麵尊

營業中

休息中

下晝有嘢做要返工，今日我特登早啲起身行遠一遠去諗住食，見佢話開十一點，準時去到開左閘轉埋牌但都係未開晒燈，見啲員工準備緊就問佢ready 未，佢答我十分鐘咁我趕時間都等啦反正都已經行左嚟，點知等十分鐘後都仲未得，其實冇心做就唔好做生意啦，準時開門又做唔到，承諾左客又做唔到，最後我等到十五分鐘真係覺得佢都係未得仲要有人送貨到，入左都根本要再等好耐真係趕唔切走左，仲要我臨急臨忙搵其他地方食，真係多謝晒，你咁冇心做生意咁唯有從此少左個有心客，生意唔係咁做㗎。

今日放工有d肚餓出到銅鑼灣想食少少嘢記得登龍街有好多嘢食就去望下有咩好食見到呢間麵尊食車仔面環境又唔錯即管入去試一試所有麵食，餸料劃一收$10each 好似好多選擇咁🤔🤔不過豬大腸同蘿蔔一定係膽黎架喇再揀下最後要左豬大腸，蘿蔔，蠔油冬菇，牛丸同埋時菜，配米粉，要麻辣食物黎到牛丸得2粒有d失望🤷🏻‍♀️冬菇有5,6粒，細細粒，幾入味豬大腸都有5,6件，不過略為稔左d，有d好似煮爛左咁蘿蔔得3件，好似少左d喎最後個時菜係生菜，幾好，無overcooked 不過要讚一下個湯同個麻辣好好好好味！我可以飲昺成碗湯！我都知依家時勢晌cwb出現係有風險，不過都要出下街架嘛同埋晌得呢頭食都預左有d貴嘅不過$5x抵唔抵就見人見至

.🔻麵尊.收工晚餐又行到黎登龍街，今次食車仔麵，呢間麵尊係上環都有間分阻好耐，今次係銅鑼灣分店第二次食，但係唔記得影相，所以冇出post😛見佢收銀位有貼下pepe同埋香港加油logo咁，暫時當住佢係黃店先啦~等fc. 佢係正銅鑼灣龍門冰室隔離咋~~~.🔻大尊 ($42)有豬皮，蘿蔔，魚蛋，紅腸，豬紅，菜，每款餸2舊左右，湯底加阻咖喱辣+麻辣醬，好夠味，都幾辣下，食完唔口渴😍d 餸都唔差，蘿蔔好淋冇渣，豬紅好入味唔腥，豬皮普普唔算好爽，魚蛋同紅腸都係基本野，不過男朋友食完唔夠飽😅🔻豬紅，雞翼尖，冬菇 米粉 ($40)佢d餸同粉都係$10樣，揀幾多照加，我第一次食完好欣賞佢d豬紅，所以再叫多次😋我加阻咖喱辣其實都幾辣下，千祈唔好洩阻道氣😂雞翼尖同冬菇都超入味，建議食d醃類食物應該都唔差😍相反d粉我食唔晒，唔知係我細食定佢大食呢😂😂🔻總結係味道都唔錯，坐方便還好，比上環分店好食，服務都ok普普通通，飲品有點貴要$10起，冇水提供。係咪真黃店待FC.

自從好多年前喺元朗食過一間車仔麵，難食到堅嘔之後，好一段時間唔敢再食任何車仔麵。今日原本想去龍門懲罰下佢，但係要趕住返工，於是去咗隔離麵尊試吓，快快手醫好個肚就算。點知俾我發現原來呢個世界上係有好食嘅車仔麵嫁！打邊爐最緊要係個爐，車仔麵就一定係個湯！唔會死咸之餘又帶微微辣香，最緊要係食完唔會口乾，應該冇落味精。車仔餸都不外乎嗰幾樣，但係都唔求其！魚蛋夠辣彈牙，蘿蔔甜而且無渣，豬皮夠味又keep 到口感，如果唔係紅腸而係豬大腸就 perfect 池啦！最緊要價錢夠實惠！銅鑼灣醫到肚，飲埋野都係五十幾去邊度搵？好過食魚蛋粉嗰 d 啦！最最緊要係大大張捐錢入數紙放喺櫃面，擺明博拉咁，點可以唔大大力懲罰佢！

