鳥居居酒屋

營業中

休息中

同老公咁啱去銅鑼灣行街，午餐搵個地方醫肚先行，諗起YouTube成日都介紹澳門逸園中心入面嘅食店，咁啱我地都想食串燒所以就試吓呢間居酒屋餐廳裝修很雅致，是傳統日本料理嘅感覺，而且環境很安靜，一坐低侍應便很殷勤地給我們推介菜式，我們選了兩個午市套餐，很快侍應便送上前菜，茶碗蒸非常之滑，材料入面仲有一隻大蜆，很鮮甜，麵豉湯很香而不會太鹹，配上豆腐海帶味道不錯，芝麻醬秋葵同埋凍蕃茄味道都很好👍🏻溫泉蛋燒鳥定食：串燒雞翼又香又脆、申燒雞肉大蔥很香口，大蔥同雞肉好夾、燒冬菇又香又多汁、西京鮎魚彈牙而且很香口，配上溫泉蛋飯有溫泉蛋及大量紫菜，十分滿足。極尚6本定食：燒鵝肝超級正，外脆內軟充滿鵝油香味、燒冬菇因為放在鵝肝串下面，完全吸收了鵝油，好香口、薩摩雞翼一夜干因前一晚用鹽醃了一晚，鹹香味幾特別而且好香脆、鹽燒牛肉好有肉汁，而且有牛味、燒銀雪魚好有魚油香，外皮燒得脆、蘆筍豬肉卷味道唔錯，蘆筍吸收了豬肉的油脂香味，同豬肉一齊食都幾夾。

嘩！鳥居二人前割引7折由$1750 減至$1225，與閨蜜聞風而至，立刻約去銅鑼灣鳥居居酒屋。當然選了鳥居二人前啦：前菜：蟹肉芝麻凍菠菜～蟹肉搣成條裝而菠菜就成片狀及條狀，混合芝麻一起吃，惹味非常；小食：燒鱈魚乾～鹹鹹香香，入囗即溶；刺身：愛知縣白象拔蚌刺身～味道濃厚鮮甜，肉質口感皆為上乘；燒海鮮～味噌燒日本活帆立貝～厚肉，燒得香口又不流走其水份，紐西蘭活蟶子～大大隻又肥美，肉質爽嫩；燒物：味噌燒龍蝦～滙入適當的味噌醬，不阻礙其鮮甜的龍蝦肉味；串燒：手造豆腐～豆味濃郁與木魚碎一齊食，好味呀！露筍豬肉卷～露筍的菜汁令到豬肉卷爽嫩彈牙；自家製月見免治雞肉棒～吃時蘸些月見汁（蛋）很惹味呵！又有口感；主食：加拿大海膽伴冷稻庭烏冬～加拿大海膽味道鮮甜配上如雪般白的冷稻庭烏冬幼滑煙韌，極妙！最後來了甜品：朱古力窩夫～厚厚的一大舊朱古力不易溶化又不甜有咬感。離開時特然看見門前帖上「清酒買一送一優惠」，Wow！ 明天通知好酒的友人來這裡再盡興！

據聞這樓上日式居酒屋有優惠，决定速速探店，原來720ml清酒超六百消費買一送一及套餐七折優惠👏點了套餐:鳥居二人前前菜-蟹肉芝麻凍菠菜，大堆蟹肉鋪滿乾身的凍菠菜，混上芝麻香味，爽嫩脆😋小食-燒鱈魚乾，佐酒佳品， 鹹香脆口😋刺身-愛知縣白象拔蚌刺身，新鮮彈牙，好有咬感😋燒物-全餐主角共三款:味噌燒日本活帆立貝先上，帆立貝肉質感佳，咬落爽滑😋紐西蘭活蟶子，燒好切件面放葱花，美觀又清香，蟶子肉好嚼勁😋味噌燒龍蝦是今晚重頭菜， 份量足夠，火候控制佳，肉質嫩滑，味噌調味適中，熱度夠😋串燒-手造豆腐，外脆内軟，入口甘香😋露筍豬肉卷，豬肉鮮嫩，包著脆口露筍，口感十分好😋自家製月見免治雞肉棒，碎 雞肉質感又確實不同，感覺好😋主食-加拿大海膽伴冷稻庭烏冬，足量海膽舖在冷烏冬上，沾上醬汁配料，入口香滑涼快😋甜品-朱古力窩夫為這頓居酒屋燒物宴作结👏

