麵尊

營業中

休息中

我哋成家人都好鍾意食藞䕢麵,但一般麵店嘅藞䕢麵真係好那渣,而今日喺銅鑼灣行街嘅時候見到「麵尊」,佢哋嘅裝修好其利我相信佢哋嘅面都係好味得來又唔揦鮓,睇佢哋嘅點菜紙,發現一個大件夾抵食嘅「大尊」,佢嘅餸同一般那渣麵冇乜分別!不過真係好抵食,只需要$42 !就有一碗!因為我哋一家人都好鍾意食所以我一次過叫左三碗再加多個炸魚皮!買外賣返屋企,家人見到「嘩嘩」聲!相信佢哋一定好開心!而我最欣賞佢哋嘅就係外賣嘅時候面同埋湯會分開唔怕內阻食嘅時候會浸到林晒或者面會發脹可以保持美味！

近期見到好多人介紹呢一間車仔麵好好食，所以今次專程去試下，去到時候大約中午1點10分左右，見到仍然有人龍，前面大約十個人左右，都唔少人過喎，不過大約等左十分鐘就已經有位，可能係食車仔麵關係，所以都好快有位未入座之前店員會比餐牌我哋寫定先，所以一入去坐低好快就有得食，呢間餐廳裝修比較新潮，唔係傳統裝修，座位都比起傳統車仔麵店坐得舒服少少，另外原來有一間總店喺上環，都開咗好多年，我都係近期先知道🙊咖喱魚蛋|咖喱魷魚|酸齋|油麵 $40 我碗麵未到之前，隔離枱嗰個男士就不停讚油麵好好食，咁啱我又係叫油麵，所以我第一啖係先食油面，又真係幾好味喎，煮得剛剛好，軟硬度適中，唔會太淋咖喱魚蛋唔會腥，彈牙又好食，咖喱汁好香濃酸齋雖然係浸住湯入面，但仍然有酸齋的酸甜味，有口感又開胃咖喱魷魚係水魷，都彈牙我湯底選擇了咖喱辣汁，又唔會好辣細尊|米線 $40 - 豬紅|蘿蔔| 咖喱魚蛋|紅腸|細尊其實都好抵食，有5個餸，叫咗米線，唔會太過淋，仍然有咬口豬皮大件又爽口，索哂啲湯汁就更加好味豬紅係爽口，唔會一夾就鬆散蘿蔔大件清甜又無渣紅腸就無咩特別，正正常常的🌟個人推薦係酸齋，豬紅，油麵，不過每個人口味唔同，如果

今日夾到時間係下午5點左右食early dinner, 搵左呢間方便我地又可以快食既餐廳。大概5:20PM到達, 餐廳還接受堂食(之前試過有餐廳話佢地堂食last call 5:15PM)。其實留意左佢地一段時間, 因為睇左網上既一條短片, 讚麵尊既酸齋好好味。唔知係唔係好多人都睇左, 前排經過門口大排長龍。我點左酸齋, 蘿蔔同豬頸肉伊麵, 老公點五香牛腩, 咖哩牛柏葉同濃汁🍄香菇貢丸幼麵。蘿蔔清甜, 沒有苦味, 煮耐多少少會更好, 酸齋濃味軟滑, 比之前係永年士多食過既入味, 但我覺得甜多過酸, 唔夠酸。豬頸肉同試左少少老公點既五香牛腩, 發覺佢地既肉類無論豬或者牛都有一陣輕微既臊味, 唔嚴重, 但對味道敏感既人黎講係一大扣分位。另外, 佢地既伊麵都有D怪怪地, 咬落去個麵心好硬, 同平時食開既口感好唔同。總括黎講, 車仔麵既話, 香港有更多更好既選擇。

