麵尊

營業中

休息中

最近去咗銅鑼灣嘅「麵尊」，之前每次經過都見到有人龍，上網都好多人介紹，今日終於有機會試吓，一人一碗車仔麵，再叫了小食。 我叫咗豬紅同五香牛腩河粉。豬紅滑溜，質感不錯，五香牛腩煮得入味，肉質柔軟。平時食車仔麵最愛食河粉，呢度嘅河粉夠幼滑，吸咗麻辣汁同咖喱汁，食落去夠香辣。麻辣汁嘅辣味啱啱好，唔會辣到飛起，反而帶出食材本身嘅味道，同車仔麵配搭最恰當。另一碗車仔麵選了豬皮、魚皮餃同咖喱牛柏葉再配上幼麵，而醬汁方面選了咖喱汁同腩汁。麵條煮得剛好，不會過淋、有彈性，有掛汁效果，真係好正！豬皮咬落去有種豐富嘅口感，爽口。魚皮餃，餃子外皮薄薄嘅，至於咖喱牛柏葉，咖喱味濃得嚟又唔會太過火！另外，我仲加咗一碟生菜（配腩汁）同一碟淨豬頸肉。生菜清新，搭配腩汁，係車仔麵店的特色。而淨豬頸肉，油香四溢，鍾意佢啲豬頸肉有厚度，咬落更有口感。雖然每次經過都有人龍，但係其實都好快就會有位，而且相對其他車仔麵店，它的座位都算舒適！

好耐冇食車仔麵啦，今次就介紹吓我嘅飯堂 - 麵尊！呢度嘅湯底可以揀自家製嘅咖喱、麻辣醬，仲有腩汁同埋可以加多蔥，真係好正🥰 ★̆̈ 三餸車仔麵 $54 ✐ 湯底：麻辣小辣 + 腩汁 + 多蔥 ✐ 餸：豬大腸 / 豬頸肉 / 咖喱牛柏葉（每餸$14） ✐ 麵：河粉（$12） 滷水豬腸好入味又腍，豬頸肉一樣係滷過，爽口彈牙，咖喱牛柏葉好爽脆，淡淡嘅咖喱味完全唔會搶味❣️河粉係我鐘意嘅幼身河粉，吸哂清甜腩汁同麻辣嘅香味，香口到唔小心飲哂成碗湯🤤 ★̆̈ 大尊 $52 ✐ 湯底：咖喱 + 麻辣 + 多蔥 ✐ 餸：豬紅 / 蘿蔔 / 咖喱魚蛋 / 紅腸 / 豬皮 / 菜 & 額外加咗豬頸肉（+$14）✐ 麵：油麵 諗唔到食咩可以叫大尊，入面咩都有啲😎蘿蔔燜得好入味又冇渣，豬紅滑得嚟好Q彈，豬皮吸哂濃濃嘅湯汁，麻辣咖喱嘅湯底辣得嚟好惹味★̆̈ 蠔油生菜 $22生菜份量超多，加埋蠔油鮮味十足去食嘅話記得預啲時間排隊🙈

又一間又中學食到依家嘅車仔麵✨不過lunch成日都好多人, 所以好耐冇食👉🏻👈🏻今日晏食飯見冇乜人perfect👌🏻❣️雞中翼/魚皮餃/豬大腸/蠔油冬菇/豬皮/油麵加腩汁都係咁好味✨一入眼全部都係餸~即刻心心眼好滿足😍而且豬大腸係我鍾意嘅唔太肥大腸, 想食又唔想肥😗冇論係冬菇豬皮定雞翼大腸, 全部都醃得好夠味, 但係又唔會over咗, nice✨魚皮餃唔係好結實嘅feel nice✨sponge like 豬皮🧽吸收晒湯底嘅味✨好滿足嘅車仔麵🫶🏻💰86

