麵尊

營業中

休息中

登龍街食肆越開越多，新餐廳總要有些噱頭才能吸引到客源。同一條街的另一間舊式車仔麵，雖然在價格和味道上完全可以取勝，但環境實在不堪。這間新式裝修車仔麵，環境企理光猛，通風良好。但味道上只可以話平平無奇，並沒有什麼驚喜，餸麵的種類上也沒有潮店應該要有的特別的心思，甚至還不如同區的老舖在醬料上落心思，而且每餸要價$10，但份量不算多，如墨魚丸只要兩粒。四餸麵索價$50，飲品沒有跟餐價，食環境多過食物了。

今日黎到銅鑼灣既麵尊，登龍街咁多好野食，因為唔係大肚餓揀左佢，咁岩夜晚6點左右完全唔洗排隊，完全無後悔！！一入到去個環境格局都四正，好多送可以揀。最後揀左豬頸肉，豬紅，廚師腸搭米線，再加小辣。嘩完全係出乎我意料之外，係非常好食，估唔到車仔麵可以做到呢個質素，好正個豬頸肉又林又入味，個豬紅一咬落去入口即溶，廚師腸就冇得講啦，都係個啲。而個米線都係煮得非常好！不過最正係個湯底！！夠晒濃！！個辣亦都好正，絕對推介！總體非常滿意！！8分！！

食左三十年豬紅，從未食過如此入味同爽口既豬紅！可以日日食都唔厭！快d係尖沙咀開番一間啦！轉左地方返工冇得食。。。同埋個河粉都好好食，三餸一面，可唔可以叫豬紅豬紅豬紅河呀！因為好好食，所以要叫三份🤣🤣

行經登龍街，見到一間如此光猛又整潔的車仔麵店，當然要試吓，每款食物要$10，所以我哋揀「大尊」，就係包含好多食物有咖喱魚蛋、豬紅、豬皮、蘿蔔、紅腸、菜，一碗腩汁、一碗麻辣汁，兩碗都好好味，推介咖喱魚蛋、蘿蔔同紅腸，魚蛋爽口，蘿蔔好諗好甜，紅腸的味道與別不同，一定要試，最後仲加多碗淨餸牛筋、咖喱魚蛋同蘿蔔，牛筋非常諗，下次必定會encore，再加一包炸魚皮，一個字，脆！就算排隊都值得淨餸咖喱魚蛋只有三粒，反而「大尊」有兩粒，「大尊」$42真係好抵

平時食開新記，呢日經過登龍街見到有新野開左~當然唔放過要試試佢環境闊落，感覺比較衛生叫左3個餸 - 豬紅 ，豬腸，牛柏葉餸既份量算多，亦都幾入味，一定會再返黎食

比一般的車仔麵環境企理多，湯底味道可以不重味精，食才也不錯，都是經典車仔麵的東西，價錢略貴，不過對比銅鑼灣的食店，相對也不過份亦可接受，坐得舒舒服服的，所以物有所值。

路過幾次，每次見到都想試。平時經過都會去新記食。今天下午茶時間有空，又經過就入去試下先，因為不太餓所以點了剩餸食，無加麵和其他辣汁，想試試他們其本嘢！點了豬粉腸，咖哩尤魚，豬紅和牛孖筋。粉腸煮得夠身，唔洗咬到牙都軟咖哩尤魚夠惹味豬紅好入味，必定下了一番苦功牛孖筋好正好好味湯底不加任何辣汁亦夠味，雖未試加任何辣汁都夠味，不知加了後會否過咸！？凍、熱飲品要另外加錢，這點本人覺得應該可以改進！下午茶時間點了剩餸加杯凍飲要$57，好像有點高消費！總體感覺不錯👍🏻亦會繼續支持！

每次經過呢間鋪，都無諗過試，因為好多所謂好正既車仔麵鋪，我覺得言過其實。但有日睇到 instagram 有 blogger 介紹，而本人又係大腸豬紅控，個blogger 推介豬紅超滑，ok～就搵日試試佢～！我今日下午2pm左右，見到門口有幾丁人等位，個帶位姐姐非常有禮貌見我一條友即刻招呼我入去坐，雖然係搭枱有d逼，不過隔離都係斯文人，感覺不太差。我 order 蘿蔔，豬紅，大腸，炸魚皮，酸齋河粉，加杯熱菜蜜，盛惠$75,有d貴，不過份量不少，夠飽既～蘿蔔非常腍無渣，豬紅超滑無腥味，大腸洗得乾淨，全部都超入味～正！！炸魚皮鬆脆，但女士們食會有少少失儀，因為好鬼大片，如果曖昧中情侶建議女士們到咗手先好食魚皮～😂😂酸齋不會過酸，河粉細滑～食到半路店員姐姐仲好鬼貼心主動幫我加湯～湯頭雖然偏濃味但唔係嗰種味精死咸要喪飲水～整體分數又再推高～值得回頭再食既鋪頭～～👏🏻👏🏻

人越大越喜歡吃港式食物，車仔麵變成我每星期一定會吃一次的menu🤤這次來到裝修漂亮，乾淨整潔的車仔麵店🍜🍽時菜+豬紅+牛孖筋+蘿蔔配料我選擇了鐵質豐富的豬紅，份量非常多也不會有豬腥味👍🏻最喜歡車仔麵的生菜，非常吸汁，爽脆的口感非常好吃🤤白蘿蔔也是另一個吸汁神手，吃得每一口都充滿店家秘制腩汁👍🏻牛孖筋滷得非常好吃，肉質夠「淋」，是滿滿的膠原蛋白啊🥰🍽時菜+酸齋+豬皮每一碗車仔麵都有滿滿的麵量，毫不吝嗇👍🏻酸齋有兩大塊，非常吸汁，但是如果能剪得小塊一點會更容易吃。豬皮有4-5塊，也非常好吃👍🏻