車仔麵不嬲都係我最中意既美食之一，今晚放左工係銅鑼灣搵食，又知登龍街近排開左間『麵尊』，就既管去試下！佢門口雖然設計得簡簡單單，不過都幾中意佢呢種簡潔。鋪頭就唔算好大，目測可容納30人左右。由於我自己一個，入到去就有吧枱位坐。坐低之後，當然第一時間攞張點餐紙劃我想食咩啦。佢款式唔算少，應有既都有。我揀左豬紅，蘿蔔，牛腩同墨魚丸，麵就揀油麵，當然唔少得要揀埋腩汁啦！唔洗5分鐘，野食就到喇。其實食車仔麵，有時餸都係其次，我其實比較重視個湯底。先睇湯底既色水呈深啡色，就知個腩汁一定唔會差，果然不負我所望，個湯底味道非常濃郁。然後再試下啲餸，豬紅整得好味，蘿蔔都揀得靚，無乜渣，牛腩夠稔，墨丸都幾彈口。看似簡單既車仔麵，呢間麵尊都整得唔簡單啊下。下次要再泥試下其他餸先得！

和女兒11點到 銅鑼灣，吃的地方都沒開門，見到這一家已經開門，就試一試。地方幹淨，在登龍街賣麵這個價錢算很便宜吧，湯真心好味，不用加辣都美味，要求吃一碗喝，不客氣了。豬皮入味

今晚同朋友在銅鑼灣睇戲，在登龍街吃了一間環境及食物都不錯的車仔麵店（麵尊），$10一個餸或粉麵，每人最低消費$38.1.蘿蔔豬頸肉蠔油冬菇公仔$42⭐️⭐️⭐️⭐️蘿蔔清甜無渣，豬頸肉美味，蠔油冬菇炆得入味。2.蟹柳蘿蔔豬紅牛筋幼麵$50⭐️⭐️⭐️蟹柳正常，豬紅滑沒有腥味入口爽口，牛筋入味軟淋淋。同一般車仔麵店鋪環境整潔多，湯味道正常不太重味精，價錢有小許偏貴，但在銅鑼灣區都是值得再試。回味指數⭐️⭐️⭐️

去銅鑼灣食車仔麵離不開呢間同嗰間，終於有上環嘅過江龍殺入銅鑼灣喇！呢間嚟自上環嘅麵尊，我A姐以前喺上環返工成日食，但自從離開咗上環，我真係N年無食過喇。知道佢嚟咗銅鑼灣登龍街嘅V Point開分店，今日再去回味吓啦！車仔麵嘅餸有32款，真係花多眼亂！炸魚皮魚皮用袋裝住，確保唔會因為潮咗而令炸魚皮淋咗。魚皮炸到脆卜卜，大大塊，邪惡得嚟好好味。M佬之選：咖哩牛栢葉+蠔油冬菇+豬紅+雞中翼+時菜+米粉湯底可以加入佢哋秘製嘅麻辣醬、秘製嘅咖哩汁同五香腩汁，令湯底更香濃！首推索晒咖哩汁嘅牛栢葉，爽口彈牙！而炆得好入味嘅冬菇，亦都好好味！而作為車仔麵必點嘅豬紅，唔會碎濕濕，唔錯！A姐之選：五香牛腩+咖哩魚蛋+豆卜+豬皮+咖哩魷魚+幼麵除咗醬汁，如果鍾意蔥嘅，記住圈埋，令湯底嘅香味大大提升。咖哩魚蛋係大粒嘅陳皮魚蛋，口感一流！豬皮索湯力一流，正！而咖哩魷魚同五香牛腩嘅份量好多，驚喜連麵底份量都好多，夠晒飽肚。

銅鑼灣居然可以用40蚊食飽一餐，好抵！🤩三料麵底，仲有得揀加腩汁/咖哩汁/麻辣，仲抵過譚仔🤤而且食完唔會太口渴，證明湯底無乜味精，香料味好足，食食下麵都忍唔住飲曬啲湯😋店員好友善又熱心，真係值得支持既本地車仔麵！

因為在戲院裏吃了太多小吃的關係，所以完場後肚子有半飽，但是時間已不早，需要吃點東西，最後去了登龍街覓食，竟然發現車仔麵這個自由的選擇。炸魚皮、墨魚丸、蘿蔔這個沒有麵底的，炸魚皮香脆可口，不厚，易咬開，又大塊。如果可以分開上會更加好，可以自由沾湯墨魚丸彈牙大顆，真的有墨魚味道蘿蔔滲入腩汁後仍保持清甜，腍而不實牛孖筋配牛丸米線牛孖筋相當軟腍，完全入口即融，幾乎是我吃過最好吃的牛孖筋。牛丸彈牙不俗米線的份量不太多，對半飽的我們剛好足夠，滑身彈牙

