麵尊

營業中

休息中

今日要嚟銅鑼灣做嘢，收工突然好想食車仔麵，whatsapp 問朋友有乜嘢推介，佢提議我試下位於登龍街嘅「麵尊」。上網瀏覽過這間食店資料，原來餐廳本於上環起家，已有十年歷史，一直人氣爆登，而銅鑼灣呢間分店據說亦非常旺場，經常滿座，一位難求。幸好來到時並非繁忙時間，不用排隊輪候。由於想拿回家與家人分享，所以今次就選擇咗外賣。門外早已擺放了一疊點菜紙，拿起細心一看，單係配料就有 30 款，另外亦有 8 款麵底、小食及飲品等供應。如果唔想動腦筋，亦可以點「大尊」或「細尊」，一碗就已經包括有多款經典配料，絕對係抵食之選。點咗一客「大尊」、一個四餸車仔麵，另外再加咗兩款小食。回到家後便可以馬上開餐，先嚐大尊 ($42)，果然麵如其名，分量相當之大。麵底選了油麵，而配料就有豬紅、蘿蔔、咖喱魚蛋、紅腸、豬皮及青菜，加上腩汁，極之豐富。餐廳用上豬骨湯作湯底，入口味道非常香濃。豬紅幼滑、蘿蔔清甜無渣。咖喱魚蛋亦絕不馬虎，彈牙及咖喱味濃。至於四餸車仔麵 ($50)  就揀咗幼麵底、酸齋、五香肉丁、雞中翼、咖喱牛柏葉配腩汁。幼麵質地夠爽挺；酸齋入口酸甜適中，質感煙韌。五香肉丁鹹香微辣；雞翼頗大隻，滷得好入味，

在時代廣場購物，逛得有點累，肚子咕咕作响，我和朋友還是在附近找個地方坐下來吃個飯休息一下。咖喱牛柏葉10不會有嗆喉咖哩粉口感，柏葉剪得大細適中，容易咬開，脆身。芝士腸10未算爆芝，味道夠濃，配麻辣湯底各有千秋，皮脆肉軟。紫菜10量足爽脆，索湯汁一流。酸齋10口感細軟，開胃卻不油膩，酸甜軟熟。咖喱魷魚10是水魷，幾彈牙。蠔油冬菇10厚肉且帶濃縮菇芬芳😋次次食車仔面都必點。豬大腸10沒有什麼肥膏，基本上都是瘦，比想像合心水，適合為食又著重健康的人。豬頸肉10滷水汁煮理，豬肉味出色，質地爽口，好有嚼勁，價錢便宜。五香肉丁10較少見的車仔面餸，滋味香辣，刺激醒神，和車仔面很夾，是全晚最美味的一個餸😍大尊42豬紅扎實，蘿蔔無渣不算好甜且易散，咖喱魚蛋挺大粒，紅腸色靚，豬皮吸收了咖哩辣汁很入味，菜是生菜🥬，油面沒有煮得過淋，放了一些時間仍有咬口。檸樂18檸味滿滿，冰塊剛好，很冰涼解渴，酸味不缺，夏天喝可樂份外醒神。食後感：身體健康尤為重要，餐廳也有為食客量度体溫及有消毒酒精搓手液供飯前後使用😊P.S. 麻辣汁更勝咖哩辣😍湯底口感層次簡單。

這個新冠病毒的疫情，不知何時才可以結束，只有期望疫苗產生，幫助人類對抗病毒，希望將來有轉機，俗語有云，明天會更好，期望上天憐憫，助人類渡過這場災難。早前路過登龍街，看到有間新開的車仔麵，既然可以在疫情中逆市擴張，想必味道不會過差。豬皮、貢丸、冬菇和大腸配幼麵。大腸不會太硬，乾淨而沒有騷臭味。冬菇炆煮得很入味。豬皮吸收了醬汁，軟硬適中。貢丸爽口彈牙，肉汁豐富。凍鴛鴦，花奶的份量十足，個人比較喜歡咖啡或茶的味道濃郁，幸好侍應幫我增加了咖啡的味道，服務態度一流。　牛腩汁生菜，牛腩汁不算太鹹，配合生菜感覺很健康。牛腩、鹵水鴨腎和豬頸肉配伊麵，其中以豬頸肉的味道最為爽口彈牙，伊麵吸收了湯底味道更佳。