恭碩良開嘅「麵尊車仔麵」第二分店位於銅鑼灣嘅登龍街 久唔久就見到啲明星係社交網站度幫呢間店做宣傳 我去嗰日就見到鄧梓峰 有食客走埋去同佢影相添 (其實我已經去過呢間麵店兩次 拖到而家先有時間出第一個post 😝)⠀⠀⠀⠀⠀⠀⠀⠀⠀呢間店嘅賣點唔係明星效應 而係多料夾抵食嘅車仔麵 由於嗰晚我懶得揀餸 就叫咗碗「大尊」車仔麵 (HKD42) 有豬紅 蘿蔔 咖喱魚蛋 紅腸 豬皮 菜 另外有「細尊」車仔麵 價錢平兩蚊 少咗菜呢個餸⠀⠀⠀⠀⠀⠀⠀⠀⠀蘿蔔好腍又冇根 重好入味添！ 豬紅份量比我想像中多 咖喱魚蛋夠爽口辣味亦夠適中 喺銅鑼灣食一碗份量頗大 味道唔錯 而價錢又合理嘅車仔麵 (我另加$12要咗杯凍豆漿) 算係咁啦

第一次接觸到麵尊係朋友帶我去上環食lunch, 因為當時係夏天，但鋪頭仍然好多人排隊，天氣咁熱，附近又有咁多選擇，我當時印象係諗一定好好食d人先會肯咁樣等。試完之後，真心係覺得唔錯既。腩汁湯底好濃，蘿白好入味，自家炮製既麻辣醬好惹味，好辣但又忍唔住想食。酸齋好開胃，牛柏葉呀芝士腸蟹柳呢d都正正常常。湯底任加，呢點幾特別。晏就食完一大碗麵再整杯豆漿，真係會好飽。相就無啦，因為真係食左好多次。今次佢開分店，地點仲要係登龍街，都幾surprised. 新店坐得舒服好多，又唔使等咁耐位，平平地就搞掂左個lunch. 良心小店，應該要支持下。

上次見要排隊，今次一個人想快食又唔使排就試一試。比傳統車仔麵出菜較慢..... 叫咗三餸，生菜，咖啡魚蛋（得三粒），牛筋（夠淋又入味），米粉，咖啡湯底（個人覺得個辣剛剛好，但未夠香）。每個餸各十蚊。叫咗杯豆漿，無問凍定熱，應該係得凍。味道較淡，唔甜。不過堂食都係俾外賣杯同用膠飲筒.....希望可以為環保改善一下。順帶一提，只收現金。現世代應該要有多些付款方式。

$10@汁唔洗錢（你唔好話啊 高街面霸得清湯先唔洗加錢)料唔算好少正常個spicy 湯幾野味叫左朱腸 雞翼 同一個唔記得咩送 都幾好食好快手服務員好禮貌同始終新開 都幾乾淨

Lunch time去登龍街成日都見到要排隊外面係透明落地玻璃 加上麵尊的霓虹招牌個裝修成日都令我以爲係貴價車仔麵直到有日夜晚經過見唔使排終於可以入去試下啦結果發現又唔係特別貴份量望落唔多 但食完都夠飽！食車仔麵要知好唔好食一定要試豬紅同蘿白！而麵尊li兩樣都合格！豬紅無渣 蘿白夠諗又入味湯底係咖哩腩汁少少辣岩岩好最緊要係環境坐落舒適坐對住玻璃位 會發現佢剛好係視線水平度整咗層霧面 咁就唔使同街上行人對望咁尷尬 小心思值得讚好～而且店員態度都好好 有禮貌我覺得下次食lunch可以再幫襯！

雖然去韓國🇰🇷旅行，個邊既人參雞湯、牛骨湯、海鮮、黑毛豬、雞鍋等等都好好味，但❤️繫🇭🇰既我返到香港就心癮起想食返d本土港式嘢 — 車仔麵 😋😋。自從上次同男友試過麵尊就念念不忘🤤🤤。今次返黎就再encore。除左上次食過勁入味既🐷大腸、蘿蔔同埋辣得好過癮既咖哩魷魚外 ，今次就試下咖喱魚蛋，口感有少少彈牙，唔會粉感，最正係咖哩入曬味👍🏻👍🏻！伊麵剛上台時有d仲係硬硬d未熟咁，所以要浸多陣先好食啊 😉。可惜鴨腎就唔夠爽脆同埋入味，可以唔叫啦。⚠️如要辣醬或免費➕湯，同店員講聲就OK啦。因為我同男友都唔係食得辣之人，呢度既咖哩汁已經係極限😂 ，麻辣醬可能要大家自己試啦😂😂我地分別叫左五款餸（每款ᴴᴷ$10) 、伊麵（ᴴᴷ$10+ᴴᴷ$2)、凍豆漿（ᴴᴷ$12)，每碗ᴴᴷ$74，老實講平就唔算平，不過比起其他係銅鑼灣既野食價錢就差唔多，不過味道黎講我就幾like，覺得性價比頗高，絕對會encore。Btw，我男友係上環老店既fans😆😆。