麵尊

營業中

休息中

銅鑼灣二人前不過一百蚊，簡直係窮人恩物！賣相整齊腩汁湯底帶甜鴨腎夠入味雞翼入味略老豬紅帶腥了豬皮夠淋用靚河粉，夠薄夠滑身，食得唔夠快會吸晒d 汁，唔夠湯可以再加+$20 有個菜食物配搭選擇多店內環境整潔

最近定左個目標，食盡登龍街！😂😂星期日下午5點左右到麵尊，都幾多人食，好彩仲有位，唔洗等。每款10蚊都算抵食。叫左4個餸配米線。蘿蔔好淋，都幾清甜（不過個人覺得榮記蘿白更入味）牛腩淋到飛起，我反而麻麻，無咩口感同肉味。酸齋好正，大大舊，唔會太酸，索埋d湯，好掂！咖喱魷魚雖然無咩咖喱味，但夠爽口，正！我加左腩汁同一匙羹麻辣醬。腩汁帶點甜，唔算好咸，麻辣醬唔太辣，加左就帶點麻麻的口味，還可以。整體都唔錯，推介酸齋、蘿白、鱿鱼👍👍

今日銅鑼灣收工簡單食，去登龍街逛一逛，見到這間裝潢搶眼的"麵尊"，正想食車仔麵，一於試試。看看Menu，車仔麵每款配料$10，簡單方便。最低消費$38，罐裝飲品$10罐。我點了豬紅、蘿蔔、腸仔、紫菜、濃汁香菇貢丸，當晚米粉售罄所以我哋要咗河粉，再要腩汁，加蔥。湯底清甜，不會太濃，剛剛好。另外一碗叫了豬紅、蘿蔔、酸齋 、魚皮餃，配河粉 再要腩汁，加蔥。有酸齋我必點，好襯車仔麵。蠔油生菜 $20份量足，新鮮翠綠。

成日都聽到朋友講話去麵尊度食車仔麵，今日終於可以到這邊一試。我同老公兩個人分別叫咗兩款唔同湯底嘅車仔麵。酸齋、豬皮、咖喱魷魚、蠔油冬菇、豆卜，河粉 （咖喱辣、腩汁、多蔥）所有配料都好入味，豆卜完全吸收晒湯汁，豬皮爽口，酸齋真係好出色酸酸甜甜又有少少咬口，河粉係好滑。個湯真係不得了好清甜，忍唔住不停咁飲，飲晒都唔緊要佢個湯係可以無限添飲，只要同店員講就可以。個咖喱辣醬，好香口，同埋其實都幾辣。豬大腸、豬紅、蘿蔔、咖喱魚蛋、滷水鴨腎，粗麵（麻辣、腩汁）豬紅唔會一夾就散晒，蘿蔔唔會有渣而且好甜，鴨腎爽口，魚蛋呢係有以前街頭風味嘅感覺。麻辣唔會係一味勁麻或勁辣，剛剛好。遺憾的是原先叫咗五香牛腩，誰不知已經一早沽清，下次早點再來試。

位於登龍街的麵尊，其秘製的麻辣湯底用上百年老店的香料炮製，帶着有別於其他麻辣湯底的香氣和中藥感，配上紮實軟滑和吸湯一流的甜酸齋等配料，成就一碗大受歡迎的車仔麵。

次次weekend經過都會見到呢度打哂蛇餅🙈今次見平日一支公又唔趕時間😌就決心排下，雖然離遠已經見到條人龍😅😅點知‼️神奇嘅事發生咗😳😳😳喺我排咗一分鐘之後，竟然聽到店員哥哥大叫，有無一位🚨我load咗0.1秒🤔然後再用0.1秒去觀察其他人嘅反應🧐就即刻係隊尾舉手衝出嚟🙋🏻‍♀️🙋🏻‍♀️好開心🥳🥳好似中咗獎咁😆😆👏🏼🍜 蘿蔔+咖哩魚蛋+咖哩牛栢葉+雞中翼+油麵($50)所有配料都係$10一款😙 推介蘿蔔！吸哂啲湯，好甜好入味😋👍🏻滷水雞翼都好入味，咖喱牛栢葉係見到其他foodie推介所以試下，好爽口彈牙仲好濃咖哩味，但咖哩汁對我黎講有少少辣🙈😐咖哩魚蛋反而就唔太辣，佢嘅魚蛋係比平時見嘅大粒少少，似係炸過，表皮微煙韌，幾特別🤣湯底就少少甜，係濃得黎唔會好咸個種😋😋溫馨提示，原來葱嗰啲係要自己圈先有🤣眼大睇過龍唔小心變左走葱添😆

