鳥居居酒屋

營業中

休息中

去銅鑼灣食串燒，中午相對會抵食，有不同的set lunch 可以選擇！套餐都包了前菜，茶碗蒸，同埋miso soup,仲有主菜同白飯。先上特選6本，是不同的6款串燒！冬菇灑上了海鹽，微微的調味是剛好入口，幾好食。西京點魚 魚肉鮮味，熱辣辣加分。另外一讚的是鹽燒牛肉，肉味濃，熟度剛好，不會套乾柴。另外一款叫了特選5本，不同的是雞軟骨，芝麻雞肉卷得！雞軟骨脆卜卜的，咸香的好正！自家製免治雞肉棒又好有心思，雞肉加上生雞蛋汁加上鮮味！芝麻雞肉卷是灑上了芝麻，更加香口！茶碗蒸的蛋十分滑溜，蛋味香濃！面豉湯仲有蜆係湯裏，加分不少！

呢排天氣太熱啦！行完sogo一出黎都唔想郁，轉右行少少就到呢棟好多餐廳嘅商廈。有少少居酒屋style嘅日本餐廳。一份大人氣嘅極上6本配白飯溫泉蛋燒鳥定食前菜，麻醬豆腐，麻醬秋葵，每人一份茶碗蒸同味噌湯。薩摩雞翼一夜乾，係用鹽醃咗一晚再燒，脆身d，但唔會好咸。鹽燒牛肉，好簡單嘅黑椒同鹽燒，吊出牛肉本身嘅香，燒過令牛油勁香！鵝肝同菇一齊，燒嘅時候吸晒鵝肝嘅味。仲有豬肉卷露筍，筍吸咗豬肉嘅油同香，燒銀鱈魚唔加檸檬汁都唔腥。朋友嗰set係溫泉蛋燒鳥定食，有串燒雞肉大葱同時，雞翼同冬菇，配紫菜溫泉蛋飯。飯加咗醬油，入口感覺無咁濕同腥。跟餐嘅飯有d細，加多每人一碗先夠食

今天和媽咪來了銅鑼灣逛逛街，之後來了鳥居居酒屋用膳。甫入門口，已感到很有居酒屋的氣氛。我們叫了兩個午市套餐，一個是一本鰻魚飯定食，和串燒牛肉定食，跟餐還有前菜、茶碗蒸及麵豉湯。前菜：有蕃茄和秋葵，健康清新。茶碗蒸：蒸蛋嫩滑。麵豉湯：熱騰騰的，味道不鹹。一本鰻魚飯定食：大大條的鰻魚非常吸睛，肉質很有彈性，和滑蛋一起伴飯，確是一大享受。串燒牛肉定食：共有三串串燒，一串牛肩胛肉，及兩串鹽燒牛肉。上枱時已聞到陣陣香味，入口牛味濃濃，肉質亦細嫩，廚師控制火候得宜，隨餐跟白飯一碗。整體來說，印象很好，食物高質素，招呼親切，套餐款式亦多，下次會再來試試其他

呢間我都有嚟過晚市，都喺第一次嚟試午市。佢哋午市嘅set性價比都算幾高，一個餐有跟前菜、麻醬豆腐、味噌湯，午餐嚟講都算豐富。第一個set叫咗串燒牛肉定食，分別有牛舌同鹽燒牛肉。先講講個厚切牛舌，光看牛舌嘅厚度就令人垂涎三尺。師傅適宜地掌握火候，牛舌肉質鮮嫩，口感彈牙又多汁，每一口都喺滋味嘅享受，讓人讚不絕口。第二個set喺特上6品，喺提供6種串燒嘅套餐，分別有鹽燒牛肉、牛舌、鯰魚、秋葵、雞翼、冬菇。串燒喺即叫即燒，師傅手勢好好，每一串都外皮香脆，仲有唔同類型嘅串燒款式可選，呢個set絕對回本！鐘意食串燒嘅都可以假日同屋企人或三五好友相約來大快朵頤！