平日一點左右嚟食，排隊等咗15分鐘，唔算等得耐。車仔麵turn over好高，所以都冇預過要排太耐。叫咗兩個麵：大尊（豬紅、蘿蔔、豬皮、咖喱魚蛋、紅腸、菜）$42個麵底叫咗米線，有啲過硬，煮得唔夠。湯底係原味，冇另外加醬，都算好濃郁，但係唔算香。蘿蔔夠甜，豬紅夠入味，咖喱魚蛋OK，但係豬皮有啲硬。另外叫咗碗自選（滷水雞翼、墨魚丸、酸齋、五香牛腩、油麵）$50墨魚丸好粉，唔好食。五香牛腩食落有啲紅，好似煮得唔夠熟咁。酸齋、油麵正常。滷水雞翼有毛🤢🤢味道算正常唔太差，但唔可以話好好食。同深水埗文記對比之下，都仲有一段距離。味道：3/5環境：3/5服務：4/5CP: 3/5回頭：都或者會

麵尊 (銅鑼灣)-疫情反反覆覆即使可以堂食都要小心謹慎倒不如外賣返屋企食就可以減低人群聚集食都食得開懷暢快啲各式各樣外賣都食到慣晒今日嚟到銅鑼灣買午餐車仔麵絕對係平靚正快之選眼見疫市當然要支持一下各食店車仔麵絕對充滿著香港特色內有不同款式嘅餸但係又異常配合再配以一個好湯底絕對令人回味無窮今日揀咗呢間位於登龍街嘅「麵尊」未到繁忙時間都已經大排長龍大眾價錢但又出色美味絕對值得試一試車仔麵嘅餸款每次都令人花多眼亂人人都有唔同喜好我就揀咗呢三款美味齋大腸雞翼美味齋吸收曬全部腩汁真係超入味大腸爽口彈牙雞翼肉質唔會霉兩款炆得非常入味同樣充滿腩汁另外點多咗兩款淨餸同人分享淨雞翼尖真係好味到停唔到口滷水汁充滿碟雞翼尖20 蚊大大碗肉質彈牙爽口淨豬頸肉豬頸肉都非常爽口入味又係大大碗30 蚊絕對係超抵食

我諗呢間車仔麵對大家一啲都唔陌生每次我都會嗌唔同嘅餸務求試真哂所有款式為止今次叫咗豬頸肉，酸齋同豬紅近排好鐘意叫呢度個豬紅，真係好入味又唔會腥，咬落去湯汁真係爆出黎入味到個人覺得個豬紅有啲啲偏鹹豬頸肉都好有質感，唔會話好鞋口但係佢算係偏瘦嗰隻冇乜少少肥膏嘅彈牙口感酸齋就煮得夠淋夠入味啲湯係絕對沖唔走酸齋嘅醬汁反而個湯仲帶有小小酸酸味味嘅感覺，幾惹味做過research話呢度嘅咖喱辣係必試但係我就怕太辣，一直都唔敢試不過淨係呢個湯底都夠哂濃，唔會好寡你哋食車仔麵又會叫咩餸黎食啊？(提提大家，只收現金喔)

好耐都無食過車仔麵宜家越嚟越少地方有得食明明車仔麵係咁有香港特色😩今日去銅鑼灣shopping 經過登龍街被麵尊窗邊既霓虹燈招牌吸引住原來係車仔麵既餐廳😍估唔到會裝修到甘靚店舖入邊佈置都好有心思將成個餐牌每款餸都掛唒上牆 價錢好統一 每款都係$10食得車仔麵就係想食多款不同既餸可以一次過揀晒我想食既🤩我哋點左兩碗面🍜加埋有10幾款餸蘿蔔係我個人最推介❤️清甜又多汁無根塑晒啲湯汁 好入味😋另外咖喱魷魚都好好食 爽口彈牙我老公最鍾意就係豬紅 口感一流 QQ的 又唔會易散開😌仲有值得一讚外賣係有將麵同湯分開 甘就唔怕拎到屋企唒發脹唔好食