懶人總結：﹒食物｜麻辣醬同咖哩汁都係自家製配方，夠香夠惹味，唔係得個辣字﹒環境｜舖面唔大但光猛整潔，枱與枱之間唔會迫﹒服務｜落單快、上菜快，唔洗等得忟憎﹒價錢｜基本配搭$50左右三餸，份量足懶得諗食咩＝男友永遠都係叫「大尊」銅鑼灣成日都話係車仔麵集中地，麵尊算係我哋返兜返食得最多嗰間，最大原因係佢哋自家製嘅麻辣汁同咖哩汁，唔係坊間嗰啲死鹹重味精。麻辣係偏香型，辣唔搶味，重點係撈完啲麵，啲辣汁會慢慢滲入去，好入味男友每次都係叫大尊幼麵配麻辣汁，完全係唔洗諗 。我就成日都轉下款，雞翼、咖喱魷魚、蠔油冬菇、同牛栢葉麵好正。雞翼皮脆肉滑，係小學時小賣部既味道！！！咖喱魷魚夠濃味唔鞋口，冬菇腍得嚟有口感，索埋啲辣汁好正每間鋪唔大，但出餐快，翻枱都快，排隊都唔會等太耐。好適合一個人快快食餐，或者同 friend 快食都ok

車仔麵絕對是香港本土美食的代表，選擇多樣而且價錢便宜，所以一直深受大家歡迎👏🏼每次經過都大排長龍‼️有基本車仔麵配料如豬紅、豬大腸、蘿蔔外，連酸齋、美味齋、咖哩牛柏葉較少見嘅配菜選擇。另外更有套餐「細尊」同「大尊」選擇，有選擇困難嘅你就可以一次過試哂唔同食材，當中麵食味道可選麻辣和咖喱更是此店的招牌推介😋😋叫咗嘅配料包括，我最鍾意嘅酸齋，口感柔軟，酸甜口味增添整碗麵嘅層次感；車仔麵必揀嘅豬紅豬大腸；豬紅味道香濃而不臊，滑到好似豆腐一樣；蘿蔔燜得入味唔會有渣另外咖哩牛柏葉口感爽口彈牙，咖哩香氣濃郁，帶有微微的香辣味，令人一試再試。淨豬頸肉，份量十足好大塊‼️有別平日食到炸/烤，經過滷煮肉質鮮嫩，油脂適中，口感非常滑順📍麵尊銅鑼灣登龍街18號V Point地下5號舖

一到午市就大排長龍趁下熱鬧試返一碗。🍜感受一下人氣店美食麻辣車仔麵🔥夠惹味可惜不論面底及餸菜都份量不多。整體味道好。如果鍾意刺激口味值得一試😋如果唔食辣的朋友這間店就只是普通車仔麵，也沒有清湯可選。而且勝價比就偏低🫣身為車仔面控，感覺以往以經濟實惠賣點的車仔面，開始成過去式了。現時好多店都越食越貴，每一間餸底有時差別不大，最主要就係比較個湯底同份量。以這個價錢及份量，這店附近也有更多好選擇😛

行開銅鑼灣不時會見到有人排隊所以一直都想試下呢間車仔麵夜晚見唔洗排隊就入去食叫左腩汁米線配貢丸同魚皮餃朋友就叫麻辣湯底結果兩碗都非常淡口 無咩味😓魚皮餃唔好味豆漿好淡口唯獨米線算ok 軟硬適中不過就唔知點解咁多人排隊可能因為呢間餐廳價錢喺銅鑼灣而言算平如果你係求味道就可能未必適合亦絕對唔建議特別排隊去食呢間餐廳似係一d如果住附近/收工一個人求其食會食嘅餐廳佢地服務算係不錯 都有禮貌同有d服務環境衛生都正常overall普普通通 不過不失的餐廳

