9點幾都仲要排隊，不過唔洗排太耐嘅。叫左個大尊，好似最抵食，又有菜，重點係佢係set但我寫左想改佢肯改比我，同埋最上面個8字係我寫嘅，而staff係番張單到回應我最右邊嘅"香港加油"，好感人！佢嘅麻辣湯係好食嘅，唔係死辣嘅，另外豬紅都好食，不過portion唔大，男仔可能唔飽！我覺得會encore，下次會帶定水，因為飲品比較唔抵~

銅鑼灣好多間車仔麵，今日行過登龍街試吓呢間新開而家新形嘅車仔麵好多都又食花膠，鮑魚之類嘅貴價食材。而呢一間就係做傳統嘅平價菜色，所有餸都係$10，抵食我叫咗雞翼，豬頸肉，酸齋公仔麵加咖哩辣。(由於佢無哂伊麵，我諗我下次先食到)一食第一啖，咖哩辣都有啲料到喎好香，大約有譚仔5小辣既辣度，好驚喜！雞翼做得幾滑，入味而不太咸酸齋好少地方有，幾特別另外朋友叫左冬菇蘿蔔牛腩，我食左佢個冬菇都好入味，我下次都要叫！

排咗20分鐘左右，諗咗好耐食咩好，好多樣都想食，但就唔知食邊樣好。😩😂😂有最低消費，所以要起碼叫三個餸🙈，要咗墨丸丶豆卜、蘿蔔同伊麵，伊麵要再加少少錢，但絕對唔會令你失望。👍🏽👍🏽👍🏽雖然咁嘅價錢，每樣餸得幾粒，確係有啲唔抵，性價比偏低，但勝在每樣食物都係有誠意嘅，豆卜夠入味，蘿蔔夠腍又甜，墨魚丸都ok. 最正係個伊麵，有微微彈牙嘅感覺，湯底亦唔差，如果鍾意食辣嘅朋友可以要辣嘅湯底，應該都唔錯。

十幾年前住銅鑼灣，開始幫襯同一條街嘅X記車仔麵，點知越食越細碗，麵同餸越食越細份😑近排知道有間新嘅咪試下，相同價錢，份量多一倍，講真味道差不多，但起碼啲雞翼喺整咗冇耐又入味，感覺唔係隔夜嘅，值得一讚👍🏻咖喱魷魚牛栢葉都夠味，唔係分開白烚！👏🏻👏🏻豬紅夠大件，蘿蔔夠甜！枱櫈都好乾淨，冇油𣲷𣲷！坐位舒服先啦！不過如果有埋瀨粉同多啲小食就perfect 啦！不過都有伊麵😋公道啲！值得encore 嘅！

銅鑼灣登龍街一向是食肆集中地，無論是地舖抑或商業大廈樓上鋪，各種價位、檔次及口味的餐廳應有盡有。不過，餐廳數量實在太多，競爭非常激烈，多間餐廳開業未夠一年就轉手的情況經常發生，能夠生存三年以上的餐廳屈指可數，其中一間竟然是街口的車仔麵店；並不是說該間車仔麵店唔好食，只是很難相信一間小店可以支撐高昂的地舖租金。可能有這個成功例子，竟然吸引了另一間車仔麵店進駐登龍街，還要位於落只有三年多的「V Point」地舖，租金應該更加貴。「麵尊」原址也是車仔麵店，上手在2018年開業，幾個月之後，就換了名字。不過，基本裝修保持不變，簡直可以說是原封不動；唯一改變就是其中一幅牆變成了餐牌，掛上一個個寫了車仔餸菜名字的膠牌。小店有自家秘製麻辣醬及咖喱醬，兩種都是車仔麵店近年非常流行的醬汁。車仔麵餸及粉麵種類唔算特別多，但也差不多有齊最受歡迎的大路款式，每款$10；以銅鑼灣區的旺舖地帶來說，價錢尚算可以接受。揀了五款都算經典的車仔餸：豬大腸、蘿蔔、豬紅、咖喱魚蛋及咖喱魷魚。見到碗車仔麵之後，信心即時打了折扣。湯底顏色太深太黑，似乎落了太多味料，有點假。咖喱魷魚及咖喱魚蛋賣相就更加不敢恭維，既沒有咖喱汁，外

入登龍街已經係諗住食得貴不過竟然係一堆拉麵鋪裡面見到一間車仔麵裝修好靚 係新式同傳統嘅混合顧客坐嘅位置唔算迫 只係員工行走送餐時要左穿右插我真係無諗過咁好食！湯底甜、辣豬頸肉好冧豬大腸又係又冧又入味餸嘅份量都可以 唔會俾人覺得呃秤係我太心急食唔記得影相我一路食一路讚仲介紹咗朋友去試