經過銅鑼灣登龍街，又唔係話十分肚餓所以就去咗麵尊食車仔麵。入到去發覺原來選擇好多，咁我哋就揀咗豬皮、咖哩魚蛋、咖哩魷魚、蠔油冬菇、時菜、鹵水鴨腎、午餐肉、墨魚丸、同埋芝士腸。麵底分別揀咗粗麵、幼麵、同埋油麵。因為係買外賣返屋企食，佢哋好貼心將麵底同個湯分開裝，所以d麵一定唔會浸淋曬 。咖哩魚蛋、豬皮、魷魚都好入味，鹵水鴨腎就砌到好薄好爽口，午餐肉係厚切，時菜、芝士腸、墨魚丸就一貫水準，蠔油冬菇就好有鮮味。 而個湯底亦都係傳統港式車仔麵嘅湯底，所以好有以前嘅感覺返曬嚟。總括嚟講40蚊一碗車仔麵喺銅鑼灣絕對抵食，下次有機會去銅鑼灣我會再嚟麵尊食車仔麵，試埋其他餸。

肥腸魚皮餃時菜油面配咖喱辣多蔥第一次嚟嗰陣見到$10 1個餸覺得好貴，但當碗麵嚟到嘅時候就覺得物有所值！甚至一定要試！佢個湯唔係味精湯，食完都唔會覺得口渴！湯底可以揀要咖喱辣、麻辣、腩汁。我通常都會揀咖喱辣加蔥，超級好味！不過食開辣嘅我落晒一匙都會覺得有少少辣，所以如果你唔食得辣嘅話可以落少少試吓先！極推介大家叫肥腸同牛腩。佢個肥腸唔單止好彈牙有口感，仲非常入味！咁多樣餸我覺得最好味就係佢！牛腩好淋，索哂啲湯一齊放入口，正！另外好想讚呢間鋪嘅員工，每個都好好人好細心！試過行過見到我啲湯比啲麵索晒，佢會主動問我如果要加湯就同佢講。👏🏻👏🏻

車仔麵向來都喺上班一族的速食之選，尤其而家疫情嚴重，無得喺餐廳裡面堂食晚餐，買車仔麵嘅外賣尤其方便啲。不得不說的喺麵尊外賣包裝做得非常細心，除咗將車仔麵湯同車仔麵分開兩個盒，以免啲麵會淋之外，麵尊仲將炸魚皮放入膠袋，牢牢地梆在外賣袋的手抽，防止放在入面會壓碎。麵尊的車仔麵湯汁非常濃郁，就算放耐咗返屋企都唔會好似凝固一塊塊。夾起一片片脆薄博的炸魚皮，沾點湯汁，再咬上一口，細細的嚼，外賣返屋企都能保存堂食的味覺。另外，單點豬頸肉份量無貪工減料，不但惹味焦香，咬落更是爽滑彈牙，配搭清淡的菜，有助平衡油膩嘅口感。車仔麵的配搭林林總總，我地都選擇咗皮薄多汁嘅魚皮餃同墨魚丸。先講個魚皮餃，只見薄薄嘅外皮包住濃厚嘅肉汁，係燈光照射下，每次夾起魚皮餃，裏面嘅肉汁都不停咁流動住，令人有種忍唔住咬落去嘅感覺。果然，鮮味嘅肉汁從舌尖慢慢地流入喉嚨，而且絕對唔會好腥好難咬，可見師傅用料同手工都毫不馬虎。

睇左某 Youtuber條片，引左我地黎食~晚飯時段，都幾多人，要等15分鐘先有位。4個餸，加伊麵。2 碗伊麵都唔林，未煮好咁款。。。咖哩魷魚無咖哩味，魷魚就更加咩味都無 la...豬皮反而係夠味，酸齋就正常 la~魚皮無另上，放左喺麵上面，魚皮無味，唔好食~蘿蔔唔夠入味，雞翼同貢丸正常野，無咩特別。麻辣汁就辣到跳舞，要叫罐汽水解辣~點解呢間野咁多好評，真係唔係好明~又唔好食，d料又普通。。。服務又差麵尊呢個名真係唔多襯