銅鑼灣登龍街的麵尊是一家知名車仔麵店，當中麵食味道可選麻辣和咖喱更是此店的招牌推介。車仔麵配料選擇多樣，店內環境乾淨，每碗麵都有用心擺盤，店員招待服務周到，每到午市和夜晚總是人流不絕，需排隊等候入座。今晚跟友人點選以下配料，每款都非常高質素，有機會下次會再光顧。🩷豬皮 : 口感滑嫩，富有彈性，帶有淡淡的豬肉香味，醬汁滲透後更添風味。 🩷蘿蔔 : 清脆爽口，略帶甜味，煮後釋放出鮮香，為麵條增添清新感。🩷酸齋 : 口感柔軟，有酸甜的滋味，獨特的香氣增添了整碗麵的層次感。🩷咖哩牛柏葉 : 爽口彈牙，咖哩香氣濃郁，帶有微微的香辣味，令人一試再試。🩷炸魚皮 : 外脆內軟，炸至金黃酥脆，魚香味濃，為麵帶來獨特的口感和風味。🩷魚皮餃 : 餃子皮薄而彈牙，內餡鮮美多汁，咬下去瞬間滿溢鮮香。🩷五香牛腩 : 嫩滑多汁，帶有獨特五香味，肉質柔軟，在口中散發出誘人的香氣。

下班後不想回家煮飯，這週工作很忙很累，要獎勵自己。想念可以自己圈食咩餸、滿滿腩汁味的車仔麵。於是在附近找找，發現一間裝修新潮，有人排隊的車仔麵店，覺得一試無妨。心大心細，選擇困難，見到有手指公的就選了。叫了一碗河粉加腩汁，配豬紅 + 豬皮 + 咖喱魷魚 + 豬大腸 + 五香牛腩，加蠔油生菜和無糖可樂。河粉份量多，偏幼滑。湯底的腩汁味濃，有點微辣，是開胃的辣。豬紅的質感有彈性。豬皮和豬大腸煮得好軟身，充滿腩汁味。咖喱魷魚也是軟軟的，咖哩也很入味。五香牛腩啖啖肉，五香味濃，炆得軟身。蠔油和生菜比想像中多。生菜一碗裝得滿滿，緊緊重疊。移開生菜，下面一堆蠔油。雖然是一個人去吃，要搭枱，但坐得舒服。店員細心，安排透明隔板，吃得安心。整頓飯，過程見到一直有人在排隊，但仍可慢慢吃。

昨天我同同事去咗「麵尊」食車仔麵。第一次去，環境整潔，坐位唔算多，但轉枱都算快。我叫咗腸仔、午餐肉同墨魚丸，再配腩汁湯底。可能揀錯餸，份量偏少，食完唔算飽。不過墨魚丸彈牙，腸仔同午餐肉都係熟悉嘅味道，腩汁湯底好甜，有種熬得耐嘅感覺。同事嗌咗蘿蔔同香菇，份量明顯比我多啲。佢仲揀咗咖哩、麻辣同腩汁混合湯底，香氣好濃，望落都覺得吸引。麵底可以自由配搭，餸菜選擇多，有肉、有菜、有丸類，啱晒鐘意自由配搭嘅人。整體嚟講，味道唔錯，湯底有特色，不過下次要記得選餸要揀得豐富啲先夠飽。適合打邊爐咁嘅心情，又唔想食得太重嘅時候試下。

之前去完旅行，特別掛住香港既車仔麵。番到黎一定要吃番碗，今日就黎吃銅鑼灣人氣車仔麵。估唔到7點到已經排曬大隊。叫左雞翼，冬菇，蘿蔔，紫菜。甘湯比較甜既，叫左咖喱小辣，夠香唔係好辣，正。每樣送都大概有3件，份量都還好。個人覺得白蘿蔔唔係特別入味，但勝在無筋。雞翼就不過不失，有鹵水既香味但肉質偏柴。個人最中意係冬菇，無數錯應該有5粒，仲要粒粒都好厚肉，吃落非常過癮。味道偏淡但好在湯底夠味。冬菇我覺得係必食的。整體表現中上，冬菇高分可以再戰。

好耐無食車仔麵，銅鑼灣登龍街呢間車仔麵次次經開都好多人排隊，上菜速度好快～呢度好多款餸可以拣，款款吸引，想食乜都得😋🥢豬腸、時菜、香菇貢丸、墨魚丸、蘿蔔、紫菜、豬頸肉、酸齋、生根、魚皮餃、午餐肉酸齋整得好好食，酸酸哋好開胃；魚皮餃丸類都好高質；午餐肉勁厚，好有口感；豬腸豬頸肉醃得夠味，其他配料都唔錯🚩麵尊 (銅鑼灣) @minjuncartnoodles 📍銅鑼灣登龍街18號V Point地下5號舖