今天跟老公去銅鑼灣逛街，上網找到這居酒屋🏮，好評很多，環境又蠻有特色，於是決定試試看。裡面環境昏暗，氣氛和裝潢也很日本🇯🇵。星期日也有午市定食🍱，太好了。我們兩隻牛魔王點了串燒牛肉定食和特上6本，另附有味噌湯、前菜、蒸蛋及白飯。1️⃣ 串燒牛肉定食 $138 🐂黑牛頂葉片1串和鹽燒牛肉2串。牛肉味香，肉汁豐富，肉質鮮嫩富彈性。2️⃣ 特上6本 $168 🐂🐓🐖🐟鹽燒雞翼、露筍豬肉卷、厚切牛舌、鹽燒牛肉、西京鮎魚和冬菇各1 串。特別喜歡露筍豬肉卷，豬肉脆卜卜很香，跟露筍一起吃口感很好。厚切牛舌也十分好吃，口感爽口，一點也不硬，加上鹽和檸檬汁已經很美味了。第一次食鮎魚，味道很獨特，甘嫩清香，我老公特別喜歡。食物味道好，服務也很友善周到，很滿足的餐❤️，一定會再光臨。

瞓醒覺就係諗食野的時候啦，難得休假，當然要食好的的啦！日本餐係熱門之選，去到銅鑼灣搵食，烏居居酒屋🏮設計風格似日本，黎個午市定食，鰻魚係我最愛，餐廳仲係用原條鰻魚做定食，加上醬汁，仲有滑蛋起飯上面，一口咬落去好好味，有濃濃的醬汁味，味噌湯配上真好。朋友特別愛食燒物，所以叫左燒物定食，有西京鮎魚，芝麻雞肉串，雞軟骨，冬菇，特別推介自家制免治雞肉棒，點上新鮮蛋汁一口咬落去口感好正！下次可以再試試其他定食😋

剛剛收到$1000消費券，我消費了$930購買三本水彩畫簿，同行家人除了幫忙拎重甸甸畫簿，還使用他的消費券，請我到「鳥居居酒屋 」享用日式午飯。家人楝的特上6本十分吸引，包括：雞翼、鹽燒牛肉、厚切牛舌、西京鮎魚、露筍豬肉卷和冬菇配白飯。我選擇是一本鰻魚飯定食。兩款前菜：泡菜、冷奴、茶碗蒸和味噌湯味道都滿意。六款串燒各有特色，燒雞翼皮脆有肉汁，鹽燒牛肉肉質嫩滑，鹽燒令肉鮮更突出，我的至愛厚切牛舌軟滑到不得了！第一次嘗試西京鮎魚，美是味又非常腍滑的魚肉，露筍豬肉卷是成功的組合，燒得酥香脆口的薄豬肉片，咀嚼間滲出清甜爽脆露筍，令我一試難忘，燒冬菇，菇香撲鼻。厚切牛舌與露筍豬肉卷串燒，三件一組裁切成大中小，驟似長形小扇子，感覺很整齊美觀。我選擇是一本鰻魚飯定食，鰻魚長度可與筷子相比，的確超級大塊，很喜歡鰻魚綿滑口感，淋上以略甜醬油味道很夾，紫菜絲加強香與脆口感，鰻魚下還有炒滑蛋，下飯一流。餐牌上可追加的小食日式糯米糰一定不可錯過，，燒香的脆皮糯米糰，外脆內軟，滿滿的黑芝麻饀吃得滿口芳香，無論小食或當甜品皆宜！

同其他差評一樣，都係比700幾個好評引左入去🙄🙄🙄本人都好少寫食評，不過真係要警世一開始睇餐牌都冇講，到落order嘅時候先講話每一款要兩串兩串咁嗌 （可能我哋兩個都睇唔到Menu有寫啦），好啦咁由佢啦，唔通行出去咩。首先嗰兩串雞嚟到，份量唔係話特別大，都又再由佢。點知下一疊個鱔魚上嚟，真係眼都突埋！擦膠咁細舊？！好似求其俾少少嘢敷衍下你咁，大佬啊可唔可以唔好咁寒酸，件事好唔得體，隻碟細過你手心，一開始仲同男朋友講嗌咁多串，張豆膶咁細嘅枱會唔會擺唔落，點知原來個份量細到咁，講緊係嗰兩串嘅份量應該只可以combine當係一串🙄🙄🙄（抱歉唔係一個foodie, 本身亦冇打算寫食評，所以從來冇影相，可以參考其他人嗰啲）他們的王牌雞肉棒，我和男朋友都覺得很失望，感覺像免治雞肉加醬油。雞翼方面，比較淡和老。魚方面，油份有點過多。自問我都唔係大食，同男朋友兩個人食，食得個六七成飽都已經$1,5xx ，每樣嘢都係迷你版。好啦我當你行精緻路線，吖佢又唔係好食㗎喎😀😀😀價錢： 貴分量：細食物質素：非常一般性價比：低。係非常低呀媽咪

