螢雪 想食壽司，所以叫咗個有16品嘅螢雪餐 先來八寸，即係前菜，一共有三款，汁煮鮑魚，煙鴨胸鵝肝配桃汁，春天野菜之花，白蘆筍，好清新開胃 象拔蚌壽司，上面係肝煮成湯嘅啫喱 肉質彈牙爽口 啫喱清甜 炭燒金目鯛，個汁用魚骨熬製＇上面係烏魚子，鮮甜又有炭燒香 栗子蟹，中間係流心鵪蠢蛋，蛋黃連飯同蟹肉，我最愛 池魚壽司， 已經搽咗醬油，可直接食，鮮甜 牡丹蝦壽司，上面淋上由蝦頭膏加生蛋黃整嘅汁，再加蝦殼提煉嘅蝦油，大大突出蝦嘅鮮味 螢光魷魚拌飯，放用紫海膽蒸，好入味，今年第一次食螢光魷魚，要好好把握有得食嘅季節 熟成超過2個星期中拖羅，搽咗醬油漬，上面黃芥茉，好肥美 海膽壽司，上面灑上淡雪鹽，唔會太咸，配合海膽剛剛好 赤陸魚一夜干，炸過嘅魚鱗，放在一大片紫菜上，肉質結實，又有唔同口感 真鯛魚，下面放咗湯葉腐皮同新鮮紫菜醬汁，魚鮮甜仲有好香豆味 煙燻鰤魚，配檸檬汁同蘆筍，白肉魚，慢慢食，鮮味出晒 煙燻和牛，放在一個盒內，等10秒用左手開蓋，好似仙境咁，牛肉外面脆脆哋肉好淋，食完食埋旁邊嘅紅蘿蔔同粟米你清清個口腔 炭燒中吞拿魚魚腩再加上上無菌蛋黃，有炭燒香又肥美 大拖羅刺身，入口即溶 小長井蠔，經過慢煮，細細隻肉質結實 蟹肉麵加蟹豉油及蟹油，好似食咗成隻蟹咁 九繪魚燉湯，好清甜 食完仲會送上煙燻過嘅焙茶，清清個口，好細心 甜品係士多啤梨，同埋豆沙銅鑼燒，大滿足

同朋友食Lunch ，來一個$780 omakase
茶碗蒸 一開蓋，就見到兩大片南非鮑魚，隻南非鮑魚係用蘿蔔同昆布一齊煮，個汁再加咗落去蛋到一齊蒸，仲有一啲咪通熱辣辣又清甜 魴鮄魚 三大片薄切魴鮄魚，上面分別加咵蘿蔔蓉、新鮮紫菜、鮟鱇魚配奈良中西瓜漬，頭兩款點酸汁三種不同食法 刺身 一共有三款，分別係加咗蝦子及蝦頭膏嘅牡丹蝦、深海池魚、春魚，好鮮甜 龍蝦湯 打開蓋，聞到柚子嘅清香，龍蝦望落去偏生，因為係低溫浸，⁣⁣⁣⁣⁣⁣⁣非常嫩滑，湯仲加咗椎茸⁣⁣⁣⁣⁣⁣⁣，好鮮甜 ⁣⁣⁣⁣⁣⁣⁣⁣⁣ 燒地金目鯛 地嘅金目鯛係最高級數，油份高，燒出來好香，脆脆嘅魚皮，上面放咗烏魚子，充滿油份，魚皮爽，食埋個日本菜子花，可以中和番個油分 穴子天婦羅 即係鰻魚，穴子及青椒天婦羅，一啲都唔油膩，穴子好厚肉 近江A4和牛御飯 配上滑滑嘅蛋汁，十分嫩滑，唔夠飽仲可以refill 添 最後仲有開心果味雪糕陪黑糖蕨餅做甜品

一間非常特別嘅日本餐廳，去到唔係坐低就食，先去一間雅致嘅房間，由一位穿上和服嘅女士介紹茶道，有置身日本温泉酒店嘅感覺，品嘗用80度水煮嘅抹茶，係江戶風迎接客人嘅方法，同場仲有夕張蜜瓜菓子，好香好甜好好味 我食嘅係「鮨」omakase $1480 前菜有蟹肉秋葵啫喱，最特別嘅係日本仙人掌，第一次食，點少少黑，原來係甜甜哋，仲有咁多汁，仲有日本白梅貝，有白乾汁浸，再配上辣椒絲 食完呢個咁特別嘅前菜後，開始食壽司，每件都好新鮮，配上唔好配料以增加鮮味，今次嘅壽司分別有： 深海池魚 石垣鯛 北海道帆立貝 伊左目 梳子魚 赤鯥魚 幻星鰹 北寄貝 銀鱈魚BB 赤貝 金目鯛 牡丹蝦 鯖魚白板昆布漬 白子 中拖羅 馬糞海膽 松葉蟹手卷 食到中途，廚師送上青桔啫喱，旁邊配上煙燻蘿蔔夾cream cheese，清清喉嚨 食完壽司仲有，布甸蛋，舞茸湯同蝶豆花水順玄餅，好飽又滿足 食完仲有禮物