喺銅鑼灣食嘢一定貴？No🚫！平野一定難食？No🚫！今日就同大家介紹一間位於登龍街嘅港式車仔麵店！就係麵尊！雖然係位於登龍街，但係佢收費依然非常平民👍🏻，最平$38就有交貿，仲要味道幾好食添。剛好琴日無帶飯，就唯有出去食！一入門口就覺得舖頭燈光非常光猛🌟，俾人一種好乾淨嘅感覺，同平時舊式車仔麵店嘅感覺🌑截然不同！見到有好多款餸揀，有選擇困難症嘅我就揀咗「大尊」套餐，有豬紅、蘿蔔、咖喱魚蛋、紅腸、豬皮同菜，每樣餸都有兩三件，唔洗煩食咩，不過我剛好想食雞翼，所以又加左樣餸！先講下醬汁，我揀咗牛腩汁，味道幾香濃，而能提昇到成碗麵既味道，而佢味道唔係死咸，係比較有層次，亦都唔太咸，唔錯👍🏻！鍾意食辣嘅朋友不妨可以加辣醬/食咖喱醬，呢兩款醬舖頭都做得好出色！餸菜方面，都見到店舖用料唔差同處理工序細心。蘿蔔煲得好稔，而入面好清甜無筋，配埋腩汁食仲正😋！咖哩魚蛋陣味係以前食開嘅老味道，有咖喱嘅香料味又帶少少香辣，食落惹味！而魚蛋外層都幾脆，而入面魚肉無落好多麵粉，幾好👍🏻！豬皮食落爽口，而且冇豬毛，幾乾淨，而雞翼係瑞士汁煮雞翼，雞肉都煮得嫩滑同入味！而河粉都薄身，睇落都好晶凝通透同滑身，可惜有少少碎！

🐾 麵尊 (銅鑼灣) 🐾之前見到好多foodie 推介嗰間餐廳，所以就特登過咗嚟食🙈嗰日咁岩落大雨，門口有個凹位嘅咁我哋就企咗喺嗰度等位，之後有個姐姐出嚟就話我企緊個度係等外賣嘅而當時係冇人買外賣，之後就叫我哋企返出去，之後係大雨到就算有傘，都會濕晒個隻(仲要好大風)所以我哋最尾係濕住咁食🙂服務態度唔係話唔好，只係我覺得處理方法可以更加好🙏🏻-豬紅豬腸蘿蔔冬菇車仔麵(凍檸茶)✔️$60鴨腎蘿蔔咖喱牛柏葉咖喱魚蛋(罐裝可樂)✔️$57滷水雞翼尖✔️$20-豬紅豬腸蘿蔔冬菇車仔麵:豬紅係爆汁嗰隻唔會有浸怪味，豬腸炆得好琳唔會難咬同樣都係冇怪味而且入晒滷水味，冬菇就普通唔算好淋同爆汁嘅係偏細嘅冬菇，蘿蔔就好夠淋同甜，整體來講都幾好食👍🏻-鴨腎蘿蔔咖喱牛柏葉咖喱魚蛋:呢個加咗個麻辣醬，朋友話都覺得幾辣，食到好熱，啲餸都係好入味！咖喱牛柏葉就好夠辣，同埋夠爽口，魚蛋就有啲普通不過最主要都係佢個湯底好味👍🏻-滷水雞翼尖：雖然份量唔算好多但係呢個超好食勁推介！我同朋友都好鍾意食雞翼尖，而佢呢個係勁入味😋😋真係必叫！———————————————(非專業,完全跟據個人口味☺)食物:8/10環境:6/10服務

一個人去左銅鑼灣又唔想入去啲餐廳食野又想食平啲啲唯有食返個良心正貨車仔麵啦💛呢間車仔麵最低消費係$38基本上叫三餸一麵都已經夠曬數💰🥢豬紅 蠔油冬菇 咖喱魷魚 雞翼尖 米線 ($50) 腩汁麻辣🐷豬紅非常入味又無腥味🧆冬菇勁推介 冬菇炆得夠淋又入曬蠔油味🦑魷魚好夠咖啡味 魷魚又好夠彈牙🐥雞翼尖都好淋 都係好夠味既🍜個汁係特製既 個味好正 仲可以mix兩隻汁添如果想食平啲其實可以叫佢果啲套餐（大尊細尊）又夠多餸車仔麵黎講真心佢係整得幾有heart💛💛