近來愛上居酒屋的Vibe，點杯酒、吃串燒暢談近來的快樂事、煩惱事、瑣碎事✅燒鮮活 紐西蘭產聖子 ($128)✅明太子玉子 ($108)✅原板馬糞海膽雲丹稻庭烏冬 ($198)✅燒味噌半殼蠔 ($78)✅厚切牛舌 ($68)✅自家製約見免治雞肉棒 ($58)✅黑牛頂葉片 ($68)✅蘆筍豬肉卷 ($34)✅薩摩雞翼一夜干 ($38)✅生海苔松露醬雞肉捲 ($38)✅PP Tiki / 自家梅酒 ($68/$78)✅吉士麻糬窩夫 $78最震撼的當然是...原板馬糞海膽雲丹稻庭烏冬!!一口海膽一口冷烏冬超幸福～薩摩雞翼一夜干非常香口❤️已風乾一夜的雞皮燒起來很脆 (推)黑牛頂葉片牛味很重👌燒蠔的醬是廚師自己調的喜歡蠔的人一定覺得好吃最後以甜品吉士麻糬窩夫做結尾不膩不過甜的綿密感 超級幸福🤤食物味道不錯❤️但由於去的時候全餐廳滿座🙀座位也相對比較擠迫喔大家去之前記得訂座!!

如果我有期待去食呢間餐廳，大都會感到失望。朋友同大家一樣都係慕名而來，都係嘗試市面上少見嘅雞部位串燒，3個女仔埋單$1423先講失望地方。到餐廳時現場客人有2枱4位、1枱2位同1枱1位，而我哋第5枱，入座後見2位樓面忙到踢晒腳，帶入位之後就冇時間理我哋，等咗10分鐘喇，staff先感到奇怪，拎住menu過嚟問：有咩幫到你🤣，我哋就係想要menu～之後15mins先幫我哋set 枱，亦都係點解我哋未落單已經有壞印象地方。第二貨源不足，都係香港居酒屋小店常見情況，冇白桃梳打、自家制梅酒，但串燒大致上都有嘅～第三，自己熱氣冇乜食串燒，全晚只係食咗個咖哩飯同千両茄子。咖喱幾香，雞肉有炭火味，味道口感一般，致命位係雞肉熟唔晒😂我知日本有雞刺身，但冇expect食到黑咖哩雞肉刺身飯第四，我覺得minor d 嘅，menu 上冇寫清楚量詞，唔知道係一串定一客，我2 個frd 就瀨咗嘢，叫咗2份牛舌芯，以為2串點知係2客，佢哋嗰絕望表情真係好好笑，因為已經飽到食唔落。啊！仲有要留意清楚啲咩，我份千両茄子應該真係千両，係日本細茄子對半🤣第五，上菜速度，4ppl 嗰2枱都不滿呢點，1枱食到尾聲係谷住氣走，

這間居酒屋已經開業多年，星期日來到的時候，竟然人流不多。餐廳保留了居酒屋一貫的特色，燈光偏暗，很適合和朋友喝酒聊天，座位的距離雖然有點近，不過由於隔板也相當高，所以增加了私隱度。一本鰻魚飯定食 $168 這條鰻魚超級巨型，差不多有八吋長鰻魚下還有滑蛋，最底下差不多有兩碗飯，分量十足。特選串燒定食 (6本) $168蘆筍豬肉卷、厚切牛舌、 鹽燒牛肉、西京鮎魚、冬菇、雞翼串燒質素穩定，不會燒得太乾。最喜歡是牛舌，不乾也彈牙豬肉卷的口感也不錯，外層還有爽口的蘆筍。

呢間係以串燒為主嘅居酒屋，所有串燒都係即叫即燒，所以食客落完order 都需要等一陣叫咗兩個lunch set，侍應好快就送上前菜，湯➕️蒸水蛋前菜分別有芝麻醬豆腐同泡菜，豆腐連埋個醬嘅味道比較清淡，泡菜唔會太辣個味噌湯有蜆，食落爆汁，都算肥美蒸水蛋個味道都係比較淡温泉蛋燒鳥定食 $88呢個餐係配温泉蛋飯，食落唔會太dry燒物🈶️雞翼、冬菇、雞肉大蔥雞翼同埋雞肉都燒得剛剛好，唔會燒得太燶或乾身極尚六本 $268呢個餐係配白飯，串燒有鵝肝、露荀豬肉卷、鹽燒牛肉、銀鱈魚、冬菇、薩摩雞翼一夜干我就最鍾意呢幾樣👇🏻銀鱈魚燒得又香又滑，好好味😋鵝肝都幾大舊，但食落唔會太油膩雞翼好香好juicy

