麵尊

營業中

休息中

今天同友人出街,朋友話想食車仔麵,就去了這間麵尊午飯時間,人不多,有位.看店內裝璜,同過往的車仔麵店印象相距什遠.店的裝修很光鮮明亮,位子坐得舒服,格調像中價菜式.車仔麵都是按餐單自選菜式,好像這個點菜模式仍然保留,不論這間或那間.我要了魚皮餃+咖喱尤魚+牛孖筋+油麵朋友要了豬皮+蘿蔔+墨魚丸+炸魚皮+米粉兩碗麵都份量頗大,我的咖喱尤魚有辣味,尤魚有咬勁.牛孖筋切細上,容易咀嚼.都很好味.魚皮鮫不過不失.朋友的豬皮和蘿蔔都不俗,黑墨魚丸普通,炸魚皮夠脆,而且大塊,很好.一人吃一碗,十分夠飽,配置很合理,味道也很豐富.然而,邊食邊感到同兒時的車仔麵有別.我們以前都愛叫車仔麵作"邋遢麵",經常戲稱店面和湯底越邋遢越好味.但現在這間不論店面和湯和用具都很乾淨,吃不出一種"穢"和"亂"的感覺.時移世易,力求淨潔,門面大方,是好的表現.可是,味道和感覺不同,只能名稱尚是車仔麵,往事只能回味了

本身好鐘意食車仔麵，如果有外國朋友黎香港都會介紹佢地食，有香港特色之餘，選擇又多而且豐儉尤人... 呢間車仔麵店嘅裝修幾靚，其實返而少左份本土味...啲餸嘅選擇都頗多，值得推介佢地嘅咖哩醬，好好食! 到於食材嘅水準就屬於中上，冇太大驚喜，亦唔會令人失望，推薦牛腩同豬大腸，絕對做得再去。

雖然我地唔係車仔麵控，不過間唔中都會想食，喺ig不時見到麵尊嘅照片，幾有興趣，今日黎到銅鑼灣工作，就順便試一試。銅鑼灣分店位於登龍街，曾經一街都係拉麵，如今已經換上不同食店。鋪面唔算好大，座位密麻，舒適就講唔上，一般車仔麵環境都係咁上下。週六午飯時間都有十個八個人排隊，等候約15分鐘，成功入座安排清晰，排隊期間，店員已經遞上餐牌，要點定菜，提高效率。入座10分鐘就開始上菜。選擇同一般車仔麵無差，豬皮、豬紅、雞翼、丸類、蔬菜等30零款，連同麵底一律$10/款，可配咖喱/腩汁/麻辣醬，最低消費$38，另有小食例如炸魚皮、雞尖等。雞翼、豬紅、蘿蔔、幼麵、麻辣 $40魷魚、豬大腸、冬菇、油麵、腩汁 $40睇落好似幾大碗，但我食完唔知點解冇飽腹感，可能要點多個餸先夠。豬紅滑溜；蘿蔔啱啱好，唔會太腍 冇啲唔正常嘅甜味；冬菇夠入味大腸乾淨，過得去；魷魚普通貨；雞翼出奇地冇乜味 (明明雞尖有)麻辣醬係唔錯，比火鍋嗰種溫和，帶少少麻辣，但份量太少，對於嗜辣嘅人黎講真係唔夠。另一半嘅腩汁未見出色，勝在湯底唔會好濃味，食完好長時間都未見喉乾舌燥。幼麵要索湯索得超快，轉眼冇左半碗；另一碗油麵就冇呢個問題。雞翼

食物質素同上環一樣，保持得好有水準，價錢都無因為裝修好咗而加價，值得推介，銅鑼灣快食之撰。湯頭應該無加味精，食完唔口渴，誠意之作，值得推介，不過有時多人要排下隊

今次Lunch專程來到麵尊位於銅鑼灣分店, 之前都一直去開上環嗰間。下午繁忙時間門口依然要排隊, 但輪候時間相比上環店短。門面的霓虹燈夠哂時尚新潮, 融合了香港傳統特式及地道車仔面風味。內部的裝修非常舒適乾淨, 重點係食物依然保持到水準。自選車仔麵 $10/餸 四餸一麵 $50點了四個餸加一個幼麵底 餸非常充足 比外面好多車仔面足料 平均每樣超過五六件 超值! 麵底也十分充足, 没有加底也夠飽。值得一讚當然佢個湯底, 腩汁夠濃且食完不口渴。佢地自製嘅麻辣醬簡直令人開胃, 少量已經夠麻辣, 岩哂食得辣之人。豬皮爽口 軟身剛好 夠哂入味!豬紅十分推薦 本人覺得比市面上嘅彈口入味。東菇超彈口 且有菇味。雞腎爽夾煙靭 好有口感 數量亦多。幼麵份量算多, 之前試過佢嘅油麵同米線, 都非常滋味, 全因湯底做得好。 銅鑼灣分店多了一項服務, 就係會主動幫你加湯。埋單五十蚊, 性價比算高, 一個會令你試完再試嘅車仔面。

話說我第一日返銅鑼灣，唔知食乜好就去左登龍街，見呢間野有人排隊諗住幾好我自己一個食，咁搭枱好正常丫我同3個唔識嘅一齊坐，佢地已經落好單，對面2個女仔一個食唔辣嘅油面，一個食辣嘅河粉，點知黎到啲餸就岩，面底就調轉左，之後再叫人換湯同面都係都係辣嘅，之後隔離枱都係話5食辣點知又黎左辣。。。。。我碗野到左，牛腩係牛腩碎，啲河粉散到夾唔到，煮到過哂時。。。雞翼就正常嘅，另外再叫左生菜，咁都係正常嘅，午餐肉得一塊薄嘅半圓形承惠10蚊，哈哈