之前喺上環食過佢間總店嘅車仔麵已經覺得好好食而且仲要係黃店嚟添🤩 今次同朋友嚟開銅鑼灣，就決定試吓佢銅鑼灣新店保唔保持到水準！1:00嚟到已經有一條好長嘅人龍，大約等咗20分鐘左右就入得去👍🏻-車仔麵每款餸都係劃一價$10一款，如果有選擇困難症嘅朋友亦都可以直接叫一碗大尊！每次嚟到都一定會叫豬頸肉，呢到嘅豬頸肉口感非常之好而且非常之入味，係必食之選😍今次決定試下咖喱魷魚同埋五香牛腩。五香牛腩就有少少失望，肉質過淋食落冇乜口感，下次唔會再叫喇😕湯底方面就揀咗牛腩汁，湯底非常之入味，如果飲完仲可以叫佢加湯添！鍾意食辣嘅朋友亦都可以試吓呢度嘅辣汁，非常之惹味😋落單嘅時候唔記得圈辣汁，同返店員講佢哋都好好人咁用湯匙額外比返一羹我，服務態度好好！💛

今日polaf一齊去咗試位於銅鑼灣嘅一間車仔麵—麵尊😗叫咗兩碗麵，感覺都好唔同🤔所以決定分開兩碗講啦😂 不過車仔麵Olaf始終都係最鍾意食深水埗嘅文記🥳1️⃣ 麵尊車仔麵👉🏻每款餸都只係$10 🔺酸齋+五香牛腩+炸魚皮+豬頸肉+河粉 (咖喱汁) ($50) (7/10)Pooh哩個整體幾好🤤酸齋好大粒又juicy，酸酸甜甜咁好正😆 炸魚皮有三大舊，炸到好脆好吸汁😍 牛腩好香五香味，但好碎🙈 豬頸肉都唔夠香🥺 如果河粉無咁碎，同埋多啲咖喱汁就更好啦🤣 🔺雞翼+蘿蔔+紫菜+咖喱魷魚+粗麵 ($50) (6.5/10)湯底好鮮甜，聽講仲可以任加😳雞翼煮得好林，都好入味🤤蘿蔔都好鮮甜，入晒味，完全無根👍🏻加埋紫菜掛湯一流😍魷魚好爽口，完全係玻璃皮😍只可惜咖喱魷魚浸左落個湯度就無咖喱味🤔2️⃣ 豆漿 $12 (6/10)唔會好甜，豆味都唔係好重，感覺比較似樽裝豆漿倒出梨🙈不過過吓口癮都幾好😗📌只收現金，記得㩒定錢佢啦🙈

今日約咗朋友去銅鑼灣行街，所以lunch就約左食麵尊。可能星期日嘅關係，我哋去到嘅時候已經好多人排緊隊，不過店員都安排得好好，而且等咗唔係好耐就入到去。依一次我就叫咗三個餸加油麵（每次食車仔麵都必點😚），分別係酸齋 - 好入味😋豬大腸 - 煮得幾淋，唔會好難咬豬頸肉 - 中規中矩 （不過下次會想試吓其他餸多啲）湯底方面就叫咗麻辣加牛腩汁，相比起上次食嘅咖喱辣我更加鍾意麻辣，不過今次食嘅時候湯底就比較偏甜少少，但overall都係高質車仔麵。

開返夜晚堂食終於去咗好掛住嘅麵尊😍😍面磚嘅車仔麵無論係湯底、餸同埋價錢都好吸引🌟仲要係黃店💛完全無法抗拒❤️🧡💛💚自選三餸 $40揀咗豬紅、美味齋同埋牛柏葉公仔麵🍜麻辣湯底🌶公仔麵要加$2🔺麻辣醬係分開上 不過我豪不考慮就撈哂落去😂變咗湯底辣味重 稍為有少少蓋過咗湯底嘅味道😂😂同埋我麻麻地佢隻麻辣醬 下次都係叫返腩汁🔺豬紅有五舊 好滑😍🔺美味齋滲入咗湯底好入味😍🔺牛柏葉爽口彈牙 必嗌🤩另一碗就係牛柏葉、墨魚丸、滷水鴨腎幼麵🍜腩汁湯底🔸腩汁湯底正過麻辣 好濃郁入味🔸墨魚丸超級彈牙🔸鴨腎爽口 我試吓將佢放落麻辣湯底仲正🤣🥬白菜 $20白菜仔好甜 撈腩汁係完美嘅配搭😍撈左腩仲突顯到白菜仔嘅鮮甜😋