其實好多年前我都嚟過鳥居居酒屋嗰陣都真係尚算好食今日再來，簡直食到嬲啲好評係從何以來？？首先上到去環境超級昏暗居酒屋還居酒屋都冇理由黑到咁都算啦因為佢都幾抵食既有前菜，茶碗蒸，麵豉湯再加一個主食仲要有九折添喎！終於都知點解佢會有折因為上到去真係無乜客得幾枱都心知不妙我見好多人都推介佢個定食咁我就照嗌最多人揀嘅溫泉蛋燒鳥定食前菜係豆腐同秋葵嗰舊豆腐仲細隻過我隻手指公條秋葵仲細嗰隻手指尾我唔係搞緊笑…..係真嘅大佬個前菜咁樣你倒不如慳返啦個麵豉湯得半碗又鹹…….又凍我去元氣食起碼佢都係熱………..茶碗蒸呢一啲味都冇連蛋味都冇呀陰公最伏問伏都係呢一個茶碗蒸都係果句如果你咁Hea倒不如你慳返啦諗住個主菜會好啲個溫泉蛋呢就好似雪櫃咁凍嗰啲飯又喺凍大佬呀呢度香港嚟你估真係日本咩係個串燒叫好味番少少但係都係冇乜調味雞翼就好似就咁燒咁唯一可以讚嘅係燒得幾脆個京蔥燒雞柳呢都係冇乜味呢度個廚師個味覺係咪有問題係個冬菇正常少少但都稱不上好食男朋友就叫咗串燒牛肉定食（$138）有兩串牛肉同埋一串牛脷啲牛肉比較騷唔係好食但係唔係難食囉題外話經理成日都大大聲喺度鬧個男侍應真係好影響人哋食飯嘅心情其實有啲乜嘢要講不

📍鳥居（銅鑼灣）🍽 Yakitori with soft-boiled egg set + Supreme 6 kinds Assorted 😋 終於完sem喇!!! 真係要食餐好獎勵下自己~今次同屋企人嚟到呢間位於銅鑼灣嘅居酒屋，距離sogo只係十秒鐘距離，交通好方便(≧▽≦)成個地方嘅design充滿日式風格，店內都keep住播日文歌，好似真係去咗日本咁~（🥺🥺快啲開關啦！！！）🍱 Yakitori with soft-boiled egg set $88溫泉蛋整得啱啱好~而值得一讚嘅係佢哋嘅雞翼！整得好脆，咬落仲bit到小小油出嚟，肉又好鮮嫩，好滿足！雞肉大蔥嘅組合都頗出色，係值得一試嘅選擇！🍱 Supreme 6 Kinds Assorted $168呢個set裡面有鹽燒牛肉/西京鮎魚/厚切牛舌/露筍豬肉卷/雞翼/冬菇首先必須要大讚佢哋嘅鹽燒牛肉，真係整得好出色！咬落好juicy，肉質肥美鮮嫩，口感超正！而牛舌亦都表現不俗，口感好優秀~我本身就唔食冬菇🙈但聽翻朋友評價都整得好特別，冬菇fans可以嚟試下!🍱 佢哋贈送嘅前菜都頗出色，燉蛋好嫩滑、湯好好飲o(^▽^)o 店員服務態

終於放寬限聚加上消費券，星期日便約埋女兒出去逛逛，銅鑼灣街明顯很多人，肚餓了找地方食晏，亞女建議居酒屋食串燒，她推介澳門逸園中心17樓的鳥居居酒居，這間是得到優異奬的日本餐廳。門口擺設有點像到了日本的feel ，門外掛了幾個奬項及食品介紹，味道應該一定有水準。我們各自叫左一本鰻魚及特選5本定食套餐，套餐包括吸物（海帶清湯），茶碗蒸（蒸蛋）及前菜，前菜也有幾款給選擇，我們都是獨喜泡菜😋,鰻魚好大條呀😱，上面舖滿紫菜，鰻魚汁不會太多，鰻魚下還有雞蛋，這樣鰻魚定食都特別，而特選5本是幾款串燒，串燒質素很不錯，不過火還保留原有的肉汁，優異奬真是實至名歸。