周末到銅鑼灣購物，sogo旁邊的澳門逸園中心現有相當多的餐廳進駐。是日想吃日菜，選了這家鳥居居酒屋試試。餐廳內部不大，用上的裝修亦很有日本在地居酒屋之感。午市有提供不同套餐，亦有些豐富一點的一人前套餐，與友人選了一份串燒牛肉定食及一個黑毛豬一人前分著吃。先來了2客茶碗蒸、麵豉湯及前菜。蒸蛋滑溜，湯亦夠熱。串燒定食前菜三選一下選了秋葵，而一人前的前則選了蟹肉芝麻凍菠菜，用上的蟹柳是有鮮味的高質貨，配上麻醬及菠菜，挺開胃。串燒牛肉定食有2串鹽燒牛肉及1串厚切牛舌配1碗白飯。鹽燒牛肉嫩滑，帶有陣陣炭香，燒至大概7成熟，肉汁豐富。厚切牛舌燒得剛好，內𥚃帶點粉紅色，牛味香濃且很爽脆，厚切口感亦超棒，配上一口白飯，太滿足了，必點！一人前套餐附有一客4件刺身及酒煮風紋貝。刺身都非常新鮮，尤其蝦及帆立貝很鮮甜。酒煮風紋貝實為清酒煮蜆，蜆肉有6粒，粒粒肥美，精華在於湯，充滿蜆的鮮味 。主菜燒西班牙黑毛豬脊蓋柳看起來平平無奇，吃下驚喜地肉汁豐富，肉質彈牙，調味帶點香草，加上炭火的香味，更吃到豬肉的油香。旁邊配的醋青瓜絲有解膩作用，與豬同吃添上一點清爽。日式炒雜菜味道不錯，平衡了吃了不少肉的膩感。豐富的一人

鳥🦜居居酒屋🏮呢間居酒屋係我食日本燒烤的首選，因為慢火燒得細緻，食物都保留原汁原味。今日我連午餐都想去食。發現原來有午市套餐！我同老公一人一個餐，交換食，好滿足。日本鰻魚飯定食鰻魚又長又香，翻開仲有一大份蛋包飯。鰻魚好爽好入味，醬汁連埋啲飯食好開胃。極上6本好鍾意佢嘅燒物😍😍蘆筍豬肉，啲蘆筍仲流晒汁咁，好多汁鮮味。銀鱈魚🐟又香又鬆開！經過咁樣燒烤，啲油迫晒出嚟，就更加香。一夜干雞翼，燒嘅功力真係冇得頂，完全唔覺得熱氣，只係感受到燒烤嘅惹味香脆。前菜茶碗蒸吸物喜歡💕這用心的前菜👍🏻

如果喜歡飲清酒🍶，這裡絕對係一個唔錯嘅選擇，這裡位於銅鑼灣軒尼詩道525號澳門逸園中心位罝十分方便，餐廳內嘅佈置十足日式居酒屋感覺！店員推介了幾款清酒給我們選擇，因為做緊買一送一優優，當然飲得號朋友真係好開心，由店員推介了枝久礼生原酒同埋之石鎚純米大吟釀，價錢差不多，但口感不同，久礼嘅口感清爽，帶有菠蘿、白桃香氣，而石鎚純米大吟釀入口就有著清淡優雅的蘋果香氣，飲了一輪就點了啲食物佐酒小食鮮菜沙律🥗上有蟹柳絲配上新鮮爽口沙律菜入口清新！燒茄子田樂🍆，茄子以日式麵豉調味焗香，口感柔軟焦香，上面再放上鰹乾片屑碰到熱燙茄子冒出的蒸氣，會像跳舞一樣收縮扭動，有動感之餘，入口美味軟淋自家製月見免治雞肉棒免治雞肉再加上美味的月見汁，焦脆的雞軟骨串混合金黃色的蛋黃，一口咬下去，雞軟骨不會太硬，一邊吃一邊卜卜作響，有咬口又有好香雞味，佐酒一流。白金豚肉白金豚肉燒得好有油香，夠晒肥美，肥肉到皮面少少焦脆，入口味道超香濃入味！燒秋刀魚現在當造既食材就當然唔少得嘅秋刀魚喇,識食朋友都點了黎試試。原條秋刀魚燒至外皮微焦上枱，加埋個醬汁入口， 食落有獨特既甘苦味。還要追加杯Suntory生啤🍻，愉快晚上過得特別快