外出上堂，可以來個長lunch，約朋友來個開年海鮮Lunch 番茄蒜子沙律 ($28) 番茄去皮，加蔥花、蒜同醋，好開胃 厚燒牛舌 ($128) 非常厚，外面燒到有少濃邊，入口彈牙，完全唔韌 蟶子 ($98) 開邊，切件，容易入口，啖啖肉，又彈牙 日本原隻活帆立貝 ($138) 又係切件燒，仲加咗牛油，好野味，仲一絲絲添 鐵板活北寄貝 ($216) 好喜歡食燒北寄貝，可惜唔係成日有，見到有，就要叫，出奇地鮮甜彈牙 松葉蟹肉甲羅燒 ($108) 平時食甲羅燒都會覺得膩，今次放上青瓜上面食，又另一感覺 北海道魷魚柳 （$78） 配上紫洋蔥炒，味道較濃，十分野味，又唔韌 日本章魚御好燒 ($78) 上面鋪滿木魚絲，仲可以加些紫菜絲同蘿蔔絲，口感鬆軟，味道濃郁，有濃厚芝士味 鵝肝炒飯 ($138) 好大碟，鵝肝份量仲唔少，食完，好飽 餐廳原來仲有set lunch，下次要試試

同一位喜歡飲兩杯嘅朋友來，佢話想試下個＄248九十分鐘任飲，喜歡飲酒嘅人就真係要試，用個QR code 上網，先睇吓有咩酒，再去拎隻杯，放响想飲嗰款嘅酒嗰格到，再Scan，㯲個掣，就會出50ml酒，好飲嘅可以encore，又可以試其他，比起單叫一支，真係抵好多，而且每個人有唔同喜好，同朋友來，就可以各自選擇自己喜好，總有一款合適。

燒肉當然係酒嘅良伴，豬、牛、雞、海鮮各叫了些
日本和牛牛頸脊 $398
國產A4SP和牛肉眼＄2.89/G(130G起）$376
日本和牛三角胸小排 $158 厚切牛舌 $108

伊比利亞梅頭 $78
日本雞頸 $58
日本雞心 $58
炭火雞 $98
活蟶子（限量)（2隻）$178
一夜干富之次 $368
甲羅燒 $98
牛肥瘦分布平均，好嫩滑， 我最喜歡配海鹽，提升肉味
要推介炭火雞，出面真係好少有，好特別，有炭燒香，而且肉質結實

Sukiyaki 食得多，關西style 嘅係第一次

日本和牛set $980

前菜三點
水雲水母 海草同海蜇，入口酸酸的，爽脆，開胃
磯煮鮑魚，好淋，好入味
之後食北海道白粟米，清甜海之幸刺身三點
分別有拖羅、𩶘魚同埋北海道帶子，大大件，肥美鮮甜海膽和牛他他
上面有黑魚籽醬同鵪鶉蛋，配上水晶梨，好fresh蒸蒸物
墨魚汁八爪魚仔三文魚子蒸蛋，蛋好滑，配合其他海鮮，好鮮甜牛料理四品（和牛兩品）
分別有牛脷芯、和牛西冷、美國西冷，同平時嘅sukiyaki 唔同，呢到嘅係關西嘅，會先煎再加汁煮熟成西冷輕輕一煎，加京蔥，卷好，加上醬汁，配合赤雞蛋一齊食，好滑牛脷芯配上洋蒽柚子酸汁，上面加咗淡雪鹽、辣椒蘿蔔茸、蔥粒同蒜片，牛脷芯好爽口，入口即溶西冷三成熟、加上偏甜嘅汁，食時點上蛋黃，配上白飯同南瓜，出奇地夾之後食碗野菜
有洋蔥，黃芽白，冬菇，入晒味，又清甜之後食埋最後一款西冷，今次配上春菊菜，牛味更濃 之後又來一碗野菜，芋絲、紫心蘿蔔、豆腐，最後先至食青蘋果 滿溢筋子釜飯
加咗枝豆、蟹肉同黑松露，食時仲可以無限加三魚籽，好豐富，好滿足 跟住飲個湯，食埋個甜品，食到真係唔洗食晚飯