大尊粗麵 $42有豬紅蘿蔔魚蛋紅腸豬皮生菜。非常足料，再加腩汁，好食又香濃，麵底爽，又掛到麵，唔會油膩，加上醋同辣椒，味道豐富有層次！大尊油麵 $42揀左麻辣汁，有麻辣味道，不過可以再麻多d，可自己再加辣醬。蘿蔔都淋甜，魚蛋可以再彈牙同有魚味d，抵食外，食材有誠意，樣樣都入味！淨雞翼尖 $20加上腩汁，好淋，都滑既，浸得夠耐好夠味，但冇乜好大既驚喜，估到既味道！份量都多，可一試！。。📍需要等位，最低消費$38一個！

武肺疫情嚴重，成條登龍街都無人，唯獨是麵尊要排隊排到出面.......外面就貼咗告示話要配合政府政策，所以只可以開放一半座位，但放眼望去，全院滿座😨難道老細唔怕被撿控？當日嗌咗兩個麵，分別有大腸，豬皮，牛腩，炸魚皮、蘿蔔。最好食係個大腸，又入味又淋，分量又唔算少。至於牛腩就好搞笑，似一塊塊牛肉多啲。個炸魚皮係另上避免浸淋，但個另上係用膠袋😂😂😂個侍應無啦啦遞個膠袋嚟嗰吓真係黑人問號咗🤪不如用個碟仔啦, presentation會好好多。另外嗌咗杯蘋果蜜糖凍飲，都幾甜吓。如果想要葱粒記得喺order紙上面圈呀，我隔離位女士睇唔到無圈到，事後問佢哋拎都不得要領......

登龍街超多美食，麵尊就是其中一間深受年輕人歡迎的車仔麵檔每款配菜都是均價$10。【咖喱腩汁辣伊麵】我叫了五款配菜配伊麵，伊麵需要加$2。有紫菜、豬頸肉、雞翼、墨魚丸和魚皮餃。紫菜的份量很多，每一啖都覺得夾著伊麵吃到；墨魚丸就比較細粒，不過很彈牙，而且幾重墨魚味道；豬頸肉勁入味，索滿醬汁的香甜。最後湯底的咖喱味道很突出，果然是招牌湯底。【咖喱辣油麵】朋友點了四款配菜配油麵。有豬大腸、蟹柳、蘿蔔和魚蛋。蘿蔔是爽口大舊，幾入味；豬大腸都份量幾多，中間軟的，咬落去幾肥，好味道！【蠔油生菜】兩人分享剛剛好。【蜂蜜蘋果菜】解辣一流，不過太細杯了。上次吃完買了樽秘制麻辣醬超級無敵勁好吃，不過真是很辣。

有鋪車仔麵癮，時不時都想食～銅鑼灣登龍街嘅麵尊裝修新淨又有香港特色嘅霓虹燈招牌，平日下晝嚟食排晒長龍，不過人流都去得好快。店内最低消費HK$38，基本上嗌個三餸麵就一定夠。今次揀咗幾樣經典配搭－蘿蔔好腍，清甜冇渣；豬紅好滑唔腥；咖喱魷魚彈牙，不過就唔算好入味；三款餸嘅份量都好多呢！湯底本身甜甜地，鍾意食辣嘅我就揀咗麻辣同咖喱辣，兩種辣醬都係店家自家秘製嘅，撈勻之後辣得好過癮，店員都好貼心話食唔到咁辣可以再加湯～

終於有機會到老銅試麵尊，想食好耐！6點半度去到，時間尚早，仲有位，過多兩個字，已經爆full, 開始排隊！同一般車仔麵一樣，自己畫紙仔，餸菜多選擇！豬大腸: 乾淨唔臭，又唔會過肥！酸齋: 越嚟越少車仔麵有酸齋食，就算有，都好fail, 估唔到麵尊呢個係好食，一定要試！揀咗小辣，咖啡辣，都頗辣，好多人應該接受唔到🤣但真心好味，好味到我要單買咖喱醬拎番屋企！冇錯，佢啲咖喱醬可以單買！總括嚟講，嘢食唔錯，又係良心商舖，有咩理由唔幫襯！