車仔麵的湯底雖然濃味，但略偏甜。五香牛腩：口感令人失望，雖然份量不少，約有6-7塊，但因為炆煮時間不足，導致其中3-4塊牛腩完全咬不動😟另外五香牛腩應該帶有的香料味道也不明顯，反而只有甜味，這讓整道菜的層次感顯得單一。酸齋：酸齋應該沒有煮製，呈現冰冰涼涼的狀態，這是首次嘗到冰涼的酸齋，感覺奇怪😩豬紅、蘿蔔和豬頸肉味道不錯👌🏻需要特別注意的是，這家店在結帳時只接受現金支付，習慣使用電子支付的食客要留意。

嚟到銅鑼灣搵野食，見到呢間食車仔麵，好耐冇食過車仔麵，就入去試吓我叫咗呢款車仔麵嘅餸，包括有咖喱魚蛋、蘿蔔同埋豬頸肉🤤咖喱魚蛋魚蛋十分彈牙，魚蛋亦有明顯炸過，誠意十足，絕對唔馬虎🥳蘿蔔基本上係車仔麵必食☝🏻蘿蔔冇渣，仲吸曬湯，咬落去都軟腍腍，口感啱啱好👍🏻豬頸肉有3塊厚切嘅豬頸肉🤪如果同我一樣鍾意食肥肉嘅人，一定會好鍾意呢款豬頸肉😋因為咬落去啖啖肉，十分滋味💕少麻辣加腩汁湯底平時我淨係食譚仔10小辣，呢款湯底對於我嚟講都有辣味，唔會話好辣，所以係啱啱好💗加上佢唔係死辣而係甜甜地❣️總括而言，呢間車仔麵都幾值得食，夜晚時段去食可能要等一等位，但基本上等5至10分鐘就可以入去坐，好快手🥰推介指數：⭐️⭐️⭐️⭐️

🏃‍♀️🏃‍♂️🏃‍♀️🏃‍♂️做完運動好想好好咁慰勞下自己 就去咗附近既麵尊醫肚 🍜做完運動都差唔多夜晚九點啦🕗竟然都仲有人排隊!!!🎖️好食認證🏅朋友未食過既都搞到佢期待感大增!平時嚟都一定嗌大尊！不過今次就想食吓其他嘢（叫左好多👍招牌菜👍）叫左 1️⃣🦑咖喱魷魚 🐟 魚蛋 🥕蘿蔔 🍜河粉 2️⃣🥕蘿蔔 🐷豬皮 🐖豬頸肉 🍜粗麵我地兩碗都係(🌱🌱多葱)*有得嗌多蔥真係好正！😍🦑咖喱魷魚 ($14) 👍食落啲水魷非常之爽口彈牙 撈埋啲咖喱汁好惹味！ 🙏🏻好彩叫到咋~食食下聽到啊咖喱魷魚全停🤯🐟 魚蛋 ($12)魚蛋係炸魚蛋~好香口~又唔會太油！呢度嘅魚蛋應該真係手打㗎 我見到佢有標示話魚蛋可能有魚骨🦴堅係真材實料！🥕蘿蔔 ($10) 👍呢個蘿蔔吸收晒成個湯嘅精華 食落好清甜又入味 🐷豬皮 👍豬皮咬落去有種豐富嘅口感～好軟滑～🐖豬頸肉 👍見好多人都係就咁叫一碟淨豬頸肉但做完運動唔想太有罪惡感都係就咁叫一個餸淺嘗就好啦🤪豬頸肉比起平時食嘅更加有厚度咬落有口感～仲有特製醬汁！滿滿既豉油滷水味～好入味👏麵條烹煮時間拿捏得啱啱好唔會太淋～有彈性～仲有掛汁效果～正！🥣車仔麵除左麵同餸緊要！湯底都好好好緊要！湯底