香港有好多居酒屋，要搵一間質素好、有日本feel、又適合同三五知己飲住sake傾偈真係唔容易，咁都比我搵到呢間銅鑼灣既鳥居居酒屋，每道菜式我都好滿意，仲要有超多sake選擇，啱曬鐘意飲sake既朋友-蟹肉芝麻凍菠菜新穎既前菜，菠菜雪凍加埋芝麻醬爽口開胃-五品刺身拼盆各款厚切刺身都好新鮮，特別鐘意肥沃嘅帶子，夾層嘅檸檬片令鮮味更加突出-燒秋刀魚燒前搽左醬汁，一食已經入曬味，要小心秋刀魚比較多骨，怕骨既朋友可以選擇其他時令魚-網燒活南非鮑魚鮑魚有口感，上面嘅香草絲滲出淡淡檸檬香-燒鮮活紐西蘭產蟶子一咬落去係超香嘅牛油味，足水份唔會乾，夠大隻啖啖肉-秋葵牛肉卷外層牛肉卷肥瘦適中，中間秋葵外皮有咬口，加上秋葵內層既黏液，好有層次感-明太子玉子燒玉子燒蛋香好夠，夾層有滿滿既明太子，鹹甜交織-自家製月見免治雞肉棒雞肉棒有好重芝麻香，咬落仲有粒粒雞軟骨-厚切牛舌超級推介！呢種厚度要燒得熟之餘要唔韌唔乾真係考功夫，簡單鹽、黑椒已經調出牛舌既鮮味-薩摩雞翼一夜干先焗再燒，雞肉入曬味，塊皮超級脆口-鹽燒粟米 白色粟米好爽甜，仿如感受到來自日本大自然嘅水源，粟米用左鹽燒，鹹甜味道係口腔裡面交纏，令人慾罷不能

好耐冇約了朋友出黎吃晚飯，朋友話想食串燒，所以就選了鳥居居酒屋。居酒屋位於銅鑼灣澳門逸園中心，鄰近地鐵站。餐廳裝修以木風格爲主，充滿日式居酒屋風味。牆上寫滿推介美食。午市定食非常吸引。胡麻豆腐豆腐軟滑，入口即溶，香氣四溢。精選5本自家製月見免治雞肉棒雞肉雞軟骨比例恰到好處。西京鮎魚肉質緊實帶柔軟。雞軟骨外酥內脆，口感豐富。芝麻雞肉串雞肉燒香氣，芝麻香氣突出。冬菇肉身肥厚，入口軟滑有菇味。生雞蛋拌飯，一碗白飯、一隻生雞蛋、醬油，輕易做出幸福味道。蟹肉芝麻凍菠菜菠菜新鮮翠綠，配上蟹肉，非常清新。先付四點三文魚厚切，油甘魚入口甘香，帶子肉質爽口，蝦嫩滑鮮甜。海鮮蒸蛋雞蛋與高湯比例完美，口感滑嫩。酒煮風紋貝酒煮熱後味道更加香濃，風紋貝肉質鮮甜，兩者實在是絕配。日式炒什菜炒後口感仍然保持爽脆，味道清甜。白蜆味噌湯味噌味鹹，白蜆味甜，兩者混合，平衡兩種味道。燒西班牙黑毛豬脊蓋柳肉質細膩爽口，帶有淡淡橡果香味。日式白湯烏冬湯底濃郁，烏冬滑溜溜。燒日式糯米糰糰子綿軟有彈性，芝麻香氣分明，甜度適中。咖啡層次豐富並帶有強烈回甘味道。