平日Lunchtime 12點半到，有人龍 ，不過排左10分鐘左右有位，餐廳座位唔多，但坐位尚算舒服🙂最低消費每位$38，$10 1個餸/麵底 叫左❣️豬紅酸齋咖喱魷魚配油麵 咖喱醬腩汁加蔥 可樂豬紅結實但調味過鹹，酸齋軟綿綿索晒湯汁，咖喱魷魚正常爽口彈牙，油麵有驚喜，煮得軟硬適中，食得辣嘅朋友可以加咖喱醬配埋濃郁腩汁一流🤤❣️五香牛腩炸魚皮豬頸肉配河粉 腩汁加蔥五香牛腩肥膏太多而且碎濕濕，炸魚皮正常口感，豬頸肉入味，河粉煮得過稔😐好味度：6.5（10分滿分）味道唔差價錢尚算合理，經過可以一試但唔使特登過去

我都有一段時間冇食車仔麵喇，剛剛行完Supermarket 就順道去外賣個車仔麵返去食，位置就係時代廣場落一條街，附近都有地鐵站好方便好近。出面都keep 住長期一個客人接住一個，唔係繁忙時間都好多人一讚就係就算幾忙，員工都非常有禮舖內佈置都好心思，一個個店內每款小食都一一掛上牆上。車仔麵每款10 蚊有一款叫大尊，唔洗左揀右揀,見到樣樣都岩食，就點呢個唔洗煩大尊 揀左米粉豬紅扎實，蘿蔔無渣不算好甜且易散，咖喱魚蛋挺大粒紅腸爽口大片豬皮吸了腩汁好滋味豬紅不易散開，口感順滑豬皮爽又彈口有口感，且處理得乾淨蘿蔔好清甜，剛剛好入口軟淋適中另一碗就揀左墨魚丸、紅腸、魚蛋、魚皮餃、雞翼河粉+腩汁腩汁湯底味道濃甜魚蛋口感彈牙鮮香淨雞翼尖滷水味雞翼尖非常入味而且仲好軟淋，食完一隻又一隻食過後呢間車仔麵真係好食呀凍蜂蜜蘋果茶凍蜂蜜柚子茶

呢間本來一定好多人排隊，不過小編平日下午三四點去就有好多空位，唔想排隊嘅人都可以參考呢個時間去食😝舖頭裝修比較新，唔似舊式車仔麵店咁會覺得好污糟，而且舖頭都幾大，坐得幾鬆動同舒服😚.🍜自選車仔麵所有餸都好入味而且份量都幾多下，特別推薦豬腸同牛柏葉🥳炸魚皮係單叫所以好大兜，想食嘅話當餸咁叫已經好夠😆最驚喜係油麵，比一般嘅爽滑彈牙😋湯底冇乜特別，如果有埋自家制嘅特色湯底就好喇🥳.🍽味道: 3/5🏙環境: 3.7/5‍👨🏼‍🍳服務: 4/5💧衛生: 3.5/5💰價錢: 3/5

冬菇六粒 雖然好細粒不過味道正常牛腩好淋 一啲都唔多渣 而且唔算好濃味酸齋酸甜 幾開胃貢丸ok正常 有咬口唔係一舊粉 淋啤啤嗰啲Very normal quite delicious