尋晚過左去銅鑼灣搵男友食飯，行過登龍街，突然見到開左間新餐廳 - 麵尊。男友之前係上環返工，話呢間車仔麵係上環長期有人龍排隊，亦食過覺得好好味。見新店無咩人，梗係試試啦！⚜️⚜️⚜️我地都要左伊麵同埋分別叫左四個餸share：雞中翼、咖喱魷魚、豬大腸、豬皮、蘿蔔x2、豆卜、生菜（每款$10），一杯菜蜜（$15），一杯凍豆漿（$12）。♛♛♛食物大部分都夠入味同埋稔，加左楠汁既湯底幾好味，忍唔住飲左幾啖，伊麵口感少少煙韌唔錯，兩個人兩碗麵兩杯野飲食左$130，其實份量都唔少 銅鑼灣黎講呢個價錢都算係咁啦。絕對會encore既車仔麵店 。

最近開左呢間新既車仔麵, 我地就黎試下佢係吾係好似佢個名甘犀利。星期日晚上八時, 吾使等位, 直接入去。地方都好光猛, 又好乾淨。最好既係佢有個獨立洗手間。order 紙好簡單, 一目了然, 而價錢吾係話好貴, 係呢一區黎講, 真係OK。而且店員都好快手, 好有禮貌。魚蛋豬皮牛孖筋公仔麵 HKD 42.00我揀左咖哩汁, 夠辣! 但如果有得揀辣度就更好啦, 因為我食有少少辣。但係係好味既。魚蛋都OK, 佢係炸魚蛋再用咖哩煮, 好難吾好食。豬皮就一般, 入味就幾入味既, 但煮耐D會好D。牛孖筋好淋, 好GOOD GOOD, 下次我會再食。公仔麵就正常野。咖哩魷魚蘿蔔鹵水鴨腎米粉 HKD 40.00呢個係揀左麻辣, 但都真係幾辣下架! 食完個嘴會紅果種。魷魚就煮得入味既, 但就吾夠鹹。蘿蔔都好淋好入味。鴨腎都OK, 幾好味!食得過既一間車仔麵舖頭。

又平又好食， 估唔到湯底唔口渴，好值得推介， 保持上環分店水準，仲有辣椒醬賣， 包裝同之前唔同，靚咗好多， 香港已經好少會開分店但仍然保持平民價小店，希望你繼續努力好好經營

銅鑼灣終於有分店啦由上環開到銅鑼灣，當然要試下啦，之前經常幫襯上環總店，要去分店試下先豬大腸～整得好香夠入味鹵水鴨賢～爽口彈牙五香牛腩～肉質軟化，五香味十足米線～彈牙，吸收醬汁味，咖哩辣濃香好食大尊～豬紅，蘿蔔，咖哩魚蛋，紅腸，豬皮，生菜超級抵，多款食材，抵價食到，味道偏甜甜地，好大碗牛丸～彈牙爽口雞翼尖～鹵水味香而有爵口，好棒豬頸肉～爽口鮮美油麵～好好食，彈牙帶香，好棒最低消費38元，三餸一麵只系40元，在旺區內，這個系非常抵食味道保持水準，侍應服務有待改善，比較亂，好幾檯都送錯材料，但是加油💪要站穩

今日去咗登龍街揾食，見到間好乾淨企理嘅車仔麵，一望之下，原來係中環那間好出名嘅車仔麵開了分店，呢間嘢仲有好多名星推介添當時大約十二點，不是太多人，所以唔洗等位，不過坐坐吓就見到開始有人龍。每人一張Order 紙，設有最低消費，每位$38，有唔同嘅麵同餸，每款款$10，有選擇困難症嘅朋友仲可以選擇細尊($40)或大尊($42)，已經有齊豬紅、蘿蔔、咖哩魚蛋、紅腸同豬皮，如果選擇大尊的話，仲有菜，今日我就叫了個細尊加腩汁等咗一陣就到，賣相唔錯，只可借我一夾起件豬皮，就見到一條條黑色嘅毛，仲有6條咁多，真係胃口大減，其他餸就正正常常，沒有驚喜，不過個湯底就唔覺有腩汁味，仲有些辣，如果同小朋友來，真係要小心，食完成碗都唔覺有食車仔麵嘅感覺，睇怕都係名星效應

朋友介紹下嚟試下，基於我一位親友係經營車仔麵店，又基於曾經滄海難為水，所以我試其他車仔麵係好難覺得好好食嘅。 到店時已有一條短人龍，第一感覺係裝修幾舒服，安排入座亦有序，排隊時俾你圈紙仔落定單，等了大約5分鐘已經入座。坐低後好快已經有嘢食，賣相靚仔，睇見到心曠神怡 🤣 我食嗰碗，蟹柳係hea嘅，唔係仿真度更高嗰隻靚蟹柳。但其他餸都唔錯，最出色係豬大腸😻。河粉係幼身但好滑，但唔知點解好吸湯，食咗幾啖，睇落已經好似變咗湯河粉咁。成件事感覺都係 good 嘅，埋單$72蚊一碗，第一反應覺得好貴。但諗深一層，以呢個淨日本拉麵同台灣麵等都要八九十蚊起，呢間又地舖又有心機裝修，製作都算認真，又即刻覺得算係有良心。