夢

疫情前來過食lunch ，今次終於可以試晚飯，係夏天嘅懷石料理，充滿海洋風味

先來一個盒，一打開就出煙，好有意境，係利用打士多啤梨造嘅分子料理，仲加咗愛媛縣嘅無花果、北海道白粟米。入口先士多啤梨嘅甜，接住係之後就係無花果啫喱，最後係清甜嘅白粟米跟住來了一幅畫，一幅海灘畫，畫入面有四款食物，分別係：
夕張蜜瓜parma ham脆鬆餅，三款食材好痴
紫薯百合果凍，紫薯
明太子脆北海道黃粟米粒，一濃一甜，完美嘅配合
紀州南高梅，微酸，好開胃西班牙紅蝦蒸蛋，上面係泡沫用咗唔同嘅魚熬製，好鮮甜再來3款刺身，都係以夏日海洋為主題，有北海道帶子、太刀魚及愛魚女。北海道帶子加咗青檸汁及岩鹽，鮮甜味大大提升。另外兩種就簡單貼wasabi就可以碗上面有來自日本嘅鱈魚乾，中間有一片烏賊，同埋台灣嘅烏魚子，食完打開蓋，用咗好多蝦煲成嘅湯，有一件烏賊丸，不過個樣好似一磚豆腐，上面仲有一粒粒係日本炸咗嘅米，個烏賊丸已經好鮮甜，飲埋啖湯不得了。日本嘅春卷皮，炸完用吹風機吹乾，好脆，上面係日本嘅毛蟹，酸汁啫喱做嘅果凍，跟住食嘅係隻細蟹仔，我起初仲以為係伴碟，原來食得㗎，唔好睇佢細細隻原來好多膏，最後食埋個粟米羹清清個口腔。之後有另一幅畫上碟，日本脆磷金鯛魚，配上自家製金鯛汁，旁邊有兩條蘆筍，
配上六款醬汁，食嘅時候每條蘆筍分3段就可以試到唔同嘅醬汁，旁邊仲有好多配菜，魚嘅魚鱗炸到好脆，金黃色，仲豎起，好似箭豬咁，好得意，肉質嫩滑， 最後飲個味㬝湯，甜品寶盒送上，入邊有個用脆鬆餅做嘅盒仔，午面仲有入咗凍奶，還有夕張蜜瓜，仲有自家製海鹽雪糕，好美滿嘅晚餐。

剪完頭髪，和朋友去咗食鐵板燒，唔想咁 Heavy，我選咗Dinner Set A $788， 唔想食鴨肝，改咗虎蝦 先來沙律，可以自己選醬汁，有柚子醋、芥末醬、蕃茄。我就選咗芥末醬，賣相好吸引，仲有好多款食材﹐除咗生菜之外，仲有羽衣甘藍、蘆筍、蝦、青瓜、蕃茄，最特別係有蓮芋，即係蓮花莖，好清甜 蟶子皇配香草牛油野菌 來自蘇格蘭嘅蟶子，已經切成小件，上面有泰國蘆筍同牛油雜菇， 香煎法國鴨肝配無花果意大利黑醋汁 唔想食鴨肝，改咗虎蝦，個汁用咗蝦膏煮，原汁原味 和牛薄燒/西班牙伊比利亞厚切豬 選擇咗西班牙豬，配上香煎野菜，上碟時再用櫻桃木香薰，肉好淋，仲有淡淡嘅煙薰香 三文魚籽海鮮炒飯 賣相好特別，用酒杯上，打咭一流，個飯仲炒得好乾身 鰹魚清湯 好清甜，好多菇， 好多紫菜，仲有北寄貝 最後食埋個雪糕，飲埋杯檸茶，大滿足。

好耐無食過鐵板燒，在黃雨下嘅下午，望住雨景，來一個鐵板燒午餐，點知，食完都仲係黃雨

好多嘢都想食，最後叫咗兩個唔嘅餐share，咁就可以食予幾款食材

Set lunch menu $438
沙律
茶碗蒸
帶子車海老 或 南非飽魚
美國肉眼薄燒 或 澳洲牛柳 或 西京味噲銀鱈魚
炒野菜
炒飯
味噌湯
香之物
甜品
咖啡