車仔麵有好多唔同種類、唔同湯底、唔同配料、唔同煮法，所以每一家餐廳既味道都有唔同，其實每一個人既口味都唔同，可能你覺得好食既車仔麵人地覺得好食，但我覺得好食既車仔麵就係要迎合到更多人既口味，而今次推介既呢間車仔麵係我覺得香港黎講最好食，身邊既朋友都係咁覺得。麵尊係以車仔麵同辣醬聞名，係上環起家，已經有九年歷史，因為上環晚上人流小，所以唔做晚市，特別係銅鑼灣開多一間分店。湯底係熬製最少五個鐘既豬骨湯，除左五香腩汁之外，湯底仲可以加秘製麻辣醬或者咖哩汁。-環境🪑裝修比較新式，唔係殘舊既車仔麵店，店鋪既燈光都好光猛同乾淨，特色係有一面牆好似以前D冰室咁，會掛哂D牌睇到有咩配料。位有窗口BAR枱位6個，再加上20幾個2/4人位。-Menu 📋Menu總共有30種配料，店員推介蘿蔔、冬菇、豬紅、豬大腸、牛腩，因為呢D餸唔會過夜所以比較新鮮，麵底方面有8款，湯底方面有4款，有咖哩辣、麻辣、腩汁、蔥，係可以混合選擇。-🍜⃣ 車仔麵💰60（👅: 9/10）今次叫既係牛柏葉、貢丸、豬皮、紫菜、冬菇，油麵，腩汁加秘製麻辣醬同蔥。可以睇到每款配料既份量都好多，唔馬虎。豬皮唔算好入味，但係口感好爽唔會好韌。咖喱

呢間俾各大KOL推舉嘅車仔麵店，出面長期排住人龍。咖喱辣幾香咖喱味唔太辣，湯底都幾甜。可惜五香牛腩炆得唔夠入味，似肉碎仲多過似牛腩。蘿蔔無渣，不過唔太清甜。甜酸齋正正常常，無咩特別。粗麵亦都煮得唔夠，有啲太硬身。最慘係佢成碗麵，麵還麵味、湯還湯味、餸還餸味。有良心嘅食店當然要支持，但係話佢好食過文記實在太盲撐，淨係文記個辣醬同菜脯都贏佢成條街啦。⁣⁣Cart noodle is definitely one of Hong Kong's most iconic staple foods. This cart noodle shop in Causeway Way was very popular. However, the food was just average - not worth the wait!⁣

呢間麵尊位於登龍街龍門冰室隔離，自從偶像猛烈南瓜去過之後一隻躍躍欲試，今日難得嚟銅鑼灣搵老友食飯，係你喇、上嚟啦。黃店要排隊是常識吧，到達時為1307，已經有幾個人喺度等緊，餐廳堅守人齊先俾入，老友記遲過我十幾分鐘到，我無奈地望住十幾個人入座，個 flow 好快。餸嘅選擇算幾多，比較特別嘅係以車仔麵嚟講有葱呢一個選項，啱哂我呢一類好葱之人，第一次嚟試揀咗個大尊，貪佢樣樣餸都有啲，豬紅蘿蔔咖哩魚蛋紅腸豬皮菜入面以豬紅最出色，其餘都係基本嘢，最啜核係嗰 PAT 麻辣醬，我嗌大辣見佢俾一平羮原本都有啲不爽，但係食落完全夠喉 (俾個指標大家我平時譚仔食中辣嘅)，個麻辣仲可以買走，我食完都忍唔住買咗一罌返屋企，丫仲有個河粉，係少有地咁滑溜，非常高質。

實在太耐冇食過車仔麵啦，即使見到有人排隊都打算去食麵尊😋 一路排隊嘅時候，侍應就俾張紙我哋揀我哋要嘅餸，我覺得幾有效率，排隊等咗10分鐘左右就可以入坐。 我自己嗌左三個餸 (芝士腸、豬頸肉、雞中翼) 同埋點左咖喱辣湯底，食到好飽啊。佢嘅豬頸肉都算厚身同大塊👍🏻。我強烈推薦大家試吓咖喱辣湯底，其實佢本身係一個腩汁湯底，然後有個咖喱辣醬俾客人自己選擇放幾多嘅份量落個湯底到，真係一試難忘🥰 男朋友嗌左四個餸 (咖喱魷魚、豬大腸、蘿蔔、墨魚丸) 同埋點左腩汁嘅湯底，叫侍應比多蔥真係有俾多㗎👍🏻 總共$90埋單！好食嘅車仔麵！