朋友生日好難得夾到時間出嚟慶祝！星期五飲少少酒放鬆吓特別開懷，壽星仔選擇佢最愛嘅日本菜，飲酒食日本串燒，食神有好介紹，銅鑼灣的鳥居居酒屋 。室內裝修充滿日式居酒屋情懷，地點十分方便，sogo shopping 完行過隔離就係銅鑼灣澳門逸園中心。嚟到先睇到原來清酒做緊優惠，正呀！好多特色清酒，$600 以上做緊 買一送一優惠，平均唔使 $500 一大支，啱啱睇 SOGO 超級市場都唔止呢個價錢。問店長有冇乜嘢清酒推介！店長經驗豐富，清酒知識頗佳，我哋都揀到心頭好。日本酒 $600以上 買一送一越乃雪椿 月之玉響 原酒 純米大吟醸以参加全國新酒鑑訐會同一批酒之限定作，豐盈酒香彷如完熟蜜瓜，梨，蘋果般甘甜，芳華中五味皆具層次地展現。醸酒用米種：山田錦精米歩合：40%釀酒水源：千年悠水久礼 手詰直汲 生原酒 特別純米旨味能細緻地展露出優雅酒香，酒香具層次渐進，無滤過生原酒之酒體令人回味難忘。釀酒用米種：松山三井精米歩合：60%醸酒水源：四万十川源流名水幾款日本酒都入口甘香，酒香味十足，香氣清新，配搭肉類、海鮮串燒最好不過！蟹肉芝麻凍菠菜賣相誘人，凍菠菜鮮甜多汁，上層鋪滿蟹肉、芝麻，非常開胃

相信喜歡吃美食的朋友對於銅鑼灣澳門逸園中心也不會覺得陌生，今天和朋友專程在這裡覓食，上網看見這間餐廳有午市套餐，所以決定來試一試。我們每人也點了一個午市套餐一起吃，午市套餐都會配麵豉湯和茶碗蒸，麵豉湯不會過鹹，材料豐富，有大大隻蜆肉。茶碗蒸的蛋很滑，而且蛋味香濃。溫泉蛋燒鳥定食（＄128）：前菜有麻醬豆腐，豆腐配麻醬一向都是絕配，而且豆腐很滑身，芝麻亦很香。串燒有：雞翼，皮燒得香脆，調味剛好。雞肉大蔥串，雞肉嫩滑，而且雞肉吸收了大蔥的香味。冬菇燒得很香，很juicy，不會燒乾。西京鮎魚有甜甜的調味，而且魚燒過後仍能保持肉質嫩滑。溫泉蛋飯能吃到飯香，而且配上溫泉蛋的香濃蛋味很滋味，很容易就能吃完一碗飯。一人前套餐（＄428）：蟹肉芝麻凍菠菜：本身很喜歡波菜，不但營養價值高，而且新鮮爽口先付4點：每樣刺身都很新鮮，能吃到鮮味，而且厚切大大片，沒有腥味。燒日本活帆立貝：這道很有驚喜，剛剛燒好非常熱，熟度適中，口感剛好，有蒜味調味之餘又不會搶去活帆立貝的鮮味，體驗到廚師的功架，而且大大粒。A4和牛脊蓋柳：第一次吃這個部位，口感柔軟，肉質粉嫩，油脂亦很香，份量很多。日式炒雜菜：炒很很香很惹味日式

平時放工約朋友食飯,最鐘意搵唔同既居酒屋試下. 今次就去左呢間位於銅鑼灣, 網上超多好評既鳥居居酒屋食飯。一入到餐廳已經覺得氣氛非常唔錯, 環境有少許氛暗,岩晒同朋友促膝詳談。食物方面選擇都幾多,一般居酒屋有既呢度都有, 但價錢就有少少貴.✨燒秋刀魚 ($248)要數秋天當造既食材就當然唔少得秋刀魚喇,見餐廳有得食我同朋友就叫黎試試。秋刀魚燒至外皮微焦, 食落有獨特既甘苦味。✨汁燒魷魚筒($108)算係幾抵食既一道菜, $108有成隻燒魷魚, 上面塗上左甜甜既燒汁, 口感彈牙。✨白松貝刺身($368)店員推介既時令刺身,價錢有少少貴但真係新鮮好食,而且份量都幾多。白松貝亦即象拔蚌, 味道清甜爽口,非常鮮美。✨燒鵝肝($108)鵝肝向來係我既favourite, 剛剛燒起既鵝肝非常肥美, 啖啖油香,食幾多都唔夠。廚師將鵝肝放係✨燒大啡菇($42)上, 等大啡菇都沾滿油香。✨雞翼一夜干($38)除左上面既燒物外我地仲叫左幾款串燒,其中我比較鐘意既係呢款燒雞翼,據說係經過左一晚既風干處理,所以又名一夜干,食落口感香脆之餘又好入味。