Set Lunch Menu $ 888
沙律
茶碗蒸
伊勢海老
和牛薄燒 或 和牛厚燒
炒野菜
海膽炒飯
味噲湯
香之物
甜品
咖啡


兩個set 分別選咗鮑魚、銀鱈魚同和牛厚燒

先食沙律，食緊嘅時候，廚師就整緊個茶碗蒸，滿住水珠响鐵板彈下彈下，好有趣，茶碗蒸加咗滑子菇，有菇香，蛋又滑與此同時，廚師已經椅屬銀鱈魚，銀鱈魚用麵豉醃三四日，再放大葉上慢慢煎，煎到個面金黃色，好入味，魚肉結實。
南非飽魚放些牛油才煎，食嘅時候點少少自家製嘅蔬菜汁，好香牛油味，仲好彈牙。龍蝦開邊煎，加上特製嘅醬汁，有些似鹹蛋黃炒蟹嘅方法煮，濃得來有不失龍蝦嘅鮮甜。牛厚燒用嘅係近江牛肉，4 成熟，切成一粒粒，可以點鹽、自家製燒汁同Washabi，款款都點吓，各有風味，牛又嫩滑。炒野菜
係日本椰菜，再加菇炒，好清甜爽口炒飯
一個餐有海膽，一個無，廚師問一唔一齊炒，當然無問題，雖然得一份海膽，但係食落就啖啖都食到海膽，個炒飯仲好乾身，食時仲可以加些香之物。最後，飲埋個味噌湯，食個開心果雪糕，飲埋杯檸檬茶作結。

終於有晚市，可以食OMAKASA，仲要食個全25品
蟹肉配水雲 加上醋，酸酸哋、凍凍哋，好開胃 穴子  加上鰹魚汁和姜蓉，好滑，好似食緊河粉
蟹肉豆腐
混合咗唔同蟹嘅蟹肉同埋黑魚子，蟹肉好鮮甜
海鱸魚昆布潰 海鱸魚加上酸汁，醃製咗一日，加上紫蘇花，肉質結實，魚味越食越濃
富山螢光魷魚 配上食用花同薑絲，好肥美，配上紫蘇葉，另有一番風味，碗底仲有海草添
龍蝦刺身 好彈牙，點少少豉油增加鮮味
炸白子
生嘅食得多，原來炸咗個質地好似豆腐，好滑，食完食埋塊紫蘇葉清清喉嚨
吉備奈子壽司 第一次食，第一次聽呢名，我仲以為係一個人名，魚身細少，銀色嘅魚皮，好閃，食落清清淡淡，之後有少少回甘
赤背壽司 加咗酸汁，爽甜
鰤魚壽司
熟成10日嘅鰤魚，加上柚子胡椒，好鮮甜
安康魚肝 好似食緊鵝肝，口感滑嫩，味道香濃
象拔蚌  加岩鹽同柚子鹽，好鮮甜爽口
食食吓仲送來一碟鱈魚乾，好香好脆 北海道牡丹蝦 配上蝦頭嘅蝦膏，好大隻又鮮甜
長崎縣陸前生蠔 加咗土佐啫喱，酸酸哋，蠔好肥味，仲有些海水味
喜之次壽司 輕輕燒過，魚油出晒嚟，好香，魚肉結實
北寄貝壽司 貝肉清甜，口感爽脆
富山縣白蝦壽司 上面加上魚籽，大大增加咗蝦嘅鮮甜
吞拿魚卷 醬油漬吞拿魚和日本蘿蔔苗同馬糞海膽一同卷起，入口有唔同嘅口感
紫海膽 依家係紫海膽嘅季節，原個紫海膽，加上三文魚籽，紫蘇花同木魚啫喱，口感豐富，好鮮甜
鮑魚  慢煮4小時後再加上蟹膏，好大片，好厚肉，加上蟹膏，大大提升鮑魚嘅鮮甜 Ayu 香魚BB 小型淡水魚，炸到好香，肉質細緻美味，味帶甘 大拖羅壽司 加咗岩鹽，底部輕輕燒過，飯吸了些魚油，仲入口即溶
毛蟹 加咗土佐啫喱嘅毛蟹肉，入口清新，蟹肉清甜 白海膽 白海膽放在炸紫菜上，再加少少淡雪鹽，第一次咁食，大大提升口感層次
食完25道菜，再來一個布丁蛋、舞茸菇龍蝦頭湯同水順圓瓶為今天畫上完美句號