想在銅鑼灣，不想花費太多，平民一點吃車仔麵，來來去去只有幾間。現在有好消息了，原來登龍街開了間車仔麵店，於是放工和同事快閃吃個麵。同事點了大尊，簡單來說是大雜麵，什麼都有一點，有豬紅，蘿蔔，豬皮，咖哩魚蛋，菜，紅腸，配上油麵。大尊只是42元，在黃金地段，真的很驚喜呢！而且毫不扼秤，足料大碗。另外散點的10元一個餸，算是化算，最低消費38元。我點了咖哩牛栢葉，牛孖筋，蘿蔔，炸魚皮，蠔油冬菇，原本配河粉，竟然售罄了，最後選了米線但只是晚市7時多，估計生意不錯，味道應該有保證。我尤其喜歡蘿蔔，清甜，蠔油冬菇入味。車仔麵界來說，麵尊果然不錯，地方清潔，選擇頗多，價錢平，性價比高。飲品選了豆漿，豆味很香，預先包裝好的，感覺乾淨衛生。凍菜蜜，也是健康之選，清涼解暑。

每日放lunch時間，總是有一條長龍排在店鋪外，反而在晚飯時段，卻沒有這個問題。位於貴價街道的登龍街麵尊，每個麵、每個餸只是約$10，價錢十分公道，雖然有最低消費，亦屬難得。是次點了豬頸肉、豬紅及冬菇，三款餸都好好味。豬頸肉軟而有汁；豬紅擁有乾淨的味道；冬菇吸收哂蠔油的味道且韌口。之前仲食過魚旦，應該是炸過的，故此食落去十分彈牙，正！湯底可選清湯、腩汁、咖哩汁，腩汁把整碗面都包圍著牛味。麵底屬正常，女孩子或可選少麵。麵尊是值得推介的，真材實料。

本來想去旁邊的龍門但要等位就過來了這邊的麵尊點了個四餸麵冬菇挺好吃 份量也意外的多不是很肥厚的大冬菇薄身易入口 夠味不鹹雞翼也好吃 入味也燘得很兩隻有點不夠呢XD咖哩魚蛋也爽口 不是吃下一口粉的感覺辣味不高適合不太能吃辣的人士五香牛腩比較失望 吃不出五香比較像碎牛肉牛腩還是潮州粉麵那些比較好吃很久沒吃車仔麵 原來幼麵是這麼沒口感的是我選錯了 不能說他家的幼麵不好吃

經過銅鑼灣，隨意走入一間車仔麵店，店內寬敞，裝潢簡約，一幅車仔麵餸菜牌板牆，整齊企理，挺舒適。一人一張點餐紙，一般嘅車仔麵餸菜及麵底都全部有齊，的確花多眼亂蠔油白菜仔份量很足，可以二人分享，白菜仔色澤翠綠，菜葉幼嫩，健康輕怡之選自選兩餸麵: 豬大腸+豬紅配米粉自選四餸麵: 炸魚皮+紫菜+蘿蔔+牛筋配油麵車仔麵不能不點的2種餸，豬大腸鹵得非常入味，肥瘦均衡，不會過份肥膩。豬紅質感軟滑，完全沒有騷味，不錯湯底選了腩汁，味道剛好不會過鹹亦不會過油，脆卜卜炸魚皮，蘿蔔清甜，牛筋易咬而且膠質豐富！

咖喱湯米粉：生菜、紫菜、咖喱魚蛋、雞中翼🍜＋凍檸茶🥤之前一直都有光臨上環店，經過銅鑼灣看見他們進駐了登龍街，立即入去回味一番。味道依舊，裝潢走懷舊港式風，變得型格了。• 配料選擇豐富、傳統車仔麵菜式都有齊，• 咖喱湯底香辣但不會很濃厚，很惹味，• 魚蛋彈牙、外層輕微炸過，口感帶點煙韌，• 滷水味滲透雞中翼，連骨頭都醃到軟化了，一咬已經可以把肉和骨輕易分離了，• 紫菜和生菜因爲湯底的原固，也變得惹味，• 四餸一麵份量充足，作為午餐剛剛好。