師傅琴日心情麻麻地，成日都冇乜點食過嘢，直到離開學堂都未肚餓，但感覺上係要食啲嘢，於是乎就近近哋嚟呢一間食店啦。呢間食店亦都係一間良心食店，師傅一定會支持，其實之前已經嚟過一次，不過太忙冇有時間寫到食評，趁住今日仲有少少時間，就寫個新鮮熱辣記憶猶新嘅食評。由於去到時間都比較夜，所以唔使等位直接入去，師傅記得上一次黎嘅時候，都要喺出面排隊，都要等三四個先入到去。今次就比較快因為夜嘅關係，入到去一坐低侍應已經好快就遞咗一張餐紙上嚟。師傅見當中有好啲食物沽清，但都不影響師傅，於是乎睇睇張紙，望左一陣，即刻畫嘢食，一如以往師傅先揀咗豬紅，豬皮，豬腸，再揀咗紫菜，牛筋同埋咖哩牛柏葉，今次我要左米粉，而湯底加上腩汁同咖哩汁後，咁就交咗張紙畀侍應。說時遲那時快， 一碗熱辣辣嘅車仔麵就放咗喺師傅面前，師傅先試下佢個湯底，發覺湯低香香甜甜，味道又甜，師傅都一口氣飲咗四五啖，好正，見佢旁邊仲有咖哩醬，不過份量唔算多，但咖哩好鬼香，好惹味，再將咖哩醬撈勻喺個湯底，咖哩香味出曬嚟，真係不得了。之後師傅就試下佢個豬皮，豬皮都幾大塊，入口算幾爽口，雖然唔算話係好爽，但係都算爽口得嚟，而唔會覺得係腍嘅口感，加上佢幾

登龍街每逢中午就會有兩條毗鄰的長人龍，一條是龍門，一條屬麵尊。在收銀處有展示清楚的捐款收據，一目了然，黃店求懲罰！看見黃店有長人龍實在太雀躍，黃店經濟圈一定要無限擴大👍🏻店內裝潢很有味道，特別喜歡雞公碗，滿滿港式情懷🐓點了蘿蔔、五香牛腩、豬頸肉配米線🍜入味的蘿蔔跟牛腩是量度車仔麵火候與誠意的尺，因此每每到新的車仔麵店都必點🥢牛腩雖然色偏粉紅，但入味。多葱加腩汁，嗚啊，是享受，是無可取代的港式粉麵♥️

Weekday Lunch Hour等位等咗20mins，等埋嘢食5-10mins，其實返工等lunch黎講都幾晒時間。不過職員態度幾好，而且黃店就支持下。--🍜 細尊 (豬紅 蘿蔔 咖哩魚蛋 紅腸 豬皮) HK$40.湯底揀咗咖哩辣、麻辣、腩汁，反而覺得自己揀得太多，所以味道比較重同油，試唔到其實咖哩辣咪味道。如果下次再有機會食，會淨係揀一款辣。麻辣算幾麻，個辣度我接受到，但聽附近嘅人都覺得辣，所以如果唔食得辣嘅要唸下先好揀，.蘿蔔唔算特別淋，唔吸湯嘅味道。其實食唔到咖哩魚蛋嘅咖哩味道，因為已經比麻辣蓋晒味道。不過好大粒，幾有咬口。紅腸比較平時嘅厚身。整體材料算幾多。--📌 低消HK$38

估唔到呢度有間親民車仔麵，晚餐時份大排長龍😌好在友人聰明，一搵就搵到間受歡迎嘅店。排隊時要喺紙仔揀定車仔麵配料，每款餸$10起，門口時比店員姐姐，入座後等咗一陣就有得食啦！神速👍🏻👍🏻生根豬頸肉魚皮餃米線 & 冬菇蘿蔔魷魚時菜 咖哩辣湯底配料份量都幾多啊！好多粒菇味濃郁嘅冬菇🤤蘿蔔超腍🥰魷魚爽口彈牙，豬頸肉好軟腍。咖哩辣湯底先刺激！辣得嚟好想繼續食，味道喺咖哩牛腩嘅咖哩，食得辣先好食，如果唔喺就好似我咁流哂大汗😂

下班到和同事J到公司附近吃晚飯，去了登龍街的麵尊吃車仔麵，其實有幾次都想來吃，但確實是人太多懶得等，這次見到門外只有7-8人，等了約10分鍾左右就可以進去了。*我點了魚皮、魚皮餃、豬大腸和酸齋。魚皮有好幾塊，大大片的不會很濕碎，而且是乾爽的沒有油益味，不錯。魚皮餃好像是有三粒吧，味道中規中矩。豬大腸不錯呢，是滷水的味道，沒有腸臭味。我最喜歡還是酸齋，不油膩又不會過份酸，一份有兩舊。粗麵也煮得不錯，有點小彈牙的口感，份量也算是多的，但我覺得男生的話應該會不夠吃吧。反而飲品沒有套餐價是有點小貴，一杯凍飲便要$17，罐裝的也要$10，如果有套餐價應該會更好吧。*

今日難得呢間黃店唔係咁多人排隊～所以就排個隊等下啦～店鋪望落design幾靚，加上香港製造值得支持！價錢中等，不過都唔算少選擇！係門口排隊嘅時候已經比紙仔我哋圈定嘢食，入到去座位都算多，小座位。我叫嘅豬紅同豬頸肉都幾多，惟獨係午餐肉比只有一片，雖然係好厚。咖哩辣都好辣下，好搶喉！豬紅唔算超入味，整體算ookk, 埋單$55蚊咋！算係該區嚟講好平！朋友點嘅4餸Total$67，最右邊是酸齋，睇落賣相都不錯～

抵食車仔麵朋友帶我番學似食個快dinner朋友推介一定要試佢個辣椒醬同咖哩醬雖然對我黎講好辣，但真係好好味買兩樽番屋企食，價錢一啲都唔貴佢仲會捐款去幫毛孩，好有意義講番個車仔麵：車仔麵點左粗麵、墨魚丸、牛腩、牛栢葉牛腩真係炆得好林奄得好好味牛栢葉大大塊，煮到岩岩好唔會太硬個湯底幾特別甜甜地咁