最近同朋友係銅鑼灣食左呢間居酒屋，餐廳價錢定位偏高，無諗過最後埋單每人要八百幾蚊，但好彩整體食物味道都幾高質，燒物燒得相當入味，對得住個價錢。黎到居酒屋緊係唔少得要叫杯柚子梅酒佐菜，柚子味道突出，飲落清甜可口。燒秋刀魚而家正值係秋刀魚既當造季節，於是我地就叫左條燒秋刀魚試下啦~秋刀魚燒得十分香口，而且魚肉肥美嫩滑，滋味十足。象拔蚌刺身平時好少食象拔蚌刺身，估唔到味道咁鮮甜，食落非常爽脆。汁燒魷魚筒魷魚份量慷慨，口感爽口彈牙，味道香濃入味。厚切牛舌每次黎居酒屋都會必叫厚切牛舌。呢到既牛舌滑嫩juicy，而且厚度適中，超級高質。鵝肝牛油大啡菇鵝肝油脂豐富，入口即溶，其油脂味完全滲入底下既大啡菇，令成個大啡菇味道層次升華。露荀豬肉卷露荀鮮甜多汁，配上外層包住既豬肉，非常美味。雞翼一夜干雞翼燒得外脆內軟，外層帶有微微焦香，食落十分惹味。最後我地甜品叫左個吉士麻糬窩夫，味道中規中矩，略嫌麻糬唔夠煙韌。

上網睇咗啲食評，以為幾好，就諗住試吓。上到嚟原來有限時1小時45分鐘。打開餐牌，揀咗好幾款串燒，跟住有個姐姐主動過嚟介紹有咩好食，不過佢話所有串燒都要兩串起，咁我兩個人食，口味一定要好夾先得喎。咁都算啦，我哋叫咗三款串燒同燒魷魚，第一串係鹽燒牛肉，咬落去真係嚇親，係凍嘅，懷疑係咪忘記咗燒，直接喺雪櫃拎出嚟㗎？跟住係雞皮蝦，呢個還可以，不過隻蝦就細啲囉，$42一串然後係燒雞串燒魷魚 餐廳唔算大，但坐位偏窄，侍應算多人，但想要杯水都要叫兩次先有人記得，都係決定去第二度再食過。最後兩個人埋單$400

銅鑼灣食日本嘢，有時都覺得餐廳價錢都偏貴，難得呢間餐廳做緊二人套餐優惠，清酒又有特價，埋單都算經濟實惠。前菜蟹肉芝麻坡菜，揸乾水份嘅菠菜同埋日式麻醬及少少蟹肉，簡單但好味，完全正宗日式居酒屋嘅味道。燒雪魚乾，送酒的佳品，之前聽新聞報道雞泡魚乾真係中毒，所以依家都少食。刺身-日本產白象拔蚌，味道係特別鮮甜，又特別爽身，充滿鮮味又唔會腥。海鮮-味噌燒日本帆立貝，濃郁嘅味噌有少少似芝士嘅發酵味道，跟鮮甜嘅帆立貝味道好配合。紐西蘭活聖子，帶牛油蒜及香蔥嘅味道，非常惹味。串燒有免治雞肉棒，蘆筍豬肉卷及手做豆腐，豆腐燒後充滿驚喜，燒到外皮香脆內裏面軟滑，少少豉油在面，味道已經好豐富。燒物四選一，有馬友，西班牙黑毛豬，安格斯牛小排及味噌燒龍蝦。揀咗龍蝦，隻龍蝦上枱分量十足，連碟都不夠放，味噌配合鮮甜彈牙嘅龍蝦，味道有幾新鮮，帶日式嘅味道。主食-加拿大海膽配冷稻庭烏冬。稻庭烏冬非常彈牙，配合冷麵汁及旁邊大量嘅海膽，又香又濃，非常濃稠嘅口感，吃完海膽回甘味道充滿整個口腔。最後的朱古力窩夫，夾住中間朱古力雪糕，賣相精緻又幾好味！