星期六咁啱同朋友行過呢度諗住食嘢，見到呢間舖排晒人龍，仲有唔夠5分鐘就開門，所以都試吓。入到門口就知道原來黃店，難怪咁多人排隊💛👍🏻有選擇困難症嘅我揀咗大尊，唔使自己揀餸😆有豬紅、蘿蔔、咖喱魚蛋、紅腸、豬皮、菜朋友叫咗魚皮，比預期中大塊，仲好脆另一位朋友叫咗貢丸、大腸、咖喱魚蛋佢不停咁讚話啲丸好彈牙、好好食🤣總結來講佢個湯係唔錯嘅，搞到我哋都差唔多飲晒啲湯，其他餸大致上都做得幾好，蘿蔔同豬紅好入味，豬皮亦都好爽，菜又好林，啱晒我口味。價錢係呢區來講都唔算貴，平均一人$50都唔洗👍🏻

看過很多介紹不同車仔麵，今天經過銅鑼灣麵尊，決定坐低一試。今日是晚市開放嘅第一天，晚上九點多來到店面，沒有等位嘅人潮。可能已經是差不多收鋪的時間，很多餸都已經賣光了。幸好我想要的都還有，最後點了兩款車仔麵：聽聞酸齋是他們的招牌，分量大有2大舊，味道不錯，豬頸肉味道正常，都有大概五六片，豬腸味道濃，分量多！油面是我喜歡的硬度，總括而言好味！朋友點的這一碗紅腸正常，貢丸有兩粒，普通。點了少少麻辣，麻味重，湯很濃味道清不像是味精湯，很好味。題外話，店舖正播着黎明嘅歌曲，有品味，加了分！總括而言，店面裝潢漂亮乾淨，不像一般傳統車仔麵店，座位舒適，員工服務不錯，食品味道很好，份量夠，會再來！

//銅鑼灣Lunch系列😛🇭🇰💛車仔麵！//·兩個禮拜食兩次🤤份量唔錯，車仔麵價錢係呢區嚟講算係咁，免費加咖哩汁、麻辣汁、腩汁😬但嘢飲要比正價，熱飲要$20，凍飲$22😅，我覺得太貴就冇加到😂🤣·🇭🇰大尊(豬紅、蘿蔔、咖喱魚蛋、紅腸、豬皮、菜) $42第一次食見佢張紙仔有得揀大尊，就一於試佢啦😚豬紅有三舊，好淋好軟，好似好易夾碎佢咁，唔係個種彈牙嘅感覺兩塊豬皮同埋蘿蔔索哂啲汁幾入味，食落幾有彈性紅腸兩塊正常😂咖哩魚蛋浸到冇乜咖哩味啦，普通嘢😚·🇭🇰豬大腸、咖哩牛柏葉、豬頸肉 $40下星期又再食多次，今次自選咗三款餸配米粉🤣專業精算過，豬大腸有七塊、牛柏葉六塊、豬頸肉三塊😗我又覺得咁樣自選餸嘅份量算好多，豬大腸大大舊又入味，味道偏甜，牛柏葉唔會韌幾爽口，豬頸肉都好正🤤·🌟唔錯嘅車仔麵，可以間中嚟食下，不過就唔叫飲品了😌

📍麵尊(銅鑼灣）—————————一間好多人排隊既車仔麵假日大概等20-25分鐘先入到去食-我揀左⭐️油麵⭐️蘿蔔⭐️酸齋⭐️咖喱魷魚⭐️辣度揀左咖喱辣🍛-最值得試既係～酸齋～份量好多，大大件又多汁酸酸甜甜好開胃湯底都唔錯-至於車仔麵必食既蘿蔔個人認為唔夠「林」，未算好入味。但總括黎講整體都有7分，值得一試

🍽細尊（4.5/5）💰40（豬紅、蘿蔔、咖哩魚蛋、紅腸、豬皮）痴曬線🤷🏻‍♀️5個餸都係40蚊‼️豬紅超大粒，蘿蔔入味冇渣、咖哩魚蛋咖哩味好重有啲辣😂紅腸、豬皮發揮正常👍🏻🍽豬大腸、豬紅配粗麵（4.8/5）💰30豬大腸好入味，滷汁好甜好正😍豬紅唔洗講都見到有幾大粒，夠實正唔會一夾就碎醬汁一定要選蔥、腩汁一齊黎😆食得辣既再選咖哩或麻辣咖哩辣同咖哩魚蛋個味一樣，但我覺得比麻辣要再辣啲🤔麻辣超正，淡淡既辣加大大既麻好似我呢種十小辣都可以落到半pat，食得辣既朋友可能要問下侍應加辣喇🤩